8鍋臭臭鍋 (謝斐道) (已結業)

星期六中午去咗銅鑼灣食「8鍋臭臭鍋」，真係好耐無食過，原來中午($88) 比起夜晚($115) 抵食好多，77折就可以食到，仲有飲品贈送臭臭鍋的靈魂應該是「臭豆腐、大腸」；另外，每個鍋都加上各種不同的食材，搭配而成一鍋又香又美味的火鍋。最終我哋揀咗 2 個套餐，每個套餐包括(鍋 + 飯 或 粉絲 + 凍泡沫紅茶/茉香綠茶 $88)1️⃣ 招牌臭臭鍋2️⃣ 臺式麻辣鍋 價格💰：$194 ($88 + $88 + 加一服務費$18)味道😋：OK

今日同男朋友食晚餐，選了這間火鍋店，台式的一人一鍋，選擇都唔少喔，有羊有牛有豬款式這間之前都有幫襯過，好吸引好美味，環境都算可以，但乾淨度可以更好。我們每人一鍋：臺式麻辣鍋足料有好多牛肉片、枝竹、燕餃、蜂巢豆腐等，可惜是賣晒公仔麵，所以全是粉絲，好吸味藥膳羊肉鍋補身一流，好多羊肉湯底是我喜歡的，好飽好美味，喜歡豆卜、魚旦、金菇、木耳等飲品：金桔檸檬梳打男朋友飲這個，點了少甜又大杯又凍，酸度夠好開胃

今日同同事去左試呢間臭臭鍋，我地叫左招牌臭臭鍋，一個藥膳鍋，一個壹式鍋，仲有芒果冰沙，另外叫左碟臭豆腐同鴨血。鴨血真心吾好食，可以不用試，臭豆腐都還可以既，藥膳鍋相對其他兩個鍋較好，最好既就係杯芒果冰沙

朋友想食火鍋，疫情關係，雖然同台食飯都有機會攬炒，但最嚴重情況尚未過去，說是衛生一點，自欺欺人一下，唔打圍爐火鍋咁就去食一人鍋啦。只有唔夠10個選擇，雖然我唔喜歡臭臭鍋，所以冇食過，但食過麻辣鍋牛奶鍋同沙茶牛肉鍋都好食。招呼我哋嘅侍應生係一個台灣女孩子，感覺實在好似去咗台灣咁！火鍋嘅準備要15分鐘，咩都未上竟然先上一個滷肉飯，老玉係切碎而唔係絞碎嘅肉，好正宗嘅台灣味道。問題係咩都未食就先啪一個滷肉飯，感覺實在好奇怪。我叫嘅沙茶牛肉鍋除咗牛肉之外仲有大蜆、粟米、娃娃菜、米糕、牛丸、貢丸、豆角... 用料好豐富，味道好夠，所以基本上都唔使加佐料了。午市送飲品晚市唔會送，但叫杯台灣茶感覺更台灣。由於太欣賞個牛丸，我個人認為同振興肉丸嘅台灣濃汁牛丸有九成半相似，我哋加咗一碟牛丸來分享，更加滿足了。 舖頭無論食物味道、服務、同裝修格局都好台灣，食完，就當自己去左一轉台灣啦...

今晚喺灣仔一間酒店staycation，所以係一個食物外賣平台Apps度落單😎，外賣速遞過嚟就有得食🤣。因為有食過堂食，所以對佢都有少少期望，差極都希望可以保持返堂食嘅七成水準😏，但係外賣始終都係同預期嘅有出入😞。🔻台式麻辣鍋 $118🔻味道係唔錯，幾好嘅同堂食嘅冇咩分別，送到黎都夠熱，不過就的湯倒瀉咗大半，扣晒分。麻辣湯底香辣，配上肥牛同冬粉，惹味非常。🔻麻辣鴨血 $42🔻細分咗少少，鴨血切得比較薄，一片片咁，食落真係冇咩口感😞，唯獨麻辣風味依然保持。🔻甜不辣 $32🔻煙韌軟糯我自己最鍾意，都係一樣最冇技術可言嘅嘢🤣，沾下唔同醬料又好食🤤。

店名叫得臭臭鍋，臭豆腐火鍋自然係招牌，不過我同朋友都唔食臭豆腐，所以無叫😂芝士牛奶鍋都係出名既選擇之一，芝士味香濃得黎亦唔會太濟，成個鍋奶白色相信放左唔少牛奶，仲放左一塊芝士，增加成個鍋既奶香。配料豐富，有娃娃菜、南瓜片、菇、丸、蟹柳、豬肉、豆腐、腐竹、烏冬等，真係睇見都流口水而沙茶牛肉鍋雖然亦都配料豐富，除左菜類之外，肥牛亦俾足料，但完全被比下塊，沙茶味略嫌唔夠濃。另外有兩塊米血糕，口感有d奇怪，食左一啖就無食總括黎講，強烈推薦芝士牛奶鍋！下次再試下新野先

lunch time經常會黎呢間台式binno，由於位置有些少隔涉咗，even lunch hour黎到都通常有位，binno黎講上菜速度幾快😆🥘一人一鍋啱哂夠衛生！-呢個$88 set包飯/粉絲、鍋、飲品。性價比超級高😍肉方面可選豚肉🐖、羊肉🐑、牛肉🐂，肉份量非常大方🤪大家可以按喜歡既配料同湯底揀要邊個鍋🥘-招牌臭臭鍋🔥🥘-心大心細唔知揀乜好既你，就應該要試下呢個啦😍配料有米血糕、蜆、豬紅、鵪鶉蛋等！芝士牛奶鍋🥛🧀-間唔中想清淡少少可選呢個，芝士味🧀適中唔怕會太漏，牛奶🥛味就唔太食到但睇得出😍配料有：為數不少娃娃菜🥬、肥美又勁多塊既自選肉（羊肉片🐑）、南瓜數片🎃、魚豆腐一粒🐟、真係勁好食貢丸一粒🤎、麻吉燒一粒🍢、鮮冬菇一大粒🍄、粉感蟹柳一條🦀、金針菇一小撮🍄、炸枝竹、鳴門卷、生雞蛋🥚、烏冬、蛋餃🍳、面頭再有勁香濃芝士一片🧀。另外有配有粉絲，唔好睇佢好似得幾條一小攝仔，但可以索哂所有汁同，我都幾保證大食既你一定夠飽😆飲品可以加錢飲各種台式飲品，呢款係跟餐唔洗加錢既紅茶，有淡淡甜味😆🧊🍵

收工行咗個快街襯未天黑未到飯市就食個early dinner先今日星期六，要食飯應該有排等🙈🙈自從邊爐家族出現之後就好耐無打過邊爐😭又係果句，無得去旅行所以要食台式火鍋仲要揀顏色圈！！餐牌列得詳細，會寫明有咩餸除咗一人一鍋，嗌多兩個小食蜜味台灣腸點解台灣腸咁好味🤩完全係偉大發明麻辣臭豆腐同想像有出入傳說的麻辣竟然辣椒粉⋯⋯藥膳羊肉鍋有輕輕的藥膳味羊肉有羶味😍起碼有7-8片👍🏻👍🏻招牌臭臭鍋原來呢個有招牌臭豆腐😋😋嗌咗少辣，但越食越辣，下次要嗌少少少辣先得！兩個鍋d料都好豐富，丸類都彈牙同多汁不過兩個人食兩個鍋有d多下次試下一個鍋再加餸先😆😆

朋友介紹呢間幾旺既火鍋店，星期五晚人流繹不絕。餐牌有介紹自己係台灣餐廳，以八款鍋及湯底起家並致力研發更多美味湯底。叫左個招牌臭臭鍋試下湯底都唔錯，而且一個鍋有好多餸，個餐會另外再配飯或粉絲，食到咁上下落個粉絲去煮，真係非常飽雖然臭豆腐真係唔係我杯茶，不過都算整得入味。另外，豬血糕都幾好食，一開頭可以淨係食餸，食一陣之後先再點自己調既醬，就更加惹味打邊爐點少得一杯凍飲。呢杯芒果鮮奶沙冰真係夠哂爽🤣雖然鮮奶同沙冰打埋之後，個味無咁出，不過甜度就岩岩好😂

今日同朋友在附近上完堂，見到呢間野好多好評諗住試下，本身又鐘意食台灣野。晚上8點45分左右，目測有一半枱係有客人嘅。我同朋友一人一鍋，order 左1號同8號鍋： 臭臭鍋同牛肉鍋。整體味道一般，但牛肉都叫牛肉咩？成pat 牛脂肪，牛/脂肪比例係1:3。 坦白，無論湯底定食物都冇任何特別之處，好食喺邊呢？不過唯一有1 粒牛丸係幾好味。最特別印象最深刻一定係d staff 嘅態度，我地見個個客人台面都有調味醬料，就問係咪可以提供，點知staff 話：「其實可以自己拎」，就轉身走開，即係擺左喺隔離枱都唔會拎比你⋯咁嘅服務態度仲有order 左杯盆栽奶茶，得個甜字，所以相都唔想影。食物冇特色，食物質素中下，員工態度差，冇下次！

我晚上約了2位朋友一起去，我是第一次吃這間臭臭鍋，原以為會像臺灣的臭臭鍋一樣會聞起來臭臭的，但是沒有臭味!每鍋$115蚊。有9種鍋可以選可以自己選配飯或配粉絲，我就選了藥膳牛肉鍋。味道可以，都幾大鍋，和朋友一邊吹水一邊食左好耐先食得晒，但個鍋不包飲品，由於當時m到就無加飲品，但朋友佢地就加左珍珠奶茶，都幾大杯，但見佢地最後飲唔晒。而我就問左服務員拎左杯水飲。鍋中的牛肉就口感稍為差左少少，但過得去，藥膳湯底都好飲，不過都是無臺灣啲藥膳湯底做得咁好味和咁濃郁，如果唔期望太高的話，味道係ok。以火鍋價來講$115價錢係中等價囉，唔算太貴，都可以接受。朋友仲叫左炸雞，但我無試到，因為個鍋本身都好大份，最後勉強食晒。但見炸雞的顏色望上去都炸得幾靚仔和脆身。環境都寬敞舒適，服務員態度都好。

見好多人讚好。本身對火鍋，冇乜特別好感， 今晚，見到唔使排隊，於是， 抱著姑且一試嘅心態， 叫咗麻辣鍋， 藥膳羊肉鍋， 同蒜香牛肉鍋。食材就係抄牌上面寫嗰啲囉，真係冇乜特別。。。丸類，個人麻麻地， 有幾款什至太腥，吃不下口。。。。血米糕幾 特別， 但係，冇乜味道。。。。肉類，通常都很肥。 尤其牛肉，其中 好幾塊全部是肥膏。。。只能丟掉 。。。最好食嘅變咗係啲菜，但係比百幾蚊，入嚟食菜，又好戇居。。 試完就算。一定冇下次。

初初見到佢叫臭臭鍋⋯我係度諗係咪即係臭豆腐啲臭⋯入到去就聞到⋯完全明白☝🏼💡係我嘅角度就非常之香😌⋯⋯仲要一人一鍋⋯好衛生⋯唔洗驚變打邊爐群組🤭仲有三隻唔同嘅醬俾你沾⋯⋯我最鍾意就係辣醬⋯始終覺得臭豆腐係應該要配辣醬！其實叫一個鍋入面都好多材料⋯腐竹呀⋯娃娃菜呀⋯蕃茄呀⋯豬紅呀⋯芋絲呀⋯我地只係另外叫多一個餸就好夠⋯仲有粉絲送⋯浸埋落啲湯真係吸曬啲味⋯好濃郁😋😋⋯食啖粉絲再飲啖湯⋯好正呀！🤩真心推介！

好少行來呢條街，計上次食完鰻魚飯之後都冇來過。呢度門面唔太起眼，人客都唔多，如果冇人介紹都未必會來。我本身唔係大食，冇諗過要食火鍋放題，呢d咁樣一人鍋就啱哂我啦！多人黎食都可以跟據自己口味，滿足各人嘅喜好。每個鍋都係HKD115，可以跟飯/粉絲，今次我叫左個臺式麻辣鍋，麻辣湯好香辣，味道似足台灣食嗰d，餸方面都有起碼10款，當中都包括飽肚d嘅肉類，牛肉片，福州魚蛋等等，整體而言味道價錢都唔錯，CP值高！另外叫左香蒜牛肉鍋同金桔檸檬梳打，同樣好足料好好味😋8鍋臭臭鍋地址📍: 銅鑼灣謝斐道440號駱克大廈A座地下E舖.............................. 味道😋: ⭐️⭐️⭐️⭐️ 環境👀: ⭐️⭐️⭐️服務👨🏻‍🍳: ⭐️⭐️⭐️抵食💰: ⭐️⭐️⭐️⭐️

為咗小慶祝，我Lunch time揀火鍋店食8鍋臭臭鍋係一人火鍋店自己食自己果鍋，好安全四人枱中間仲有塊膠板隔開，大家都食得放心我叫左芝士牛奶鍋，朋友叫左招牌臭臭鍋兩個鍋份量都好大，一上枱都驚食唔曬芝士牛奶鍋湯底好夠味，真係有淡淡芝士香， 不過唔算好膩湯中間有隻生蛋， 一搞即刻有蛋花豚肉片都有好多塊，啱曬食肉獸心型魚豆腐、蛋餃、沙白都好有驚喜！仲有娃娃菜、金菇、 炸支竹、香菇吸曬d味！好正！招牌臭臭鍋聞落有d臭，但食落好香好惹味我哋叫左小辣，唔會太勁！少少刺激夠喇！除咗豚肉片，呢個鍋仲特別有d台灣配料台灣臭豆腐、大腸、豬紅！ 個粉絲都索曬啲味！知道嗎？係台灣嘅味道呀！配杯凍飲 盆栽奶茶！爽🤪🤪