Bacchus Wine & Restaurant

營業中

休息中

Bacchus Wine & Restaurant📍上環荷李活道233號荷李活商業中心3樓🎩🪭位於上環荷李活道嘅有間私隱度較高嘅Fine Dine, 門口掛起輕紗更添加一份神秘感。🍽️OPERA TASTING MENU ($1,280 per person) 就可以一站式品嘗晒Bacchus嘅招牌菜式。⚜️Parker House / Whipped Brown Butter圓形波波外形嘅自家焗麵包，質感柔軟。配上雪糕般細滑嘅黑蒜牛油🧈，被牛油吸引到一口接一口咁食⚜️Kanpanchi / Ponzu / Caviar以金色盒子揭開序幕，好有儀式感。鰤魚配柚子醋加魚子醬，更加增強鰤魚本身鮮甜，油脂味濃。⚜️Polmard Beef Tartare 薄脆外皮加牛肉他他煙三文魚子⚜️Jerusalem Artichoke /Soup運用平時食地中海菜常見嘅健康食材雅枝竹製成嘅一款湯，面頭有切片經油炸牙枝竹，味道清甜。⚜️Red Snapper脆炸鯛魚肉質實在，配上蕃茄清湯，薄切黃紅茄，清湯雖然透明，但蕃茄味濃。⚜️Uni Linguine 海膽醬汁紅蝦他他意粉，醬汁配有芥末味道，整個醬汁層次豐富，係

浪漫的晚上🌃享受生活House bread同黑蒜牛油搭配得好啱，麵包香脆，牛油帶有黑蒜的風味，味道豐富！金箔點綴的鰤魚和魚子醬：啲鰤魚同魚子醬包裝成金箔點綴，好特別。鰤魚肉質滑脆，魚子醬增加了豐富的口感😜牛肉他他配煙燻梭子魚子脆杯：牛肉他他配上煙燻梭子魚子脆杯，有煙燻味道同微酸的牛肝菌忌廉湯，濃郁而且熱辣辣。香煎魚皮搭配羅勒和蕃茄：魚皮煎得香脆，魚肉滑嫩多汁，配上羅勒同蕃茄，口感更加豐富。青芒果、海膽和紅蝦粒拌意粉：意粉拌以微酸的青芒果、北海道海膽同紅蝦粒，再加上青芥末醬，微辣提味，好開胃。宮崎和牛肉質細嫩，口感柔軟多汁，配上黑蒜欖油，更加美味四款甜點各有特色，伯爵茶撻、紅桑子朱古力、可麗露同檸檬蛋糕，口感豐富，適合甜品愛好者。

好耐冇食過fine dining，想揾一間隱世啲、環境比較清靜啲少啲人嘅餐廳，就揀咗Bacchus Wine & Restaurant ，位於上環荷李活商業中心3樓，門口有一層紗隔住，好有隱蔽嘅感覺！內裡係一間非常decent嘅餐廳，佈置都好有fine dining 嘅格局，環境舒適，而且設有露台位置，空間感都不錯。OPERA TASTING MENU ($1,280 per person)Parker House / Whipped Brown Butter自家製餐包超級鬆軟，搭配同樣是自家製的黑蒜白豉油牛油，蒜香令人回味無窮，另一半表示超級好食😆Kanpanchi / Ponzu / Caviar餐廳嘅signature dish，非常有驚喜👍🏻矜貴嘅魚子醬，配上金箔及油金魚，重點在於上菜時用金色盒子盛載，然後在你面前打開，有儀式感之餘亦非常有氣派👍🏻油甘魚配上鹹香的Royal Caviar Clu魚子醬，絕妙的組合。Polmard Beef Tartare / Smoked Pike Roe生牛肉他他配煙燻梭子魚，用脆口的外層包着，小巧精緻，一啖放入口，口感味道層次豐富，令人回味

同屋企人去咗食，超級美味嘅fine Dining！服務員非常細心！服務非常之優質！我哋揀咗tasting Menu！入邊食咗Menu真係有好多選擇我哋仲升級咗要黃油雞！首先要講吓超級美味嘅刺身魚子醬！首先係一個好靚嘅金色禮盒喺你面前職員用手套打開就見到魚子醬喺入邊啦！鮮甜嘅刺身同埋魚子醬非常之美味同埋個禮盒喺面前打開好有儀式感！跟住魚子圓形脆脆！黃色透明嘅魚子超級靚！連埋脆脆一齊食，口感非常豐富！蘑菇忌廉湯都非常之好飲嘅忌廉湯濃郁嘅味道！係手打嘅忌廉湯味道絕對唔係機制！我哋升級咗做黃油雞真係非常之香口首先成隻雞原隻上枱！俾我哋打完卡之後就會切件，然後再用一個好靚嘅煲去上！雞肉食落去外脆內滑個皮真係超超級脆㗎！個雞入邊嘅每一件肉都非常之滑，連雞胸部份都係滑到好似雞髀咁！意粉真係超級好味，又爽口又好食，仲有少少芥末嘅辣味調味一下！牛扒同埋豬腩肉都係超好食㗎，香口又好食！！不得不提議超級美味嘅鱸魚真係好滑好好食！連湯都要飲埋佢！甜品就係一份四粒有朱古力同埋小糕點全部都好好食！！

大雨滂沱之夜嚟咗呢間樓上法國餐廳Bacchus享受一頓嘅精美晚餐，別有一番味道～ 🔖 『 8 Course Opera Tasting Menu (💲1,280/ person 』 🍷+💲100 Free Flow Burgundy Village Wines🥨Parker House bread 幾鬆軟嘅，搭配黑蒜牛油🧈 📸之後就係必打卡之 Kanpanchi / Ponzu / Caviar～ 職員會即蓆打開金色盒禮盒及金色圓鐡盒，裡面有魚子醬、金箔及鰤魚～ 魚子醬令整體有微咸香～而加上金箔嘅點綴特顯矜貴～🥧Polmard Beef Tartare / Smoled Pike Roe外層薄脆，裡面有軟滑牛肉他他配煙燻梭子魚子～ 煙薰味道中帶微酸～ 🍵 Ceps Mushroom / Soup～牛肝菌忌廉湯香濃夠熱～ 🐟Red Snapper / Tomato / Chorizo / Basil魚皮香煎後，魚肉滑、有肉汁～搭配羅勒及蕃茄～ 🍝Unl / Linguine / Red Prawn / Green Mango / Wasabi微酸嘅青芒果、北海道海膽及紅蝦粒混以青芥末醬，

同朋友食咗一個好高質嘅晚餐慶祝生日！呢間位於上環的間高級fine dining餐廳，食到好多精緻嘅菜式。超級美味嘅Parker House麵包配上香滑嘅焦糖牛油，好味又香口～仲有啲蒜香味喺麵包入邊超好食！跟住係一個Kansan生魚片，淋上醋汁同魚子醬配Polmard牛肉他他一齊食！新鮮嘅牛肉切碎配上煙燻魚子醬，口感豐富又有層次感。紅鯛魚配番茄、羅勒，組合得好得意，魚肉鮮嫩，配料互相襯托。再嚟就係Uni海膽意粉，配上紅蝦同青芒果同芥末，咁啱嘅組合真係令人驚艷。不得不提65度烤西班牙黑毛豬肚肉，配上山楂同洛神花，滋味酸甜味道好平衡。最後，我哋仲升級左A4宮崎和牛，用蘋果木燒烤，再加埋柚子辣椒同黑橄欖，肉質嫩滑，好滿足。整個晚餐品嚐到嘅菜式都好用心，味道精緻又有層次感，真係食得好滿足。係上環嗰間fine dining餐廳嘅晚餐，真係一次難忘嘅體驗！

最近到訪上環一間以法國菜為主的高級餐廳Bacchus。餐廳名字源於希臘酒神，精選近800款佳釀,由法籍大廚Mickael Messina負責菜譜設計,採用法國及日本優質食材,烹調出融合法式元素的美食。在燈光柔和、優美雅致的環境氛圍下，我們體驗了奢華精緻的8道菜美食旅程，感受美饌帶來的視覺和味覺享受。8 Course Opera Tasting Menu ($1,280/ person)Parker House | Whipped Brown Butter這道盛宴以香脆的自家製麵包掀開序幕，口感鬆軟，烘至微熱，牛油當中加入了黑蒜和日式白醬油，滋味異常濃郁。菜式以金色盒子盛載油甘魚刺身,圖形精緻。魚子醬和金箔更提升視覺享受。Hamachi | Caviar隨後上桌的油甘魚刺身，以巧奪天工的金色盒子盛載，肉質順滑，鹹鮮脂香四溢，綴以魚子醬、金箔及紫蘇花穗，整個外觀精美得讓人賞心悅目。Polmard Beef Tartare | Smoked Pike Roe這道前菜小食賣相精美，外層酥脆可口，送進口中可以感受到牛肉他他在舌尖迅速融化，肉質嫩滑逼人。而煙燻梭子魚子則帶來別樣的韻味，冷香交織在一

香港的五月是法國月今次同朋友來到上環一間樓上法國餐廳吃一頓8 Course Opera Tasting Menu ($1,280/ person)。餐廳環境優雅，令我不自覺變成一位淑女。點餐後侍應奉上了自家製的麵包Parker House /Whipped Brown Butter～麵包吃起來鬆軟，搭配黑蒜牛油，又有另一番味道。Kanpanchi / Ponzu / Caviar～這道菜一上桌，真是令我興奮萬分。魚子醬、金箔及鰤魚，用上金色盒盛載，打開的時候讓我感到心跳加速，彷彿帶我去一個神奇的世界。日本鰤魚刺身配上鹹香的西班牙魚子醬及金箔真是絕妙的組合。Polmard Beef Tartare / Smoled Pike Roe～外型像一個小盆栽，脆口的外層包着內𥚃是軟滑牛肉他他配煙燻梭子魚子，兩種不同的口感搭在一起，一件真是滿足不到我。Ceps Mushroom / Soup～深棕色的牛肝菌忌廉湯、口感順滑。Red Snapper / Tomato / Chorizo / Basil紅鯛魚的魚皮煎至香口，但仍保持肉質嫩滑，搭配羅勒及蕃茄，吃起來清新無負擔。Unl / Linguin

最近搵到呢間上環浪漫🌹餐廳 ，嚟到氣氛真係好好，環境精緻，音樂好聽舒服，人流唔算好多，可以寧靜地享用晚餐，非常啱情侶或者節日慶祝🍾️Tasting Menu嘅每一道菜式都值得試試！無論麵包🥖、餐前小食（魚子醬刺身）、主菜（豬、牛、魚）、海膽意粉、甜品（四款精緻朱古力小餅乾）、Free Flow Red/ White Wine🍷🥂都好出色！— Tasting Menu —▪️Parker house全自家制麵包🥖，口感鬆軟，餐廳店員仲會特別講解🧈係用咗黑蒜白豉油製成。▪️鰤魚刺身配魚子醬Cavier禮盒真係好正好高質，配有柚子醬汁👅 味道好清新。▪️生牛他他配煙燻梭子魚煙燻梭子魚同生牛肉呢個組合層次豐富，而且整到好似一件件迷你小蛋糕🧁咁，非常特別！▪️ 雅支竹忌廉湯之前從來都無聽過/飲過呢個湯，但係食得出用咗真材實料熬煮而成，味道非常濃郁。💭▪️紅鯛魚配蕃茄羅勒紅鯛魚煎得脆卜卜，底下嘅蕃茄羅勒🌿湯酸酸甜甜，味道好開胃。🤤▪️海膽青芒果紅蝦意粉意粉🍝口感食得出係手工意粉，海膽勁creamy飽滿，非常好食。😋▪️US Prime Rib 呢個牛扒我俾滿分💯，而且醬汁配搭都好獨特，店員有講解話用咗西米，去提升

中上環荷李活道一帶西餐廳林立，今次去到上環Bacchus品嚐法國菜Fine Dining ，Bacchus係古希臘酒神嘅意思，顧名思義，餐廳提供多達800種嚟自世界各地靚酒，仲聘請咗法藉大廚Mickael Messina同埋侍酒師Hervé Pennequin坐鎮，大廚利用法國同埋日本嘅優質食材，更按季節推出唔同嘅Menu，炮製出fusion法國菜，每道菜色精緻又有創意，配上Hervé精選嘅美酒，係真正美酒佳餚享受。餐廳內裏燈光柔和，格調浪漫，環境舒適，更設有包廂同埋露天戶外座位，係情侶約會嘅不二之選。8 Course Opera Tasting Menu ($1,280/ person)Parker House /Whipped Brown Butter自家製黑蒜麵包，烘至微熱，口感鬆軟，搭配用黑蒜同埋日本白醬油調製而成嘅牛油，令牛油味更豐富突出。Kanpanchi / Ponzu / Caviar魚子醬金箔鰤魚，用上金色盒盛載，打開嘅時候充滿儀式感，西班牙魚子醬配上日本鰤魚刺身，口感細膩，用上正宗貝殼匙羹，黑魚子帶有鹹鹹嘅鮮味，鱘魚卵豐腴嘅魚油喺口中爆開； 鰤魚刺身肥美香滑，配上金

🐻話說上年同🐻👨🏽周年紀念去過上環呢間fine Dining食，適逢今日又係相識紀念日，同紅🐻👨🏽再二訪呢間餐廳，因為上次食完一直都掛住，太好食🤤🐻今次試咗佢個tasting menu，總共7道菜加甜品🍮，十分滿足🐻首先打頭陣係Parker house，呢個自家制麵包超級鬆軟，撲鼻而來嘅香濃麵包味，再配上特製嘅黑蒜白豉油牛油，一啲都唔覺得Heavy，可惜嘅係麵包太少，因為太好味🤤🐻食完麵包，隨即就係一個好驚喜嘅魚子醬禮盒喺我面前打開，原來係一個鰤魚刺身配魚子醬，仲有小小柚子醬汁，食起上嚟好fresh,開一開胃為以雨落黎嘅美食做準備🐻第三道就係生牛他他配煙燻梭子魚，一啖食落去煙燻梳子魚同生牛肉嘅質感好匹配，味道亦都好有層次嘅生牛肉肉嘅香濃味配埋梳子魚嘅鮮味👍🏽🐻牛肝菌忌廉湯，呢個好似喺出面比較少接觸到，好香濃，唔使下下飲蘑菇湯咁悶🐻紅鯛魚配蕃茄蘿勒，紅鯛魚煎得好香脆，搭配埋微酸嘅上湯，調味剛剛好🐻海膽青芒果紅蝦意粉，呢個配搭有晒我最鐘意食嘅野😆，佢嘅意粉有啲似係手工意粉，所以質感同平時唔同，個汁有海膽嘅cream有青蘋果嘅酸爽🤤🐻講咗咁耐終於到主菜，一牛一豬嘅配搭就係US prime r

充滿儀式感既Royal Club Caviar🖤金箔魚子醬配油甘魚亦都係呢間店signature❤️口感清新爽滑。自家製麪包🍞配黑蒜白豉油🧈牛油，麵包鬆軟蒜味濃郁。🐮生牛肉煙燻梳子魚他他，煙燻香氣四溢，層次豐富。耶路撒冷牙雅支竹薯仔忌廉湯🍲，濃濃的忌廉面頭的雅枝竹脆片，味道清甜甘香。羅勒蕃茄🍅紅鯛魚，魚油豐富，醬汁味道酸酸甜甜，這個配搭非常鹿兒島豬腩肉配蘋果汁🍎因為係半肥瘦所以食到油脂嘅香味又食到肉汁嘅鮮味🤤A4 级宮崎牛肉配黑橄欖柚子胡椒醬💛酸酸辣辣嘅配搭好match👍🏻意粉🍝我哋就揀咗海膽紅蝦青芒果Wasabi linguine， 青芒果嘅酸再加埋Wasabi嘅辣味配落啲意粉度層次感帶出晒意粉所有嘅味道特色🙌🏻Petit Four🌟 一次過可以嘗試四種唔同味道嘅甜品🧡係女仔都會心動, 因為甜品就係女仔最好嘅朋友😀甜品裏面有瑪德蓮蛋糕/伯爵茶蛋糕/可麗路同埋朱古力🍫呢間Fine Dining 嘅餐廳真係唔錯, 室內室內都非常闊落， 而且有多種酒類任君選擇， 又可以食雪茄😊最啱放工之後過嚟relax一下， 享受下一下美食同美酒🍷

一年一度大日子，🐻花盡心思揾一間餐廳來慶祝下，左揾揾，右揾揾，都係覺得Bacchus氣氛好，食物有水準，所以決定返來食佢。今晚揀左Bacchus Opera Tasting Menu，有七道菜同一道甜品，點好菜就坐定定等食。Parker house係餐廳homemade，上枱瀰漫著濃烈香味，感受到麵包既熱度，係一種剛出爐既味道，口感鬆軟，盛載既餐具都加熱過，相當細心。而伴麵包既Whipped brown butter都係homemade，添加左黑蒜同白醬油，黑蒜味顯得牛油有一種鮮甜既感覺，配麵包食相當一流。Kanpanchi油甘魚產自日本，切成細粒，肥美鮮甜，搭配caviar既咸香味，相當開胃。Pollard Beef Tartare with smoked pike roe 牛他他配煙薰魚子，造成一口既size，牛肉同魚子完美配合，每次咀嚼就感到一種衝擊，檸檬葉既調劑恰到好處。Ceps Mushroom soup口感細膩，牛肝菌同奶油忌廉既融和，on top加上雅枝竹炸片，添加口感之餘亦增加香味。Red Snapper煎得香脆，魚肉緊緻，蕃茄薄片同羅勒香蒜煮成既醬汁，帶出魚肉既鮮甜。

上網見到有介紹呢間餐廳，朋友聚會慶祝生日都相當不錯，而家有戶外環境可以帶埋小動物。店員先送上welcome drink，飲落果香味濃，好易入口。Parker house /whipped brown butter自家製麵包口感鬆軟，搽上嘅黑蒜牛油，味道鹹香濃郁。Hamachi / caviar肥美嘅油甘魚配上奢華魚子醬加上金箔，呢一個組合簡直冇得輸。Polmard Beef Tartare / Smoked Pike roe牛肉他他加上煙燻梳子魚籽，一次過放入口有多重口感。Jerusalem Artichoke Soup耶路撒冷雅枝竹味道鮮甜，口感Creamy。Red Snapper Tomato /Basel紅鯛魚煎到外皮香脆，入口嫩滑，百里香香味撲鼻，味道酸甜開胃。Kagoshima pork belly /apple鹿兒島厚切豬腩肉肥瘦均勻，加上自製蘋果醬汁可以減低油膩感。A4 Miyazaki / Black olive Yuzu kosho宮崎牛肉肉味濃郁，肉質嫩滑，配上柚子胡椒和西米醬汁，味道很特別。Crab /risotto味道甘香鮮甜，鰹魚味道濃郁，口感軟硬適中，醬汁比

同好姊妹慶生, book咗去上環Bacchus Wine & Restaurant食法國菜, 水準級質素, 食完先知原來呢間餐廳主廚曾於四季酒店任職, 怪不得道道菜都令人愈食愈期待。 餐廳柔和燈光令氣氛浪漫有氣派,今晚品嚐了 8 Course Opera Tasting Menu $1,280/pp先送上Welcome Drink white wine, 味道fruity易入口, Parker House | Whipped Brown Butter自家製麵包賣相精緻, 質感鬆軟, 暖暖的, 搽上黑蒜白豉油牛油, 蒜香美味。Hamachi I Caviar上菜很有儀式感, 內藏一小盒油甘魚配Royal Caviar Clu魚子醬, mix埋一齊食, 魚香味十足。Polmard Beef Tartare | Smoked Pike Roe薄脆撻內放有生牛肉他他配煙燻梭子魚, 外脆內軟口感豐富, 淡淡煙燻味, 好特別。Jerusalem Artichoke Soup耶路撒冷雅支竹薯仔忌廉湯口感又滑又濃厚, 雅支竹脆片非常香口。Red Snapper I Tomato I Basel紅鯛魚搭