Amazing

營業中

休息中

第一次黎呢間酒店用餐, 環境唔錯, 當晚客人唔多只有四五枱到. 寧靜坐得舒服👍🏻知道餐廳慶生的話有小蛋糕贈送, openrice 訂位時說明. 但由於訂位後無職員致電 confirm~ 入座再詢問職員, 有位唔係著西裝既女同事(無帶眼鏡) 面露不悅似審犯一樣"蛋糕要提早預訂先有架喎", 我說明 openrice 訂位有提, 佢查看後回來答有預定就應該有架喇, 應該有!? 係答案黎架😒我以為自己去左茶餐廳. 仲有更 funny既經歷, 友人問呢位女職員洗手間位置, 佢指示方向後, 友人到達後先發現洗手間係上鎖的. 但職員點解唔提醒洗手間係需要攞鎖匙呢😒😒有彈都有讚既, 另一位帶眼鏡既女職員就好禮, 又會主動加茶水比較細心👍🏻講返食物, 餐廳送上的蝦片小食香脆可口. 咖哩海鮮, 其實落單時轉做黃咖哩的, 但上桌時都係青咖哩😌 有青口魚蝦球雜菜都幾豐富, 味道可以. 辣醬炒大蜆好大份, 而且蜆大隻肉厚又唔太辣, 岩晒我口味👍🏻燒大蝦柚子沙律, 新鮮z 馬拉盞炒通菜, 菜碧綠美味.

因為全家都愛吃泰菜，紅日假期晚上母親大人想外出用膳，我們便選了這間餐廳試試。雖然是公眾假期，但竟然可以即日在open rice 訂座，除了免卻假期人多等位之苦，更享有7折優惠，認真很方便又划算！可能位置不太便利，當晚餐廳未見滿座。不過少了人多的嘈雜聲，用餐時更覺寫意。我們點了幾個菜，一貫泰菜香口惹味，賣相也十分精美，只是炒菜略嫌咸了一點點。飲品方面點了兩個椰青，size比一般泰菜餐廳的大，椰青水很清甜，質素很好。總結來說，如果大家想找個舒適的地方和家人或朋友聚會，這餐廳是個不錯的選擇。

位於油麻地，位置方便，環境闊落舒適，服務亦不錯，還有於OpenRice網上訂坐有7折優惠，食物質素亦不錯，最適合和朋友談天說地，因為是不限時的👍🏻。原本想叫海南雞飯，可惜已經賣完，當時大約7:30，望望四周，也有數枱客人食緊海南雞飯，想必有過人之處，可惜可惜。改選了海鮮菠蘿炒飯，海鮮量不少，少有地配上數粒香脆腰果炒什菜，蘆筍比較老，吃了四五條也有渣，其他西蘭花椰菜花菇類，不過不失，下次還叫通菜可能會較好。蝦餅好食少彈牙有蝦味泰式鳳爪亦夠酸夠辣帶少許甜鐵板豬頸肉比較鞋口，但醬汁反而不錯酸酸甜甜的沙爹（一半雞一半豬），串燒一般般，而沙爹醬亦不夠香

大家好,我係為食bb呀， 今日同朋友嚟呢間城景國際嘅泰式下午茶自助餐， 在官網預訂有免加一優惠大家要留意呀， 唔好講咁多， 立即為大家介紹呢間餐廳有乜嘢好嘅食物， 首先就係冇骨糯米泰式軟雞翼， 好食， 入口有嘅泰式正宗冬陰功辣味， 再加上係熱食真係冇得彈 ，雞翼加糯米咁都畀佢諗到，仲要起埋'骨正 必食， 仲有正宗泰式葡撻亦都係好味， 嗰個蛋撻皮夠脆同埋個泰式蛋漿調教得好軟好滑， 因為係迷你版嘅關係，所以我一連起就已食了好幾個， 不得不提嘅呢度仲有獨特嘅泰式馬卡龍 ， 雖然有不同顏色，但是每款都是味道不同真係要試， 估唔到呢度係有凍皮蛋豆腐， 好難做得到嘅豆腐係好食混合皮蛋切粒 ， 大家真係要一試 ，仲有冇乜味道嘅泰式壽司清清地唔錯， 另一款嘅就係泰式炒河吾肥好啱女仔食， 同埋呢個串燒雞加埋沙嗲醬話一流呀， 因為這裏下午茶的食品大多數都是迷你版，所以大家食完都唔係覺得會好飽㗎， 最後推介梗係呢度嘅皇牌甜品泰式榴蓮正宗糯米糍， 香甜嘅椰絲煙靭嘅外皮， 最重要嘅就係入口即溶嘅流心泰式榴槤醬， 一粒邊度夠，我見冇人睇住成盤推曬落自己隻碟度，瀟灑地返埋位進食， 因為啲嘢太好食淨係掛住食,都冇影到

幾位姊妹和我慶祝生日，約左星期日食lunch, 我揀番呢間泰式餐廳。我今次一個月第二次經openrice訂座，散點有65折。而且食過覺得食物質素好，味道不太辛辣，所以我介紹的姊妹們來試吓。我地共五人，叫左兩個沙律，一個大拼盤小食，一個菠蘿海鮮飯，一碟炒菜，幾樣甜品，好滿足。頭盤1) 大蝦蜜柚沙律沙律。蜜柚係甜，配上青檸及醋汁，好開胃。可惜兩隻蝦有燒窿左啲，蝦肉有啲乾身。2) 松葉蟹蜜柚沙律 $138 (encore)蟹肉新鮮，蜜柚很甜，今天再試，水準一樣冇變3) 小食拼盤，五人份量剛好，各樣試啲，我最中意食的是去骨鳳爪及蝦餅。鳳爪爽口酸酸甜甜，蝦餅剛炸起，外面鬆脆，內裡蝦肉實淨彈牙主食 菠蘿海鮮炒飯，今次比上次蝦肉多左，鮮魷多左，唔通睇左我建議，放多左料？黃羌炒出飯，加上豐富的海鮮料，味道松子炒通菜，菜身好嫩，醬料味道剛好，唔會過鹹甜品1) 三個椰子布甸，因實在好好食。2) 榴槤卷，外面冰皮包住椰絲榴槤肉，味道好夾，可惜只顧食，下次再試補番影相同大家分享。我的姊妹叫左鮮果汁和其他特飲，我就好飽，今次冇飲野。下次再重點分享甜品及飲品。總結今次食得開心，不過有一位高級waiter及一位w

經常聽朋友講油麻地城景酒店的Amazing是食泰國莱是ㄧ個不錯選舉。本來暑假時都想來試吓,但總是找不到時間。暑假後,餐點推出了週年"泰盛燕"下午茶,每位$188,兩人以上打九折,相等於免了加ㄧ服務費,所以ㄧ行六人兩星期前訂了枱，來試一試以燕窩作主打的下午茶。餐廳就在地下大堂,地方不算大,環境不錯,。坐下不久,待應就奉上燕窩耶汁石榴子𣲙。耶汁很香耶子味,入口有𣲙涷的感覺,消暑ㄧ流,但買相就ㄧ般。沙律的種類也很多。Pizza 香囗！芝士釀蟹殼甜品種類很多,爱甜者ㄧ定

星期四晚即興想食泰菜，用openrice訂座，散點菜式有7折，見到其他朋友既食評多數唔錯，當然要試吓，睇吓有幾好味先。餐廳喺一間酒店大堂，因頂有啲遮蓋，唔會覺得頭頂上，會被人望的感覺，而且每張枱之間有一家空間，用餐寧靜。同Honey撑枱脚，坐卡位，舒服傾偈。食泰菜來講，呢間餐廳，環境幾好，位又夠闊落。我好唔中意九龍城既泰菜餐廳，同隔離枱痴住，講句話，驚影響到隔離枱。坐落左，即時送上水及蝦片頭盤有幾款沙律，我揀左松葉蟹肉沙律蟹肉蒲面，賣相已經冇得輸，而且蟹肉都約大條，蜜柚很甜，加上沙律的醋汁。醋汁的酸和蜜柚的甜搭配得恰當。小食，來個沙爹串燒牛及雞，肉質算新鮮，但少左炭燒的味道，燒得唔算香。主菜菠蘿海鮮炒飯，個飯俾足份量，配兩隻青口，幾塊爽口但唔韌既鮮魷魚，兩隻大蝦，(放多俾多兩隻更好), 仲有香甜既菠蘿肉，好味！三樣食物，二人份量剛好，下次約多兩位朋友，試吓甜品！

今日同死党慶生當然要搵間我最喜愛餐廳，Amazing 有水準，有服務，有環境達到我要求，上次試過二人餐，今次再接再厲都是選擇二人套餐，因其份量已足夠我們三位女士！大蝦柚子沙律清甜開胃是頭盤首選菜色！串燒雞肉沙嗲串雞肉春卷蕉菜烤蛋泰式花膠· 魚肚羹濃厚雞湯熬製湯底，每一匙都份量十足非常抵食！泰式香辣煎三文魚魚腩香煎至金黃非常香口，蘸上小許泰式醬料同食有助提升味蕾泰式海南雞保持水準，皮爽肉質嫩滑兼好有雞味燒有機大蝦香味十足，但肉質不足爽稍為失分！白胡椒乳龍蝦這道菜是另加的煮法似避風塘香辣有鑊氣，龍蝦肉彈牙！飲品也是另加的，$48一杯鮮打藍莓沙冰真材實料無得輸椰皇鮮奶布甸食到最後一道女士們致愛甜品，真心真的飽到沒有空位完成，不過我們都食了一大半，椰汁香濃口感軟滑，如果熱食會更好！二人餐近日做緊推廣活動，記得上 OpenRice 下載優惠券先噢優雅時尚富泰國色彩，整體設計寬敞舒適，樓底比較高故空間感十足！卡位除舒適度高仲好有私隱，談天說地都不怕隔離檯眼望望。今晚食得盡興，坐得舒適，捧腹而歸，無論如何都感謝幾位服務員誠懇招待！

地方舒適,在洒店內,最啱傾計又唔嘈泰國菜都好好食牛肉湯河,蛋包金邊粉,鐵板豬頸肉都是我最愛。必推椰皇鮮奶布甸!椰奶味勁濃郁!好好味!位置於油麻地港鐵站附近,搭車非常方便。

與一大班朋友係市區搵食店很困難，唔係食店太噪吵，便是限時食1.5 小時。但是，位於油麻地鄰近地鐵站的 Amazing 餐廳，係城景國際 hotel 內，交通十分方便，沒有時限，環境優雅及安靜，令人感到非常舒服。食物味道也不錯，特別係甜品：椰皇鮮奶，值得推介！

The staff were very friendly and nice atmosphere. But the food was very oily and not authentic. This is not a Thai restaurant. I would say Thai fusion Chinese..... we lived in many places in the world and went to lots of Thai. But this is one of the worst one.

咖啡放在桌上自由斟，但只是微暖，問 侍應 可否加熱她說不可以，態度不好，而且食物種類也太少，味道很一般，不會再去。200蚊來說真的不值得。 最好吃的是雞蛋仔，雞翼， 沒有了。

雖然大堂沒想像的很大，但座位的距離空間尚算寬闊，不覺擠迫的感覺，滿室綠色植物裝置，中空高樓底充滿自然光線照明，是一個朋友共聚閒聊的理想地方，食物及甜品，生果的花款種類不多選擇，但都可提供給客人有飽腹，味道都不錯，只可惜的事……食物的熱度不夠，一杯茘枝梳打特飲，在炎熱的天氣下，確是涼透心的飲品，酥脆的小葡撻，脆脆雞蛋仔，脹卜卜糯米雞翼，微辣碎肉蔬菜包……各款食物，再來Dreyers雪糕作為這次親民價錢下午茶的總結

訂枱三次，第三次終於成功！可能頭兩次都是前一日訂，沒有位。如果你想週末搵個地方休息一下，$190的下午茶自助餐，環境舒適，食物一般，服務很好，這間餐廳算唔錯。雖然大部分食物一般，總有幾款比較好食，例如：炸薯仔絲蝦卷，炸春卷，嚷蟹蓋，雜菜，泰式鳳爪，雞蛋仔及葡撻。

食材一般，味道一般，選擇也小。若對於在香港和泰國食過無數次泰國菜的我去評分，只能用剛剛合格來形容，不像泰國口味也迎合不到香港人口味，對每位$188再加一的酒店下午茶也沒有要求，只求找個比較舒服的地點和朋友聚一聚。但用大约$400去食這種不淪不類的泰國菜。就不大值得了。入坐後送上一大杯荔枝冰串燒凍的，泰國豬肉碎也煮得奇奇怪怪 ，甜品也不吸引，最好食的竟然是迷你葡撻和macaron而幾位男性香港人員工的服務很细心及有禮貌，應記一功。