8鍋臭臭鍋 (謝斐道) (已結業)

喺冬天的季節當然要食反啲應節食品----打邊爐～暖一暖下依次係我第二次尼食，之前試左招牌臭臭鍋，而今次我就揀左食芝士牛奶鍋！wow 店員遞上牛奶鍋時，心裏已暗爽中🤭白雪雪好有冬日feel~ 而且用料唔差，我個人十分喜愛鍋中的白豚肉👍👍冇諗過咁好食😋就算放在鍋中一段時間，肉質都夠嫩！份量亦唔少。仲有豆皮蝦卷、貢丸、沙白（蜆）、麻吉燒、蛋餃、一小塊的公仔麵、小量蔬菜等等～我覺得最特別係麻吉燒，第一次食，內有麻糬，外有魚漿內圍住，煙韌得尼又爽脆🤣所以材料連芝士湯底配搭一起進食，真係令人好滿足🥰極力推介大家食午餐，真係抵食，$90（已連加一服務費）就可以打到邊爐啦！！仲包一杯紅茶/綠茶😋

我地未夠六點就入座，當時餐廳只有一枱客，係寧靜嘅空間呀！好耐無享受過！我係第二次嚟呢間餐廳火鍋，記得上次食果個臭臭鍋味道甚佳，令人一試難忘，所以今次帶埋個朋友一齊去食！今次又係叫左招牌8鍋臭臭鍋，呢個鍋嘅湯底味道真係好特別！佢聞落有少少似臭豆腐，食落又有少少似沙嗲湯底；而且佢配料甚多，基本上火鍋常見嘅配料佢都有齊，特別之處係佢嘅配料會隨住湯底唔同而有所改變，牛奶湯底同臭臭湯底嘅食物唔同，但整體嚟講，份量都係差唔多。成個餐連加一服務費total $130，喺定食火鍋界嚟講唔算平，但佢個湯底的而且確十分出色，所以單論呢一點已經值回票價！份量嚟講，一個女仔一定夠食，大食少少嘅男士可能要食多餐宵夜了！同埋大家唔好expect佢係火鍋放題，佢係固定份量嘅火鍋，一上菜啲野食就已經放哂入火鍋入面的了。套餐包一碗白飯/粉絲，而野飲就要另外加錢，無優惠價，每杯動輒要$25以上，我地覺得有啲貴，同外面單獨買一杯野飲個價格差唔多，所以最終無嗌到。呢一點算係敗筆，如果餐廳可以以優惠價方式加野飲，咁一定會多好多生意，始終火鍋嚟講，野飲嘅重要性都好高嘅！好多時一杯都未必夠喉，起碼要兩杯或以上先過癮！

臭臭的氣味，傳入我的鼻，一人一鍋。冬瓜紅茶 - 身為推介飲品之一，當然唔會差，冰涼嘅冬瓜紅茶，係食野時，令人有涼快嘅感覺木瓜鮮奶 - 正常水準，口感似南瓜露咁厚身，值得回味。藥膳羊肉鍋 - 藥材味十足，另外，羊肉好有羊肉嘅騷味，十分好食，其他配菜亦足料，基本上唔需要點其他食物。招牌臭臭鍋 - 不負招牌兩字嘅鍋，份量十足，一個人食啱啱好，而湯底亦有少少臭豆腐嘅味道，臭豆腐看似普通豆腐，但食落完全係臭豆腐嘅味道，值得一讚酸辣羊肉鍋 - 由於朋友不食羊肉，於是，改成酸辣牛肉片，味道唔錯，但食羊肉應該更夾

香港食打邊爐基本都無分咩季節, 只要想食就要食, 當然有時候一個人想食時, 唔係個個地方都適合, 呢間係我其中一間選擇。今次就拉埋朋友仔去食, 一人一鍋唔洗爭。 我就例牌叫我最喜歡既芝士牛奶鍋, 而朋友仔就叫咗臺式麻辣鍋, 另外再加追咗$20臭豆腐鴨血及百香果紅茶。喜歡食芝士既真係要試一試芝士牛奶鍋, 奶香又滑, 加埋芝士既香濃味, 真係絕配。臺式麻辣鍋個配搭都幾得意, 有細細個公仔麵及油炸鬼, 因為之前未試過, 所以就叫咗個小辣, 我覺得唔辣, 如果食得下辣既要考慮下辣度。 另外個套餐有白飯或粉絲選擇, 本身個鍋都幾大份, 而鍋內都有一D麵食提供, 所以自己就要衡量下啦! 至於另加既臭豆腐鴨血, 本身我都好鍾意食香港既炸臭豆腐, 好坦白真係好臭, 我食咗一啖就頂唔住。可能我唔識欣賞, 不過整體上我都覺得平平地不錯既選擇。

到達嘅時候 唔洗等位 但我哋有7個人 佢未有位俾到 所以我哋就企喺門口 等咗一個小時左右 人愈嚟愈多先開始要攞飛等位 咁諗住佢應該知道我哋有7個人等緊就冇攞飛 但見佢有俾少啲人嘅入去 諗住佢可能唔記得咗 所以都拎咗飛 之後又等咗約一小時左右 見到差唔多時間攞飛嘅都入咗去 於是直接問職員 佢建議我哋分開坐 其實分開坐唔係問題 但點解要顧客去問先咁講？仲要一直俾人入去 係唔係由一開始就冇諗住留位俾我哋？唔係應該見到咁多人喺門口等 就要問下嘅咩？仲要我哋等咗兩個幾鐘 再問職員嘅時候 係得到咁嘅答案 在服務態度上有很大的改善空間 希望可以改善一下安排入座問題及多關心顧客 謝謝🙂

晚餐想打邊爐一人一鍋 又想有少少台灣風味 記得朋友都有推薦過臭臭鍋 就走左黎試啦好彩即興黎 排隊唔算等咗好耐 每個鍋都好有特色好吸引 不過難得一場黎到 想試返最正宗嘅台灣麻辣火鍋 😋就叫咗一個台式麻辣鍋😍 最吸引我嘅係入面有好多我鍾意食嘅配菜 例如鴨血 豬大腸 甜不辣 肉嘅份量都好足夠 湯底叫咗小辣🌶開始食嘅時候啱啱好 食到後期個鼻就係咁流鼻水😂下次有機會都想試辣少少 同行嘅朋友就叫咗個芝士牛奶鍋 風味就比較似日本🇯🇵 佢一路食一路話湯底同啲餸都好清甜 兩個鍋入邊都有各自配左烏冬 麵 同粉絲 食到飽一飽🙂 另外仲叫咗兩杯飲品 想讚一讚冬瓜紅茶唔會太甜 好似喺台灣夜市買到嗰種😍成晚見到個場都幾多人 有少少美中不足係服務員都比較忙 可能揮手都要等一陣佢地先會過黎serve 如果下次黎應該都會揀返平日下晝啲時間 會比較好

我同女朋友第一次嚟食，諗住開開心心啦，結果唔係好愉快囉首先一入到去已經好多人， 可能係星期五嘅關係， 等咗15分鐘先入到去坐，落單時候問個四眼哥哥有咩好食，佢啲態度極差劣，叫我自己諗，款款都差唔多，咁我都算啦，可能好忙啫，後尾再等咗30分鐘個見嘢食未嚟， 我就問吓啦， 點知原來漏咗單， 搞到我哋呆等咁耐我哋叫咗個招牌臭臭鍋，麻辣臭臭鍋，味道都算可以，有台灣風味，另外加錢要一碗滷肉飯同烏冬，滷肉飯份量偏小，烏冬得半份，完全唔夠喉。另外嘢飲叫咗杯荔枝梳打同蜂蜜綠茶，正正常常咁

人多混亂，味道雖然不錯，但感到失望有兩點：1. 個火混左5-8分鐘開始無火.. 叫完人哦完就算.. 我未食過一個凍既火鍋..2. 我叫既係麻辣.. 我好肯定無放鴨血.. 因為如果唔係 我會俾錢order的..我究竟食左d乜？ 食凍既火鍋料真係好噁心 因為要我寫200字先可以評分，所以我會寫夠200字！我無試過食到咁嬲既火鍋，請大家愛護自己，珍惜時間，青春，光陰！野飲同飯係上得慢既，魯肉飯既魯肉真係小得可憐，好似1/3盒西莎狗糧份量左右！

下午三點黎到銅鑼灣，就諗住試下臭臭鍋，唔洗排隊。我同朋友分別叫左一個招牌臭臭鍋同雞鍋，臭臭鍋有臭味但食落唔太臭的，我朋友就好喜歡隻味。雞鍋就普普通通，略嫌太油。面頭有麵，其實仲跟粉絲，食唔晒。

對火鍋情有獨鍾嘅我，最鍾意得閒就去唔同嘅火鍋店試新野，偶然一次喺網上見到呢間8鍋臭臭鍋，主打一人火鍋+獨特臭臭湯底，就急不及待約同朋友一齊試下，我地去到嘅時間大概係6:40p.m.，當時未算好多人，所以毋需輪候就直接入去了，之後去到7:00p.m.果陣望見店外面已經企滿哂人，不禁感歎：好彩我地早到咋！ 入到店內，第一時間梗係睇下餐牌先啦，唔同湯底嘅圖片盡列眼前，每幅圖片下面都詳盡地列出各項食材，每個湯底嘅配料、食材都有所不同，所以記得睇清楚先好落單呀~我地一行三人，叫左2份招牌臭臭鍋同1份藥膳羊肉鍋(朋友轉左做牛肉)，每份火鍋可以配白飯或者粉絲，任君選擇。臭臭鍋湯底勁似臭豆腐，未嘗其味先聞其「香」，好有兒時喺街邊食臭豆腐小食嘅感覺！味道既佳、賣相亦優！傳統嘅火爐裝滿大量食材配料，即時令人食指大動！打邊爐又點少得野飲呢？我地嗌左木瓜牛奶(+$20)，味道一流，濃郁嘅木瓜香配合絲滑嘅牛奶，同火鍋配合得相得益彰~最後要講下佢個環境，店外嘅謝斐道相對其他市區嘅道路較為闊落，就算喺外面排隊都唔會覺得過份擠逼。店入面唔算大，我地獲安排坐喺靠窗嘅卡座，3個人坐仍然相當闊落~整體嚟講，真係一間值得推薦

台式一人臭臭鍋, 係呢個疫情好岩每人一個鍋嘆住冷氣食, 點左招牌臭臭鍋入面有娃娃菜/白豚肉/臭豆腐/台灣貢丸/米血糕/大腸/鴨血/沙白/鵪鶉蛋/蕃茄/榨菜絲/韭菜/金針菇/嗚門卷/炸枝竹/粉絲,配白飯或者粉絲(可加$7升級做滷肉飯或烏冬), 配料同份量方面真係夠豐富.〔 招牌臭臭鍋 〕 $115 .(好味指數: 9/10)

有無人同我一樣，無時無刻都鐘意食鍋物？😍就算夏天，開住冷氣烚下烚下真係好正😋😋😋一人一鍋唔洗爭食，份量剛好，滿足！❤️‍🔥雖然香港食臭臭鍋真係貴過台灣好多，但飛唔到無辦法啦...思鄉就頂下癮照食吧🥲＊－。－。－。－。－。－。－。－。－。－＊🔘芝士牛奶鍋 $115 配飯或粉絲 (+$7 升級做滷肉飯或烏冬)配料：娃娃菜、白豚肉、日本南瓜、心型魚豆腐、台灣貢丸、麻吉燒、沙白、香菇、蟹柳、金針菇、炸枝竹、鳴門卷、雞蛋、烏冬、芝士片、蛋餃、黃金魚籽球之前有食過其他口味 - 🔘招牌臭臭鍋 及 🔘沙茶牛肉鍋。以上兩款湯底味道較重、較濃郁，適合重口味人士。芝士牛奶鍋味道會溫和少少，湯底香滑，適合大眾口味。配料豐富夠大路，避過左米血糕、鴨血、甜不辣依類偏門食材。份量好夠食，如果唔夠可以另外追加食材，大概$8-98/份。🔘小食 - 台灣腸$36有少少似氣炸口感，不油膩，外皮微脆。可選蒜味或蜜味，幾香口。

好耐冇去台灣，喺香港食下台式一人火鍋回憶下先🥲有幾種鍋底揀，可以配粉絲或者係飯，我揀咗配飯😋 非常足料，有牛肉牛肉丸粟米金針菇等等，比較特別嘅係有油炸鬼，之前食其他一人火鍋都冇見過，湯底非常濃郁，送飯一流😝🙌

星期五同朋友兩個人食呢間，我地6:30 pm 到，鋪頭一個人都無 😂✌🏻✌🏻 -咁我哋落揀咗個靠邊位坐，至起碼2人枱，不用同其他人搭枱。- 我叫左 芝士牛奶鍋，其實入邊好多材料，已經有一件臭豆腐。因為我想食臭豆腐，看餐牌好像牛奶鍋沒有。一嚟到仲有好大塊芝士，而且湯底真係好甜好滑😄 正常女仔食完都好飽。 我朋友叫左招牌臭臭鍋，起初期待有臭豆腐的臭味，點知沒有😂 都幾照顧唔食臭豆腐的人。 臭豆腐食落口真的有臭豆腐嘅味道👍🏻 個湯底係小辣嘅，雖然很想試，我唔吃辣野唔敢試。 - 仲可以加錢一杯台飲，飲品仲係有包裝，唔使驚倒瀉👍🏻👍🏻

因為疫情嘅關係，其實已經好耐無出街打邊爐啦. 咁啱朋友仔推介話銅鑼灣有一間食台灣嘅臭臭鍋，係一人一煲，所以就試吓啦. 當日我哋六點鐘就已經去入座，店裏面未有其他顧客，我哋好快就叫咗兩個一人煲. 我叫咗個香蒜牛肉煲，味道都OK嘅，我最鍾意裡面嘅老油條，浸一陣就食得. 牛肉方面都OK，但係粉絲就比較細份. 一人煲來講價錢都合理，份量都飽肚嘅. 環境方面都算企理，可能我哋早食晚餐、人數唔多，冷氣就覺得凍咗少少. 店員都有禮貌，值得推介.