影片
港鐵觀塘站 B2 出口, 步行約3分鐘
繼續閱讀
電話號碼
27741008
開飯介紹
工廈區地方大且空間感足。菜式賣相精緻，部分菜式分成小碟上菜，方便與人分享。招牌黃金鹹蛋鮮海蝦炒金邊粉，香口惹味。
繼續閱讀
特色
包場派對
附加資料
午市免加一。
營業時間
今日營業
12:00 - 22:00
星期一至日
12:00 - 22:00
以上資料只供參考, 請與餐廳確認詳情
有關獎賞計劃
Add Some Thai Restaurant位於觀塘核心地帶，交通方便。餐廳裝修充滿泰式風情!泰式雜菌金邊粉好多雜菌，配料豐富。金邊粉炒得好入味，賣相吸引，實為健康之選！原隻海蝦雜錦海鮮冬蔭功湯一大鍋，份量似要3至4人先飲得哂。海蝦大大隻，仲有青口、硯等海鮮。湯底以海鮮味濃郁，椰香中又帶點辛辣，好飲！汁燒雜菇串燒得好香，又能保留雜菇的肉汁，十分惹味。翡翠苗翡翠苖鮮嫩，入口爽脆，落了泰式調味，好有風味。泰式酸辣鳳爪雜菜沙律鳳爪新鮮，雜菜爽口，配合泰式醬汁，是前菜的好選。沙灘小子荔枝味重，冰涼清爽！冰鎮卡通泰檸檬茶泰式茶底，甜度適中。Add Some Thai Restaurant空間寬敞，客人私穩度高。然而，餐廳燈光昏暗，朋友聚會宜調亮一點。
繼續閱讀
想食泰國嘢，見哩間eat some thai restaurant有二人餐咁方便，就揀咗呢間食。泰式鮮蝦青木瓜沙律鮮蝦幾爽彈，青木瓜口感好脆，加埋砸底有啲沙律菜，食落好fresh。加埋有條試管比你擠啲酸酸甜甜嘅醬汁落去，幾盞鬼。海蝦雜錦海鮮冬蔭公海鮮有唔少，主要係蝦、魷魚同埋蜆，少酸唔辣。個人偏好黎講，如果香料味再重啲會更好。小食拼盤有蝦餅、一串雞一串豬、豬頸肉同埋蝦餅。個人最鐘意係蝦餅，幾紮實彈牙。串燒就香茅味比較重，肉質嚡口，大串少少會過癮啲；燒豬頸肉就煙靭彈牙幾香口。Add some thai 招牌火山骨見人哋啲圖好似好浮誇好吸引咁，一上枱個下果然好震憾，因為真係好大盆，海量芫荽加有四大舊豬肋排，真係名符其實排骨山。味道幾特別，鹹香得黎帶少少辣味，大口大口吃肉份量十足好飽肚。馬拉盞椰菜苗調味啱啱好，唔會過鹹過油。三色芒果糯米飯幾鐘意佢個椰子雪糕，好香唔易溶，仲有啲椰子肉係入面，幾有咬口。芒果夠甜，三色糯米飯口感黏軟，配埋椰奶食唔錯。泥漿浴沙冰話係朱古力、牛奶、咖啡加朱古力雪糕調成，幾大杯，有得飲又有得食，可以當半個甜品。
繼續閱讀
觀塘真係有好多樓上食肆，我最鍾意食泰國菜，搵到呢間泰國餐廳-Add Some Thai Restaurant,好有泰國風味，座位好寬敞，最特別有個流水式七彩水燈,非常吸睛😍Add Some Thai Restaurant，二人晚餐套餐，價錢非常實惠、抵食😍（$388另加一服務）套餐有頭盤、餐湯、小食、主菜、泰式甜品（一路點菜一路已經流晒口水）🤤🤤沙律選擇酸辣鳳爪沙律，鳳爪非常脆口，配上酸汁，味道即刻提升👍非常開胃.椰皇椰青雞湯，入口陣陣椰香味再配搭雞肉香菇，超清甜😍非常足料😘小食拼盤~豬頸肉、沙嗲雞肉串、手打蝦餅、脆卜卜印尼蝦片，再配上香濃沙嗲醬，味道非常惹味爽口。酥炸軟殼蟹炒黃咖喱配法式蒜蓉包，軟殼蟹炸得很鬆脆，再配上兩片脆卜卜蒜蓉包。食泰國菜必定要食馬拉盞通菜👍非常有鑊氣，加上鹹香味十分惹味爽亂😍招牌椰汁千層糕，一啖咬落去😍有驚喜👍熱辣辣、煙煙韌韌👍👍再加添兩款串燒😁香燒沙嗲牛柳粒串（4串$58） / 香燒雞軟骨串 （4串 $35）其實個套餐已經好豐富夠飽，但係又好想食串燒喎，食到捧住個肚走🤭🤭🤭
繼續閱讀
凍冰冰想食惹味泰國菜，就約埋朋友仔一齊係觀塘行完街，再上駱駝漆食返個泰國菜暖暖身。呢間餐廳仲有兩間獨立箱房，朋友聚會人多的話仲可以包房邊食泰菜邊唱K打牌一齊玩，夠哂私隱，仲有自助免費椰子雞湯同埋泰式甜品提供。而且餐廳中間仲有1個打卡位，就係特色彩虹流水池，唔同顏色波波沿水流飄動，好有特色。四人套餐$788泰式鮮蝦青木瓜沙律有4隻大蝦配青木瓜同沙律菜，樣樣都新鮮爽口，沙律汁酸酸辣辣，夠哂清新開胃。泰皇椰青雞湯椰青水好清香，加埋嫩雞件更加鮮甜。泰式小食拼盤小食拼盤勁豐富，有超脆口蝦片、入味鮮嫩外脆內軟豬頸肉、金黃爽口炸蝦餅、酸酸辣辣無骨鳳爪、炸得酥脆單骨雞翼，每一樣都十分惹味。泰式無骨海南雞（半隻）最中意食去骨海南雞夠方便，雞肉新鮮嫩滑，完全無雪味。泰式明爐青斑（+$128）明火燒魚，魚肉鮮嫩無腥味，醬汁酸酸辣辣，更加開胃，精華係鋪底的芽菜同生菜，索哂魚汁精華。泰式炭燒豬頸肉炒金邊粉金邊粉好入味，酸酸甜甜，條條掛汁，同花生碎同蛋絲一齊食口感更上一層。蒜蓉炒通菜通菜好大碟，見到粒粒香蒜，真材實料，健康之選。芒果糯米飯（+$78）三色分別係蝶豆花、斑蘭同原味，糯米飯暖笠笠，同冰凍甜美芒果一齊食，口感豐富，仲配埋粒粒椰子雪糕，食到粒粒果肉，味道清新。香燒千葉豆腐串$26外層微微燒到焦，外脆內滑。檸機茶泰•生椰拿鐵咸檸配雪碧最特別係生椰拿鐵，香濃清甜椰香味，同咖啡苦澀十分夾，值得一試。📌 Add Some Thai Restaurant 地址：觀塘開源道62號駱駝漆大廈第一座9樓D室🐵推介🍌🍌🍌🍌🍌（5🍌為滿分）
繼續閱讀
今日去觀塘 APM 買運動衫, 好想食泰菜, 選擇了 Add Some Thai Restaurant, 這間是泰西融合菜餐廳.餐廳在工廈樓上, 面積大, 座位多, 燈飾別緻, 餐廳中央有流水彩色浮波, 迎來活躍動感, 打卡一流.有大型水吧及廚房, 傢具裝飾有泰國古典品味,店員安排我們座位, 隨即送上暖開水, 餐牌, 通知用 QR Code 落單 , 服務好好, 我們點餐了, 晚市二人套餐 $388. 豐富抵食, 自選食品特別多. 頭盤: 二選一. 餐湯 : 二選一. 小食: 包四款. 主菜: 五選一, 蔬菜: 五選一, 甜品. 飲品: 追加也有優惠. 追加飲品 $30, 女友 點了 西貢少女特飲, 冰凍清涼, 帶點酸甜味, 不錯. 我叫了 芒果茉莉花茶 , 好清甜. 頭盤: 我們揀了 泰式鮮蝦青木瓜沙律, 用玻璃瓶盛載.內有大蝦, 青木瓜, 芽菜, 沙律醋, 大蝦四隻, 每人兩隻, 好鮮甜, 沙律菜新鮮爽脆, 吃得開胃. 椰皇椰青雞湯, 用鐵鍋仔上臺, 配有火具, 幫助保溫. 湯頭帶濃濃椰香味, 湯料足, 有雞肉, 菇菌, 清甜可口. 四款小食合成一碟拼盤, 炭燒豬頸肉, 香燒沙爹豬肉串, 雞肉串翼, 曼谷手打炸蝦餅, 炸蝦片, 及兩款醬汁. 炸蝦片好香脆, 炭燒豬頸肉, 香口好味. 沙爹豬肉串, 雞肉串, 比較迷你, 可能係小食. 手打蝦餅, 好巨型彈牙爽口, 點些酸辣醬汁更滋味. 主菜: 酥炸軟殼蟹炒黃咖喱配法式蒜蓉包咖哩軟殼蟹有兩隻, 法式蒜蓉包兩塊, 已烘香, 上臺仍暖. 點黃咖喱汁好食到吾停口.軟殼蟹炸得香, 不用剝殼, 啖啖肉, 外脆內軟又多汁, 浸有香濃黃咖哩, 真好味.蔬菜: 蒜蓉芥蘭, 芥蘭嫩綠, 蒜香味濃, 夠鑊氣.份量真係多, 要慢慢食.追加一款, 經典炭燒豬頸肉, 伴有生菜及自家制醬汁. 豬頸肉, 燒得夠香, 肉質稔甜, 調味適中, 好滿意！甜品: 招牌椰汁千層糕, 一客四件千層糕軟糯少甜. 加上椰汁極可口. Add Some Thai Restaurant , 價錢扺食, 食物款式多, 新風味.
繼續閱讀