影片
港鐵大圍站 A 出口, 步行約4分鐘
繼續閱讀
電話號碼
28891699
營業時間
今日營業
11:30 - 21:30
星期一至日
11:30 - 21:30
以上資料只供參考, 請與餐廳確認詳情
今日出開嚟做啲嘢，過咗食晚餐嘅時間，變咗要食宵夜，行到過嚟呢頭見到仲有間台灣嘢未閂門，一於就係佢啦。坐低叫咗個小食先，因為太肚餓啦。呢一個滷水大腸，連我平時呢個唔食大腸嘅人都試咗幾嚿。佢都炆到啲大腸好腍好入味，最重要嘅係啲大腸一啲都唔肥，令到我我可以放心咁擺落口。另外叫咗個台南海鮮卷，有蝦同埋墨魚，切成薄片拎去炸都幾香口㗎，但係一定要趁熱食。跟住叫咗個清燉牛肉麵，你唔好睇佢成碗嘢個顏色咁清淡，其實個湯超級夠味。最重要係啲牛肉都炆到好腍，好夠味。而且佢個拉麵真係驚呆了我，因為真係好彈牙，再掛埋啲湯汁，真係超好味。另外見到佢呢度有湯飲，對於我呢個湯怪嚟講梗係要試吓佢啦。叫咗個淮山瓜雞湯，好足料㗎。第一次食番薯係鹹食，味道有幾夾個喎，佢個雞湯有啲似麻油雞淡味版，雞味比較出啲，正。另外仲叫咗個藤椒雞湯，呢個就辣得過癮，辣辣地香香地嘅雞湯，啱晒暖身。最後仲叫咗兩杯台式飲品，分別係凍熱板嘅奶綠，無論係走甜定係少甜都飲到個茶底好香，正。更加正嘅係呢度嘅價錢好貼地，食飽飽都係人均100。
繼續閱讀
大圍 📌 【 +886 台味飯桌仔 】大圍高質台灣菜 🤎 足料熬製湯品呢間台灣餐廳大圍積德里，Menu 內有勁多選擇， 無論堂食同埋外賣，質素都非常穩定，而我就最欣賞佢地足料熬製湯品。今次外賣咗佢哋嘅招牌滷肉飯，相當有驚喜不過冇影相，下次再encore 🤤🤤 Btw , 外賣自取有九折優惠 😎🥢 切片台灣腸 $36台灣腸好有油香，切片上，一口接一口食唔停，好好味喔。🥢 香滷大腸 $28大腸肥瘦得宜，喜歡滷味濃。🥢 紅燒牛肉麵 $68紅燒牛肉麵面質有口感，牛展大大塊，有肉味，湯底濃郁~ 推介。🥣 地瓜雞湯 $36 & 黑蒜頭杏鮑菇雞湯 +$25呢度嘅湯品真係好正，大大碗湯，湯入面仲有雞腿肉，真係好足料，湯相當香濃，絕對係足料熬製。🧋凍台式奶綠 $24🧋 凍日式烤奶 $24 + 椰果 @$4兩杯奶茶飲品我都好喜歡，喜歡它的 茶香、奶香，味道真的唔錯。🔅 呢間高質台灣菜真係好啱我呢 d 眼濶肚窄嘅女孩子 🤭 佢哋嘅湯品真係誠意推介比大家 💞⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊰⊹⊰⊹⊰⊹⊰⊹⊰⊹⊰⊹⊰⊰⊹⊰⊹⊰餐廳 🥢【 +886 台味飯桌仔 】地點📍 大圍積德里15-17 號龍鳳樓地下 A 舖消費 💰 $230• 人均 $115@⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊹⊰⊰⊹⊰⊹⊰⊹⊰⊹⊰⊹⊰⊹⊰⊹⊰⊹
繼續閱讀
【+886 台味飯桌仔☀️ | 大圍聚腳點👣】大圍真係好多不同嘅餐廳，諗起想食台灣菜，係積德里就有一間了！個名好台式，門口好文青感覺。.💬手機點餐很方便.💬萬巒豬腳飯萬巒豬腳是屏東特產，豬腳調味後炆上幾小時，帶點鹵水點香，豬皮位置骨膠原十足，潤而不膩，肉部分瘦瘦地，幾好咬口。飯面加上咗魯肉，撈勻食好開胃。有兩片脆脆伴碟，超香的！.💬奮起湖排骨飯奮起湖來自嘉義，有趣嘅係奮起湖是沒有湖㗎！只是山脈山城！奮起湖排骨相信是源自鐵路便當中嘅排骨便當，今次嘅排骨味道我幾欣賞的，排骨軟身，味道惹味又甜甜的，份量十足！與豬腳飯一樣，都會有魯肉蓋飯頂和脆脆炸物伴碟。.💬月亮蝦餅月亮蝦餅個名好吸引我，原來是春卷皮炸蝦餅！相傳是因為炸得如月亮般金黃而命名為月亮蝦餅。脆薄嘅皮，包著薄薄蝦膠，外脆內軟呢！.💬炭焙烏龍茶&台式奶茶台食一定要搭台飲吧！ 不錯，茶飲正好中豐富的味和油膩。🌈+886 台味飯桌仔📍大圍積德里15-17號龍鳳樓地下A號舖
繼續閱讀
之前成日去大圍食嘢架！😆 不過通常淨係Focus喺地鐵站附近嘅舖頭 其實行出少少（真係2分鐘） 仲有好多嘢食選擇架😍😍今次就去咗呢間台灣菜 個名真係幾得意 所以好吸引我哋入去☺️叫做 +886 台味飯桌仔😆🤣好似香港啲舖頭標榜852咁樣🤣充滿台灣特色而且啲嘢食都唔算係好貴 份量都幾多下架😍.🐷萬巒豬腳便當轉乾拌麵本身見到個豬腳飯好吸引 跟住見到可以轉做麵就更加吸引😆😆 因為小編自己係一個好鍾意食麵嘅人🤣不過小編就怕太飽 所以就叫咗少麵 如果叫多麵我一定食唔晒🤨麵條都真係幾煙靭 成個口感係小編超級超級鍾意嘅😝😝啲豬腳望落去好有光澤😂😂真係有一種骨膠原滿滿嘅感覺出咗嚟…😗而且肥瘦均勻 無論係豬皮嘅部份定係肉嘅部份都好好咬口豬皮唔會話好肥膩 而係有啲位又「幾彈牙」啲肉亦都係超好食 咬落去唔會令我覺得肥膩或者乾柴柴🤩🤓除咗豬腳之外 仲有甜不辣同埋菜所以成碗麵都算係幾豐富🤩🤩如果可以多一條菜就perfect 等我可以balance一下 感覺冇咁邪惡哈哈哈 減低一下我嘅罪惡感.🐷奮起湖排骨便當🍱奮起湖係位於台灣嘉義縣竹崎鄉中和村又叫做 畚箕湖🧐 聽講嗰度火車站附近有一條老街專賣一啲家鄉特產、便當、小食 所以睇落去都真係成個「小九份老街」嘅樣子😳😶🌫️其實小編之前真係冇乜點聽過 真係食之前覺得好好奇 所以就專登Google😌😌成個便當其實都真係好大份 豬扒有被炸過🥰不過豬扒外皮冇用粉漿包住兩塊豬扒好大塊 所以真係好夠飽同個飯一齊食 唔會覺得超油膩🤣而且肉質都OK 都係唔會乾柴😌個飯上面仲有啲滷肉 所以想食滷肉飯嘅人亦都可以同時被輕輕滿足😆同樣地都係有兩條甜不辣做伴菜😚.🐷牛蒡絲小編會話呢一個係開胃首選 睇落去可能你會覺得佢只係得細細碟但其實佢份量係多到不得了… 將啲牛蒡切成絲真係更容易進食成個調味都係好清新同埋有少少酸 所以可以同時做到解膩及開胃嘅作用🥰.🐷炸台南台腸蝦卷有時食台灣菜覺得啲炸物好乾 又或者裏面啲肉可能會唔好食 更好嘅調味都敵不過唔好嘅肉質但係呢間台灣菜嘅呢個台腸蝦卷真係炸得唔錯每件都係薄薄地 成個感覺係外脆內軟得黎又唔會厚到刮喉嚨刮口😌😍😍.🐷日式烤奶 加波霸珍珠喺台灣菜入面竟然有日式嘢真係好有趣喎…因為好奇究竟烤奶同普通奶茶有咩分別所以就諗住試吓原來烤奶都係一種奶茶 不過喺製作過程加入咗一啲焦糖 所以就有一種炭火味出咗嚟😂😂的而且確烤奶嘅味道係比起普通奶茶多咗一種炭火味、焦香味 好似係煲好耐 煲出嚟咁樣呢度嘅烤奶都唔錯 少甜少冰啱啱好 加埋啲波霸珍珠就都真係幾Perfect因為平時飲手搖好少何有烤奶可以飲喺香港就更加少見啦🤨🤨.🐷台式奶茶 加波霸珍珠普通嘅台式奶茶都唔錯 一樣係少冰少甜對小編嘅朋友嚟講 味道啱啱好波霸珍珠都幾煙靭 口感合格🤩🤩🤣🤣.+886 台味飯桌仔📍 大圍積德里15-17號龍鳳樓地下A號舖.#hkfoodie #吃貨日常 #香港 #美食 #香港美食 #大圍
繼續閱讀
我地叫左一份炸月亮蝦餅，呢款小食係台灣先有，台灣特色既小食，香港比較少見，味道方面，呢塊炸蝦餅相對香脆，入面既蝦肉味唔算好濃郁但入面既質感係比較彈牙既，脆卜卜熱辣辣甘，沾上酸甜醬好夾。另外叫左一碗清湯牛肉麵，清湯清淡得黎又健康無甘油膩，牛軟腍又有肉味，刀削麵底易食。肉燥豬扒飯超大塊豬扒好似手掌甘大，肉燥混合飯度好惹味再加上甜不辣既軟綿綿幾好味同抵食既一碟飯。珍珠奶茶款式多日式台式都有，台式揀左熱飲好大杯同暖身。
繼續閱讀