Apinara

營業中

休息中

太古廣場雲集多國美食，唔少高質餐廳。放工同細妹試吓呢間獲選為泰國米芝蓮星級食府，果然無失望。環境好靚，有泰式吊扇和裝修，座位寬闊，枱長身，空間感大，感覺好舒服。有好幾款菜式想食，最後揀咗黃咖喱軟殼蟹和泰式炒金邊粉配珍寶海蝦🦞。黃咖喱軟殼蟹炸至金黃色又脆身的軟殼蟹，有足足至少4隻，配搭濃味的泰式黃咖哩醬，非常惹味。黃咖喱一點也不辣，好creamy濃郁加咗雞蛋，口感更有層次。醬汁用來配搭飯或薄餅食好滋味。我哋叫咗印度薄餅，大大塊好香囗。泰式炒金邊粉配珍寶海蝦🦞珍寶海蝦，肉質鮮嫩，口感彈牙。金邊粉身有咬口，加咗炒蛋、芽菜、菜脯同大蔥去炒，食落幾香口，仲有花生碎和青檸汁味道就更加突出。金邊粉的酸甜度剛剛好，是我喜歡的味道。仲有好多款式仲想試，不過實在太飽，下次要約多幾個朋友再嚟。