AMONA

營業中

休息中

Cake shop: AMONA (觀塘成業街16號怡生工業中心H座1樓H10號舖) @amona.hk 如果想食甜品，但又唔想有好多kcal同高糖份, 一定要試吓呢款健康又低糖既coffee x tofu pudding x espresso cream chiffon cake☕️😋 gluten free蛋糕~ $198 （4吋）一打開好香咖啡味☕️cream好滑，再加埋好鬆軟嘅戚風蛋糕，仲有一層tofu pudding , 識落口感好好😋👍🏻 而且一啲都唔甜，我平時都唔鍾意食好甜嘅蛋糕🍴食完佢覺得一啲都唔漏，同埋因為佢係低糖，所以食完完全冇罪疚感😋🍴不過，如果大家想買蛋糕，記得預先落單先⭐️⭐️⭐️⭐️

呢間手作蛋糕店AMONA，沿路行過嚟個鋪位都幾特別，全層都係一間間房甘間隔。行到H10號舖就見到啦！小店主打蛋糕同蛋卷都係店主每日新鮮製造，無添加防腐劑、無麩質、低鹽同低糖採用天然食材，適合關注健康飲食的朋友，食完都唔會有太大罪惡感。今日買咗佢哋最新推出🆕嘅酥皮撻。賣相都幾精緻，點咗三款唔同嘅口味🤩。🧡鹹蛋酥皮撻面頭裝滿大量鹹蛋，食落真係好香呀，個酥皮都幾脆，就算已經係室溫度擺咗幾個鐘，依然都保持到鬆脆感☺️。💚開心果酥皮撻最近真係好興食開心果，無論係開心果飲品抑或甜品，除咗賣相幾靚之外，入口充滿開心果香🤩💛原味酥皮撻原味一樣咁正，個蛋漿食到好濃郁嘅蛋香，口感十分之滑。

Amona⭐️Coffee x tofu pudding x espresso cremeux充滿住濃濃咖啡味嘅無麩質蛋糕。如果有了解過無麩質蛋糕嘅朋友，應該知道呢種蛋糕嘅製作成本係比較高，而且呢間蛋糕店冇落任何添加劑，所以非常適合過敏體質嘅朋友食。 我呢個蛋糕雖然係咖啡主題，但係佢嘅味道口感都比較輕盈，食落一啲負擔都冇，完全唔會覺得膩。而且我後來睇返蛋糕店嘅介紹發現佢哋嘅蛋糕全部都比較低糖，注重健康嘅朋友仔可以試下。

🍰 **AMONA** 最近我發現了一家精緻優雅的蛋糕店 @amona.hk，這裡的蛋糕真是用心製作的藝術品。店主可愛迷人，當她雙手捧出這些精緻的蛋糕時，彷彿在將自己親生的孩子送出去一樣，充滿了愛與心血。😊我試了他們的**6吋Chiffon cake**，售價$480，蛋糕口感香滑，濃郁的味道令人驚喜。每一口都能感受到純天然用料的質感，完全不含添加劑，讓人吃得安心。🍰咖啡豆腐布丁和濃縮咖啡奶油，這種結合的味道相當特別，既有咖啡的香醇，又有豆腐的滑順，讓人陶醉其中。☕至於配送方面，AMONA提供多種選擇，包括在中環地鐵站A出口的取貨，以及觀塘工作坊的自取，還有送貨服務（貨到付款）。這樣方便的服務，讓我更加喜愛這家店。整體來說，AMONA的蛋糕不僅外觀精美，味道更是令人難以忘懷，絕對值得一試！👍**AMONA** Kwun Tong, H10, 1/f, Block H, East Sun Industrial Centre

//17 10 24 晴天🌞17:30 觀塘 新怡生工業大廈H座@amona.hk蛋糕的滋味 ☺︎芝麻糊平時就食得多，但估唔到位於「觀塘」工廠區嘅蛋糕店，竟然推出咗款比芝麻糊更好食嘅黑胡麻豆乳慕絲戚風蛋糕。𝑨𝒎𝒐𝒏𝒂 ——— 採用全天然食材，堅持每日自家製作，主打無麩質及無蛋奶素，而且低糖、無添加，啱晒一班追求健康或者正在生酮嘅朋友啊🌱！🔻日本黑胡麻豆乳慕絲戚風蛋糕 ꕀ呢款蛋糕 好似食緊芝麻糊豆腐花咁質感非常幼滑 𝘧𝘦𝘦𝘭到係真材實料 面、中、底層都加咗薄薄鬆軟嘅黑芝麻戚風蛋糕而兩者之間亦夾有一層厚厚黑芝麻忌廉 同豆乳慕絲再襯埋表面輕盈細滑嘅雲呢拿忌廉 & 玄米果仁碎食起嚟每啖都擁有多重豐富口感 以及鮮明嘅味道要讚 甜度控制得恰到好處入口會先感受到芳香撲鼻嘅黑芝麻繼而散發出豆腐嘅清香最後再伴隨忌廉迷人嘅淡淡奶香呢三種味道融合埋一齊 真係超級𝘱𝘦𝘳𝘧𝘦𝘤𝘵 𝘮𝘢𝘵𝘤𝘩絕對係款值得𝘦𝘯𝘤𝘰𝘳𝘦嘅蛋糕ꕀ

🔹咖啡豆腐布丁濃縮咖啡奶油戚風蛋糕（4” $198 for 2 people）一打開已經好香咖啡味 ☕️ 面頭再鋪咗啲可可粉 側邊仲加咗啲咖啡味嘅cream～.第一啖有淡淡嘅咖啡味 當你以為完嘅時侯，去到中度啲咖啡味會湧出嚟，味道濃郁😍😍估唔到豆腐同蛋糕會咁夾，口感好似布丁 蛋糕嘅鬆軟+豆腐嘅軟嫩，再加咖啡嘅香味 不錯吃😋想order嘅話，記得預先去IG落單喔～

#AMONA地址: 觀塘成業街16號怡生工業中心H座1樓H10號舖=====================少女心去吃蛋糕打卡，雪白面層的cream ,加上透明蛋糕盒，很適合打卡放上社交平台 .而蛋糕口味很特別，大家估下是什麼味？是大人向架蜂蜜whisky ,cream 加了蜜糖，翻甜黏黏的，蛋糕很濕潤鬆軟，而中間就是whisky 味的酒心啦，mix 埋蜜糖意外地夾！

手工烘焙的確比工廠大量生產嘅出色，所以屋企人生日都會上網睇吓有啲乜嘢新店可以試吓。呢間Amona 係朋友介紹，予事就訂咗呢個Banoffee Paradise Chiffon Cake嚟慶祝生日。Banoffee Pie是英國的一道傳統甜點，它的名字Banoffee，就是Banana + Toffee的意思。呢個戚風蛋糕就係用同樣嘅材料做出嚟。味道比想像中更好。拖妃唔會好甜，蛋糕鬆軟同拖妃有唔同口感，中間有香蕉襯托多咗一份香氣。6吋人少少食啱啱好，下次要叫8吋食多啲。

觀塘手作蛋糕店AMONA ，蛋糕同cake roll都係店主每日新鮮製造，所以要預早訂購。蛋糕店標榜無添加防腐劑同無麩質，採用天然食材，適合純素同生酮飲食朋友。小編就選擇咗一款大人先食得嘅cake roll 蜂蜜威士忌卷 😆🔅蜂蜜威士忌卷 $198圓碌碌嘅卷蛋，拎上手都有啲重量卷蛋蛋糕口感綿密軟熟中間係一卷卷滑滑嘅忌廉，甜度較低所以食多咗都唔覺膩切開後中心位嘅蛋糕，曾經深深地浸過威士忌一口咬落，一股強勁又濃郁嘅威士忌味道湧入口中溫柔清純嘅蛋糕同忌廉，撞埋酒味十足嘅威士忌層味覺衝擊有趣又特別🤩

香港真的很少網店做班蘭味的蛋糕啊，外型有點像巨大化客家茶粿，很可愛😍。這款班蘭戚風蛋糕層次很豐富，包含椰子鮮奶油，椰子班蘭流心和馬六甲焦糖椰絲，入口很順滑，又能吃到點脆脆的椰子糖夾層，最重要是一點也不膩，感覺不好甜的人也會喜歡！而且是純素蛋糕的緣故，吃起來負擔不大，絕對是甜食控的福音！沒吃完的部分擺在雪櫃數晚，意外地仍能保持濕潤的口感～美中不足是層次太多，切開時要小心點，不然椰子糖那層會散開啊！推介給：喜歡戚風蛋糕平日不太喜歡甜食/椰子要減肥又想放縱的人（能扭轉你對椰子的壞印象！

觀塘成業街開左間隱世蛋糕店叫AMONA，主打健康又好食既蛋糕。今次我特登過黎試試佢地嘅招牌蛋糕：6" Pandan x Gula Melaka x Shredded Coconut。一攞到上手，仲以為佢係巨大化嘅泰式椰汁糕。個蛋糕外型相當好睇，外層係用新鮮嘅班蘭葉包住，唔單止增加左視覺上嘅吸引力，仲有陣陣嘅自然班蘭香氣。呢款蛋糕的特色在於佢層次分明，最上層係椰子忌廉，食落有少少鹹香椰子味🥥，唔會好膩，蛋糕層係輕盈柔軟既班蘭味戚風蛋糕，配搭上清香的班蘭椰子斑斕醬，口感同味道都一流，底部仲夾著馬六甲焦糖椰絲，咬落去嘅瞬間，香甜的椰子味道令人驚喜，成個蛋糕嘅口感十分豐富。我同我啲朋友share果陣，個個都話個蛋糕同平時食嘅無得比！呢一間蛋糕店每一個蛋糕都係每日新鮮製作，完全不添加防腐劑，主打無麩質及純素低糖蛋糕，吃得安心又無負擔，對於想要享受甜品但又擔心熱量嘅朋友黎講，AMONA絕對係個好選擇。

中午放lunch去Amona 買左個黑芝麻豆乳戚風蛋糕請同事食，上到去雖然冇得堂食，只可外賣～廚房環境都幾乾淨，店員好友善🥰蛋糕味道都好好！不過其實呢間小店有啲難搵，所以店主都可以send WhatsApp 連埋相指引下買家😘駱駝漆大廈出入口其實幾近。我減緊肥，食得出係低糖，第二日食完體重仲下降埋🤣同事有乳糖不耐，食完都冇敏感，仲讚好light。雖然望落去size唔係太大，但係都分到6份。下午茶大家都覺得好夠🙌🏻買去餐廳慶生都得！蛋糕層次都幾豐富，豆乳布甸好治癒❤️‍🩹cream 有啲竹炭脆脆，口感好得意！蛋糕企身，中午30分鐘車程都冇融，抵讚呀😚如果下次有機會都一定會再encore 😇

#fatchubelly觀塘📍AMONA (觀塘)💥日本黑胡麻豆乳慕絲戚風蛋糕味道方面，蛋糕主要走輕盈路線唔會太甜而且芝麻味濃嘅程度啱啱好🙌用上日本九鬼黑芝麻醬味道比較天然用上真材實料黑芝麻鮮忌廉亦都好滑而且輕盈配上濕潤嘅黑芝麻戚風蛋糕💕同玄米果仁碎另外仲有有機豆乳慕絲味道好清新而且淡淡嘅豆乳味同黑芝麻味好夾☺️如果鍾意食黑芝麻蛋糕而且食得比較light 可以試吓嘅個蛋糕‼️AMONA (觀塘)觀塘成業街16號怡生工業中心H座1樓H10號舖

人大咗食嘢越嚟越講究, 會揀一啲健康,有質素嘅嘢嚟食， 蛋糕好耐未試過市面上嘅連鎖店度買， 今次買蛋糕上網搵到呢一間Amona, 佢哋嘅蛋糕標榜冇添加防腐劑,無麩質，純素，生酮採用天然材料, 每日人手新鮮製造 ,我好鍾意食蛋糕但係又唔想增磅, 呢間蛋糕店啱曬我😂呢間蛋糕 workshop位於觀塘成業街，搭地鐵行幾分鐘就到, 可以提早幾日網上落單然後到工作室拎 好方便。今次我訂咗個日本黑胡麻豆乳慕絲戚風蛋糕， 慕絲 口感順滑， 第一層係軟綿綿嘅蛋糕， 第二層係芝麻醬，底層厚厚嘅豆腐布丁，黑芝麻醬 幼滑香濃 ，豆腐布丁清甜淡雅， 最鍾意係佢整體唔會太甜， 甜道掌握得啱啱好👍

朋友生日，佢係食素嘅🥗，想睇吓有冇啲蛋糕係啱食，俾我喺社交平台見到呢一間舖頭，賣相都幾吸引，所以就幫襯下。香蕉焦糖黑芝麻蛋糕🍌🎂佢哋嘅蛋糕好有實在感，香蕉同焦糖焦糖有少少鹹，配埋個蛋糕一齊食，鹹鹹甜甜咁好過癮🤩。特別要講吓嘅係上面嘅唔係忌廉白色嘅唔係忌廉🧁，而係好似棉花糖咁樣質感嘅糖膠，煙煙韌韌，同個蛋糕嘅口感形成對比👍，又唔同嘅層次，亦都唔會話好甜好搶味🥰，唔錯。呢間嘅位置有少少難搵，但係佢哋嘅蛋糕好值得大家過嚟試一試，一來係純素，二來係出面好少見嘅一種款式，尤其是係面頭嘅燒棉花糖🔥，就算唔係食純素嘅朋友都好適合，推介俾大家。地址：觀塘成業街16號怡生工業中心H座1樓H10號舖@Amona_hk@chillchill_aloye#純素蛋糕#手工蛋糕#觀塘美食#工廈#小店