8鍋臭臭鍋 (謝斐道) (已結業)

有時候就是心癢想打火鍋，台式火鍋也是一個很好的選擇，但不知從何時開始香港的台式火鍋都越來越貴，每一次買單可能要人均$300以上⋯⋯這次看我OpenRice見到有$100左右的火鍋， 還要是一人一鍋，就過來試一下了。看起來冷氣就很足的門面，絕對是一個適合打邊爐的環境啊到的時候還沒有客人，方便我拍一下環境，感覺上環境是大方而舒適的， 也不會說很逼夾的樣子。可以看到外牆都是有特地設計過，內容也和這家店的食物有關，非常有趣。他已經很好地把所有東西分類好，我們要做的只是從裏面選一種，第一次來當然是要是一下他的招牌吧，看的時候有些好奇如果臭豆腐真的很臭那不是會整間店都嗅到嗎臭臭鍋本體以及飲品。我點的是菜單自帶的紅茶，本身是沒有什麼期望的，但是意想不到味道比想像中好，紅茶有茶味而不苦澀，見到也控制得很好！抵讚啦臭豆腐應該是這臭豆腐鍋的精華。但是我必須要說他並不是很入味，豆腐的香味也不是很重，不是難吃但是沒有達到非常好吃或者點睛的標準。豬紅非常之好。滑溜而且沒有腥味，只有淡淡的鮮味， 我覺得不錯。米血糕 也是非常的棒，軟糯得來感覺上很好吃，其實味道不太重， 但是口感很好以下是我對整個鍋的客觀點評：價格

臭臭鍋今日去咗銅鑼灣既臭臭鍋食咗個lunch，一入到去就已經聞到一浸特別嘅火鍋味道，相信就係傳說中嘅臭臭鍋嘅味道，佢嘅lunch Menu有九款火鍋可以俾你揀，我同朋友就揀咗其中嘅芝士牛奶同酸辣羊肉鍋，等咗大概10分鐘左右就有得食。芝士牛奶鍋一嚟到嘅時候就已經瀰漫着一陣牛奶嘅香味，而且有一塊白色嘅芝士係面，食落好香奶味，加上佢呢個鍋有好多材料，包括有雞蛋、烏冬、娃娃菜等，娃娃菜加上奶味令到食落更creamy，好正麻辣羊肉鍋同樣佢都係有好多材料喺裏面，包括有米血糕、福州魚蛋、羊肉等，羊肉既份量都算有好多，加上酸辣湯底，羊肉既味道變得好惹味，之後加埋附有嘅粉絲一齊食，粉絲索晒啲酸辣湯，一流飲品方面佢又可以俾你選擇凍嘅紅茶或者綠茶，食火鍋之餘又有得飲甜甜地嘅凍茶，可以唔會太熱氣又解渴

呢日約左朋友仔見下面食個lunch,想食d特別野搵到呢間台式火鍋店,可以一人一鍋打下邊爐🥘$88蚊可以揀一個鍋+飯/粉絲,仲有杯飲品🥤個人覺得性價比幾高👍🏻😉而且冇限時,可以慢慢食下野傾計呢度有8款鍋可以揀,有招牌臭臭鍋♨️臭豆腐嘅粉絲一定要試下呢次仲有款沙茶牛肉回歸平時打邊爐最愛落沙茶醬嘅我當然揀沙茶牛肉啦朋友就揀蕃茄豚肉🐷唔駛10分鐘,兩個鍋已上枱,用料豐富好吸引沙茶牛肉鍋味道濃郁,🐮牛肉份量都幾多同好有牛味仲有牛丸,花枝丸,好彈牙～金針菇,蕃茄等等配料炸枝竹同粉絲吸晒沙茶味,一啖食落去真係好鬼正比較特別嘅有米血糕,第一次食,唔係想像中嘅濃味仲有心型魚豆腐,好可愛☺️🍅蕃茄白豚鍋味道就相對溫和,係開胃之選👍🏻白豚肉同樣多而嫩滑配菜就比較多蔬菜類特別嘅有木耳,蓮藕,椎山,仲有好甜嘅粟米其餘嘅配料都好入味白飯係平時一碗嘅份量,食晒個鍋同白飯對女仔黎講,應該都已經幾飽下🤤套餐包埋飲品,有兩款揀試左茉香綠茶🍵味道比想像中仲要好個人幾鍾意,茶味濃香自然其實仲可以+$7轉$30蚊以下嘅其他飲品聽講台式奶茶☕️唔錯下次可以試下值得一提係店鋪幾夠冷氣夏天黎食火鍋完全冇問題😏

係openrice search到呢間台式一人一鍋，加上早排都有聽過呢間餐廳，所以就趁lunch平平地走去試下！餐廳係銅鑼灣廣場後面，屬於後街，不過鋪面算大，唔難搵餐廳好貼心，門口放咗出租充電器，唔洗怕食食下無手機用🤣放係牆上嘅係呢間餐廳係世界各地分店嘅相，作為裝飾，別出心裁！一人一鍋嚟講，呢間款式都算多，務求個個食客都揀得落手我同朋友12點半去到餐廳，唔洗排隊，仲有得任揀位坐☺️我地叫咗一個招牌臭臭鍋同蕃茄白豚鍋餐廳無咩人，飲品好快就上咗，個人偏好茉莉綠茶，因為泡沫紅茶過甜等咗10分鐘之後，見個鍋仲未到，心諗 ‘陣間唔係仲要慢慢等佢滾先有得食呀？咁未餓死...’再10分鐘後，個鍋終於上枱，見到佢出曬煙，即刻覺得啱啱等咁耐都係情有可原！蕃茄白豚鍋湯底偏甜，每款配料唔止得一件，當中有爽口淮山，雲耳，估唔到打邊爐都可以咁養生☺️臭臭鍋一上枱就有陣好香嘅臭味(你明的😏)，豆腐有啲臭，有鴨血，成件事好台式！不過食到一半個火就熄咗，如果個火可以燒耐啲，食耐啲就完美啦！

今日係銅鑼灣行完街，突然好想打邊爐， 之前見到「8鍋臭臭鍋」好多人推薦，下午4pm黎到，都係88 蚊+1，價錢超抵食，所以唔洗考慮就入去試。餐廳環境幾舒服，無好勁既油煙味。 MENU有9款一人一鍋套餐，有辣有唔辣，任君選擇。每款可以跟粉絲或者白飯, 再加飲品。（可以加$7轉台式飲品！）枱上有自助調味醬架，豆瓣醬、沙茶醬、蒜油等等，可隨意配搭！我嗌左招牌台式臭臭鍋，內裡配料好豐富，有白豚肉、米血糕、豬紅、大腸、鵪鶉蛋、鳴門卷、炸枝竹等等。臭臭鍋湯底有d似臭豆腐，味道特別，配料吸左d湯後，非常美味！白豚肉係半肥瘦，肉質腍，豬肉味濃！另一個嗌左酸辣羊肉鍋，有羊肉片、魚豆腐、椎山、金針菇、娃娃菜、嗚門卷、炸枝竹、沙白等等。湯底又酸又辣，味道好正！羊肉又唔膻！飲品嗌左盆栽奶茶和桂圓黑糖薑母茶，兩杯都好味！一人一鍋好多餸，令到我超飽!

上次吃已是半年前，今天偶然路過銅鑼灣，又好久沒去台灣，所以又再次光臨這家台式火鍋店。環境方面，也許是非繁忙時間，店裡人並不是很多，墻上的圖案設計，和照片都非常有台灣的風格，位置寬闊，雖然是火鍋店卻還是保持清新的空氣，想必在抽風系統上下了功夫。坐下來後就直接點了一個台式麻辣鍋。不超過十分鐘，一鍋熱辣辣的台式麻辣火鍋已經呈上。金黃色的科學面躺在沸騰的紅油湯裡，令人食慾大開。小心翼翼地喝了一口熱湯，瞬間打開了五臟六腑，仿佛來到了全新的世界。大腸是我喜歡的質感，入口即化。福州魚蛋仿佛令我去了福州一樣。牛肉不柴，有牛味。湯底麻中帶辣，辣中帶麻。服務方面，店員都非常禮貌，雖然不及台灣，但是也保持著台灣的感覺。

今日跟朋友去左間係銅鑼灣既台式火鍋食午餐😋入到去,地方都幾寛敞,可愛既台灣美女招呼我們坐係靠牆邊既SOFA 位.見到對面牆身既分店相片至知,原來間店吾少野,係台灣有好多分店.餐牌有九款吾同口味既火鍋湯底俾我地揀,我地分別點左臭臭鍋同芝士牛奶鍋.粉絲同兩杯飲品等左一陣, 帶著少許豆腐味既臭臭鍋送左上枱,相信鍾意食臭豆腐既人一定會鍾意😍😍再過多一陣,我個芝士牛奶鍋都上埋,湯底散發出濃烈香味.我鍾意😍每一款湯底本身己有十幾款餸,我地再交換左的餸.變左每一鍋都有近20款餸👍臭臭鍋可選吾辣到大辣,以臭豆腐作為湯底味,好特別,雖則話臭豆腐,但聞落,食落,完全吾會覺得臭👍芝士牛奶鍋,岩晒鍾意芝士同牛奶既我,每一個餸食落都帶著點芝士味同牛奶味,朋友話佢杯綠茶係底糖,吾會子甜,配上火鍋剛可以解熱,幾好👍我就覺得我杯盆栽奶茶幾正啦.有的朱古力味既奶茶,特別得黎又好味👍我諗下次都係搵多幾個朋友,一齊再試埋佢其他湯底.另有一樣值得一讚既係.店鋪有尿袋出租,如果手機冇咩電,坐底打個爐,順下電都幾好😂

今次黎到銅鑼灣，除左金伯利之後，係內街既餐廳只係少之又少，今次試下少食d既野先，所以行到黎8鍋臭臭鍋，食下台灣打邊爐先。環境方面無乜特別，裝修都算新淨，企理，值得讚既係，座位都算闊，因為要放得落個一人鍋所以坐落都幾舒服。食物方面最多人叫既臭臭鍋，我都好耐無試過，入面既餸都幾多下，我比較鐘意既人個臭豆腐，呢隻臭豆腐並唔係炸既，坐落無乜油膩感，但「臭味」絕對唔弱。重口味/想試特別野既人就岩曬呢個鍋。比較正常既有麻辣鍋，都係多人叫，仲有個Good字寫係餐牌，配料就係牛肉，正正常常，唔算太麻or太辣。正常口味既朋友就岩曬。加$12蚊可以由白飯轉鹵肉飯，個鹵肉飯都幾多肉下，同埋d汁都夠濃味，唔錯。另外，炸花枝丸新鮮炸出黎，味道唔錯，但只有4粒，唔太夠食😂飲品方面，珍珠奶茶味道不錯，但跟餐就只有細杯，略嫌唔夠。

今晚原本諗住食一蘭既，但真係好多人排隊，太肚餓喇，所以就決定唔排隊食一蘭，行前少少有間邊爐打，見佢係Openrice咁多正評，所以去試下。原來依間台灣餐廳係唔同地方都有分店，台灣唔同城市，甚至去到澳門都有，係間連鎖既邊爐店。台式邊爐原來係以辣為主，真係唔知，所以就叫番D大路野食，我地就叫左牛奶芝士鍋同香蒜牛肉鍋。落單時，有個講普通話既店長黎落單，應該係台灣人黎!等緊既時候，就整下D Sauce先，佢依度有幾隻Sauce比人簡，有沙茶醬、蒜泥、豆板醬等等，我好鍾意食蒜蓉，岩晒!等左一陣D爐就黎到，個爐係明火既，所以燒得好恆。牛奶芝士鍋+香蒜牛肉鍋我食果個係香蒜牛肉鍋個煲入面有海蜆亦有粉絲另外一個Set可以配飯/粉絲，我個煲本身有粉絲，所以我配飯。個煲入面已經有晒所有食材，唔洗自己淥，岩我依D懶人。香蒜牛肉鍋好多蒜蓉，入面有好多菜同牛肉，D材料吸晒D蒜味，好正，送飯一流。而朋友個芝士鍋就本身有烏冬，亦都好多芝士，喜歡芝士既朋友一定要試。總結，依間邊爐價錢都合理，份量足，款式多，如果想試下台式火鍋，依間鋪頭係好選擇!

好耐無試過食新嘢, 之前聽聞過臭臭鍋今次終於搵到"勇士"嚟陪我試啦!嚟到已經係9點之後有幾枱人食緊野 唔算特別多人 地方都幾大 唔會好迫好適合想靜靜地邊食飯邊傾計嘅朋友仔而且侍應服務態度幾好 仲比我地自己揀位添!餐牌有9種鍋嘅選擇 每款都超多料我地揀咗套餐 跟白飯或粉絲 同時可以加12蚊變滷肉飯如果想加料亦有多款選擇一埋位已經見到四個醬料比你配嚟食分別有沙茶丶辣油丶辣醬丶蒜蓉仲有一定唔少得嘅豉油自己本身係沙茶愛好者今次可以狂落沙茶，正! 諗起都流晒口水!餐廳音樂選擇唔錯, 而我地一邊等一邊沉醉於聽音樂唔知係咪咁既關係, 覺得野食好快就上枱而今次點咗招牌臭臭鍋同沙茶牛肉餐廳都幾疏爽 絕對無吝嗇成個鍋都係滿滿的料一人一鍋肯定夠曬飽兩個鍋肉嘅份量都幾多 呢個絕對係食肉獸既福音!而鐘意食臭豆腐同內臓既朋友仔點招牌臭臭鍋實冇錯佢既臭豆腐超臭, 甚至我覺得比炸嘅臭豆腐仲臭而且口感軟身仲幾得意添另一個驚喜位係豬血糕黏黏地煙煙韌韌 質感有D似年糕但估唔到配搭住個湯底一齊食又幾盞鬼喎! 一流啊!而食材方面, 值得一提係花枝丸口質非常爽口彈牙, 可以追加幾次都願意!個套餐本身可以跟粉絲或滷肉飯由於同朋友一

呢日真係好熱！但係咁熱都無損我食鍋物既慾望！想試8鍋好耐～呢日黎到銅鑼灣店～比起放食晏時間遲左少少費事食飯時間太多人要排～一入坐店員就話1，2號都好多人叫，而3號就多女仔叫黎食～因為想食麻辣又想食公仔面，所以我就叫左2號～至於友人因為想食臭豆腐所以就叫左招牌1號 如果你兩個人或以上黎share食，鍋物既配料都好少重覆，叫兩個鍋真係試到好多配料野飲方面都有好多選擇！有唔同既奶茶、茶類、沙冰，仲有可以追加配料～我地揀左盆栽奶茶同茉香奶茶，仲可以選擇甜度～盆栽奶茶出奇地好飲！原來係oreo 打碎左放左係奶茶上面，每飲一啖奶茶都有d oreo 碎，口感一流，同埋估佢唔到都唔係勁甜!我地冇叫到小甜，呢隻甜度都非常之可以接受～另外茉香奶茶叫左走甜，非常之飲到個茶味！飲品黎講什至比一般台式飲品鋪更加出色！仲有蒜蓉、豉油、豆板醬、沙茶醬俾你撈，餐牌都有寫到點撈先係最好！跟住撈味道果然唔錯！一個鍋有超多料，多到鋪滿哂成個鍋面麻辣鍋味道非常唔錯，唔會太辣，牛肉都好有牛味！食完一個鍋其實都飽哂但我地仲叫左花枝丸同鹽酥雞，所以要繼續作戰到底！其中一個餐加左$12升級做滷肉飯！實在係太抵啦！d滷肉都好大粒，汁唔

Been here twice. Food is pretty good with very affordable price. But you need to be patient here, cause they are terribly short of hands.

8鍋臭臭鍋 網址: 地址: 銅鑼灣謝斐道440號駱克大廈A座地下E舖 電話: 29702088 One man hotpot. Each customer select their own soup and hotpot ,price is around $112 need adding 10% service charge Select tomato soup and pork. This set has lot of Taiwan style meat ball look very colourful and chewy. Soup taste so sweet but tomato taste not strong enough Set go with noodle or white riceadded egg Tea or Taiwan bubble peak tea ,various drink you may order A great place for 1 man hotpot 

好耐冇打邊爐，所以中午就同朋友黎左銅鑼灣呢間8鍋臭臭鍋到打邊爐。呢到係一人一個鍋，有9種鍋可以選擇。我覺得呢個設計真係好好，因為就算唔洗好多人都可以食到打邊爐，而且入面有好多唔同既餸，一個鍋滿足多個願望！中午仲有套餐，$88一個鍋包埋飯同飲品，超級抵！中午既時候都有幾多附近既打工仔過黎食飯。每枱都有5款調味料。我叫左蕃茄白豚鍋，鍋入面有好多料，而且湯底非常濃郁，啲汁拎黎撈飯好正！朋友就叫左個芝士牛奶鍋，呢個味道都幾特別，本身有擔心唔知會唔會好滯，但係其實唔會。入面亦都係有豬肉同埋十幾樣既配菜。食完咁足料既鍋真係幾飽下呢個鍋係一路煮一路食，如果個火熄左之後可以叫店員再點火。食完先發現原來呢度有手工啤，下次試下先

今晚同朋友來左食台灣野，一人一鍋都只係$112再加一服務費，好平。我地6點幾就去到，仲尚算早，加上係平日晚，完全唔洗等位。我叫左個芝士牛奶鍋，上台時一大塊芝士已經放左係鍋中心，湯底幾creamy，撈飯食就剛剛好。豬肉、娃娃菜、金菇都唔少，仲有幾粒頁丸同年糕。 南瓜片放到最後食，吸埋啲湯底精華先食。🙊 個鍋仲有烏冬做底，非常落足料。朋友叫左個香蒜牛肉鍋。一上台已經好勁嘅蒜味，我地撈左個鍋幾下，發現全個鍋邊都係滿滿嘅蒜蓉，湯底亦好濃嘅蒜味，朋友表示滿意。入面啲牛肉都唔少，建議一開波就食左先，以防佢滾到老左韌左就唔好食。 入面仲有牛丸同蟹籽丸，唔錯。台灣野就當然要試下鹽酥雞啦（$42）。非常之熱辣辣咁送上台，個tray仲有吸油紙，唔怕食到油淋淋。 有好多粒雞，炸脆皮幾薄，唔錯。野飲我地今晚反而叫左熱飲，女生們懂的。🙊我要左杯熱盆栽奶茶（$30），呢個盆栽極度飽肚，朱古力味，有大量Oreo 碎係面，幾有口感嘅，但真係超級超級飽！好彩佢係紙杯裝，我地食完飯可以拎住佢一路飲一路行街。朋友就要左杯熱茉香奶綠（$28），所謂隔離飯香，個人覺得佢味道幾清新，食到飽再飲都唔怕濟。我地2個都食到飽到嘔咁