Apinara

營業中

休息中

位置於太古廣場嘅過江龍泰國料理，據聞姊妹重點係泰國連續10年被選為泰國曼谷最佳食府之一。環境優雅之餘，味道亦出色！手工斑蘭香葉包雞 (HKD168) 話晒都係泰國總店重點推介嘅菜式之一，冇理由一場嚟到唔試吓。落單時已經話需時20分鐘準備，期待已久，見到上菜時連透明玻璃蓋上已經知道非常之有特色。用斑斕葉包住嘅雞被煙燻過後，果然別有一番滋味！泰式和牛船麵 (HKD168) 按照傳統製法足料地用上大量豬骨、牛骨、雞腳、香料等熬製而成嘅湯底非常之濃郁，上面加上和牛肉片、滷水牛腱、手打牛肉丸同炸豬皮等，令人一試難忘！甘露椰皇奶凍 (HKD108)估唔到個甜品咁有驚喜！用上原個椰皇殼，椰皇奶凍同椰子雪糕有濃濃嘅椰香味，加上芒果肉同芒果柚子爆珠，口感豐富，感覺清新！

太古廣場本身就唔係好多好食嘅餐廳上次試咗間唔好食嘅越南嘢今次終於食到好食嘅泰菜以金鐘商場$200左右一個餐有前菜有湯有主菜有甜品仲包埋嘢飲其實都算唔錯一開始個沙律有菠蘿碎喺面所以好開胃個冬陰功湯幾好飲個椰子雞湯都幾滋補海南雞飯都幾多雞同埋佢配個醬都幾開胃我覺得個船麵就仲好食啲好多牛肉牛腱都幾好食又有咬口仲有牛丸連埋個面好濃味又好有口感我覺得做得唔錯最後仲有個楊枝甘露做甜品雖然唔係平時嗰啲但係佢好多西米又有啲芒果醬都幾好食同埋我特登嗌多咗個芒果糯米飯完全滿足到我而家去唔到泰國但係好想食嘅癮啲芒果🥭甜加埋啲糯米飯同嗰醬好滿足

係香港食到又好食又精緻泰國菜係件開心事！呢間餐廳仲連續10年獲選為「 Thai Tatler 泰國最佳食府 」嘅米芝連食店😆✨午市套餐($218)🍴Set A. 泰式和牛船麵船麵配料有和牛、牛展、牛丸，好豐富。和牛好重牛味，而牛展咬落都好淋，好易咬。彈牙牛丸充滿牛香味。湯底濃郁，香料味都重，令麵掛晒汁🤤✨午市套餐($208)🍴Set F. 紅咖喱豬頸肉配白飯係有泰式香料嘅咖喱，配埋一流！咖哩外表紅紅，但食落唔會太辣，椰汁味令咖哩味提升。豬頸肉大大塊，咬落軟淋，唔會柴😚✨套餐包括自選湯品、精選沙律、甜品及餐茶😋🍲揀咗冬陰公同椰子雞湯，兩者都好入味。前者酸酸辣辣後者清甜。🥙沙律有豬肉粒、菠蘿、菜，食落層次多。菜有酸甜醬，幾開胃。🥤檸檬茶🥠泰式魚餅(+$38/2件)魚餅外表係輕炸類，食落啖啖肉，有輕輕嘅魚肉味再夾香料味，幾特別😋————————————————————————💰加一：✔️⏰限時：1小時

約咗朋友食飯，呢排做嘢實在「泰」攰喇，要食返啲熱辣辣泰國嘢重拾自己嗰團火🔥 泰國米芝蓮推介嘅著名食店Nara，旗下嘅金鐘概念品牌店Apinara開業多年都未有機會試，今次經開金鐘太古廣場一定要試試佢！見到有套餐叫，備有多款招牌泰式風味菜式供選擇。一個套餐有齊湯、主菜、飲品及甜品～主菜：———泰式和牛船麵喺泰國食船麵，每份嘅份量都係少少，兩啖一碗嘅份量，喺呢度食船麵就一大碗慢慢嘆～深啡色嘅湯底係船麵嘅特色，由多種香料熬製成，係好濃郁嘅味道，飲落唔會好膩同口渴！另外和牛牛肉好嫩，一入口就係和牛本身嘅油脂香氣，完全無被船麵嘅湯底味道所蓋過～除咗和牛片，仲有牛展、炸豬皮同牛丸！新鮮優質嘅材料+濃厚嘅湯汁，再搭配軟糯彈滑嘅泰國船麵入口，一切都係剛剛好！———泰式豬肉炒金邊粉對於鍾意食泰國美食嘅朋友對炒金邊粉一定唔會陌生，擁有濃濃東南亞風味嘅炒金邊粉有住誘人嘅香氣同獨特味道～呢度嘅炒金邊粉炒得好有鑊氣，每條麵條保持彈性，亦都均勻沾上醬汁(但又唔會痴埋一齊) 調味係酸酸甜甜咁，口感相當和諧～軟糯金邊粉配住大大塊豬肉，側邊有砂糖、辣椒粉、花生碎、青檸、芽菜，可根據需要撈返需要嘅份量，撈勻晒之後香上加香

之前聽過朋友介紹呢間金鐘米芝蓮泰國菜，餐廳有幾個Lunch set，我要左一個青咖喱雞set,個set都算好豐富，有沙律，冬陰功湯，仲有糖水添，同餐飲，成個set都係二百幾蚊，吾算貴!不過味道就冇乜驚喜。

之前食過尖沙咀nara thai,今次黎金鐘姊妹店。今次點的都是在尖沙咀店沒吃過的。花膠海鮮冬蔭功$268好好味！辣度啱啱好，仲帶點甜。海鮮超足料，有青囗、大蝦、帶子、花膠！帶子有驚喜！鮮甜又大粒，又唔會煲到老曬，要👍🏻讚！份量大慨分到5-6碗。泰式蟹肉奄列 $188上枱時嚇一嚇，咁大個既！睇menu唔知咁大份量。奄列面鋪滿蟹肉，切開裡面都係蟹肉！！有個橙橙紅紅既醬微酸幾襯個蟹肉。真係太大食唔晒。泰式和牛船麵 $168超大碗！厚切牛𦟌以為會好「un」，點知原來炆得好鬆化！牛丸大大粒，口感扎實，不是粉丸。coconut smoothie $65呢個好飲，椰味香濃，解辣良伴，又夠大杯👍🏻炒通菜$88正常發揮，咸辣適中。同尖沙咀店一樣有2大版素食選擇！素友同肉食朋友可以同枱食飯了🤭

ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ 金鐘太古廣場有間連續10年獲選為泰國曼谷最佳食府！價錢就商場價啦~ lunch hour 好多上班人士黎食。同幾個月前黎食個lunch menu 又有少少唔同。整體今次個menu 係加咗價，有啲係轉左啲料所以加。食物質素水準都keep到。𝗪𝗛𝗔𝗧 𝗪𝗘 𝗢𝗥𝗗𝗘𝗥✨ 和牛船麵 set 218Tom yum kungsoup 以前有仲有小春卷，依加仰said 選咗lemon iced tea湯嘅濃度係如果5分係滿分💯，依碗會係4但係啲料同粉都好多。仲要係浸到入晒味牛丸好彈牙！Tom yum kung 反而無咁有衝擊，又唔算好辣個種✨ Phad Thai with Pork 188💫 Deal可以dl pp個app儲分ᵕ̈ ᑋᵉᑊᑊᵒ ᵕ̈ ᑋᵉᑊᑊᵒ

2023.09.20又到咗星期三同朋友撐枱腳嘅好日子👩🏻‍🤝‍👩🏼今日去咗金鐘呢間米之蓮🌟泰國餐廳🇹🇭開餐啦🍽️裝修舒適簡約典雅👍🏻點餐前店員會先為每枱食客送上香酥脆口嘅蝦片🦐開開胃🤗香脆蝦餅🍤 $78/3件好大件！外層香脆食落好厚身又彈牙🦷沾上酸辣泰式辣醬🌶️更惹味😋泰式炒金邊粉配燒珍寶河蝦🦐 $198珍寶河蝦唔係講笑真係成隻手掌咁大🖐🏻蝦膏較鮮甜😉而泰式炒金邊粉超美味可口👅泰式奶茶雪糕🍦窩夫🧇配Cocoparadise椰子諾拉木炭芝麻脆脆🥥 $118泰式奶茶雪糕香滑又奶茶味濃🤎窩夫食落似格仔餅🧇鹹鹹甜甜☺️加上D cream邪惡又美味🤤配上脆口嘅Cocoparadise椰子諾拉木炭芝麻脆脆🥥提升了口感⬆️Zen Garden🍹 $118餐廳提供數款精緻Cocktail🍹而呢杯飲落比較清爽解膩🧡

泰式椰子雞湯美味，有椰奶、南薑和檸檬葉的香氣，湯如奶般順滑，雞肉出奇地鮮嫩。鍋以火烘著上枱，那個火可不是單支蠟燭，我會用相當猛烈來形容，如有小朋友要當心，我在盛過第一碗湯後就將那鍋推到老遠，的確吃到尾聲時，湯仍是熱的，雞肉仍是嫩的，味道一流！泰式蟹肉奄列的份量多，易致飽，這個在網上見好評如潮，個人來說欣賞它蟹肉的足料，惟外皮炸蛋比較厚身。大蝦蝦頭膏炒河粉值得一試，河粉薄闊軟滑，均勻地沾滿了蝦頭中橙黃色的膏，甘香鮮美。食肆位於太古廣場，食物價位出奇地與同集團的nara沒兩樣，因此性價比可謂特別高。

在金鐘太古廣場開業多年的Apinara，一直都有不少好評，今次午餐時間到訪，果然十分繁忙，餐牌有午餐和單點選擇，我們選擇了午餐，隨餐附送一份沙律、湯、甜品和檸檬茶，吃得很飽很滿足。🥂泰式和牛船麵$218湯底濃郁，有牛𦟌、和牛和牛丸，我等別喜歡牛𦟌的質感，十分軟滑，另配上炸香了的蒜片令整配麵更香口。🥂紅咖喱豬頸肉配白飯$208這款咖喱不算很辣，配上白飯很是惹味，豬頸肉亦煮得剛好，肉質不柴不乾，算是挺好的午餐。🥂冬蔭功🥂泰式椰汁雞湯湯有兩款選擇，喜歡辣的可選擇冬蔭功，入面有一隻蝦很有蝦味的，椰汁雞湯也不錯，有濃濃的椰子味。另外的沙律和甜品也很不錯，餐飲有檸檬茶，但亦可加錢升級至其他飲品。.Overall rating: 7/10

太古廣場食肆比較開揚，我同朋友揀Apinara泰國菜。青咖喱雞 配 白飯青咖喱雞味道濃郁，但都有啲辣，青咖喱配白飯，真係令人胃口大開。開胃冬蔭功湯，湯味香濃帶點微辣。香茅燒春雞（半隻)配 炸雜菜燒春雞半隻，味道好香，肉質都嫩。沙律菜入面放上新鮮菠蘿粒和炸豬肉。椰汁柚子西米露椰汁香滑嘟嘟西米加埋柚子肉，味道清清唔太甜。青檸梳打水用原粒青檸，清新飲品。泰式奶茶有濃郁的茶味和香濃的奶味。泰式魚餅配泰式甜辣醬泰式魚餅口感柔軟並帶有魚的鮮味，沾埋甜辣醬更有風味。芒果糯米飯伴椰奶芒果肉甜伴隨軟軟的糯米飯。

🔸泰式東北小食拼盤$168拼盤包咗豬肉丸、肉腸、生菜肉碎🥬 炸茄子🍆香葉 可以一次試哂咁多款小食 個人最鍾意生菜你包 食落酸酸地嘅fresh 唔會死鹹🔸泰式豬肉炒河粉$118有別於一般濃味嘅炒河粉 選咗泰國正宗寬河粉配合芥蘭同豬肉片炒香 🔸泰式炒通菜$88 可以揀微辣 份量都幾多 味道不過不失🔸Thai Crab Meat Omelette $188係餐廳嘅特色菜 奄烈厚實多層 似油炸玉子燒 外皮金黃色 質地比較乾身 砌開見到層層玉子包住蟹肉🦀蟹肉份量頗多 仲可以配埋泰式辣醬一齊食 都幾特別🔸Mango Coco Panna Cotta $108椰皇上枱時加入乾冰🧊 做到煙霧離漫嘅視覺 非常吸睛🤩上層係椰子雪糕🥥 雪糕椰子味濃郁帶椰子果肉 另外配上楊枝甘露、奶凍🍮、爆珠 奶凍食落帶微微杏仁味

相信大家都可能會聽過Nara依間係泰國曼谷連續10年被選為米芝蓮高級精緻泰菜中既「最佳食府」，其姊妹店Apinara亦主打正宗泰國菜，首間位於金鐘太古廣場入面，泊車方便，座位多而且地方闊落，裝修亦簡約典雅，一向係我朋友聚會或者商務見客首選地方😁今晚亦唔例外，就係約左老婆🐽😂我地一坐底，待應會自動奉上一籃泰式炸蝦片，大大塊，重黑胡椒既辛辣味，口感酥脆唔油膩泰式鴛鴦豬手 （滷水&脆炸）豬手大隻好有份量，欣賞佢可以一「手」兩食，滷水帶點中式炆豬手既感覺，唔過鹹，好入味。肉質腍身，豬皮嫩滑有滿滿既骨膠原。而脆炸部分，外脆內軟，咸香十足，先後點上兩款醬汁， 一個香辣，一個略帶酸辣，充滿泰式風味。兩種食法我都欣賞👍🏻泰式海南雞半隻（配雞油飯同雞湯各一碗）雞皮富油脂甘香，雞肉質嫩滑鮮美。油飯香口有濃濃既南薑香矛味，飯粒分明，再配上兩款醬汁(辣醬及黑豉油)，惹味又正宗😋而冬瓜粒雞湯，白胡椒味特出，雞味香甜配瓜粒清爽，四季適宜，老婆🐽都話想學下煲😄

🌿Apinara🌿金鐘🌿泰菜🌿Happy Friday 接朋友放工，所以去左金鐘搵間好食嘅餐廳撐枱腳～金鐘餐廳唔係好親民，今次就揀咗呢間classy嘅泰國餐廳～我自己就覺得真係有above average嘅食物同服務！🥙 泰式東北小食拼盤我自己幾中意東北泰菜，因為口味更重口，大咸大辣，同埋更多街頭小食～今次小食拼盤有豬肉丸、肉腸、肉碎沙律，香脆泰式香葉同埋茄子，好有風味！將小食配以生菜同娃娃菜，味道剛好而清爽！肉腸同扎肉相似，香葉更搶味，而豬肉丸亦更粉狀，口感有趣！🐚 泰式椰子蜆煲清甜嘅椰子蜆煲有驚喜！酸酸甜甜嘅湯好飲、配上大蜆鮮甜好味！椰子都好香甜，我有特登配以一口椰子一口蜆，都好夾！🍜 泰式和牛船麵湯頭超濃，係以豬骨、牛骨、雞腳去熬煮出湯頭～船麵嘅配料份量都好多，牛肉片、滷水牛𦟌、牛肉丸，豬皮，真係大滿足！牛𦟌都好大片好入味，牛肉比較實心，朋友就中意彈牙多啲～🥭 芒果糯米飯 配椰奶芒果大大塊鮮甜！朋友想食好耐，終於可以滿足下呢個癮！我幾中意個糯米飯有米脆脆，口感好正！🍸 我地仲叫左杯 Apinara Cocktail，是Whisky底配菠蘿、蘋果、檸檬汁！同埋一杯OOTD，是茶底G

太古廣場的 Aprinara 向來水準穩定，疫情期間去過食船麵，足料美味，至今仍記著！今晚約朋友相聚，見門面開陽，更加舒適，唔知有冇裝修過。等待朋友期間，先送上免費香脆蝦片，若然飲酒更一流。芒果軟殼蟹米紙卷 $138我很喜歡軟脆對比的配搭，所以芒果軟殼蟹米紙卷是我常點的菜式；食落有一種特別的香氣，唔知係斑蘭還是香茅，現在忘記了，但就是討好，清新之前菜。黃薑雞肉沙嗲 $98沙嗲味道豐富不膩，雞肉嫩滑不嚡，微焦添香。馬莎文咖喱牛腱 $138印度薄餅 $38馬莎文汁濃郁味香，多多汁配飯或薄餅均理想，片片牛腱肉質軟嫩，份量相比想像中多，抵食。四道菜式水準平均，價錢非常合理。裝潢清雅休閒，食飯或飲嘢都非常適合。在太古廣場或寫字樓工作的人可享八折。