Add Some Thai Restaurant

營業中

休息中

今日約了朋友在觀塘吃飯一聚，我提議今晚吃吓泰國菜，在食肆雲集的觀塘區內選擇很多，聞說有間位於📍鹿駝漆大廈叫Add Some Thai Restaurant的泰國餐廳評價不錯，於是今晚就去試一下。來到餐廳見到門裝修格調色澤溫暖柔和，入到内裡地方很大還有獨立房間，四周擺放充滿泰式風情的壁畫、裝飾和吊燈，而且在餐廳中間還有一行變色的波波在流動。侍應很親切安排我們坐下後，看看餐牌揀了一個🍽二人套餐另外加半隻🐔無骨海南雞。套餐頭盤是💢泰式鮮蝦青木瓜沙律，青木瓜切絲咬落非常之爽脆而且也很清甜，鮮蝦大隻肉質結實並彈牙，值得要讚的是蝦隻已經預先去除了蝦殼，吃起來方便十分貼心，沙律配上汁後吃來微酸更加開胃。💢吃泰式菜冬陰功湯是少不了的，所以我們揀了鮮蜆海鮮冬陰功湯，湯用鐵鍋上枱即時感到熱氣撲面外更有很香濃的冬陰功味道，搯了一碗見內裏的 蝦、墨魚、蜆、草菇等材料很豐富，喝了一口其辣度很溫和 不會太嗆，且酸甜辣的味道十分之開胃醒神頓時惹人食慾。💢馬拉盞通菜很翠綠，炒得十分有光澤和有鑊氣，通菜咬落新鮮和爽脆夾雜了散發香味的馬拉盞肉碎同吃，除外表吸引外更是再三回味。💢小食就有🐂紐西蘭牛柳粒串， 越式網絲海鮮春卷

難得早收工, 約左個係觀塘返工既朋友食飯, 我地都係偏好鍾意食辣, 所以係觀塘區搵左間泰國菜🫶🏻Add Some Thai Restaurant 我地平日去食, 餐廳都唔少人, 我地實在太肚餓, 一下子五樣野再加左個甜品同兩樣飲品, 叫左10分鐘左右啲餸就送到上枱黃金入球其實係墨魚餅釀咸旦黃, 一碟有六件(三粒), 墨魚肉質感彈牙, 外皮炸得脆口粉薄, 配埋咸旦黃有沙粒口感, 估唔到幾夾, 食落好足料好滿足馬拉盞炒通菜炒得好惹味, 每條夠爽口, 馬拉盞味超香, 愈食愈停唔到口軟殼蟹配金邊粉食親泰菜必叫炒金邊粉, 依度配左兩隻軟殼蟹, 炸得幾酥脆, 而個炒金邊粉比一般外邊食到既無咁酸, 炒得幾分明, 配料都幾多燒豬頸肉豬頸肉口感軟熟, 燒得香口又唔會太乾身, 味道同口感都剛剛好黃咖哩肉碎焗蒜蓉包我至愛既黃咖哩又點少得配蒜蓉包, 黃咖哩食落比外邊食到既較濃, 肉碎份量好多, 蒜蓉包蒜香味重, 焗得好脆口, 點黃咖哩食好正!食到我地爆肚, 最後都要叫個芒果糯米飯配椰子雪糕, 芒果雖然唔係當造季節, 但唔會好酸, 帶微甜, 糯米飯好煙刃, 椰子雪糕好香, 配住一齊食超夾呢!整體每個菜式味道質素

早一星期經openrice預約。餐廳職員當天朝早有致電確認訂位安排，也確認外帶蛋糕沒有額外收費。我們8個人嗌了一個8人餐另加小食等，份量絕對足夠飽肚，食物味道就正常，不過不失。唯烤魚比較失色，出肉率較低及味道太淡；當晚為平日時間7點左右，餐廳基本上都滿座，但職員同事無論是前台接待或送餐都十分有善，服務非常有禮貌，例如主動收碟倒水等。另一方面，餐廳環境寬敞，每一枱位置不會太逼夾。當晚餐廳同事驚喜送上生日卡及即影即有，十分意外！最大加分為十分的餐廳服務。

今晚同朋友去咗工廈樓上鋪Add some Thai restaurant食晚飯🤭 地方大、空間感十足 餐廳主打抵食泰國菜 除咗單點餐廳亦有二人餐、泰式火鍋等選擇芝士shake shake薯條配黑松露醬$52粗身薯條沾滿芝士粉 鹹中帶甜 好上癮～ 配埋質地較稠嘅黑松露醬 爭住食😝Add some Thai泰國小食拼盤 $148好豐富嘅拼盤～ 包括自家製手打蝦餅、春卷、炸單骨雞翼、炭燒豬頸肉、迷你無骨酸辣鳳爪沙律、炸蝦餅🫣 每樣都有四件 性價比好高！軟殼蟹配金邊粉 $118兩大隻酥脆軟殼蟹配香口開胃嘅正宗金邊粉～ 又係大大碟好飽肚🤣滑雞黃咖哩 $108咖哩可以揀冇咁辣嘅黃咖哩或者辣啲嘅紅咖哩 黃咖喱帶濃厚椰奶香 幼滑香濃 味道溫和醇厚 另外仲跟咗兩大塊手抓餅～芒果糯米飯配雪糕 $68芒果香甜新鮮 糯米飯軟糯煙韌 仲配咗兩球椰奶雪糕🍦巨峰提子益力多沙冰 $48乳酸味比較重 提子味比較淡 沙冰幼滑

觀塘工廈一向都係臥虎藏龍，有好多不同種類的餐廳！今次就去左這間Add some Thai 食下泰國菜！泰式無骨海南雞 半隻$128兩個人食，所以叫了海南雞半隻，雞幾大隻，份量都多，可以3-4個人share 。鐘意食無骨海南雞，因為可以咬落啖啖肉，雞肉嫩滑，就算係雞胸都好滑！配上泰式醬汁，酸酸甜甜好開胃，好快就成碟掃清光！Add some Thai 串燒拼盤$178我地幾款串燒都想食，所以決定叫個串燒拼盤每樣都有！而且樣樣都有兩串，一定夠食！串燒拼盤有沙嗲雞肉串、沙嗲豬肉串、紐西蘭牛柳粒串、菠蘿車厘茄串、白菌串和炸蝦片！我比較喜歡雞肉串和牛柳粒串，除了很香的泰式醃料，沙嗲汁也出色，味道濃郁！如果多人食建議要叫拼盤，可以一次過試不同的串燒，而且價錢抵過逐款叫。黃咖喱配燒腩仔$118 配招牌手抓餅食泰國菜都會想食咖喱，今次選擇了燒腩仔。由於是分開上，所以燒腩仔的皮也是微脆的。黃咖喱不算辣，但是很香，適合不吃辣的人。手抓餅熱辣辣，而且剪開了很多塊，適合share食。芒果糯米飯配雪糕$68本身已經食到幾飽，但是見到這個十分受歡迎，忍唔住叫咗！擺碟漂亮，最重要的是芒果份量十分多，和糯米飯的比例剛剛

觀塘工廈出名多好野食，想食泰國菜就一定會去駱駝漆嘅Add Some Thai Restaurant ，cp值高份量充足，而且餐廳仲好闊落坐得舒適。泰式鮮蝦青木瓜沙律🌟 鮮蝦已經剝左殼好貼手，加左酸辣汁好開胃，但份量好大碟最後食唔哂。小食拼盤🌟超豐富嘅拼盤，好多種類咩都可以試下，個人最鍾意紐西蘭牛柳粒串及手打蝦餅，牛柳啖啖肉夠哂大串，蝦餅岩岩炸好熱辣辣，菠蘿燒完好甜又多汁。鮮蜆海鮮冬陰功湯🌟唔係好辣怕辣人士都食度，酸酸地幾開胃，兩個人分每人可以飲到兩碗。酥炸軟殼蟹炒黃咖哩配手抓餅🌟 軟殼蟹幾大隻咬落去啖啖肉，冇浸哂落咖喱所以仲好脆卜卜。個咖喱入面仲有幾款配菜，手抓餅凍左會變硬，建議一出菜就盡快食。馬拉盞炒通菜🌟出街叫菜平時都係細細碟，但呢碟炒通菜份量好足夠！仲要馬拉盞炒夠哂惹味，好快就食哂！芒果糯米飯配是日雪糕🌟芒果大大舊，冬天食唔當造所以有啲酸，雪糕嘅椰子味好香，食埋個甜品成餐飯好滿足。AST Sangria🌟寫住Add Some Thai Restaurant 版嘅sangria，冇乜酒味，好似紅莓汁咁。椰青🌟椰青水好清甜，大大個幾抵飲，入面嘅椰青肉仲可以食下。

今晚去了一間超人氣的泰國餐廳吃泰國菜，我一說是觀塘的Add Some Thai Restaurant ，個個都說這間食物份量很多真是性價比高。這裡裝修用上暖色系列給食客很舒服有賓至如歸的感覺。我們點了二人套餐～～～「頭盤」泰式鮮蝦青木瓜沙律 新鮮青木瓜絲很爽脆清甜，鮮蝦夠彈牙很貼心蝦身已取蝦殼，吃的時候好方便加埋泰國自家製酸汁很開胃。鮮蜆海鮮冬陰功湯熱辣辣冬陰功湯很惹味，材料豐富有大蝦蜆墨魚仔和草菇等，湯底濃郁酸酸甜甜帶點辣喝下特別醒神。「小食」紐西蘭牛柳粒串、菠蘿車厘茄串、越式絲網海鮮春卷、招牌手打蝦餅牛柳粒很諗身，而炸物也是很鬆脆來吃泰國菜一定點的就是炸蝦餅、春卷和蝦片，這個小食拼盤就可以一次過吃到，真的很滿足。「主食」酥炸軟殼蟹炒黃咖哩配手抓餅平常都是吃咖哩雞的，今次選軟殼蟹一樣咁正，原隻軟殼蟹已經夠吸睛啦！酥炸的特別甘香鬆脆黃咖哩帶點甜味配以手抓餅一起吃真的絕配。「泰式鹽燒鱸魚」 朋友想吃魚所以另外加了鹽燒鱸魚，原條鹽燒鱸魚非常之鮮嫩，用上鹽燒的做法除了令肉質鮮嫩多汁還帶點鹽香味，配上醬汁一起吃可有提鮮的味道。「疏菜」馬拉盞炒通菜通菜新鮮夠爽脆用馬拉盞炒特別有風味。「是日甜品」

餐廳位於工廈內，等lift上去既過程都有點痛苦，餐廳環境闊落，大大張枱唔怕坐得唔舒服，但上菜速度就一般啦，而價錢亦都屬中間價，唔貴唔平。 情人節有特別menu，計返總價錢都幾抵食，但我地唔大食既關係，都係叫返散叫野食，望到其他枱上既小食拼盤等食物，證明我地係岩既，因為真係好大份！ 雜菌炒金邊粉味道一般但鮮味，配上青檸汁會好食得多 馬拉盞炒通菜 惹味鑊氣並重，再辣多少少就完美 椰水雞湯十分清甜可口，缺點係一鍋得3碗左右，唔夠喉！ 黃咖哩配牛柳 加薄餅主菜變左係薄餅，配上咖哩好夾

近來比較少吃泰式，所以今次去有朋友介紹這一間餐廳，位於觀塘。店內裝修非常特別，中間有一個水池位，好有泰式的感覺。以傢俬以藤木為主所以比較relax。食物多元化，樣樣都想試！最後我哋選擇了二人餐。二人餐共有六道菜式：泰式鮮蝦木瓜沙律這個不是太辣，而且蝦味相對比較甜。湯類有四款，可選其一今日想飲椰皇椰青雞湯這個湯又清甜的椰皇味，裏面有雞有蘑菇的配料等等。如果可以用整個椰皇上就更加好！小食方面是牛柳粒，菠蘿車厘茄，春卷以及蝦餅牛柳比較硬身，以菠蘿及車厘茄那個是絕配的選擇，春卷鬆化，蝦餅味道相對可以蝦味濃郁一點主食：我哋揀咗酥炸軟殼蟹黃咖喱手抓餅軟殼蟹，炸得外脆內軟，咖喱味略為淡那一種，手抓餅係最出眾。一直食一直都能夠保持那個溫度。馬拉盞通菜感覺似蝦醬味道，所以都比較惹味！而通菜質感比較嫩身。最後梗係加少少錢食好啲，選擇了芒果糯米飯。糯米飯是淋身那一種，而芒果就非常之甜。也配以雪糕一起享用！

最近要添置傢俱，因此在觀塘一帶的大廈遊走，無意中在傢俬店對面發現了這間Add Some Thai Restaurant，便來醫醫肚～整家餐廳的佈置也充滿泰式風情，有吊燈﹑不同的壁畫及裝飾。午餐時間有各款的午市套餐，除了一般泰菜還有火鍋套餐呢🤩價錢都包括餐飲和自助吧～Add Some Thai Restaurant特別的地方是有一個自助吧，除了泰式沙律例如是青木瓜沙律外，還有其他蔬果，可自行配搭三種不同的醬料。另外還有湯品，今天的是椰青雞湯，非常清甜而且裡面還有粒粒椰肉呢！🤤第一份主食選了泰式拿破崙意粉配軟殼蟹，是有點混合了西式元素的料理。意粉用蕃茄醬炒勻，仍能保持麵質的咬口，加上酸甜的蕃茄醬，非常開胃之餘亦可中和了兩隻炸軟殼蟹的油膩👍🏻第二份主食選了正經一點的招牌泰式無骨海南雞飯 ，搭配了香脆的蝦片做前菜，還有海南雞飯必備的黃油飯，每粒飯粒都被黃油香氣包裹著，表現不錯👍🏻海南雞是無骨的，雖然不是雞腿的位置，但肉質仍能保持嫩滑，雞件亦有五至六大件左右，配上酸辣的泰式醬汁，完全是正宗的泰菜口味呢😆值得一讚是其中一杯餐飲選了泰式凍檸茶，茶底的確不馬虎，帶住泰式紅茶葉獨有的茶香呢！🍋❤️

這天約了朋友到觀塘吃晚飯，駱駝漆大廈這邊有很多小商店和餐廳，我們預先在網上看到這間Add Some Thai Restaurant覺得價錢很抵食就預約了。最方便就是有二人餐，而且都只是388元。泰式鮮蝦青木瓜沙律：沙律汁帶有微酸，非常開胃，而且鮮蝦已經除去蝦殼，非常方便進食，而且有四隻之多。鮮蜆海鮮冬陰功湯：湯的份量也有很足夠，每人兩碗，而且海鮮配料很豐富，有鮮蝦，蜆及墨魚，亦有菇和車厘茄，冬陰功辣度適中，海鮮亦很新鮮，首先職員會幫我們一人分一碗湯，後來到自己打算添第二碗時，職員剛好路過也會主動幫忙，非常細心。小食有四款，另外配三塊蝦片，大大塊又脆卜卜。紐西蘭牛柳粒串：牛柳粒大大粒，有咬口得來亦唔會韌，富有牛味，燒得很香。菠蘿車厘茄串：菠蘿車厘茄味道很清新，菠蘿燒過後增加了甜味。越式絲網海鮮春捲：春捲非常脆口，剛炸起熱辣辣。招牌手打蝦餅：蝦餅很大件，而且很彈牙。酥炸軟殼蟹配黃咖哩手抓餅：軟殼蟹有兩隻，大大隻，炸得非常酥脆，內裡帶有蟹肉的甜味，配上微辣的黃咖哩，還有薯仔，西蘭花，非常豐富。手抓餅份量很多，帶有煙韌的感覺，配咖哩很滋味。這個套餐如果加100元可以轉配咖哩肉蟹，本來都考慮過，

收工同老公去咗駱駝漆度食飯，新開左間泰國菜Add Some Thai Restaurant，裝修非常泰式，好在自身在泰國一樣，又有度假的感覺😌😌😌Add Some Thai 🎉🎉🎉性價比非常高，價錢非常大眾化👍👍👍咖喱 炒肉蟹 配 蒜蓉 包 必點咖喱炒肉蟹，非常惹味，咖喱味道好濃郁，同蟹融合埋一齊，好入味！ 黃咖喱上面加咗蛋，烘到勁脆嘅蒜蓉法包沾上咖喱一齊食，好夾，簡直一流👍👍👍可以再叫多份手抓餅配咖喱汁非常美味蒜茸 炒 椰菜 苗 油光閃閃，卻沒有油膩，有椰菜苗的獨特味道但沒有草腥味！軟殼蟹配金邊粉 金邊粉好有咬牙，加左韭菜同芽菜落去炒，所以好有口感。酸酸甜甜，調得好適當，相當開胃。有兩大隻軟殼蟹，啖啖肉，非常滿足🎉🎉🎉芒果糯米飯配雪糕食泰國菜點少得芒果糯米飯，$68必叫之選，大大份非常抵食，鋪滿清甜多汁的泰國水仙芒，加上軟糯的椰汁糯米飯，再配合味道清甜的椰子雪糕🍦

泰菜一直係我喜愛菜式之一。今次來到觀塘男友特別揾左間頗有名氣的Add Some Thai Restaurant 與我共聚晚餐，非常細心。食肆裝修極具泰式風情，無論佈置或餐具皆以木製；座位寬敞，中間還有個迴轉水池增加生氣。香煎手打墨魚餅   $68自家手打墨魚餅勁厚身，肉質爽口彈牙；用足功夫。香燒豬頸肉   $68豬頸肉燒得香噴噴，點上泰式甜酸醬；咬落啖啖肉兼且帶有些油脂，食到唔停口。泰式鹽燒鱸魚   $188鱸魚被粗鹽包裹著來燒，食時把鹽和魚皮打開來食；味道鮮甜而魚肉嫩滑，非常好食。酥炸軟殼蟹配金邊粉   $118軟殼蟹炸得鬆化香脆，金邊粉幼滑味道甜酸；加上青檸汁和花生豐富味雷和口感。泰西黄咖哩香煎新西蘭牛柳  $148黃咖哩其實唔喜愛食辣都可以食，它有濃郁的香料味所以特別惹味。而牛柳煎後油脂滲出，配合埋抓餅一齊食毫無油膩感；肉質好淋牛味甘香。還有薯仔、西籣花和椰菜花做配菜，用料十足。