影片
更多
2021-09-20
2049 瀏覽
位於沙田石門嘅帝逸酒店，喺沙田區來講係最新嘅酒店，如果坐車去可以去石門站落車，距離石門站步行大約8分鐘就係到，如果揸車到酒店停車場$50 1小時，食滿$500有1小時免費泊車，如此類推，最多可以3小時免費泊車。 我係帝逸酒店官網，睇過好多次都好full Booking，Book極都book唔到位，無論係自助午餐或者係自助晚餐都要預早一個月左右預約，咁我當日26/8/2021 平日嘅星期四早上，直接打電話去酒店問自助餐午餐有無位，結果餐廳職員竟然話俾我聽係有位，但係得吧枱位，問我介唔介意，咁我當然唔介意啦，即刻直接要咗個位，當時都有心諗坐吧枱位會唔會好唔舒服，不過唔理啦，都照去啦，因為實在太難book。 去到停車場有大量車位唔需要等，不過上到去餐廳就要排隊入座，都要排一陣，因為都有十幾20人等緊入座，咁都好快安排咗我哋坐入去，咁講返頭先原本諗住坐吧枱會好唔舒服，但係其實係無個問題而且好舒適，張枱仲要比平時嗰啲大。 坐低後，見到餐具用保鮮紙包好，好貼心👆🏻，當日係全滿座非常之多人，不過食嘅過程之中職員收碟速度都好快，咁我唔係第一次去帝逸酒店食，我之前已經食過自助晚餐，我主要係想講其實我上次
我係帝逸酒店官網，睇過好多次都好full Booking，Book極都book唔到位，無論係自助午餐或者係自助晚餐都要預早一個月左右預約，咁我當日26/8/2021 平日嘅星期四早上，直接打電話去酒店問自助餐午餐有無位，結果餐廳職員竟然話俾我聽係有位，但係得吧枱位，問我介唔介意，咁我當然唔介意啦，即刻直接要咗個位，當時都有心諗坐吧枱位會唔會好唔舒服，不過唔理啦，都照去啦，因為實在太難book。
去到停車場有大量車位唔需要等，不過上到去餐廳就要排隊入座，都要排一陣，因為都有十幾20人等緊入座，咁都好快安排咗我哋坐入去，咁講返頭先原本諗住坐吧枱會好唔舒服，但係其實係無個問題而且好舒適，張枱仲要比平時嗰啲大。
坐低後，見到餐具用保鮮紙包好，好貼心👆🏻，當日係全滿座非常之多人，不過食嘅過程之中職員收碟速度都好快，咁我唔係第一次去帝逸酒店食，我之前已經食過自助晚餐，我主要係想講其實我上次食同今次食嘅質素係唔同左，我唔知道關唔關午餐同晚餐價錢唔同嘅關係，咁我今日午餐自助餐一位價錢係 $298全包。咁講返食物點解我話質素唔同咗，我去酒店食自助餐我嘅選擇通常係燒牛肉、生蠔、刺身，呢三樣係必食，燒牛肉偏乾、鞋，老實說我自己喺屋企整得好食過佢 ，生蠔係即開即沖水，質素好唔穩定，因為我食咗八隻，有部份唔新鮮完全食唔到落口🤮，有部份就好靚好好食好新鮮😋，真係唔知點解會有咁大偏差。刺身我淨係食咗三文魚新鮮嘅肥美口感好。
另外，我仲食咗小籠包非常難食食唔到落口🤮，日式串燒好食嘅不過不失，甜品一般酒店水準唔會有太大驚喜但係都可以食得過。
總括來講：食物仲有好多進步空間，環境乾淨嘅，職員態度服務好嘅，見到係快手快腳亦都有笑容，座位舒適，我哋兩人埋單$596 ，應該只有一個鐘頭免費泊車，不過買單嗰陣時俾咗三個鐘頭我哋免費泊車。期望下一次去食物會有更大進步。
26 瀏覽
1 讚好
0 留言
張貼
