Alva House

沙田Alva House蟹饌自助晚餐！6大蟹料理+凍龍蝦任食🦞沙田帝逸酒店1樓的Alva House，今次「環球蟹饌盛宴」真係玩轉蟹料理！一入場就被冰鎮蟹盛吸引，麵包蟹、鱈場蟹腳堆到成座小山，星期五至日仲有鮮三點蟹同加菲蟹，蟹肉雪白彈牙，加少少檸檬汁就夠哂鮮甜～🦀必試特色蟹料理：🔥港式薑蔥炒蟹鑊氣十足，薑蔥香完全滲入蟹肉，蟹肉就鮮甜勁滋味✨京滬蟹粉花雕蒸蛋超嫩滑，蟹粉鮮味同花雕香完美融合，每啖都好矜貴好回味🌶️泰式冬蔭公蟹肉意大利飯充滿驚喜，冬蔭公酸辣勁開胃，蟹肉粒藏喺飯粒之間，口感豐富💥泰式咖哩肉蟹，咖哩濃郁掛住蟹肉，椰香中和咗辣度，配飯絕對一流！⭐️「必食推介」🦞凍龍蝦隻隻飽滿，剝殼後蘸牛油醬，鮮甜到痹；即開生蠔同青口新鮮無沙，配檸檬或特調醬汁都得🍴鐵板燒區的鴨肝、雞翼，爐端燒的魚串、帆立貝，師傅即燒勁吸引！🧁甜點區香印提子及白桃主題甜品超清新，自家製意大利雪糕口味多到揀唔晒，Häagen-Dazs雪糕更加係任食，為今日完美收尾！…Read More


喺沙田第一城嘅帝逸酒店Alva House，晚市「環球蟹饌盛宴」真係海鮮控同甜品迷嘅天堂！自助餐檯有齊豐富海鮮同環球美食，麵包蟹鮮甜厚肉、鱈場蟹腳入口即化，星期五至日仲有三點蟹同加菲蟹，連生蠔、龍蝦同刺身都好正，食到爽！環境闊落，仲有小朋友遊戲區，帶埋全家去食飯啱晒！即燒鐵板燒同爐端燒熱辣辣出爐，暖胃又過癮！甜品有Häagen-Dazs雪糕8款口味（雲呢拿、朱古力、士多啤梨等），任食到滿足！仲有靚靚蛋糕同甜品，食得開心又啱打卡。盛宴做到11月30日，記得book位，唔好錯過呢個海鮮甜品雙享受！…Read More

月頭見HK01出左買一送一既推廣，主題係食蟹，作為一個蟹迷，又未試過Alva House 就買一次試下，2位買左coupon 係$1005.6酒店無特別再有訊息reconfirm 客人，準時到達餐廳門口已在排龍，報電話號碼便帶位入座。餐廳差不多有九成入座率，枱與枱之間都排得很密集，另外仲有張小橷比客人放袋。隔離枱講野都聽得很清楚。餐廳局部燈光較昏暗，影食物相變相效果就差很多。食物都係大路野，凍海鮮區有加菲蟹、麵包蟹、三點蟹；生蠔係美國既，整體都新鮮不錯，有刺身區、自助飲品區、日式串燒及天婦羅區、沙律凍盤、粉麵檔、熱葷:有片皮鴨、薑蔥炒蟹、花膠、燒味、甜品區。侍應收碟速度頗快，食物質素正正常常，驚喜係鵝肝配加拿餅、泰式咖哩炒蟹、麵包籃有巴馬臣芝士脆條、意大利的Focaccia 麵包都頗出色；甜品雪糕有五款現場即做。抹茶白玉紅豆芭菲杯打卡感不錯。整體合格…Read More

Alva House 真係好適合一家大細慶祝生日或聚餐，環境開揚又有小朋友設施，每次有家人生日都會去食餐好！必食推介🦞 冰鎮龍蝦：膏多肉厚，鮮味十足，補得快，回本之選！- 🦪 即開生蠔：中等Size，鮮嫩飽滿，唔係BB size，食得好爽！- 鐵板燒鵝肝 ：即場燒，香氣撲鼻，外脆內軟，入口即融～配多士做底口感更正！- 蠔皇花膠：花膠大舊又入味，骨膠原滿滿，配上嘅鮑螺片味道較淡可略過❎ 避雷提示- 🦆 片皮鴨 ：鴨肉偏厚，口感鞋，唔夠正宗，建議唔好浪費quota🎉 額外加分位：👨‍👩‍👧‍👦 有小朋友遊樂區，唔怕小朋友悶🙌 員工有禮貌，收碟快，服務好…Read More

星期一去了呢間餐廳食午市buffet, 這是我的第二次幫襯這間餐廳, 上次的感受還可以, 但今次食物質素及種類簡直不可接受, 更加上refill太慢和有些簡直就冇refill,總體而言這次的用餐經驗不可接受. 在冇下次了.餐廳環境還可以.餐廳服務整體還可以.涷海鮮種類選擇好少，蝦是梅的，蟹冇refill，壽司種類少得很。燒牛肉可以燒羊肉硬到連刀都切不入燒鴨柴到不知所謂海鮮粥還可以因為想食的食物都不可接受，所以就沒有試其他的。…Read More