Amitie Kitchen

營業中

休息中

這是我第一次用Openrice訂位比起普通walk in 客的優惠還要差的經驗😡!餐牌註明14:30前結帳可免加一服務費，但結帳時發現要加一，問侍應才知道經Openrice 訂座的話不能享受餐廳優惠。嘗試要求將Openrice 訂座取消以取回免加一優惠，回應只能將Openrice訂座轉為缺席而不能取消，因不想有缺席記錄那我只好照付加一服務費😢。用了Openrice 訂座好多年，從來只有經Openrice 訂位而享有多些餐廳折扣，而未試過竟然因此而不能享有普通優惠，覺得餐廳對Openrice訂座的客人不公平，的確有中伏的感覺😤，因此提醒大家小心Openrice訂座不能享受午市免加一優惠以免中伏。其實一開始巳覺得這餐廳的服務水平低，原因是大約13:20到達，只見有兩枱客人(估計一成容量左右)，其餘全部都是4人枱(全是2人枱泊埋的)，便選了靠牆的一張4人枱，誰不知侍應要拉開一張枱變成2人枱給我們坐🙄。如果餐廳多客人的話我明白為何不能給客人坐得舒服點，但心想星期一已接近一點半的時間還會有多少客人呢？結果一如我所料，我們已經是午餐時段的最後一枱客人，在還未吃完時那兩枱客已走剩下我們一枱，那麼多位

Amitie Kitchen🌟阿根廷紅蝦刺身配柚子醬油🌟加拿大海膽松葉蟹膏蟹肉忌廉汁意大利麵上網見到有間喺尖沙咀嘅西餐廳幾多好評，有一日早收工冇嘢做就去咗食個early dinner 。餐前麵包方面，餐廳會Offer三種，分別係牛角包、竹炭麵包同埋芝士脆條。我比較鍾意牛角包同竹炭麵包，兩款都熱辣辣配上少少牛油都幾開胃。前菜我叫咗個阿根廷紅蝦刺身，紅蝦好鮮甜，食落去嘅蝦肉口感軟糯，配上少少醬油已經足夠，唔需要過多嘅調味。Main course就叫咗喺OpenRice上面比較多人點嘅意大利麵，蟹肉好大條、海膽雖然唔係超級鮮甜，但係都唔錯，蟹膏味濃郁，每一啖意大利麵都可以掛上滿滿嘅醬汁。

Amitie kitchen‘ 老闆之前是在五星級酒店做大廚的，今日有空檔時間，就在開工前來一個靚靚lunch 🤭Lunch Set 有13款揀，跟餐湯或沙律…麵包🥖加$15 …是日餐湯磨菇湯，夠creamy ，味道不錯！麵包雖然要加$15 但有三款，而且質素高，牛角包🥐巧巧味！烤燒阿根廷牛扒（6安士）……5成熟…配菜豐富，厚切有咬感！牛扒🥩牛味濃，5成熟剛剛好！意粉🍝軟硬適中，醬汁調味剛剛好！甜品巴斯克，芝士味濃厚😗 囗感綿密🤭

開心星期五想食餐好西😎去左H8搵食, 揀左呢間都有幾多好評的西餐廳12點半 好在未客滿, 遲少少黎已經開始人多了😯Set lunch, 包沙津或是日餐湯，主菜🥗🫕🍝🍛🍔🥩仲有甜品和咖啡/茶，可加錢轉其他指定甜品和特飲。一共有成十幾款, 意粉/飯/漢堡/煎魚/牛扒等等包羅萬有, 真係揀到心大心細價錢由$88~$168不等是日餐湯係大蒜薯仔忌廉湯🥔香味好濃, 飲落口感幼滑，輕微薯仔味，幾唔錯。美國牛肉漢堡伴蜜糖芥末配薯條 $108漢堡超級厚實 勁之大件🍔😙牛肉漢堡扒肉質嫰，保留到肉汁 十分Juicy!包身有芝麻，聞落勁香，而且仲要烘到好脆，好食。配料都唔馬虎, 有芝士，新鮮沙律菜，青瓜，蕃茄平衡返漢堡扒嘅油份, 好解膩薯條夠脆夠熱 都俾得好大方, 食唔哂🤣香煎大蝦蝴蝶粉伴黑松露忌廉汁 $118🤩一共有四隻蝦, 搣哂殼 煎到金香幾新鮮 肉質爽口 唔會霉黑松露汁超creamy❣️熱情果芒果茶紅茶 (跟餐)☕凍檸茶 (跟餐凍飲+$3)🥤兩杯飲品不過不失茶有助解油膩 中和返主菜的重口味另單點左一個龍蝦味薯蓉 $68充滿龍蝦湯的香味上面仲有少少蝦肉薯蓉幾滑🤗是日甜品係咖啡mousse cake細細杯過

厚福街喺尖沙咀出名多嘢食，H8上面都有唔少出名嘅餐廳，今日就試吓依間西餐廳！我哋係星期日夜晚去，都有唔少人，建議預早book定位，咁就唔使等啦。我哋兩個人食唔到太多嘢，所以就叫咗一個前菜沙律同埋一份主食share。每一枱都會附送一份麵包拼盤，有一條脆條、兩件麵包，可以配牛油，不得不讚麵包真係好好食。...日式磯煮鮑魚伴芥沙醬 $108：嚟到足足有兩隻日式磯煮鮑魚，切開咗四件，而鮑魚殼就用嚟放沙醬，鮑魚係一啲都唔un超好食，而且個調味都非常之適中，唔會太鹹或者太甜。另外就配搭左一啲蕃茄仔、紅菜頭等等嘅沙律菜。作為開胃菜或者前菜係一個唔錯嘅選擇。...燒菇、焗鮑、北帶、蝦意飯伴龍汁 $248：上菜嘅時候係有足足三大嚿大啡姑放喺底，上面就放咗充滿龍蝦汁嘅意大利飯，每一件最上面就有唔同嘅海鮮，分別有虎蝦、北海道、帶子同埋焗鮑魚，值得一讚係個意大利飯超級入味，而且軟硬度適中，每樣海鮮都非常之新鮮，食落去都係啖啖肉！

今日約左朋友係尖沙嘴食lunch，黎到厚福街呢條尖沙嘴最多好野食之一既街度，簡左一間樓上既西餐廳，Amitie Kitchen.呢度既環境好好，裝修有風格，氣氛有情調！重有好多嘢食選擇！我同朋友每人簡左個lunch set和風牛肉溫泉蛋撈稻庭烏冬 望落好juicy，好吸引，稻庭烏冬好彈牙，配埋和風牛肉同溫泉蛋一齊食，味道口感都一流。柚子味噌北海道帆立貝意大利麵 柚子同味噌既配搭令義大利麵既味道變到好清新，北海道帶子新鮮又大粒！黑松露薯條 最鍾意好脆既細薯條，同黑松露醬係絕配食到舔舔脷！海鹽焦糖爆谷牛奶咖啡 好多cream好多爆谷既特色飲品，同朋友一齊share住食 share住飲，特別sweet啊！

聖誕緊係要食聖誕大餐，同朋友搵咗呢間係厚福街嘅西餐廳，網上仲有得book位唔驚要等位聖誕有特別manual，包咗餐包、餐湯、餐飲、前菜、紅/白酒、主食同甜品，超級豐富餐湯好濃郁嘅薯仔味，加上紅蘿蔔點綴唔錯餐包餅乾條 竹炭包 牛角包 件件都幾好食，最鍾意牛角包，好酥脆前菜有龍蝦配上酸酸哋嘅汁好開胃羊架叫咗7成熟，唔會覺得好騷，啲配菜都有心思，菇上面有紫薯點綴好得意甜品最緊要有merry x mas haha～～

今日下午放假，同老公食個fine lunch先，我哋去左尖沙咀間樓上餐廳Amitie Kitchen。餐廳環境都幾好，感覺乾淨整齊好舒服。Lunch set都幾多選擇，可選餐湯或沙律，飲品及甜品。我哋叫左個牛扒餐同燒春雞餐，另外 +$15多左份餐包。餐包：有牛角酥、餅乾條同竹炭包，牛角酥鬆脆，餅乾條亦夠脆，竹炭包軟熟，加少少牛油無咁單調。是日餐湯：大蒜薯仔忌廉湯口感幼滑，淡淡薯仔味，幾好。泰式西瓜沙律：西瓜好甜，沙律菜配上泰式醬汁酸酸地帶微辣，感覺清新開胃。烤燒阿根廷牛扒(6安士)：賣相幾好，叫左五成熟，肉質比較淋，入口帶肉汁，油脂豐富，配菜有翠玉瓜、茄子、紅黃椒同埋薯仔，牛扒同配菜已簡單調味，好好食。香草蜜糖燒法國春雞(半隻)：春雞燒得幾靚，有光澤又唔燶。雞肉燒到剛剛熟，肉質嫩滑juicy，餐跟意粉，配菜同樣有翠玉瓜、茄子同紅黃椒，整體味道同賣相都唔錯。飲品：老公叫左宇治抹茶紅豆冰 (跟餐+$20)，佢話淡淡抹茶味，紅豆甜甜地，佢好鐘意。我就叫左宇治抹茶牛奶朱古力 (跟餐+$20)，抹茶、牛奶同朱古力mix晒一齊，味道好夾，甜甜地幾好飲。甜品：藍莓芝士蛋糕細細件，口感細滑creamy

厚福街係一個平時諗唔到食乜就會入去揀嘢食嘅地方🤣但H8呢棟都有好多嘢食，平時好少上去🫢🫢入到去餐廳係暗暗地幾有格調餐包會係有牛角包🤣都幾特別！細細地又唔會好飽~· 法國藍青口伴白酒忌廉汁配蒜蓉多士 $158叫咗個頭盤輕食！藍青口無沙幾鮮~配埋個好creamy嘅汁好邪惡🤤🤤藍青口份量都唔少，仲有少少菜可以撈埋食👍🏼· 低溫慢煮法國雞胸日式年糕伴黑松露蕃茄汁 $178呢個好fusion嘅菜式！其實有啲似韓式但唔辣咁~配咗個蕃茄汁又唔會唔夾喎！年糕要沾多啲醬汁，始終係粗粗地唔會太入到味，慢煮雞胸真係食落雞髀肉咁，一啲韌同鞋嘅口感都無· 咸蛋黃醬汁煙肉磨菇意大利麵 $148咸蛋黃醬好香好邪惡🫢但又唔會去到好漏！煙肉同磨菇都好夠~意粉可以掛到好多汁🤤🤤🍽 Amitie Kitchen | 尖沙咀📍 尖沙咀厚福街8號H8 9樓

見到呢間餐廳主打係五星級酒店前大廚開嘅，而且有好多個好評，所以帶咗媽咪嚟食生日飯。餐前麵包竟然餐前麵包都有三款，仲有牛油同埋jam 。 佢嘅牛角包超級鬆脆，長餅乾就係蕃茄味好開胃。套餐前菜與南瓜湯檸汁醃蝦配牛油果好似牛油果他他咁有好多紅蔥頭令到成個前菜好有咬口好爽，而且紅蔥頭嘅味道有少少辛口。 另外佢仲有一啲檸檬汁醃製嘅蝦粒，令到成到個前菜非常開胃。法國藍青口 大推介食落去藍青口係用新鮮嘅青口，入口超級嫩滑，肉質鮮甜。 佢嘅醬汁應該用咗啲白酒同忌廉再加埋一啲迷迭香調製。 同蒜蓉包非常配合， 成個菜唔會太Creamy。而且青口真係非常新鮮。 意煎黑豬火腿蝴蝶枌伴黑松茄汁第一次食黑松露味嘅意粉而唔係白汁。感覺非常特別，有黑松露味亦都有茄汁味，變到唔會好膩。 而黑豬火腿就係偏鹹，同煎到非常香口。 所以配合返茄底嘅蝴蝶粉，個味道係啱啱好！ 意煙肉、大菇芝牛漢堡配炸薯條芝麻麵包烤到脆卜卜， 咬落去大啡菇非常Juicy ! 上邊仲有一塊厚身嘅煙肉。咬落去啲豬油汁別晒出嚟，再加埋啲牛肉汁。成個包味道好多層次。朱古力心太軟伴士多啤梨雪糕心太軟非常流心，而且熱辣辣。 裏面嘅朱古力醬偏甜，一啖心太軟一啖士

今日12點半去到Amitie Kitchen已經坐滿半間餐廳，好彩有book枱食lunch！之後無幾耐已經坐滿人！🤭我叫左個lunch set.1.餐湯、餐包 +$5餐湯好香濃！餐包有3種口感，鬆軟、鬆化、香脆。👍🏻2.煎阿拉斯加比目魚柳 $158我揀左配薯菜，原來係紫薯、同瓜茄類，好健康！🫶🏻想濃味d既可以點蒜油。比目魚柳既皮煎得香脆。魚肉juicy 嫩滑！3.宇治抹茶紅豆冰 +$20外形靚，仲可以同時飲到宇治抹茶同紅豆冰，正！4.巴斯克芝士蛋糕 $48甜度恰到好處。只係尖尖果度好似有少少燶味。。

厚福街H8大廈一向有好多餐廳，依間樓上西餐好多好評，雖然環境裝修唔算好華麗 但食物有保證，尤其係豬鞍扒，特登平平哋黎食個午餐先😍晚餐亦相當有氣氛，之前都食過相當適合聚餐 慶祝生日等等！14：30前結賬可免加一Amitie Lunch Set Menu▶️Appetizers 前菜是日餐湯或三文魚沙律伴日式洋蔥汁+$15可加餐包是日餐湯是蕃茄牛尾湯，好入味夠creamy又唔會太鹹。麵包有三個款式，+$15好合理👓黑松露野菌煙斗粉 $98煙斗粉有少少似大粒版貝殼粉，幾爽口唔會淥得太淋，比我想像中掛汁，都好濃嘅黑松露味，有菇菌洋蔥，有別於平時好creamy但漏嘅忌廉汁底。評分：7.5/10👓烤燒西班牙栗飼豬鞍扒伴蜜桃莎莎 $168可配白飯／意粉／薯菜成個午餐餐牌最貴嘅一道菜🤣不過係好食👍🏻烤到剛剛好粉色肉嫩juicy，好厚肉足料，唔太多肥邊膏位，岩岩好🤌🏻簡單嘅香草調味同醬汁，已經好夠。配菜竟然有日本番薯粒+菇菌茄子翠玉瓜等，一定夠飽肚！評分：8/10👓Tiramisu coffee 加$15可轉特飲面頭係一層cream灑上可可粉再插上手指餅，味道係濃郁嘅咖啡味，好輕微嘅可可粉味，其實整體味道

今次嚟試尖沙咀厚福街一間良心又高質嘅樓上西餐廳！⭐️加拿大海膽松葉蟹柳蟹膏忌廉意大利粉 $218呢度係餐廳招牌，果然係一定要嗌！首先賣相好吸引，海膽蟹柳蟹膏份量都好多，食落去係新鮮甜美，加落意粉之後令意粉更加有豐富鮮味，忌廉汁亦都可以充分掛喺意粉上面🤤⭐️紐西蘭肉眼扒 $168呢款係lunch set，上菜嘅時候已經聞到好香，牛扒都好容易咬開，同時帶一啲筋位，牛肉味更加重！配菜都好好食，全部都煮得啱啱好同入味！因為好多餐廳都會忽略咗配菜。⭐️麵包拼盤 +$15麵包拼盤係呢間餐廳嘅特色，佢有三款麵包，其中一款有啲似pizza薄脆，配埋有好多款配料嘅周打魚湯⭐️宇治抹茶紅豆冰

今次食嘅每件嘢，都係驚喜不斷💫！Starter先來個竹炭包，咬落外皮脆卜卜，裏面又軟綿綿，真係話唔出嘅舒服。緊接羅勒香味蜂巢餅乾條，香口得嚟富有層次，食落令人一啖接一啖。法國雞胸，講真，以前食雞胸老實講會啖啖肉板，但今次件雞胸潤滑得嚟又爽彈，跟埋黑松露蕃茄汁，鮮甜得嚟有歷歷口感，日式年糕韌味都啱晒口。黎到甜品，宇治抹茶朱奶，提提個味，朱古力心太軟配雪糕就係深情厚意🍫🍨，朱古力味濃郁得嚟唔會過甜，真係幸福到不得了。今次一試，真係覺得心滿意足，食物質素好過預期，每樣都可以話係巧手做出嘅好滋味，食得出廚師心機大。下次仲想試埋其他嘅菜式，真係迫不及待喇！👍🍴😋

Happy Birthday to my dear Friend兩個女仔食得唔多 叫左2個main + tiramisu coffee + 榴槤cheese cake special cake!Main澳洲牛臉肉 朋友第一次食覺得超好食 好淋 好入味 連同薯蓉都好好味 😋 我之次食過其他都好食 不過呢間水準高脆魚柳牛油果他他醬漢堡包伴沙律菜漢堡包好香 整體唔錯 係乾左少少 可能都係食牛肉juicy啲😂Tiramisu coffee本身都怕咁夜肉訓唔著 但真係好想試就叫左喇外貌吸引 上有好滑既cream 配可可粉 下有濃濃既rum酒咖啡 唔驚訓唔著喇🤣 值得試Durian Fruit Basque cheese cake想試好耐既既斯克榴槤味芝士蛋糕 估唔到係今日既special cake 😂 好彩朋友okay 即叫黎試雖然本人冇好鐘意榴槤但想試好耐 好特別 又真係好食 好香榴槤加濃郁芝士蛋糕 正！整體朋友好開心滿意 話好多謝帶佢試咗間有質素既餐廳品嘗美食 🥰PS: 係openrice 揀咗3間餐廳再俾朋友揀先book 位，冇任何優惠