+886 台味飯桌仔 (已結業)

好耐冇去大圍，圍方開左咁耐都未去過諗住去睇下順便食個靚lunch，點知好多野都貴到只可以圍觀🤷🏻‍♀️最後去返積富街發現呢間台灣野，裝修幾舒服幾好坐叫左個清燉牛肉拉麵，同紅燒牛肉烏龍麵個湯係好飲既冇乜味精，幾有台灣風味牛肉都幾嫩不過係細碗啲，麵係ok既叫左杯炭焙烏龍紅茶加珍珠，同台式奶茶都幾好飲，叫左少甜少冰淡味啲剛剛好第一次食月亮蝦餅，好脆好好食！可以encore，下次再來試鹽酥雞同滷肉飯～

食個午餐，叫咗個牛肉麵同埋雞扒飯，另加小食鴨血25蚊牛肉麵大伏，$68又細碗又難食，一睇d牛肉顏色就知唔入味，仲要有隻飛蟲仔喺上面，叫佢成碗換，結果都係同一碗嚟只係拎走隻飛蟲仔，個侍應仲要黑黑地面咁。雞扒飯就正正常常，冇特別難食鴨血味道怪怪地，不過可能係我自己唔試欣賞間舖頭真係超級細，坐得極度唔舒服，勁迫夾，一開門會頂到人地張椅，好心咁就唔好放張枱係門口邊啦食過一次，一定冇下次歡迎其他朋友仔去試伏

繼續大圍覓食，今次試咗間台灣嘢，本身對香港定係台灣嘢冇乜期望，因為好多都唔好食，但女朋友想試，就去咗試。雞扒超厚外皮好脆，好有口感咬落去好多汁👍加上有肥肉嘅滷肉配白飯，簡直係頂配🥺 10分滿分10分牛肉麵麵條軟硬度適中，牛肉略嫌細究啲，不過個湯好夠味滷大腸又係一大美食，首先清潔得好乾淨，識落唔會太腥，份量又好夠月亮蝦餅就正正常常，餡料好足👌總結呢間嘢係好少見嘅好食嘅台灣鋪，平時連鎖店台灣鋪又唔好食，份量又唔足，可以一試👋

今日去大圍搵食，見到呢間新開嘅台式餐廳就入去試試佢先～呢度係用手機落單嘅，不過店員都俾咗個餐牌我哋睇，但我哋發現餐牌同埋手機嗰啲items會有啲唔同🤔值得留意嘅係嗌咗主食之後加嘢飲係半價㗎！都幾抵👍🏻🍛招牌滷肉飯 - $42🧆香滷大腸 - $28個滷肉飯嘅飯粒粒分明，不過略嫌唔係好夠多滷肉🤔滷大腸好香口👍🏻不過呢兩碟我覺得可以個賣相整靚啲啲🫢咁應該會更加吸引～🍛椒鹽雞扒飯 - $55呢個炸雞扒皮薄厚肉，都幾多汁，唔錯😆🍜川味牛肉麵 - $68呢個牛肉麵有得揀唔同麵底，而我就揀咗刀削麵。個面嘅質地幾彈牙，但啲肉就略嫌太少同埋太細舊🫢入面有一嚿白蘿蔔，煮得非常之稔，如果可以比多一兩舊就好啦🤣🧆月亮蝦餅 - $34呢個蝦餅咬開，入面真係會見到一粒粒嘅蝦肉😆個味道同口感就係正常出邊食到嘅蝦餅🤣🧋台式奶綠 & 台式奶茶 - $15/杯跟餐叫奶綠或者奶茶，只要$11一杯‼️加珍珠就另外加多$4，珍珠份量都好多，佔咗成隻杯嘅三份一🤣珍珠幾有咬口，我杯奶綠個味道都唔錯，但杯奶茶就略嫌淡口咗啲🫢-結論：最後埋單兩個人食左$257，以我哋嗌咗咁多嘢嚟講，都真係幾抵食👍🏻但個賣相同質素就有待改善🫢

跟朋友經過大圍，被這間小店吸引，我哋都幾喜歡食台灣菜，朋友就決定入去試吓。餐廳地方小小，裝修別緻。座位不多，食物選擇亦不算多，價格親民，服務一般。招牌滷肉飯滷肉份量多，滷肉肥瘦適中，滷肉汁足夠，送飯一流。家傳肉燥乾拌麵拌麵彈牙，夠煙韌，有咬口，可惜香味不夠，略嫌味道不足。珍珠海蜇皮海蜇爽，還有台灣筍又幾好味。香滷大腸大腸乾淨，夠入味。春芽綠茶綠茶味濃，天氣熱飲啱晒。日式烤奶奶味不算濃，沒什麼特別。

喺圍方睇完戲，下午茶時段，喺大圍行吓睇吓有咩好食。本來諗住食某間cafe，路過見呢間嘢新新哋，而且朋友已經好肚餓，所以就入去試吓。一碗紅燒牛肉麵、一碗川味牛肉麵，牛肉鞋過茶餐廳啲五香肉丁，舊舊都係咁鞋，無一倖免，從未食過咁難食嘅台灣牛肉麵。即使一般香港的台灣牛肉麵都不及台灣嘅，但不至於會難食。呢間我極力不推薦任何人去食。另外叫咗杯日式烤奶，有茶味，唔知係俾錯咗定特色嚟。唯一好食嘅係飲品裡嘅珍珠。。。

*:.｡..｡.:* +886 台味飯桌仔-大圍*:.｡. .｡.:*呢間新開嘅台食餐廳 已經試過幾次堂食每次放飯時間 餐廳內都頗多人呢排見到外賣有9折 就同同事買返公司食清燉牛肉刀削麵面條都幾好食，軟硬度適中湯底唔油膩 重胡椒味 飲左大半碗都唔覺得口渴但牛肉方面 令我好失望😮‍💨🥲少到不得了 細細粒 都唔知自己食左咩肉質好柴 食完成碗面都唔飽好似食左陣風咁鹽酥雞粒呢個雞粒好正👍🏻🤫炸粉皮做得好薄身肉質好滑唔會老，推薦👍🏻👍🏻👏🏻滷肉飯飯量正常 但滷肉汁偏少 唔夠拌飯，味道普通

環境ok, 冷氣好足, 但係野食真心一般...同老公一人一碗牛肉麵,同3個小食我叫左紅燒烏龍麵. .. 湯底同麵質係OK 既, 但係D 牛肉勁細粒, 細粒到好似食緊五香肉丁咁....老公叫左個清燉牛肉刀削麵, 湯底有藥材香, 唔錯既, 但係D 牛肉除左一樣勁細粒之外 , 仲好似食緊湯渣咁..... 鞋到唔想食, 又無味....攪唔掂呀大佬小食...我地叫左涼拌木耳, 豬耳同豬大腸, 份量非常少, 味道亦一般.... 總括而言, 唔會有下次

食咗滷肉飯，同埋紅燒牛肉麵滷肉飯的確不錯，夠香，但係牛肉麵啲牛肉就10分垃圾，可以話係食過最差嘅牛肉面的牛肉，舊舊實的的完全食唔到，下次只食滷肉飯另外叫左滷大腸，都不錯

大圍小店日新月，行經見有一台式小店新開，不禁好奇一試，探探龍與鳳～店面裝修別緻，具特色，感覺頗用心～豆乳雞～紙本meun上無的，但QR code落單頁面有，可能是新研發小食？！講明是有骨的炸雞，小成子眼大睇過龍，睇錯左無骨的。炸雞炸得不俗，外脆但肉質不乾。性價比來說，份量ok，唔會特別少份量。唯豆乳味無特別發揮，亦不多覺有，所以不如食回鹽酥雞，惹味又無骨～招牌滷肉飯～台式食品每次必點滷肉飯，雖然看似簡單，但滷肉飯的優劣使小甜甜我直接判斷會否回頭。滷肉飯的汁足夠，但卻香味不足，肥豬肉切粒，但卻油香味不足，無讓人一試難忘之感。飯中有一頭髮，唯有挑左出黎，當見唔到，繼續食。家傳肉燥乾拌麵～因為和滷肉飯的汁和肉燥是一樣的，所以汁和滷肉一樣有香味不足的問題，但肉汁夠的，所以不會食到一半便變成了難以入口的乾麵。刀削麵的質地和咬口值得一讚～自疫情起已無去旅行幾年，睇見此圖有感彷如隔世。小甜甜真是好想快d衝出香港，過台灣尋找台灣原味道～相信不遠矣～hope so～

晚餐時間 見到呢間+886台味飯桌仔諗住試下啦！二人分別叫左招牌滷肉飯，同家傳肉燥乾拌麵 另外加左黑蒜頭猴頭菇雞湯 ，同黑胡椒毛豆 樣樣都幾好食 價錢合理 ！仲有杯台式奶茶加珍珠 茶都有驚喜 可以一試

今日同屋企人去大圍附近食嘢 發現都多左好多唔同新餐廳 行過大街小巷就見到街口呢間台式小店等左一陣間就已經入到去坐 但好快門口又再有人 睇黎雖然新開 但都應該頗受歡迎👍🏼叫左三個餐同埋小食紅燒牛肉麵 - 肉嘅份量都夠 而且咬落肉味重 有口感之餘唔會好乾👍🏼 叫左刀削麵 煙韌又飽肚 同埋湯底食得出唔係味精湯 值得一試🙌🏼萬巒豬腳飯 - 雖然今次呢個豬腳係「少肥」 但豬腳都煮得夠腍同滑👍🏼 無肥嘅部分都唔會好硬 但個人就覺得牛肉比豬腳更出色 但都值一試🙌🏼招牌滷肉飯 - 味道都唔錯 肥瘦均勻 唯一美中不足係滷肉份量相對少左D （滷肉嘅份量同豬腳飯嘅份量好似差唔多🤔）小食就試左台南海鮮卷、香滷大腸、鹽酥雞、海鮮卷同胡辣鴨血（見圖）炸物類就中規中矩 香脆同埋唔會覺得唔新鮮但鴨血同滷大腸就比較入味 尤其鴨血食落有藥材味 而且慢慢滲嘅辣幾開胃👍🏼最後叫埋珍珠奶茶 珍珠煮得夠透 唔會咬落中間仲未熟 而且飲落口感好滑 食完嘢飲埋就夠曬飽啦👍🏼最後覺得雖然唔算好有驚喜 但勝在小店係其他細節花心思 唔單止員工殷勤有禮 樸實嘅專橫同乾淨嘅環境令你可以享受眼前食物🙌🏼如果下次有機會就再試下其他啦👍🏼

見到大圍新開咗間台灣嘢，佢啲食評又好似唔錯喎！咁啱朋友會經過附近，所以叫佢去買外賣，一齊試吓！從朋友手中接過期待已久既外賣時，已經覺得袋嘢輕飄飄！打開膠袋一睇，見到碗家傳肉燥乾拌麵 ($42)既份量，即時想講粗口……….唔係掛，得半碗？仲要個碗係大過快餐店裝湯個碗少少！味道係OK既，但份量就真係少得太過份！另外，仲叫咗個奮起湖排骨便當($58)⋯⋯⋯塊排骨薄到好似A4紙咁！咁既價錢，咁既份量同質素，應該唔會再幫襯

大圍新開台灣菜餐廳家傳肉燥乾拌麵，HKD 42，正常麵量。肉燥份量足，不過較為淡口，向侍應加辣椒油會惹味啲。鹽酥雞，HKD 28。好少見帶骨嘅鹽酥雞，幾好味。海鮮卷，HKD 26。入面有花枝、蝦，不錯。涼拌黑木耳，HKD 16，清涼爽口，好食！而且價錢便宜，抵食。台式奶茶加珍珠，跟餐可以有半價，HKD 15。個人覺得，台式奶綠加波霸珍珠少甜更好飲，係我近排飲過最好飲既珍珠奶綠。女服務員一人睇全場，服務態度佳。

同屋企人行過大圍，有很多食店，正考慮食什麼，突然眼前一亮見到這間台灣小店，見裝修簡約舒服，便入去試下，我們叫了川味牛肉烏龍麵，排骨飯便當，幾款涼拌小食，同埋台式珍珠奶茶。食物好快到，有驚喜，味道不錯，牛肉麵很入味，排骨亦煎得剛好，而且醃得好好味，小食有黑木耳，海蜇皮，毛豆同豬耳，味道清新，珍珠奶茶茶味濃又不太甜，食完大滿足。服務亦不錯，員工有禮貌有笑容，招呼吾錯，而且價錢合理，下次經過大圍一定再來😊。