Alva House

營業中

休息中

老豆生日飯諗住一早2個月前book定，滿心期待。一開始就食咗熱盤先打定個底，湯是夠熱的。但其他熟食有些微凍，所以之後一路都食凍盤，煙三文魚比刺身三文魚好食，生蠔係長期提供。可惜炸物同爐端燒就好似配給咁。寫住有吉列蝦但食左成2個鐘都無見過。問下廚師先生佢啲態度好差，都唔敢再問佢野。擺個食物牌出嚟，個食物籃係滿但對唔到啲名，件件有炸粉包住有時真係估唔到係咩，見其他客望望下都忍唔住問，廚師先生就逐個串。如果安排得好啲個客就唔駛成日問啦。其實好想當面投訴，但老豆生日就廢事喇！不過有啲員工都好好禮貌嘅。

已食過5、6次，晚餐同午餐都食過，日日都full booking，仲要早一個月前book好誇張。雖然種類唔多，但樣樣都幾好味，再多都食唔晒啦對我黎講足夠。每次去都會有幾樣野唔同上一次，都好，起碼都唔會次次全部一樣，我最中意呢度既甜品，細細件好靚款式多，八成甜品都好味，有即炸天婦羅，唔多粉又係細細件好味，熟食款唔多，但味到可以，唯一缺點就係生蠔太細隻，有肉d會更有口感，沙律菜係酒店自家種，雪糕係H杯裝，如果有埋雪條或脆筒就好

Alva House 既自助餐久仰大名，次次想book但係都冇位，今次終於食到啦，因為book左個staycation package係包埋個brunch😂去到已經全場滿哂人，食物主要分左幾區🥸🌟凍海鮮區-有凍蝦、龍蝦鉗、青口同蜆，整體黎講都幾新鮮，特別係蝦同龍蝦鉗，蝦肉彈牙唔霉，蝦頭仲有啲膏，而龍蝦鉗都好大隻，味道鮮甜🤤生蠔係比較爽口個隻黎，唔係好creamy，所以食多幾隻都唔會漏，有海水味但唔會過份鹹，不錯不錯🤣但刺身個啲就麻麻地，魚類都係偏瘦，唔肥美，色澤都幾暗啞😟🌟 冷盤前菜區-有唔同既芝士、沙律、煙三文魚同火腿，應有既種類都有😎仲試左個黑松露帶子多士，但味道就普通🌟 麵包區-麵包既種類都好多，有多士、丹麥酥、牛角包等等🌟 炸物串燒及Egg Station區-提供日式炸物，例如天婦羅、可樂餅、炸餃子，仲有串燒供應，有燒蔬菜、雞腎、雞軟骨😉因為係brunch既關係，所以有Egg Station，試左個奄列，但蛋煎得有點過火，唔夠嫩滑😧🌟 熟食區-有西式扒（肉眼扒、羊架）、印度咖喱、即製意粉、燒味、中西式湯、雞粥，最特別有乳鴿，隔一段時間就會出，所以想食就要留意住😳🌟甜品區-好多款

Alva House一向出名難book位要食佢嘅話就要早一個月訂位今次剛巧碰着啱啱 book正打8號風嘅日子我哋揀咗第2段自助午餐buffet嘅時間當日都好擔心係咪冇得食 好彩餐廳仍然如常營業店員亦表示可以優先俾我哋delay booking至三個月內不過難得我哋一家人興起想食 最後都決定去！酒店亦都有泊車優惠 食滿$2000或以上可以免費泊三個鐘泊車優惠完全係cover到2小時45分鐘用餐時間 好方便各位揸車過嚟自助餐嘅食物選擇非常之多有甜品、沙律、麵包、海鮮、生蠔壽司、即燒串燒、熱食同飲品重點推介💡海鮮有青口、蜆肉、凍蝦、長腳蟹、龍蝦咁多樣海鮮，蜆肉比較有驚喜，因為估唔到佢醃咗味而龍蝦鉗就非常之厚肉不過就同長腳蟹一樣略嫌浸鹽水浸到偏鹹同埋殼比較完整 可能要自己再花多啲功夫拆殼💡刺身壽司呢度竟然提供一般少有嘅吞拿魚刺身食落肉質唔會好鬆散 質素唔錯💡法國生蠔雖然唔係肉質飽滿但係有蠔味每人每次可以拎兩隻 師傅密密拆好快手就算驚見人龍 等兩三分鐘就有得食啦酒店亦會每人送一杯香檳或者汽水拎返杯香檳嚟打卡就唔錯不過入口呢…比較似有汽白酒…味道偏苦澀唔係太易入口…如果揀汽水 我當日就指定只可以飲

食物味道都係咁上下，五百頭對得住價錢，由於join左member所以食左幾次，但上次閒日晚黑去，發現佢有「限fill令」，波龍攞十隻左右出嚟，跟住一野冇哂後，大概15分鐘先fill一轉，煎鴨肝勁耐都唔煎一轉，一煎就大排長龍，其實呢啲嘢keep住fill條龍根本唔會咁長！By the way,如果係food cost問題，你一係加價，唔好出一轉呃下人後就唔係點出，作為顧客，仲要係回頭客，對食物係有expectations, 巳經超級難訂位，仲要就住嚟fill食物，真係一肚火！

8號風球食自助餐風雨不改😂 因為一個多月前預訂的，不想改期。這間去過三次，兩次dinner，一次lunch。lunch平所以無嘜貴嘢麻麻地，Dinner就多些貴嘢，感覺上值去些，大佬遠搭車過去，屯馬線開了都方便了些。龍蝦真的不錯，不是擦子膠，海鮮、魚生、熱葷、扒、乳豬、片皮鴨、煎鵝（鴨？）肝、串燒、火腿、甜品雪糕……大包圍乜都有，一晚冇可能試得晒全部野😂其他食物種類也算多，但今次沒有海蝦，生蠔好細隻但都算鮮味冇肚痛。蟹腳細條d肉又縮水，refill的職員話蜘蛛腳來了！（想我讓開）真係瘦到好似蜘蛛腳🤦‍♀️。麵包蟹蓋終於有幸食到一個（上兩次都食不到），因為要客人攞晒啲腳先會出埋個蓋，所以很少出，唔係好多膏，不過好食過759的。龍蝦多膏新鮮彈牙，可惜冇我鍾意嘅海蝦。燒羊髀，無羊的蘇味😅呢度有兩種牛扒，上邊係牛扒（唔記得咩部份）下邊係斧頭扒，我覺得斧頭扒比較味濃香口火腿好好味，有舊瓜同菜墊底好清新。左上角的燒乳豬又好食😋北京填鴨（左邊中間）超細片，又特登切得好慢，入口都唔知自己食咗啲乜，差評！呢碟係迷樣的墨汁魷魚飯，樣幾嚇人不過食落冇乜特別😅唔知係鴨肝定鵝肝但超細

為慶祝友人生日，今晚一行超多人黎左呢間沙田帝逸酒店既Alva House食自助晚餐。星期日自助晚餐大人每位正價$718另加一，好似滙豐信用卡有折。供應時間係晚上6點至9點半。早左幾分鐘到，要排長龍入，不過都唔算等好耐既。一入門口就係非常吸引既甜品櫃，行入少少就係冷盤區，初頭真係長期有人龍。凍海鮮有龍蝦，青口，蟹脚，凍蝦，同另一款蟹。龍蝦好正，啖啖肉，帶龍蝦既鮮味而爆膏，紅色同黃色既膏任君選擇，我encore左兩轉。其他海鮮我就無試。凍海鮮隔離就係壽司區，有雜錦壽司同幾款卷物。最正係有海膽卷，而海膽雖然唔夠鮮甜不過夠滑溜同唔腥。雜錦壽司我見過有鰻魚，蝦，三文魚，同墨魚，可能仲有其他款輪流供應。我試過鰻魚同蝦，質素係唔差不過舊飯幾大。壽司區隔離係粉麵，有稻庭烏冬，蕎麥麵，同綠茶麵。配料自己加，有日式叉燒，蟹柳，青瓜，紫菜，蛋絲，醃蘿蔔，醃生薑，葱花芥末。正常應該無人會食，長期比生蠔人龍擋住。生蠔長期有人龍，我係到後期見人少少先試下。服務員即場開生蠔同幫你冲洗所以要等。不過其實生蠔好細隻，海水味超重但係完全唔肥美，個人覺得唔值得排隊，試過就算。生蠔隔離係刺身，刺身有5款，包括三文魚，立魚，吞

見Alva 口碑好，好有期望咁去試一試，點知失望而回。生蠔唔算肥美，中規中矩咁囉，開蠔位長期有龍煎鴨肝嗰位廚師隔咗成個鐘先開始煎，條龍又係長期都咁多人。之前煎咗一轉和牛跟住就吉咗好耐先煎鴨肝。之後中間又要等好耐先再煎一轉，件肝仲要一開三，每舊都好細粒，每人限攞一件，排到無癮。總之煎肝嗰位廚師態度都係麻麻，一副「話之你食唔食到」咁嘅面口，後尾換咗另一個師傅煎鴨肝先至好啲。唔知係咪有人投訴所以換廚師龍蝦係多膏嘅，但size時大時細，唔多standard 服務真係麻麻，啲waiter掛住傾計，明明喺隔離都要叫到第四次先有反應。片皮鴨同乳豬啲皮都係唔多脆。啲位排得好密，攪到攞嘢食嗰條巷都有啲迫迫地嘅感覺，去佢個廁所仲闊落過攞嘢食條巷。我以為因為多客所以啲位要排咁密，點知又好多張吉枱。唔知係no show定係佢要隔枱坐。但我哋坐嗰度又無隔枱坐總之成個體驗麻麻，應該唔會再去。book唔到無損失

已經想食好耐，特別提早咗一個月訂位。滙豐信用卡折左約500元一位。有生蠔，鴨肝，龍蝦，長腳蟹，麵包蟹片皮鴨，即燒和牛😍。真係乜都有。乜都有之餘，味道都唔錯，有啲喜出望外，雖然位置比較偏遠但都係嚟值得試下。我個人對甜品要求比較高，佢嘅款式亦都算多，有大概十幾20款，芝士蛋糕同藍莓芝士，仲有綠茶蛋糕都好好味，又有葡撻，水果撻，不過好多甜品上完一轉，又會轉其他款，如果睇啱就食咗先😂，仲有自家製雪糕，另外仲有H字頭嘅雪糕十款左右。其實未食曬啲嘢，已經飽曬。👍👍👍

服務態度：厚道評語 - 有待改善 😓直接評語 - 差😤酒店評級 - 劣 🤬食物質數： 款式選擇多，質數不算難食，但唔食也不損失👎👎。剌身不新鮮，質感帶霉；生蠔較削；天婦羅一早炸好，凍硬乾；鴨肝尚可，但塊包太硬非脆；和牛煎得太乾；沙律嘅菇一陣雪櫃味，吞不下要吐🤮；其他熱葷不過不失，但味道沒有出色得會令你叮一聲😩😩甜品款式算多，欣賞精緻細件，心想那就可以品嚐多幾款。可惜最後結論，食了浪費quota，不吃又會浪費食物，真攪唔掂，失望😫😫😩😩

Alva House，空間大，餐廳落地玻璃設計，透過大玻璃窗折射陽光，夠晒環保！而且味道一流，絕不是隨隨便便交功課！食物種類繁多，而且Refill好快，唔怕冇得食。講返自助早餐，分別都係中西日。呢到兩位師傅不停喺度煎雞蛋煎奄列，不停煮麵煮通粉。真係做到冇停手西式：穀物種類6款、乳酪4款烚蛋煎蛋炒滑蛋、腸仔漢堡扒、火腿煙肉、蕃茄、茄汁豆、熱香餅、春卷、薯餅、多款麵包吐司、果撻蛋撻、數之不盡；日式：納豆、玉子燒、麵豉湯、白飯、前菜；中式：粢飯、蝦餃燒賣、蒸肉包、煎腸粉、馬蹄糕、炒麵、皮蛋瘦肉粥；

位於沙田石門嘅帝逸酒店，喺沙田區來講係最新嘅酒店，如果坐車去可以去石門站落車，距離石門站步行大約8分鐘就係到，如果揸車到酒店停車場$50 1小時，食滿$500有1小時免費泊車，如此類推，最多可以3小時免費泊車。 我係帝逸酒店官網，睇過好多次都好full Booking，Book極都book唔到位，無論係自助午餐或者係自助晚餐都要預早一個月左右預約，咁我當日26/8/2021 平日嘅星期四早上，直接打電話去酒店問自助餐午餐有無位，結果餐廳職員竟然話俾我聽係有位，但係得吧枱位，問我介唔介意，咁我當然唔介意啦，即刻直接要咗個位，當時都有心諗坐吧枱位會唔會好唔舒服，不過唔理啦，都照去啦，因為實在太難book。 去到停車場有大量車位唔需要等，不過上到去餐廳就要排隊入座，都要排一陣，因為都有十幾20人等緊入座，咁都好快安排咗我哋坐入去，咁講返頭先原本諗住坐吧枱會好唔舒服，但係其實係無個問題而且好舒適，張枱仲要比平時嗰啲大。 坐低後，見到餐具用保鮮紙包好，好貼心👆🏻，當日係全滿座非常之多人，不過食嘅過程之中職員收碟速度都好快，咁我唔係第一次去帝逸酒店食，我之前已經食過自助晚餐，我主要係想講其實我上次

貴啲嘅自助餐真係唔同啲。食物質素好啲。匯豐信用卡有折扣。成人每位+1之後$500多啲。凍海鮮有長腳蟹，龍蝦，青口，蜆肉等等。我只係食咗龍蝦同埋長腳蟹。急凍龍蝦始終都唔及新鮮龍蝦㗎啦。不過佢哋嘅急凍龍蝦肉質都算有彈性。唔會好梅。長腳蟹啲肉比較瘦。所以冇乜動力為咗個少少肉去拆殼。晚餐時段有海膽壽司同埋和牛。呢兩樣嘢應該係午餐時段冇嘅。但因為呢兩樣嘢就要比多$200啦。食後覺得唔值。首先個和牛唔似和牛。冇乜油香。只可以話比較有牛味嘅牛柳粒。海膽壽司嘅話，好難遇見。見到之後你會發覺嗰粒海膽好細好細。好似手指尾隻指甲咁大左右。但係咁細粒嘅海膽就要配一粒手指公咁大嘅飯。啲飯又做得唔係咁好。所以我食咗兩粒就算啦。無謂浪費我個胃嘅空間。佢亦都有自助餐有嘅roast beef. 佢哋都有tomahawk steak. 但我覺得煮到好乾。唔通係前一晚煮定然後今日再返熱？所以比較乾？不過不失啦。熟食有我鍾意嘅片皮鴨。鍾意佢可以自己包餡料。可以選擇唔要個粉皮。淨係食鴨皮。片皮鴨個鴨皮都唔錯。皮脆脆地有鴨油香。其實仲有好多其他熟食。例如天婦羅，串燒，日式炸物，煎鴨肝。鴨肝頭幾輪都比較難攞到。食到後半場啲人開始飽

在Alva House 用膳 (lunch buffet) 已經不是第一次，一如以往食物質素一向保持水凖，但估不到服務質數亦沒有改善！燒牛扒: 牛扒本身已經煮得不錯，五至七成熟， 怎知切牛扒位員工，可能覺得條牛扒紅紅地不順眼，拿去再燒多次，結果成條牛扒well done! 這個舉動真是 不well done !!收拾餐碟:可能當天客人比較多，收拾餐碟的員工有壓力，這是理解的！但是我相信酒店應加強訓練員工收拾餐碟的技巧！其中一位員工姐姐將她從一張檯剛收回的有蠔殼碟，帶到另外一張有客人的檯上面再收碟，碟上的剩餘汁剛滴到客人杯飲品上，真不衛生！整體來說，餐廳食物都OK！

雖然唔喺第一次來這間酒店食自助餐，但每次用餐的感覺都是滿意的，因為之前買了coupon,生日還有免費的午餐自助餐送，所以這餐是免費的，只需收取加一服務費，已經一排沒過來，環境依舊，食物依然豐富，自助沙律菜非常新鮮，是用酒店自家種植水耕菜生蠔是即開的，雖然不算太大隻，但慶幸沒有沙，味道也算是偏淡，也有些迷你壽司刺身，壽司細細件容易入口，也可以食多幾件熟食也是大路的款式，有中式西式日式，我們也是試了少少吃完熟食就到了甜品時間，最吸引人眼球的甜品樣樣也想食甜品非常好，不算太甜，吃多幾件也不會太飽，算是一個滿足的午餐