Awesome Bar & Cafe

營業中

休息中

第一次嚟呢間位於尖東嘅Awesome cafe. 樓下入口樓梯兩旁放咗好多隻Bearbrick. 好靚好colourful. 入到去餐廳以白色為主。有一D bearbrick嘅擺設。食物方面，非常有驚喜。尤其是烤焗醬豬鞍扒。肉質非常之嫩滑爽口。味道剛剛好。真係好好味👍另外甲羅燒蟹肉蟹膏意粉都唔錯。蟹膏好多。今次係生日慶祝嘅晚飯。甜品送過嚟嘅時候好有驚喜。佢哋係用一個機械人送過嚟，仲係唱住生日歌的。好特別，好有心思。

今次去到一間玩味十足嘅西餐廳，上去到就已經好多熊公仔擺設做主題，另外環境都夠大夠舒服！今次叫左3樣野食同飲品1. 水牛芝士蕃茄羅勒薄餅一款經典嘅pizza,薄餅底鬆軟香脆，配蕃醬同芝士，帶嚟一種濃郁嘅風味。每一啖都食到嚐到蕃醬嘅鮮甜同芝士嘅濃郁，真係好正。而羅勒味道帶嚟清新嘅味道，為整道菜增添了層次感同口感。2. 法式牛尾煲配法包牛尾肉燉煮得岩岩好，肉質軟嫩多汁。配埋濃郁嘅湯汁同埋香料，帶嚟一種豐富嘅口感同香氣。牛尾肉入夠軟，散發出濃郁嘅牛肉香。配埋香脆的法包，提升整體的口感同滿足感。3. 藍青口白酒忌廉汁新鮮嘅藍青口配濃郁嘅白酒忌廉汁，帶嚟咗一種豐富嘅口感同香味。藍青口煮得岩岩好，保留住海鮮嘅鮮甜同咬口。而白酒忌廉汁嘅加入令味道更豐富。5. Long Island Ice TeaLong Island Ice Tea嘅味道香濃而且帶有微微嘅酒精味，但唔會過於刺激，加上檸檬嘅清香，飯後一杯好解油膩6. Brandy Alexander味道非常平衡，白蘭地嘅酒香同cream嘅味道好夾。飲落口會感受到cream同白蘭地嘅獨特風味，絕對值得一試。整體黎講，餐廳食物質素好，好岩三五知己黎聚餐

今次好朋友生日，我哋去咗呢間位於尖東噴水池旁邊嘅餐廳食生日飯！🎂💃😎一入門口就見到樓梯兩旁佈滿了超過100隻Bearbrick！🐻😍😍啱曬鍾意打卡嘅我！😆😎🙈1. 甲羅燒蟹肉蟹膏意粉$168，蟹膏好多又好鮮味，非常creamy！😋👍😍2. 烤煱醬燒豬鞍扒$188，豬🐷扒好厚身，好有咬口，熱熱的，非常好味！🤤😋😬3. 軟心朱古力配雪糕$78，熱烘烘嘅朱古力餅一切開d朱古力醬就流曬出嚟！好正呀！🙈😎😆最驚喜係突然間有個機械人一邊唱生日歌；一邊攞住個生日甜品走過嚟我哋張枱！🤣😆🎂真係好得意呢！🤣🥰💃

今日帶女朋友黎到尖沙咀吃喝玩樂，緊係要做足功課帶佢食好西！呢間awesome bar & cafe，淨係睇個門面同入口所知好有taste，大家對呢隻公仔都一定唔會陌生睇返menu呢到主打西餐，價錢一不過不失，尖沙咀黎講叫做正正常常唔會好貴不過唯一遺憾係今日水吧竟然無開，話無cocktails/mocktails唔緊要，好彩呢到啲coffee都算出名，一於試試佢。呢杯espresso tonic用左Collin glass黎裝層次極分明勁靚，咖啡偏酸唔太苦，飲得出係咖啡豆整唔係沖粉呢杯抹茶tonic又係好特別，見到即刻想試下。飲落先係tonic既酸，抹茶香係後勁個到慢慢滲透出黎，唔錯！野食方面叫左個煙三文魚蟹肉松露pizza，淨係聽個名都覺得好豐富，最最最勁要係佢個薄餅真係「薄」底脆卜卜，咬落有聲勁香脆！凱撒沙律份量好多，沙律菜好新鮮一啲都無爛，配上多士同脆卜卜既火腿食落好有口感烤焗醬燒豬鞍扒，一上枱就聞到好香，豬鞍好似敷左mask咁好juicy面頭濕淋淋反晒光，肉質軟嫩一切就開，流晒啲肉汁出黎無論野食定環境黎講呢到都好出色，下次再黎試佢cocktails先！

開幕個時黎試過一次，覺得份量太少同貴就冇再黎過😂 近排見佢多左人幫襯，所以再黎比多次機會試下，但都係失望😞我叫左明太子雞肉凍烏冬真係好凍😂 撈埋一齊食，唔知點解有少少苦味🤔 份量都係少，明太子味道都唔係好明顯，好淡，都係失望😞 我為左明太子先諗住再試呢間野食曬主食，杯野飲先到🌚 同行朋友叫熱奶茶，漏單，最後話要再等，只好轉其他野飲仲有，同行朋友話其他野食都唔係熱既，餐湯都係唔熱，朋友食個個飯係水尾，有飯焦係底而且分量勁少

今日與闊別2年的舊同事W吃飯，W只愛飲酒和咖啡，對吃沒要求。她家住馬鞍山，大家最接近的中間點就是尖東站，就在這區覓食好了!這家cafe裝修可以，有些Bearbrick模型讓大家上樓時望望、吸吸晴。午餐餐牌算很便宜，6、70蚊一個焗飯或意粉連飲品。不過我與W對套餐興趣不大，散叫香辣檸汁大蜆三文魚籽意粉及牛肝菌黑松露意大利飯。早餐沒吃，眼闊肚窄再叫了意式火腿蜜瓜沙律🍈🍈。味道還可以，是意粉辣了點，忘記了叫減辣😜，蜜瓜沙律的蜜瓜與哈蜜瓜很夠甜。這樣邊吃邊聊，分享了這2年大家的經歷、種種心情，還幸大家都生活得穩定，重上軌道，那就一步一步來吧!

😳原來我已經結婚5年啦～👰🏻‍♀️💒🤵🏻‍♂️我揀咗間位於尖沙咀，最近好多人打卡嘅BearBrick主題餐廳🧸芊豆B👧🏻一定鍾意😍佢門口有隻好大湖水藍色嘅Bear Brick公仔，望上樓上仲見到一對着住婚紗👰🏻‍♀️同埋禮服🤵🏻‍♂️嘅公仔🤩好啱我哋今次慶祝嘅主題🥳。一行入去，芊豆B👧🏻就比條擺滿Bear Brick公仔嘅樓梯吸引住！😍打卡一流！！ 上到去餐廳，有個位置可以買小玩具，餐廳環境好舒適，位置好寬敞。吧頭入面仲有Iron Man添😜！餐廳有一個area，有好多結婚Bear Brick公仔喺牆上面，仲有兩個教堂玻璃窗。感覺像置身其中一對Bear Brick的婚禮。我哋都有喺度打卡啊。我哋張枱望住尖東嘅噴水池，芊豆B👧🏻好鍾意呢個景色.老公好肚餓啦，叫完嘢食先再影相啦！Awesome 熊仔餐廳係西餐嚟架！我哋叫咗兩個Set Dinner, 基本係$398一位，好抵食😳！Daily Soup有南瓜湯🎃，細滑香濃。Appetiser 分別叫咗 法式焗香草牛油脆皮殼田螺🐚及 炸冬陰功意大利飯球🧆。呢兩個頭盤出乎意料之外嘅好食😋個田螺個殼唔係真㗎 ！好脆㗎！😳可以食㗎 ！加埋佢嘅牛油味好香濃嘅薯

呢間係尖東水池旁邊既cafe餐廳佈置各種玩具擺設🧸上樓梯時兩邊擺放左上百隻bearbrick公仔，另人眼前一亮😍😍🔸頭盤✨香辣西班牙炒蝦🦐一份有8隻大蝦，蝦肉Q彈，配埋海鮮醫一齊炒，唔太辣，好香濃惹味🔸Mocktail✨Summer 夏日熱辣辣☀️用左乾橙，鮮花做裝飾🌸賣相靚，打卡一流👍🏻味道酸甜剛剛好🔸主菜✨甲羅燒蟹肉蟹膏意粉🦀餐廳名物，蟹殼內放滿大量蟹膏同蟹肉意粉配上忌廉雜菌汁，個汁非常creamy將鵪鶉蛋黃，蟹肉蟹膏同埋意粉撈埋一齊食實在係大滿足，必食推介!😋✨無骨燒春雞配蜜糖醬油汁 (半隻)春雞經拆骨處理，方便食用，好細心☺️燒雞外皮燒得香脆，雞肉juicy嫩滑點上蜜糖醬一齊食，色香味十足配埋薯條🍟沙律🥗，非常飽肚滿足總結: 餐廳環境舒適，擺枱闊落，坐得舒服食物都屬高品質，最啱約埋知己朋友一起去chill下☺️

星期六放假就緊係出尖沙咀搵好野依，竟然搵到一間裝修設計咁靚咁特色cafe,岩晒我依啲食好西兼打卡既人。入去到門口真係嘩左一聲，成條樓梯兩邊都係依隻熊，真係好抌本呀！即時打返個卡先～入到去原來仲有啲更加大隻既，仲有好多人同隻豬豬影相添！搵餐廳果時已經睇中左好想食甲羅燒蟹肉意粉啦，睇相都想食，所以依個我一定要點！仲叫左海鮮蕃茄意大利飯，炸魷魚，心太軟雪糕。個甲羅燒店員會燒埋先上既，只要同意粉撈混就食得，我就中意一啖意粉一啖甲羅燒，濃濃既蟹膏味，好食到不得了！另外個蕃茄海鮮意大利飯係估你唔到既超濃蕃茄味，好鮮甜，唔覺唔覺咁就爬晒碗飯啦！野飲方面叫左杯mocha同Mocktail！擺到靚一靚，打卡一流！味道方面仲好清新好夾添，夏天飲就一定好消暑！最後加多個心太軟雪糕，新鮮整好仲熱辣辣，一切開爆多朱古力醬流出來，竟然覺得非常之治癒！總括來講，野食又好食，又靚到可以瘋狂打卡！

唔熱嘅飯 又乾又硬 懷疑系飯尾 飯量極小😮‍💨職員做野做到眉頭夾死烏蠅咁，上錯飲品，熱奶茶變熱拿鐵。同職員講要換返，結果話無哂熱奶茶比左杯熱檸水我🫠湯又唔熱 暖都稱唔上 真系好差成件事，另外每臺上面都有水杯放系度比客人自行斟水，食食下野忽然背後申左隻手出黎拎左我臺上的杯比其他客人，問都無問過一句，真系比佢客親，我地同行三人 臺就只有3隻杯，咁職員問都唔問 點知我地唔用？（同行系有人用緊杯）呢間野極力唔推介人黎再食

💖 Awesome Bar & Cafe (尖沙咀)✨尖沙咀科學館道14號新文華中心地下1D及1樓100號舖〰️〰️〰️〰️〰️〰️〰️〰️〰️〰️〰️〰️〰️〰️〰️〰️〰️呢間餐廳好多人推介㗎，所以今日我就帶埋朋友一齊嚟享受一餐豐富嘅晚餐🥰，睇吓佢係咪真係咁好食👀-斧頭扒🥩 $1580朋友話請我食結婚飯，所以唔使同佢慳錢喎。我見到呢塊扒咁鬼貴梗係亂噏話想試吓啦，點知佢真係叫😂好彩佢真係有叫到咋，如果唔係我哋都食唔到一份咁好味嘅扒😍超多肉汁超Juicy，咬落去又夠嫩滑👍🏻真係幾唔錯。豬手🍖 $248豬手都係呢度好多人鍾意點嘅菜式，佢哋話覺得呢度嘅豬手烤得好香☺️，一食落口嘅時候我都覺得真係多得幾香😋而且又多肉😏又夠入味。推薦大家一定要叫。-西班牙海鮮意大利飯🍛 $168 超大兜嘅意大利飯，當中加入咗唔同類型嘅海鮮🤩令到意大利飯嘅鮮味十足😚我最鍾意就係佢嘅青口同埋蝦肉！因為好鮮甜。蝦肉又夠晒彈牙🦐-炸魷魚鬚🦑 $98食西餐廳唔少得嘅就一定係叫小食啦！今日嘅小食就由我發辦，我就嗌咗呢個炸魷魚鬚。香脆可口超吸引🤩炸粉唔會太厚，食落去好有風味🥳。-生蠔🦪呢度嘅生蠔都係一定要硬嘅，不過我已經唔記得咗幾錢啦🧐，總之就係肥大肉厚好抵

尖東新文華中心有間大大間嘅餐廳，叫Awesome，比佢好fancy嘅裝修吸引咗，呢晚得閒就嚟試吓。先叫咗一客「法式油鴨脾肉香橙柳沙律配檸檬香橙蜜糖汁」（$148），用油鴨髀做沙律比較少見，鴨肉都多，油香四溢沙律菜加咗香橙同蜜糖汁，感覺更新鮮之後叫咗一份「三式粉魷魚鬚」（$98），魷魚鬚份量比想象多，炸得好香脆，三式粉好惹味，仲有一啲紫蘇葉香味，令人食唔停口跟住叫咗一客「香煎蒜香黑椒牛脷」（$98），蒜茸燒得好香，一上碟就聞到，而牛脷都好厚，咬落又幾軟稔，牛味十足，仲有啲黑椒味，旁邊係黑醋沙律，可以解一解膩。主食就咗一客「法式牛尾煲配法包」（$178），牛尾份量好多，成個鍋上，兩個人食非常足夠，炆牛尾要好有心機，餐廳就炆得好入味，牛肉入口即溶，加埋蕃茄茸嘅汁醬，味道就更加豐富。另外跟咗幾塊法包，係好脆果種，點埋啲汁同蘿蔔，索曬味咁食都真係幾正。最後叫咗杯「手沖咖啡」（$98），值得一提嘅係咖啡豆係店家自家烘焙，夠曬新鮮，今日呢隻係Ethiopia嘅fruit豆，可以飲到漿果、香燈同紅茶嘅味道，入口好smooth同舒服

踏入11月又係到生日月時間 今日朋友介紹尖東食呢間西餐，一上到去已經被樓梯兩旁既Bearbrick吸精左呢間鋪頭好特別，好多模型公仔 crossover ，整間餐廳坐都好舒服，環境傾計光線都充足講番食物，有set lunch ， 價錢都合宜，仲要有唔同既餐，唔一定係西式野，岩哂貪心既我今日叫左兩個set lunch，１個小食，１個甜品，整體味道都唔錯，份量都夠食，擺盤亦唔差🔅明太子雞絲凍烏冬 好特別 因為明太子真係足料咁佈滿哂每條烏冬，真係有種好滿足既感覺😌🔅香煎比目魚柳拼帶子配紅花忌廉汁份量好夠，薯仔配菜都整得好好食，比目魚柳配忌廉汁都好match🔅三式粉魷魚鬚唔多粉漿，魷魚夠長同飽滿，口感好好🔅芝士蛋糕味道唔錯，唯一不滿意是落左order 成15mins 都未上到甜品，催促左兩次😅

餐廳裝修非常之有格調，由d相裏面都望得出佢裝修費應該都唔少🙈🙈唔好見到張相好似唔多人，咁係因為我醒目😎😎早食咋，轉過頭就已經坐滿曬。。。啲公仔就陳列得好出色、好有心思擺放喺樓梯嗰度等人哋行嗰陣時就一定會欣賞到👍🏼👍🏼而且會有好多唔同時段嘅優惠，好啱啲放工嘅人過嚟飲返兩杯,食吓生蠔，傾下計咁。食物款式都非常之多，而且擺盤裝飾都好靚杯嘢飲影出嚟都幾好睇佢嘅忌廉汁青口好好食。啲忌廉汁配落麵包點住一齊食，索曬味，正。另外佢嘅蕃茄湯都比預期中優秀。感覺好似蕃茄嘅精華都濃縮咗喺個湯嗰度，而且蕃茄味好新鮮，唔似嗰啲罐頭湯咁。個主菜就係個鮑魚、比目魚配薯蓉。鮑魚比想像中細粒，但係佢因為醃製過，所以就有啲甜味滲咗係隻鮑魚，好入味而且咬到係彈牙。比目魚好好味、好新鮮啦，如果醬汁可以多d 就更prefect!

前些日子逛街经过这里，看到一家很特别很漂亮的餐厅，漂亮在他的一条幻彩玻璃楼梯🌈， 两旁布满了七彩玻璃燈飾，玻璃箱里放着漂亮的公仔🧸🪅，今天拉着honey，一定要來试一次。6点30分来到餐厅，已经有不少人，派对房裡很热闹，原来今天是万圣节🎃开party的日子，年轻人打扮古怪有趣。欢乐的气氛感染着我们，友善的店员姐姐，带我们到卡位上，舒舒服服的坐着开始点餐，第一次来一定要多试几样菜。前菜和餐汤 两个非常出色的前菜羊奶🐏芝士番茄沙律配黑醋汁。羊奶芝士特香软，配黑醋番茄🍅沙律，酸酸甜甜，很开胃。藍青口🦪🦪白酒忌廉汁，一大盘新鲜的藍青口，配白酒洋葱忌廉汁，鮮甜美味，吃不停嘴。 主菜我吃香煎比目鱼柳，伴酱烧鲍鱼，比目鱼肥美，煎的皮脆肉嫩，酱烧鮑鱼，鲜香无比，加上土豆泥，吃得特别满足。 Honey的主菜，是法式烤鴨腿配黑醋，超大的鸭腿，皮脆肉嫩。鸭油的香味连我都闻到，令人垂延， Honey吃得津津有味。餐后再来两杯无酒精的饮料，一杯苹果味，和一杯芒果味，2杯饮品装点得特别漂亮，一边喝着冰凉的鸡尾酒，一边欣赏着万圣节开party的角色打扮，非常有趣，这一餐吃得有声有色，有滋有味。