上網見到有人分享呢一間外賣店 仲要係2023米芝蓮推介 見到啲叉燒好吸引，今日咁啱經過附近就決定去買呢間食 選擇都有好多，價錢算抵 有自助點餐機好方便 叫咗個黑叉燒蔥花炒蛋飯 啲叉燒同出邊食開嗰啲唔同 黑叉燒，出邊冇乜幾間有 相對油香味勁啲 揀咗個西關瀨粉，勁足料 另外再放豬油渣超正 有跟炸糭兩件，入邊都有佢哋嘅招牌叉燒 炸左之後，食落比平時的糭 冇咁流 可以當小食食 另外仲叫咗呢個炸物 燒賣加埋XO醬好正 其他炸嘅嘢食落去好脆口，油度控制得好好 食落唔流 最後飲埋佢哋自製嘅紅豆沙、綠豆沙作結尾 紅豆沙、綠豆沙勁足料 差唔多半杯都係啲紅豆、綠豆 咁落唔會超甜 味道控制得幾好 整體嚟講食物價錢算抵同好食 店員姨姨有笑容有禮貌 下次經過開再可以幫襯

今日去夜繽紛附近有啲肚餓 見到呢間餐廳有木桶飯大大份好吸引，仲有啲超值套餐 環境都幾乾淨，唔會油淋淋 所以就入去試吓 入到去見到有個食緊飯嘅人 即刻企起身serve我哋 原來佢係店長 我哋坐低後佢就即刻沖咗壺茶俾我哋 由於我哋真係好肚餓，就叫個酸菜魚超值二人餐 呢個手拍青瓜，一睇已經知道係好入味 食落去果然係咁樣，仲唔會有啲冰凍雪味 非常好 開頭以為小炒係農家小炒肉同有機花菜二揀一 點知最後兩樣都有 仲要勁大碟！ 由於我同咗店長講食唔到太辣，咁佢就幫我落微辣 啲小炒肉微辣又唔會太鹹 炒得好有鑊氣好正 肉嘅份量都多食極都仲有 酸菜魚 一上菜勁大盤，魚嘅份量係極多！ 同埋都好嫩滑，配菜都俾得好大方 調味亦都係好有層次，唔會勁酸 呢個餐雖然話係二人餐，其實份量多到絕對夠三至四個人食 真係超抵食 我哋成餐飯都見到間餐廳不斷接外賣平台單 非常之忙碌 店長基本上冇停過 出菜、落單、收錢、撳外賣平台、包食物 全部都係佢做 樓面員工不足，搞到客人都要等少少時間先至可以落到單 佢自己餐飯到我哋食完佢都仲未有機會完成 搞到都唔好意思打攪佢 最後勤力好客又有禮貌的店長都不忘同我講 之後會推出湘菜蒸飯 可以再嚟食吓 不過我想佢快啲食佢餐飯先

經過佐敦見到呢個間西餐廳 睇落個價錢唔係好貴 又諗唔到食咩就試下佢 可以選擇都好多🍝🍕🫕🥩 揀咗個最唔使用諗太多嘅二人餐 黑松露芝士薯條 黑松露道濃郁 再加埋芝士超級邪惡 薯條🍟個份量都算大 跟咗兩杯果茶 飲落都算OK 同埋兩個白湯 龍蝦汁虎蝦意大利飯 虎蝦擺盤好靚 食落都唔會煮得太老唔會鞋口 龍蝦汁意大利飯食落唔會好流 食晒成個都冇問題 西班牙黑毛豬鞍 黑毛豬鞍厚切已經入口Juicy 再點埋個汁真係好正 個汁就係解返豬嘅油膩度 再配埋焗薯🥔 一定飽肚 最後以cheese cake作為結尾 cheese cake味道剛好 餅身軟硬程度都合適 呢間平靚正之選，可以再encore

行過見到呢間咁樣幾得意 就睇吓入邊有啲咩食 有飯有漢堡🍔，仲有啲腸粉同其他小食 買來做外賣一流 仲有個炸燒賣配咗勁多款嘅醬汁 簡直令人眼花撩亂 今次呢就嗌咗三個嘢食試吓 有酥炸魷魚鬚🦑 呢間炸得幾好，個皮夠薄脆 唔會好多粉 魷魚🦑味都出嘅 仲叫咗呢個炸蠔，即叫即炸 入口嗰下都好辣嘴 食嘅時候小心啲 啲口都幾鮮味，個皮又好脆 最後仲有個芝士安格斯漢堡 見到黑蚊蚊幾得意，所以試吓 漢堡都幾厚🍔 安格斯牛肉嘅味都濃郁 但由於個漢堡包的皮太厚會關係 所以覺得有輕微乾，唔係好夠juicy 不過整體都好食嘅 整體嚟講呢間嘅炸嘢非常好 可以再encore

行過旺角見到呢間專賣蔗汁嘅舖頭🎋 平時人哋蔗汁都係跟涼茶或者小食 呢間淨係買蔗汁，等我睇吓啲特別先 佢蔗汁可以配果汁或者咖啡☕️等等☝️ 真係幾特別 我發現咗佢嘅蔗汁就可以配我最愛嘅西瓜汁 所以即刻嗌一杯 飲落去超正 蔗汁甜甜地再加西瓜汁 兩個味加埋唔會話好怪 飲晒成杯都仲想再飲 朋友就揀咗呢杯蔗杯美式 咖啡嘅苦味加埋甘蔗嘅甜味 幾特別 鍾意飲咖啡嘅朋友，可以試吓 間鋪邊係一面牆，舖頭都幾有心機設計好可以俾人打卡 呢間舖頭調配嘅甘蔗汁幾正 未試過朋友值得去試吓 另外佢個杯個位置仲有得抽獎，我都抽中咗一個

茶餐廳喺香港最常可以食到嘅嘢 呢間嘅分店之前都有喺旺角食過唔錯 今日行到尖沙咀見到呢間 乾淨企理決定再就入去食 作為茶餐廳嚟講，佢款式絕對算係齊全 甚至連羊腩煲都有 今日揀咗呢個沙嗲粉絲肥牛煲配白飯 呢一間啲肥牛都好足吓 沙嗲味啱啱好唔會太鹹 粉絲煮得熟得剛好唔會熟得滯 用啲沙嗲汁同粉絲撈飯 仲有呢個龍鳳檸樂 唔係間間茶餐廳都有 咁我揀咗配中湯，湯料都幾足 好味 最後叫咗個厚多士（牛油煉奶） 作為結尾 成個多士好脆，配埋牛油同煉奶極邪惡 整體嚟講呢間水準維持得唔錯 店內環境乾淨企理 就算係其他分店都保持到 可以繼續食

今日朋友帶我去位於尖沙咀嘅韓國餐廳 平時尖沙咀嗰啲韓國餐廳嘅環境都比較傳統 今次呢間就特別 就咁樣睇呢個環境都唔似餐廳 似係去咗其他地方玩 呢個就係前菜 個碟仔用返不鏽鋼同張枱好適合 見好多台都有嗌呢啲芝士🧀拉絲邪惡嘢 我哋就揀咗一個芝士鐵板泡菜炒五花肉 嘩，個拉絲嘅程度睇相都覺得勁邪惡 食落又唔會好肥膩，兩個人食都清得晒 番茄韓式辣海鮮湯配中華麵 呢一個海鮮鍋啲料好足 有青口、蝦、貝殼 食個麵唔會好辣 仲有叫咗呢個 WHITE無骨炸雞🍗配脆脆薯格🍟 White是酸忌廉醬 首先呢個無骨嘅炸雞，睇落已經好邪惡舊舊大大舊圓轆轆咁 食落仲要勁Juicy 仲加埋邪惡嘅酸忌廉醬，即係食多幾嚿都唔覺 薯格呢啲都配有兩個醬汁 呢間嘢真係好易食肥人 整體嚟講呢一間嘅嘢做得好好 本身喺出邊食都覺得好肥膩嘅嘢 佢都做到恰到好處 食多幾嚿都唔覺 絕對可以在encore

同三五知己行尖沙咀 經過呢條飲食街 見到有黑糖飲品🧋 可以一試 主力係做黑糖飲品 都有少少咖啡同埋茶類可以選擇 仲有呢個芝士奶蓋 我哋今次揀咗呢三款 小黑糖珍珠鮮奶🧋 荔枝烏龍🍵 小黑糖栗子鮮奶🧋 呢一間嘅黑糖唔會做到超甜 小黑糖珍珠鮮奶🧋 飲落啱啱好，溝埋鮮奶飲茶成功都唔會覺得好滯 小黑糖栗子鮮奶🧋 栗子味都幾濃郁，甜度控制幾好 荔枝烏龍🍵 飲落去幾清新係飲得到荔枝同烏龍味嘅，唔會係嗰啲超假甜，可以再encore 整體嚟講呢一間嘅甜度控制好好 又可以揀細杯少少 唔使飲到飽晒，食唔到其他嘢

黎旺角又有多時間食飯 食放題絕對係一個唔錯嘅選擇 今次揀咗呢一間嚟食 佢入座即送嗰兩個鍋幾吸引🍲 飲品同埋雪糕雪條款式極多 如果鍾意飲嘢食雪糕嘅話淨係因為呢樣都可以選擇嚟多幾次 我揀咗日本和牛壽喜燒鍋 佢壽喜燒鍋做得唔錯（唔會隨便Hea） 牛肉幾新鮮 又有得壽喜燒鍋🍲 又有得食刺身 仲有其他熟食可以叫真係開心 同埋佢嘅蝦竟然有蝦頭 平時有好多放題餐廳嘅蝦係無蝦頭🦐 明明蝦頭膏咁好味🤤 其他刺身都新鮮三文魚都係厚切嘅 仲有海膽生蠔🦪 仲有比較少見嘅泰式虎蝦刺身 呢啲就係佢嘅壽司、熟食 竟然有避風塘口味 食過咁多間放題呢間嘅放題款式係算好多 刺身大蝦有蝦頭、同埋飲品雪糕款式多 都已經值得我再黎 期待呢一間餐廳之後嘅限時Menu再黎食食佢

成日經過見到呢一間幾靚 有時仲會見到有啲狗仔喺門口位置同主人high tea☕️ 今日難得有時間就嚟呢間試吓 食物方面價錢合理 室內環境同埋餐廳整體佈置都幾靚 打卡一流 焦糖海鹽杏仁粒粒沙冰🥤同陳皮洛神花茶☕️ 陳皮洛神花茶☕️飲落有輕微酸甜非常開胃 焦糖海鹽杏仁粒粒沙冰🥤仲有塊餅乾，甜甜鹹鹹幾有趣 馬來椰香喇沙蟹意大利飯 食落唔會好辣，椰香味濃 啲蟹都幾足料，撈好後啖啖都有 個湯幾新鮮啲麵包好脆 秘製蘇梅蛋黃醬焗美國豬梅扒伴燒汁 呢個豬梅扒好厚切 食落唔會黐牙 隔離微微粉紅色嗰啲係薯蓉 擺盤10分靚，食落都好正 最後食個甜品結尾 揀左宇浴抹菜紅豈伴烤糰子梳乎厘班戟 大大舊鍾意食甜品嘅朋友可以挑戰 切落去好林，個綠茶醬唔會好甜 呢間整體水平幾好，可以再嚟