Amitie Kitchen

營業中

休息中

牛魔王必吃牛扒，所以我坐下都二話不說只看著牛排下單，點了阿根廷牛扒餐。餐包非常有驚喜，一個$2XX左右的餐也願意給我三款不同的餐包，非常有心意，這一點讓我對餐廳充滿好感。餐湯也不錯，不過不失。但阿根廷牛扒就出了大問題，炭烤牛扒確實可以為牛扒增添風味，但是這塊牛扒是烤到有點苦的程度。薯菜本來我幻想是烤土豆或薯條之類，但迷你蕃薯真的出伏意料之外。我不吃迷你蕃薯，所以我真的大失所望。甜品有一份超迷你的木糠布甸蛋糕，真的只有兩口，很少見會如此孤寒🤣總結，牛扒就不了，有興趣可以吃吃其他菜色。

🌟Amitie Kitchen🌟適逢假期遇着落雨，尖沙咀嘅街上都唔係好多人，行到厚福街嘅時候就撞手神咁上咗一間餐廳食嘢，食物質素都頗高🌼因為嗰時係午餐時間，價錢仲要唔貴！我哋叫咗兩個餐，兩個餐都可以揀沙律或者湯㦤，我哋就揀晒兩款😼佢嘅沙律係好出色，除咗用沙律菜之外，用咗西瓜！醬汁係有少少微辣😽非常開胃餐湯都好creamy仲加咗啲橄欖油令到佢更香烤燒阿根廷牛扒 （6安士）🥩牛扒我哋叫咗五成熟，一開始切出嚟望落顏色好似好紅，但係佢冇血水滲出嚟，仲以為佢係三成熟，識落先知原來佢嘅熟度啱啱好🤓我哋叫咗薯菜，佢嘅薯菜唔係薯條，而係糖心小番薯，仲有唔同嘅蔬果，有青紅黃椒、茄子同翠玉瓜，每一樣都有煎同調味👍柚子味噲北海道帆立貝意大利麵🍝味噲嘅味道唔會太鹹，配埋柚子味，有啲清新嘅感覺😺意粉掛得起醬汁帆立貝有兩粒，仲有好多菇🍄抺茶朱古力奶🥛呢杯飲品味道較淡，抹茶朱古力同奶味都好平均

午市套餐主菜：煎阿拉斯加比目魚柳六安士皮脆魚肉厚身、火喉啱啱好，魚肉質量唔錯。飯粒企身、米質素唔錯。鍾意伴菜呢有好多種，用燒烤嘅方式呢，有少少鹽味，有燈籠椒茄子等等嘅伴碟。香草蜜糖燒法國春雞半隻最驚佢煮得過火，不過佢嘅肉質拿捏得幾好，軟硬度適中，近骨位有少少生。餐飲：熱情果芒果茶紅茶茶包用料唔錯。抹茶紅豆冰甜到拿捏把控OK，好香綠茶同紅豆味，加上奶昔嘅感覺口感唔錯。甜品：抹茶紅豆蛋糕跟餐有甜品係隨機嘅，好香綠茶味。細細舊啱晒唔想食咁多甜品嘅人。但係又想試少少過吓癮。

👨🏻‍🍳食物：今晚點咗個二人套餐， 另外單點田螺， 果然冇令我失望，大大隻田螺，勁多香草牛油汁，如果薯蓉多少少更好， 吸收晒成個香草汁。 二人套餐頭盤揀左美式黃金蟹餅， 切開見到一疏疏嘅蟹肉。 分別點咗一個熱湯一個凍湯。 西班牙蕃茄涷湯， 清新開胃。 椰菜花忌廉湯， 清清地配三款外脆內軟嘅麵包配牛油同士多啤梨果醬。主菜分別有美國西冷牛扒及加拿大海膽龍蝦汁大蝦意粉。海膽鮮甜， 龍蝦汁入味, 意粉有嚼勁。 西冷牛扒叫medium rare 比較生，叫六成至七成熟少少比較好。甜品窩夫配士多啤梨雪糕， 窩夫非常酥軟， 雪糕唔太甜， 唔會太腻。加$15轉涷牛奶朱古力， 好味抵飲！值得一讚所有菜式味道均衡， 唔會太濃味， 保持原材料嘅味道。 🏙環境：餐廳內走水泥工業風格， 門口有個打卡位， 等位時可以打下卡。💰價錢：晚餐$300-$400/位😋抵食 : ⭐️⭐️⭐️⭐️

話說今日想食意大利菜，於是老公上左openrice搵食. 見到呢間野未食過，於是就決定去試一試啦。「環境」:首先上左H8商場9樓，當時夜晚8點半到，望到裡面都坐左 9成，店員好快招呼入座。整体環境算精緻企理.餐廳沒有播音樂，聽到好多人講野聲好吵。「食物」:我哋嗌左个套餐，有煙火腿沙律前菜，餐包，送冷熱餐湯，一份肉眼扒，一份龍蝦海膽意大利麵，同埋有個士多啤梨雪糕窩夫甜品。首先前菜，煙火腿太過鹹又冇乜味道，餐包ok. 跟餐冷湯酸酸哋，有啲伏 個熱湯忌廉湯就好飲啲。再來牛扒同個龍蝦海膽意大利麵，有種中式餐廳調味嘅感覺，食落好似茶餐廳嘅做法，不過味道都算係咁。最後個士多啤梨雪糕窩夫甜品，食落感覺 :好甜。冇咩特別。「服務」:中規中矩，環境吵有時嗌佢哋好多次先會聽到。 最後買單兩個人922，覺得唔抵食。

① 炒什菌、火箭菜、松子仁天使麵伴香草醬雖然係全素，但係味道一d 都唔寡，有洋蔥同埋紅黃椒，而什菌份量超多，多到遮住曬下面嘅天使麵，火箭菜 好 fresh 同埋有調味，天使麵軟硬度剛剛好，又好掛汁（香草醬），整體味道 非一般的好味。② 泰式西瓜沙律有驚喜❗爆汁嘅西瓜 cross over 酸辣泰式汁，好有火花，fresh 得嚟 又有d泰式辣辣地，好衝擊味蕾！大滿足！……③ 海鹽焦糖芝士蛋糕口感軟滑，唔會太甜。④ 日本原個鮮果雪葩（桃味）雪葩入口有桃味，唔會太酸，今日天氣熱熱地，好啱食。⑤ 心太軟 配雲呢拿雪糕心太軟外層鬆香軟，內裏朱古力味香濃，見到流心好療癒。佢雲呢拿雪糕齊食，一冷一熱，雙重味覺滿足。⑥ 茘枝 Mojito酒味不會太濃郁，有淡淡的荔枝清香、薄荷葉同青檸檬嘅清新⑦ 熱情果梳打熱情果 加油子蜜，so refreshing

今日出開尖沙咀就諗住搵個好地方食lunch餐廳位於厚福街H8樓上9/F環境舒適乾淨裝潢設計精緻Lunch set包一杯飲品我加$15要左杯特式飲品Matcha latte濃郁的綠茶味🍵質感嫩滑拉花都唔錯感覺良好😃香草蜜糖燒法國春雞半隻$158烤制的控制處理得好好肉汁鮮嫩多汁保持香烤的雞皮配菜可以選擇白飯/意粉/薯菜我要左薯菜（三色椒、蕃薯仔、茄子、脆肉瓜同菇）——比較特別的薯菜並目非常之健康，原本我以為會係薯條/薯角之類！餐湯：粟米湯可以加$15要餐包其實餐廳都有好多lunch set的選擇適合商務會議、朋友飯局由於我超級鍾意食薯仔所以好想試吓佢哋個mashed potato $48質地香滑味道非常好👍飲品選擇方面都有好多如果係附近行到攰攰地想搵個地方休息呢度係唔錯嘅選擇

尖沙咀人來人往，lunch hour 更加係人山人海，餐廳處處都係大排長龍，逼得大家喘不過氣，尤其係厚福街，是大家 lunch 找美食嘅好地方！不知道大家有無發現 H8 這大樓，是在厚福街尾的，當中有一間西餐可令上班一族得到一點點嘅空間。因為餐廳最近重新裝修，所以環境都好舒服。今次就選擇了 lunchtime 同朋友過來，因為我們12點就去到，所以只得2枱人。食物方面，我和朋友一人一個 set lunch，款式都幾多，花多眼亂！阿魚選了 阿根廷🇦🇷牛扒 （6安士）（HKD 168），朋友就選了和風牛肉溫泉蛋撈稻庭烏冬（HKD 118）！本來以為朋友選嘅都是普通嘅日式菜，誰知，烏冬非常掛汁！醬汁好惹味！加上選用稻庭烏冬，好彈牙！勁 match！而阿魚選擇嘅阿根廷🇦🇷牛扒 （5成）就好軟嫩，有少少炭燒味！份量亦都啱啱好！薯菜亦都令人驚訝，因為係香烤翠玉瓜、茄子！唔係比薯條，睇得出店家係比心機想令大家健康一點！擺盤亦都好 IGable！前菜亦都令人驚喜！西瓜沙律，重帶點泰式酸辣醬！好開胃！重有D脆脆夾埋一齊食好夾，好有口感！牛尾湯，幾濃味！因為加入咗洋蔥🧅，味道層次更昇華！飲品打卡一流！抹茶

難得同男朋友放假一齊撐枱腳，揀咗厚福街呢間由酒店主廚處理嘅西餐廳一入門口留底又高又舒服，座位之間都寬闊，我哋揀咗窗邊位可以望住厚福街嘅景色。嗌完嘢食之後先送上麵包盤，有牛油同埋果jam，搽落牛角包度真係一流，男朋友就鍾意食脆脆嘅麵包條。男朋友最愛嘅青口，見到即刻嗌，非常新鮮，啲汁好味到用餐前嘅麵包點晒嚟食。粒粒都飽滿肉嫩嘅青口！龍蝦意粉有半隻，肉質爽彈同樣新鮮，龍蝦意粉醬汁清爽唔膩，我哋兩個爭崩頭咁食。主菜仲叫咗個豬扒，本身都好驚豬扒會鞋，但係非常多汁，配菜嘅蔬菜煮得啱啱好有啲驚喜。煮得啱啱好粉嫩嘅豬扒，直頭連骨都咬埋。

6:45 分到達，無訂位，現場只有兩枱客，7:00 入座，8:00 叫你埋單，入座只有 1/3 客人，咩態度😡侍應黑口黑面，雖然食物可接受，但比錢食晚飯要受氣真係不能接受🤬🤯

今天和姨甥女到尖沙咀，原本打算到科學館參觀那個極地展覽，不過，好景不常，竟然今天他們沒有開放給公眾，只是招待博物館會員😮‍💨對面的歷史博物館亦裝修，所以沒有什麼地方可以去。問姨甥女想吃什麼，她說想喝南瓜湯、吃黑松露薯條及吃烏冬。心想：難度真高！所以，我在OpenRice找了一會兒，看見這間餐廳likes頗多，又有黑松露薯條及南瓜湯，所以便帶她到這裏。不過，一想到這層樓，發覺裏面只有一枱食客，而且會有太多燈光，本想離開。但姨甥女又說要吃黑松露薯條，說既然上到這兒，不如吃完薯條才離開😵‍💫就是這樣，我們便進來坐下。不過，看一看餐牌，有姨甥女想吃的日式牛肉溫泉蛋撈稻庭烏冬，看見旁邊客人的牛扒也不錯，所以我要點了一個牛扒意粉。餐湯就沒有南瓜湯，有的是忌廉粟米湯。對我而言，這個湯有點淡，但姨甥女話好好喝，好有粟米味。😅撈稻庭烏冬弄得不錯，但我覺得不是非常特別，在家也能弄到的。幸好，並不貴，所以價錢性價比頗高。薯條外脆內軟，我覺得是新鮮炸的。姨甥女話配上那個黑松露沙律醬，會比滿分。對我而言，反而比較驚喜的是那個牛扒。即使未開始吃，牛扒也傳來那種炭燒的味道，而且肉質鮮嫩，入口即溶，很不錯！

今日嘅餐湯係粟米忌廉湯，湯面上有少少香草，佢係冇粟米粒粒嘅，成個湯都係好流質，飲得出真係得粟米同忌廉同埋好少嘅鹽，真係食緊粟米嘅味道，唔係出面飲嗰啲罐頭好鹹嗰啲。跟住我仲落咗個磯燒鮑魚做前有菜，鮑魚好入味，煮得好軟身，好易咬，個沙律都係日本芝麻汁黎調味，沙律好新鮮小蕃茄好甜。 咁樣我本身減緊肥啦，咁我個lunch set就叫咗個香草蜜糖燒春雞，梗係配蔬菜。 個雞就燒得好靚呀。面頭有好多香草，個雞皮有少少甜味，一切開就見到啲肉汁流緊出嚟，燒得啱啱好好嫩滑，啱啱熟。 我發覺呢一間啲調味都係偏向尊重食材嘅原味，唔會落太多鹽，調味料或者味精嗰啲。所以食落都係好有雞味嘅。 佢嘅伴碟烤蔬菜都做得好好食。 因為今餐呢都叫咗好多嘢食啦，咁最後叫咗杯蘆薈蜂蜜，清清地咁幾好飲。

朋友想同我去高級靚景d的西餐廳食飯，於是係尖沙咀找左呢間，厚福街H8上9樓就到（睇食評好似個主廚之前係星級餐廳？🤔）嗯… 係幾有氣氛的🤭 餐前的面包都好有誠意，竹碳包同餅乾配上牛油同桃醬，食完即刻好開胃😋😋 個包好有口感，仲有竹碳同芝麻獨有的香味，餅乾好脆，鹹香鹹香的👍🏻前菜：法式香草牛油焗田螺（薯蓉底）$128 🥔🧈🐚這道焗田螺絕對必點😆 肉質嫩滑彈牙，香草牛油味好濃郁，邪惡但真係頂唔住誘惑食埋d汁🙈 薯蓉底的口感細膩綿密，配合田螺的鮮美增加層次感👍🏻（佢個薯蓉d邊同面仲有d焦脆感添😍😍）主食：（厚切）煙肉大菇芝牛漢堡配炸薯條（單份） $178 🥩🍔🍟嗯無錯，我用🥩因為佢真係唔係🥓😂 佢個煙肉成個人地d手切德國豬手咁🙈 呢個絕對係肉食愛好者必點👍🏻 漢堡厚實多汁，外焦外多汁，配埋煙肉和大菇類的香味🤤 無野好講，仲有就係… 佢量好多，出面d漢堡我成日都覺得唔夠，呢個不得了👍🏻😆 再搭埋個蘇脆炸薯條，嗯… 好高的性價比💪🏻💪🏻松葉蟹味噌蟹膏鵪鶉蛋意大利麵（白酒忌廉汁）$188 🦀🥚🍝對鍾意海鮮的我感到驚艷的組合🤤 叫之前已經俾佢吸引（仲要幾平）麵質無咩好講，一間西餐廳要的質素彈牙有嚼勁

尖沙咀厚福街一向都多野食選擇😌有朋友推介我去左一間有質素cafe食lunch🤑價錢唔算貴叫咗兩份午餐一份小食～份量足同抵食😬餐湯配南瓜湯質地絲滑順口～入口即化～具有濃郁奶油嘅味道柚子味噌北海帆立貝意大利麵柚子的清新香氣和微酸的味道帶來了獨特的風味🤤意大利麵作它的彈性與絲滑質感😈讓每一口都充滿了柚子味噌和帆立貝的美味🤠烤燒阿根廷牛扒（60oz)7成熟～具有豐富的脂肪紋理和優質的肉質，使得牛扒更加多汁和美味🤪甘栗紫薯餅紫薯有著深紫色的外觀，紫薯的自然甜味與甘栗的香甜相融合，營造出美味的口感😍外層酥脆，內部保持軟糯。烤製時，餅的表面會呈現金黃色，煎炸則能增加餅的酥脆口感🙈跟餐配甜品抹茶小蛋糕配2杯飲品凍抹茶牛奶朱古力-牛奶的滑順和奶香與抹茶相融合，營造出柔滑的口感和濃郁的奶味😆菠蘿青檸梳打-青檸汁的酸味平衡了菠蘿的甜味，使得飲品更加爽口🥸餐廳環境舒適雅致而且高品質用餐體驗🥰適合朋友/情侶聚餐🤠

不用上班，我在餐廳享用了午市套餐~$168。這個午市套餐不僅僅包括了精緻的烤燒阿根廷牛扒（6盎司），還有一碗牛尾餐湯。我選擇加配餐包~$15。及加配升級餐飲凍朱古力㗎啡~$20。最後，我再加配甜品，選擇加配朱古力心太軟伴雲尼拿雪糕~$50。