AIRSIDE Cafe

營業中

休息中

好耐無食過生蠔，海鮮癮起覺得佢個seafood platter 好新鮮 砌得幾有心機（掛住食竟然唔記得影相）個和牛他他口感好鮮嫩 甜品不過不失，不過好大份，三個人share 都好ok 另外好值得讚係同事服務態度好好雖然餐廳多人，但都keep住好好笑容，仲會介紹食物

新開的Airside有不少新餐廳，今晚跟食友來試試Airside Cafe。Burrata布拉塔芝士入口軟滑，配上蔬果同吃奶味突出。Wagyu Tartare和牛他他跟鬆化脆片很夾。Scallop Crudo淺漬帶子除了帶子鮮甜還吃到柚子的清香。Grilled Prawn Chicken燒大蝦的蝦肉份量不少醬汁惹味。Three Yellow Chicken三黃雞的雞味濃郁，但雞肉處理得嫩滑一點便更好。Beef Cheek 汁燴牛面頰肉，牛面頰肉經過汁燴後入口即化。Lump Crab Strozzapretti 蟹肉手捲義麵上檯，義大利麵偏淋一點，不過蟹肉不少，醬汁的芝味香濃。甜品的homemade pumpkin ice-cream南瓜雪糕夠軟滑也有不錯椰子味，另外的Citrus Creme Fraiche柑橘酸忌廉的柑橘鮮果味很refreshing。

見佢有好評，就打算去試下，但點知中伏，份量少得過份，叫左兩個main $218 三黃雞同一份$328和牛，$218個份雞得2條勁細既雞胸，同一隻小雞腿，食完好似冇食過咁，份牛都係勁少，得3小舊，呢個價錢呢個份量真係過份，好呃人，係呢個商場，呢個價位，俾咁既質素，真係好差待應服務態度幾好，但待應人數好多，請咁多人不如提升返少少食物份量先，俾翻正常份量都唔差得幾多成本，收得貴唔係問題，但係份量要合理，唔好令顧客有被騙嘅感覺

Airside Cafe新開嘅商場用自然採光，見呢間cafe睇落幾舒服好坐，見平日lunchtime唔駛點等位就試下啦～主食✨三黃雞 $218雞皮係幾脆，肉質ok嫩滑。不過三黃雞嘅份量太少了！！食咗一陣空虛落肚，呢個cp值唔係好接受到。✨蟹肉手捲義麵 $198意粉幾煙韌，都好食嘅。份量普通普通啱啱好夠食。✨薯條 $68你懂的，就係薯條配沙律醬。➿餐牌🏅服務一流帶位嘅姐姐十分professional,會用手勢提提其他同事，避免同事退後撞到。Waiter都好細心，全程自動波斟水。午餐時間90分鐘。

Airside cafe在商場內3/F非常當眼中心位置~繼9月28日Airside商場開幕後一直見人龍😅😅所以都對呢間餐廳滿有期望，今次排咗约30分鐘~~~😁😁终於入去食到dinner,入到餐廳坐低望下其他人枱上食物再order😅諗住隱陣D，因為暫時未見到有食評，😉😉但係真係要讚一下佢地嘅員工🙂🙂無論在服務上或有任何詢問都非常樂意同禮貌去回答同幫忙(就算當時餐廳人流爆滿)令我對餐廳加咗好多分，到咗要點菜喇~~😅结果我冇叫到隔離枱見到佢地食緊又推介比我嘅Carbonara,🤤🤤反而order咗有位非常有耐心又Nice嘅女職員介紹嘅：布拉塔芝士/三黃雞/烤季節鲜魚(當日係黃花魚)果然冇令我失望👍👍要讚吓佢地芝士配上红莱頭好夾~🤗三黃雞做到皮脆肉嫩~👏👏烤魚最正~~魚皮烤到小小焦香~烤魚嘅時間火喉控制得剛剛好~肉好嫩滑，全條黃花魚都起咗骨~~再配上個酸酸甜甜嘅汁非常匹配，💯💯整體上今次用餐非常滿意~~再次多謝店舖職員推介~令我衝動抽時間寫一下食後感😁😁希望唔失禮

啟德商場開幕第二日過去行下，整個商場人山人海😂5點鐘開始搵嘢食。Airside Cafe 5:30 開始晚市，見佢座位寬闊就試一試。前菜Wagyu Tartare - 和牛他他 $188非常出色👍🏻誠意推介牛肉新鮮，配搭炸香咗嘅甜腐皮，提升了牛肉他他整個層次Mocktail $78 名叫（Unicorn）有果汁+梳打+蝶豆花調配，味道都唔錯。主菜試咗3款Beef Cheek - 汁燴牛面頰肉 $258 牛肉炆得夠淋，但略嫌唔夠JuicePork Loin - 千歲豬 $238肥瘦適中，如果煎香少少更加好味Lump Crab Strozzapretti - 蟹肉手捲義麵 $198捲義粉有啲失望，意粉夠彈牙，但蟹肉、汁較少，意粉冇乜味！整體環境、食物可以👌🏻

九龍區又有新嘅商場開幕，喺啟德地鐵站C出口直達，十分之方便，住喺九龍東嘅我，急不及待去試吓。入到商場，見到好多唔同嘅餐廳，basement 嘅nana’s 排隊似乎係最長嗰間，下次先試。我見到呢間喺中庭樓上，3樓嘅餐廳似乎好開陽，又有太陽曬吓，睇吓個Menu，都唔算太貴，所以入去試咗幾樣嘢。前菜試咗幾樣嘢，我自己最鍾意burrata cheese，啲生果配搭得好啱，同埋好清新。八爪魚都唔錯，個味好啱。燒南瓜亦都係我心水嘅前菜，我覺得飽肚之餘亦都有一個清新嘅感覺。炸粟米可以炸耐少少，增加脆脆嘅感覺。主菜揀咗燒魚，一定要加啲汁，條魚嘅鮮味會再出啲仲有蟹肉手捲意粉，我自己好鍾意，朋友就覺得可以再煮多少少，淋返少少仲好。甜品有驚喜，out of 4 款叫咗兩款都非常鍾意，唔係太甜，同埋擺盤都OK靚。（完全唔記得影相。）呢度俾我感覺係可以好relax，同幾個女朋友嚟就最好！