Amazing

營業中

休息中

這間泰國餐廳的體驗令人失望。網上介紹稱有豐富的沙律和炸物選擇，實際上品項極少。沙律種類單調，味道平淡無奇，尤其是青木瓜沙律，缺乏應有的酸辣風味，口感如同普通蔬菜。炸物方面，炸魚外層油膩，麵衣過厚，內裡魚肉份量少，味道毫無特色，沾醬也無法提升美味。點了一份冬蔭功湯，等候超過一小時仍未送達，期間多次催促均無果。食物耗盡後，餐廳未有補充，桌面空無一物，服務效率低下。整體而言，食物質素欠佳，選擇匱乏，服務速度緩慢，與期待中的正宗泰國菜相去甚遠。建議餐廳提升食物品質和服務效率，否則難以吸引回頭客。這間泰國餐廳的體驗令人失望。網上介紹稱有豐富的沙律和炸物選擇，實際上品項極少。沙律種類單調，味道平淡無奇，尤其是青木瓜沙律，缺乏應有的酸辣風味，口感如同普通蔬菜。炸物方面，炸魚外層油膩，麵衣過厚，內裡魚肉份量少，味道毫無特色，沾醬也無法提升美味。點了一份冬蔭功湯，等候超過一小時仍未送達，期間多次催促均無果。食物耗盡後，餐廳未有補充，桌面空無一物，服務效率低下。整體而言，食物質素欠佳，選擇匱乏，服務速度緩慢，與期待中的正宗泰國菜相去甚遠。建議餐廳提升食物品質和服務效率，否則難以吸引回頭客。

因為喜歡飲冬蔭公，見到酒店餐廳推出泰式火鍋放題仲要無限時，無限提供紅，白酒，啤酒，汽水，橙汁任飲，仲要有芒果糯米飯，星期日連埋加一只需要$268，性價比應該吾錯，決定要去試一試，點知就中伏了，瀨晒野。餐廳原來係用炭爐打邊爐，燒紅幾舊大炭放响爐底，全晚靠嗰幾舊炭去整熟啲湯底和食物，個爐係熱和整得熟啲食物(係浸熟)但需要用比較耐的時間，最大問題係個打邊爐個器具，個鍋底又淺又窄，中間又有個突出嚟嘅盤用嚟烤肉，甘就應該寫清楚，我係一心一意嚟食火鍋，吾係想食烤肉，而且呢個炭爐係完全吾會見到啲湯會滾起，鍋底又淺，所以更加吾會見到啲丸呀，餃呀係因為熟左而浮起，所以打邊爐烚嘅食物一係未熟一係就驚吾熟而煮得太熟，我終於明白點解會無限時，因為要用好長嘅時間去等待啲火鍋配料浸熟，任食都無用，你吾會食到有幾多食物，嘥時間。冬蔭公湯底好咸，美國牛小排肉色是瘀紅色，鮮蝦不新鮮。前菜提供的泰式拼盤每人只得半件，除了蝦餅超硬，其他不過不失。唯一可取是芒果糯米飯還可以，啤酒，橙汁，汽水正常，餐廳環境可以，星期日晚上，當晚只有大約3至4成食客，所以不會擠迫和嘈吵。

話咁快就已經秋冬嘞，當然唔少得一個暖笠笠嘅火鍋啦🤩 最近位於城景酒店既泰式餐廳amazing，做緊泰式火鍋任食套餐。只需要268蚊一位就可以食到😋 有好幾種特色嘅泰式湯底可以選擇。今次我哋就揀咗佢哋嘅秘製冬陰功鮮蝦湯！湯頭方面冬陰公嘅酸辣味道超開胃，配搭埋椰奶同鮮蝦令到成個湯底好濃郁香滑，而又保留到蝦嘅鮮味。肉類選擇方面都算豐富，牛、豬、雞、鮮蝦、墨魚各種都有，而且仲有少有嘅鱸魚。值得一讚嘅係，佢有美國牛小排肉，油脂豐富，肉質鮮嫩多汁。仲有手打鮮蝦丸同墨魚丸，爽口彈牙，口感豐富。佢哋嘅泰式式小食拼盤有好多唔同嘅特色小食，其中糯米釀雞翼真係非常唔錯👍炸至香脆嘅雞翼，包裹住暖笠笠又軟糯嘅糯米，口感層次豐富。另外仲可以加$68叫佢哋即叫即燒嘅串燒拼盤，非常值得一試！有豬肉、牛肉、雞肉串燒，肉質多汁嫩滑，表面有微微嘅焦香，再配咗個沙嗲汁，

泰國菜就成日都食得多，泰式火鍋真係好少食🤤今日嚟到城景大堂嘅泰式餐廳Amazing同朋友慶祝生日，適逢餐廳推出優惠，今個月平日$200/位，週末$238/位。首先飲品方面有橙汁，啤酒任飲，紅酒，白酒都係任飲。小食拼盤包括炸蝦餅，糯米釀雞翼，素春卷同埋柚子沙律，其他小食例如生蝦刺身同埋泰式鳳爪，都係一啲好經典嘅泰式小食。😋食緊小食嘅期間湯底嚟到啦！我哋揀咗椰汁雞湯，湯底係帶酸，餐廳另外俾咗一大碗湯我哋，唔夠湯嘅時候唔係加水，而係加返椰汁雞湯，所以打邊爐嘅期間湯底唔會越食越淡。😋爐嘅中間係可以用嚟燒肉嘅，所以無論燒肉派定係火鍋派嘅朋友都可以得到滿足。肉類餐廳提供美國牛小排肉，豚梅肉，雞肉等等嘅選擇；海鮮方面，除咗鮮蝦同埋墨魚之外，仲有鱸魚柳。呢一個套餐提供豆腐，油麥菜，生菜等等嘅蔬菜，超級推薦豆腐，同呢個湯底好夾。🥹甜品方面，有芒果糯米飯，榴槤糯米糍等等嘅選擇，份量一口一啖，貪心嘅可以叫多兩個，或者叫一份過下口癮都唔錯。😋

有屋企人嚟咗香港旅遊住嘅酒店出咗一個優惠套餐諗唔到去邊度食就試吓呢一個推廣！城景國際Amozinh全新泰式火鍋放題套餐，於這個秋冬季為您帶來震撼的泰式盛宴有三款秘製泰式湯底：冬蔭功海鮮湯椰汁雞湯泰北燉牛尾清湯每台客人都會奉送一份布吉小食拼盤入邊有齊包括泰式炸蝦餅、糯米釀雞翼、柚子沙律等）、泰式鳳爪及生蝦刺身另外仲有多款任哎任食火鍋配料多達20款，美國牛小排肉、豚梅肉、泰式魚蛋、手打丸類及餃類、鴨血、曼谷香脆豚肉皮、泰國金邊粉等滿滿泰式風情啊～我自己就好鍾意佢哋嘅手打蝦滑，一邊啖啖蝦肉，脂肪含量少甜品都會有三款，包括招牌椰汁芒果糯米飯、榴槤糯米糍等任食，更無限供應紅白餐酒、啤酒、橙汁及汽水現凡於即日起預訂泰式火鍋放題套餐，2位起惠顧可尊享低至75折，每位低至＄200起，5歲或以下小童更免費！Amazing以園林景緻設計，高樓底玻璃天幕滲透著柔柔日光，絕對是與三五知己聚餐的首選。呢個價錢有酒店環境配套，放題無限量任食性價比非常高！Amazing油麻地九龍窩打老道23號城景國際大堂

酒店大堂餐廳環境非常闊落，OpenRice 優惠買咗兩個二人餐，四人食都好飽，fusion泰國菜，前菜個鮑魚幾爽口主菜揀六個餸味道不錯，，適合啲唔係太食得辣嘅。價錢都抵食，食物擺設幾靚，味道不錯👍。

本來打算靜靜地同朋友邊吹水邊食。成1/3 碟未食，d 侍應行過問：同你收左佢啦！好幾次，總之一行過就問你 d 野收得未，湯未飲完，行過講同你收左佢，我都未尼得切反應就攞走，真係吹漲。朋友問佢地借匙去洗手間 態度都唔係幾好。野食一般般，咖哩唔辣，好唔好食真係見人見智，叫做港式咖哩咁，泰國風味真係冇乜。到個三文魚扒沙律，portion 細，不過不失咁，但完全唔泰式。好少寫食評，今次真係勁趕客，尤其短髮戴眼鏡嗰個阿姐，應該冇乜下次。唔怪之得節日都咁少人。酒店餐廳咁嘅服務態度不如執左佢。

超差服務網上評論都有提過佢服務差，又有「隱籲」提過穩陣啲都係叫海南雞飯算數。我中伏，自己蠢。兩個人去，叫一個海南雞飯一個煎魚午市套餐。海南雞飯合理時間上，水準普通。成個餐食完，煎魚都唔見影。催過，侍應話煎緊。又再過一大輪，侍應埋嚟收雞飯碗碟，盆上其實仲有甜品。如果之前侍應冇講大話舊魚煎緊，而家應該變咗炭。我起火，埋雞飯張單走人，$150大元加一。酒店餐廳喎！午飯時間半個場冇人。油麻地周街美食，我蠢。

位處油麻地東方街城景國際入面嘅東南亞餐廳Amazing，食過之後真係覺得幾amazing！首先講講環境，餐廳採用日光透入嘅設計風格，俾人一種既自然又清爽嘅感覺，令鍾意光猛嘅我頓時對呢間餐廳產生咗一份好感；另外，餐廳亦加入咗唔少綠色元素，雖然未必係真植物，但係喺石屎森林入面搵到一絲森林元素都唔容易！食物方面，我嗌咗一份午市套餐：大蝦冬蔭功配海南雞飯，味道相當唔錯，個冬蔭功湯有辣味有鮮味，最得意係佢個大頭蝦浸入湯身，蝦頭連蝦腳外露，令個湯嘅賣相生色不少！！而個海南雞飯嘅雞肉都好嫩滑，份量亦唔少，加埋個「擸擸令」嘅油飯同甜品仔(應該係泰式糕點)，成個lunch真係令人好滿足！Juicy！不過亦有美中不足嘅地方：服務效率奇劣，上次嚟食嘅時候埋單時間等太耐，要催幾次先成功埋到單；而今次就係催佢上菜，又係催咗2次先嚟到，因此溫馨提示：如果趕時間就唔好嚟食，因為你預咗會等到燥底。

今次餐廳推出一個四人泰滋味套餐, 睇過套餐菜單非常吸引,而且價錢相當大眾化,($800)所以今晚約同兄弟 一同品嚐😋套餐包括有：芭堤雅小食拼盆軟殼蟹鮮蝦金不換芒果水晶卷 炸蝦餅 素菜春卷 花生西瓜球 糯米釀雞翼, 我推介就係花生西瓜球 居然兩個食材配合入口有一種清新嘅感覺,湯有大頭蝦冬蔭功湯或泰式蟹肉魚肚羹, 湯類可以每人揀一款(因是逐碗上的) 我個人覺得冬蔭功湯比較出色 ,因為湯底比較濃烈及帶少少辣味,反而肚羹就感覺比較淡口一些😕。主菜我地四人都揀咗星州香辣汁炒波士頓龍蝦, 所以嚟咗一整隻龍蝦, 龍蝦肉質尚算爽口彈牙,但我覺得主角應該就是佢嗰個醬汁,其實如果大家係大胃王可以再order 個白飯或者蒜蓉包點嚟食更加一絕👍其次有個泰式明爐青檸辣椒銀鰽魚, 魚肉嫩滑,配上微酸的醬汁十分開胃,,還有西貢黑椒牛柳粒, 肉質柔嫩又是值得推介😋,主菜還有芭堤雅香草燒春雞, 不過我個人覺得個雞肉比較一般,如果想有肉嫩的感情嘅就可能有點失望。套餐尾聲有菠蘿海鮮炒飯,馬拉盞炒通菜,最後嚟個甜品拼盆,有芒果糯米飯、香蘭珍多椰汁糕、榴槤班撠卷。總括嚟講以$800左右既價錢響酒店有咁多款嘢食,真係超值,

因為做嘢嘅關係，所以又要嚟呢度食午餐，知道呢間評價麻麻地，以前都食過，所以到食飯最保守嘅海南雞飯質素唔錯醬料幾好味，不過佢個雞本身林咗少少汁就咁食都OK，我叫咗餐廳將黃油雞飯變咗白飯瘦啲呀嘛蟹肉炒飯同我諗嘅差不多，雖然好大盒飯，不過材料極少，亦都唔係太香，配芒果好似怪怪地，不敢揀！佢嘅前菜有柚子泰式沙律，幾好味開懷！亦都唔會肥你，但係嗰個甜品勁難食，應該係椰汁西米糕，我食咗一啖已經不想吃，朋友亦都唔試了因為好少人而且腿枱之間好寬闊，空間感十足！侍應服務態度OK

今日去吃午餐，食物好一般， 唔好食都算啦，最差勁嘅就係招呼問題， 全場得三個侍應， 人手不足都會體諒；但有一個穿西裝嘅男職員，我諗佢係經理， 呢個經理好冇禮貌， 我埋單畀咗卡之後，等咗十五分鐘有多，都未畀返張卡我，見佢地咁忙，咪自己走咗去counter問碌好卡未，在水吧枱面見倒我張信用卡同單據放在埋單個fold內打開咗,冇人理會😨， 呢個已經係好大問題，萬一比有心人順手牽羊取走信用卡，咁邊個負責呢？？ 之後我就在單上面簽名，呢個經理就好唔客氣咁問我👉你仲乜簽名😡 又問乜你唔係住客嚟㗎咩 ？ 👈真係好想問你門口有冇大字標題寫住衹招待酒店客人 👊👊👊簽好後佢就好晦氣咁比番張卡和單據畀我，頭也不回行咗去， 一句多謝都冇😡另外後面枱女客人係有個侍應叫佢坐個張枱，但係呢個經理叫女客人起身畀番張枱佢，佢話已經留咗嗰張枱畀六位客人用， 所以佢唔坐得， 佢態度係好差好差， 由於我哋已經食完，所以就擰轉面同女客人講不如你坐我哋呢張啦，我哋已經埋緊單， 女客人就問經理可唔坐我哋嗰張枱， 經理又好冇禮貌咁答佢👉你鍾意啦👈， 竟然一啲歉意都冇， 畢竟係佢啲侍應叫個女客人坐嗰張枱， 既然你的下屬搞錯，你係咪應

位於旺角的酒店Cityview Hong Kong 竟然推出咁正嘅二人套餐，地理位置超方便之外，餐廳內環境－流，同朋友食飯靜靜哋可以傾吓偈。鮮鮑魚配泰式辣汁 / 泰式炸蝦餅 / 糯米釀雞翼 / 柚子大蝦沙柚子沙律🥗啲蝦新鮮，沙律酸酸哋，好醒胃；其他炸物炸得香脆之餘，配上甜酸汁，食落特別嘢味。大頭蝦冬蔭功湯大頭蝦新鮮大隻，蕃茄、草菇、香茅….材料豐富，味道鮮美，唔係太辣，容易入口。黃咖哩軟殼蟹好香咖哩味上湯金邊粉椰汁紅咖喱烤鱈魚個紅咖喱用蔬菜和椰汁烹煮，加入烤鱈魚。鱈魚扒個面剛好烤到金黃色，大大件，真係食唔停口。炭燒薄牛扒伴香辣汁炭燒牛扒七成熟，配埋個泰式香辣汁，突顯了牛肉味。香蘭珍多椰汁糕食泰國菜，椰汁糕都唔少得，食完咁多辣辣地嘅嘢，食返個甜品中和番口腔的辣味剛剛好。

咁啱經過呢間舖頭，發現佢做緊優惠，二人餐$400，發現自己好耐都冇食過泰國菜，於是行入去試下本身諗住都係$400，份量應該唔多，但係冇諗過擺到一枱都係餸😨頭盤四個都齊晒架跟住有個冬陰功湯主菜就揀三樣，我同朋友就揀咗炭燒薄牛扒伴香辣汁、黃咖喱軟殼蟹，同埋椰汁紅咖喱烤鱈魚味道方面，我覺得對得住呢個價錢有餘😍之後佢仲有個甜品添，甜品我覺得中規中矩啦！其實今時今日，兩個人$400可以食到咁多嘢嘅舖頭真係唔多，大家係附近嘅話不妨入去試吓，絕對有驚喜！

星期六中午出席完朋友的婚禮後大顆兒一起找個地方吃午飯聚聚舊剛好對面有酒店餐廳可以容納我們十一人地方安靜很適合談天Amazing是酒店的餐飲服務以泰國菜為主晚上則提供泰式自助餐酒店樓上亦有中菜廳今次朋友們點的午餐都不一樣差不多可以讓大家看到Menu上所有的菜式😂前菜可以選泰式鳳爪或雪梨蘋果湯朋友說蘋果湯很清甜泰式鳳爪都很不錯不算很辣主菜有差不多10款可以選我點的是椰皇花膠燉雞湯🥥椰皇原個上又有椰肉吃味道很好亦十分足料有兩至三塊厚厚的花膠😚我顧着談天忘了讓朋友點評一下食物只是選泰式Pizza的朋友說好像Pizza有很濃的花生醬味?🍕其餘的賣相不錯味道應該不會太差…?大家就看相片自己感覺一下吧🤣有個Minor地方要挑剔一下就是那個Menu的中英文資料不太一樣英文資訊較為齊備就像我點的那個中文只寫了湯而英文集提及炒雜菜和白飯這樣可能會影響英文不太好的食客的點餐決定🧐