8鍋臭臭鍋 (謝斐道) (已結業)

睇完剛上畫的spider-man，就梗係醫下肚啦。好辛苦先叫到朋友睇完戲同我食late din咋，我揀左臭臭鍋做我們的第一次聚餐。因為我們都喜歡吃臭頭腐，真的臭味相投。點了臭臭鍋，好期待，但來到個陣完全覺得唔臭既，可能要迎合香港人的口味吧。另外還點了麻吉燒，麻辣臭豆腐，都是一點也不夠臭。但臭臭鍋裡的臭豆腐很好吃，真的有點台灣的味道。食物味道不過不失啦，沒有驚喜。環境坐得舒服，人不多，可能我們是10點後入座哦！

以前在台灣食過臭臭鍋，幾十蚊一大鍋，叫臭臭鍋應該係因為有幾舊臭豆腐喺入面。有日無意中發現原來香港都有臭臭鍋食！$112一個鍋配飯或粉絲。唔夠嘅話可以加料。飲品唔包，價錢同普通台式飲品店差不多。每張枱都有醬料可以自己加，有蒜，沙茶醬，辣辣油，豉油等等。我叫左個招牌臭臭鍋，基本上我就係因為懷念臭豆腐嘅香氣先想嚟呢間食😁臭豆腐都有五六塊，另外本身個鍋啲配料都好多，有豬肉，豬紅，鵪鶉蛋，貢丸，米血糕，大腸，金菇等等。配一碗珍珠米飯。而我個鍋入面仲有埋粉絲。招牌嘅臭豆腐味道唔算濃，但食個鍋每一啖都會聞到少少陣味，啱哂啲同我一樣咁愛臭豆腐嘅人揀。其他配料就同平時打邊爐差不多。另加左份羊肉（$42），都有成十塊，羊肉反而值得一讚，份量足，食落香濃算嫩滑。朋友叫左個藥膳羊肉鍋。諗起台灣嘅當歸羊飲湯。叫左個小食，炸花枝丸（$38）有6粒，炸得香脆，裡面彈牙，推介！飲品就普通。呢杯係百香紅茶。朋友以為有真百香果，結果是沒有的。我叫左芒果鮮奶冰沙，竟然係唔太甜，因為通常台式飲品都會過甜埋單時老細話多多冰沙好飲，下次可以試。

今日約左個中學好耐冇見既同學去食飯，我係度諗如果要湊住個仔一邊食飯一邊又要傾度計既地方一定要夠闊落，而且又突然掛住台灣果陣食既火鍋，所以我選擇左依間臭臭鍋。雖然依間係食臭臭鍋出名，但初次黎到都想先試下其他既鍋味道再作打算，然而就選擇左一個麻辣一個就芝士牛奶諗住可以麻辣味太勁既話就可以食番d重牛奶味既食物中和番。果度既裝潢都設計得好好，如果唔係呀仔搞住最，我諗都想影番幾張文青相。當食物送到黎喇，我已經逼不及待要開動了。我一啖咬落去塊安格斯牛肉，又香又滑。再加上其他既好入味配菜上去真係冇得彈，最好既係佢一上菜就點火，唔洗幾耐就食得喇。跟餐仲可以選擇粉絲或者飯再加杯紅茶或者綠茶，真係一個完美既配搭呀…

之前呢間野聽聞都要成日排隊，咁而家開左有咁上下日子，條龍就自自然然短左好多，今日行完街，8點幾，經過見到唔駛排隊，就唔諗黎試一試喇。我地3個人，一人叫一鍋之後SHARE黎食，我地分別點左蒜香牛肉鍋，台式麻辣鍋同埋芝士牛乳鍋。佢每個鍋配粉絲或者飯一碗，可惜我地果日粉絲賣晒，所以就得番飯喇。佢另外有D醬料，佢個MENU隻有教你點溝佢D醬料，不過個人覺得佢個鍋本身都夠味就唔係點料，所以都係參考下者。首先講下個蒜香牛肉鍋，好足料，大大話話每個鍋都有超過10款配菜，睇MENU同張相大家都大概可以見到。所以主要講下佢個味道，係好有蒜味，而且滾完之後D配菜都會好有蒜香味! 正! 而且佢個鍋本身已經配左少量粉絲。之後就台式麻辣鍋，一樣好足料，有超過10款配菜，但佢個麻辣就唔算好台式，反而有D韓式部隊鍋FEEL，而且佢本身係配辛辣麵，味道偏辣，但係都幾好食嘅。最近就介紹佢個芝士牛乳鍋，見到有成塊芝士係面頭，又有隻旦，同埋個湯好濃郁，好香，個人黎講我最鍾意食呢個，好好味，而佢呢個鍋就配烏冬。連配咩麵都睇得出佢係有心諗過嘅，都幾推介，會再試。但我地3個都ORDER左飲品，飲品黎講，我地3杯都覺得一般..

呢排日日OT，都無乜時間食好野。難得今日早收，好想打下邊爐，一期一會嘛🙈。但又唔想食任食果啲，呢間8鍋一人一鍋又好似幾好。一品鍋形式又多料咁，一於入去啦。可能我來得早，唔使點等位就入得😘😘。入去有9個鍋可以揀，因為唔想俾人嫌棄我口臭，唔食得臭臭鍋。不過呢度臭臭鍋出名，下次再食先。最後要一個沙茶加一個麻辣。好快就來左了，大大鍋，樣樣有🤤🤤。兩個湯底都好濃，沙茶隻味好香，啲料都好入味。麻辣雖然叫小辣，但都幾有辣度唔錯唔錯，佢麻辣仲要有半個公仔麵，好吸味😍。另外叫左個百香果綠茶，好香茶味又解渴。原來個鍋入面仲要有蜆，同血糕。麻辣仲要有鴨血，好正。食左唔記得影又令我有驚喜既仲有沙茶入面既牛丸，好鬼重牛味，好食到好想問有無得買一磅返屋企🙈🙈。另外麻辣入面有個麻辣鮫，又係好好味，真心推介👍🏻。食完都好夠飽又滿足，下次要自己來食臭臭鍋🤗🤫🤫

我同男朋友六點幾就到咗餐廳，所以當時唔算好多客人，餐廳入面既環境都幾大，大過尖沙咀嗰間分店，而且有梳化位，坐得舒服啲同埋闊落啲。我自己就叫咗招牌臭臭鍋，男朋友就叫咗麻辣鍋。我叫左小辣佢叫左中辣，佢果個鍋中辣辣到hihi😂😂😂😂都唔知佢點食。我嗰個鍋入面有好多配料，套餐仲有包一碗飯或者粉絲，我就揀左白飯男朋友就揀左粉絲。我覺得臭臭鍋個湯撈飯一流🤤（心諗肥死）所有既配料都幾好食。不過唯一想講就係啲蜆有沙😢唔止一隻。炸支竹都好好食，索晒啲湯既味道😋

星期六去銅鑼灣食lunch，我提議去食臭臭鍋 上個月食過一次，可能因為係後巷既緣故，人唔算多，lunch hour 都唔使等位 ，岩哂冇耐性怕人多要等位既我硏究左餐牌一陣，諗緊要唔要叫番上次既芝士牛奶鍋，但今次又想試下新野，所以決定今次叫蕃茄鍋同朋友一樣叫左茉香奶綠，要贊一贊杯野飲，好香茉香味唔係普通餐廳既hea hea飲品上次一個芝士牛奶鍋兩個女仔都食唔哂，廢事浪廢，所以今次都係兩個人share一個鍋，仲要冇食早餐，叫多份心型魚腐同麻吉燒，心型魚腐好正麻吉燒都唔錯  蕃茄味好濃，唔錯朋友差唔多飲哂個湯咁濟，蕃茄酸酸甜甜幾開胃，唔會太膩 真係值得一試自己較sauce下次再黎都可能叫番呢個蕃茄鍋，總之呢度係食lunch 既好地方，可以share lunch set ，地方又坐得舒服唔使人逼人 

之前一直都有聽朋友講臭臭鍋呢間餐廳但偽係尖沙咀晚飯時間通常要等位所以都未有機會一試今次咁岩下午時間係銅鑼灣順理成章就黎試一試 Lunch 時間唔駛等位銅鑼灣分店既環境都幾闊落台同台之間唔會話貼到好埋sofa位亦都好寬敞舒服 睇返meun 都幾多口味既鍋物男友選左招牌臭臭鍋有得選唔同既辣度 岩唔同人食而我就選左店員推薦話好多女仔食既"牛奶芝士鍋"餐包左飯/粉絲 +$7就可以加野飲啦我地分別叫左奶茶同百香果紅百香果紅茶好香好解渴 好岩打邊爐飲 如果有埋百香果粒粒就仲正講返臭臭鍋因為佢入面有臭豆腐所以叫臭臭鍋喜歡臭豆腐的一定會喜歡因為好香臭豆腐味同時又唔會好影響湯底非常惹味我自己就比較中意芝士牛奶鍋一上台已經好香芝士味叫時都驚會好漏但係食落係清清地 襯粉絲吸埋d汁係超正真係意外最後想講 佢d蒜蓉醬好好味記得試下

之前在其他地方好像也曾見過這間臭臭鍋，今天就決定去試一下，看看究竟有多臭 !店不算太大，大概有5-60個位置，但也算幾寬敞舒適。茶單有很多鍋的選擇，當然不多花考慮，就選了招牌臭臭鍋!招牌臭臭鍋有很多配料，包括娃娃菜、豬肉、臭豆腐、貢丸、米血糕、豬大腸、豬紅、鵪鶉蛋、蕃茄、榨菜、金菇、枝竹，等等。我們當然要配粉絲。臭臭鍋第一個感覺就是材料非常豐富。當然也要配合菜單介紹的醬料，3份沙菜醬、2份豉油和1份蒜蓉。總的來說，臭臭鍋不但不臭，不少東西吃下去且非常可口。其中，豬肉和貢丸是一流!由於我們兩個人只點了一個鍋，所以另外也點了滷肉飯和台灣蜜味腸。滷肉飯份量也不少，肉和汁也相當有水準。至於蜜味腸，沒想到他們剪斷了細細粒，但入口亦是相當甜蜜，不能停下來不吃。飲品方面，我們點了一杯芒果鮮奶冰沙，不太甜而且能在吃了味道濃厚的不同食物後清一下舌頭，非常不錯。吃完甚麼也不餘！總結是非常抵食，值得一試再試!

Lunchtime 第一次來呢間食一人一鍋 有9款鍋揀 仲可以追加其他配料同小食 我同朋友都揀左沙茶牛肉鍋 有超多料！好多塊牛肉 牛丸 魚腐 米血糕 金菇菜 粟米 蕃茄 等等 牛肉幾好味幾有牛味唔un牛丸係好驚喜地juicy 唔係普通急凍好硬果隻 仲有個粉絲 同個沙茶湯底超match 索哂d味好正 食哂成個鍋真係勁飽 加7蚊有凍飲 叫左杯巨峰提子梳打幾好味 唔會好甜 正之後加左呢個麻辣臭豆腐同朋友share食 Lunchtime 鍋一律88蚊 價錢ok！ 有下次

呢幾日好忙終於有些少時間打返啲食評😭話說之前見到朋友po咗相食臭臭鍋搞到我都想試下同埋一直都好好奇咩係臭臭鍋👀 就揀咗8鍋臭臭鍋試一試～可能因為平日啦入到嚟仲未坐滿座，仲聽到身邊嘅客人有啲講英文有啲講國語～見到menu又係選擇困難症發作嘅時候，於是二話不說同友人叫咗menu上嘅Top2😂招牌臭臭鍋同埋台式麻辣鍋店員首先上咗個粉絲（另外有得揀飯～）開頭見到個粉絲好細碗覺得好少一定唔夠飽⋯點知上完個鍋就知道我錯了😅😅臭臭鍋🤩一嚟已經聞到陣臭味，原來係臭豆腐嘅臭🤤🤤（有冇人同我一樣覺得臭豆腐陣味勁香🤤）唔洗多講，睇相已經見到份量有幾多，足料㗎～～～基本打邊爐嘅金菇娃娃菜都有👍🏼另外有咩就唔多講啦menu上面都list晒咩鍋有咩配料😎平時食開臭豆腐都係黑色於是我搵左咗好耐到底喺邊呢@@原來係白色㗎！一咬落去夠晒臭🙈再臭啲都仲得！之後食食吓發現原來鍋底仲有粉絲！👀再望下朋友喺對面食緊嘅麻辣鍋，本身鍋已經有隻公仔面，朋友話越食越辣😳所以唔係太食得辣嘅我都試少少就算🙈但我相信食辣嘅各位會中意的！另外叫咗一杯金桔檸檬梳打，開頭試覺得有少少甜但之後啲冰溶咗啲就啱口味lu 🤓🤓總結：絕對可以一試的臭臭鍋！

日日放lunch食黎食去都係嗰幾味～今次想搵啲新意！最後嚟咗呢間食台式臭臭鍋，嚟打個lunch邊爐呢個8鍋臭臭鍋係尖沙咀都有分店！原來lunch set 都幾抵食，$88有個一人鍋，仲包埋飯/粉絲同飲品，一定夠晒飽！我同同事分別叫咗招牌臭臭鍋及台式麻辣鍋，臭臭鍋其實都有小辣，麻辣鍋嘅麻辣味就較為重，不過佢嘅麻辣味就冇四川麻辣咁激烈。因為想食得豐富啲，我哋再追加左一份安格斯牛肋片。呢份牛肋片嘅雪花分布好均勻，食落好淋好嫩滑跟餐仲可以選擇飯或粉絲，我哋每人叫咗一個share嚟食，食完真係飽到捧住個肚腩離開

8鍋臭臭鍋喺香港好似都幾耐下另一間分店係喺尖沙咀 只有呢兩間分店咋唔好去錯嚟咗香港咁耐我都未試過一直都唔明佢點解叫臭臭鍋哈哈今次同朋友趁住放假就嚟試下店員好好人咁介紹邊雙臭臭鍋係最受歡迎 而當中嘅沙嗲牛肉鍋更加係再度歸來 嚟到梗係要試下個臭臭鍋！另外仲叫咗好受歡迎嘅沙嗲牛肉鍋原來鍋入面本來已經有粉絲我仲揀咗粉絲㖭比起港式嘅沙嗲牛肉無咁重口味 變相食食下都唔會覺得好滯咁 啲粉絲唔洗講啦 吸收晒湯嘅精華 食到停唔到口呀叫咗小辣諗住試下先下次嚟食都係要叫返中辣或者大辣 鐘意辣既朋友可以揀中辣以上嘅辣度鍋入面啲料好多好豐富 有台灣嘅血米糕菜蜆 鵪鶉蛋嚿豆腐好有驚喜 原因係我同朋友都以為係普通豆腐 點知一咬 臭豆腐嘅味即刻爆咗出嚟 原來臭臭鍋 臭味係嚟自啲臭豆腐環境好舒服 枱與枱之間距離好充足 而冷氣方面又唔會太勁 食嘅時候係無流過汗係會再想嚟既餐廳!

火鍋真係一年四季都食得 天氣熱熱地都照去食火鍋 今次同個朋友一齊試呢間8鍋臭臭鍋 個名好特別，就去睇下點臭法有9款唔同嘅火鍋揀每一款都有好多配料 我就揀咗藥膳羊肉鍋一上枱就聞到好香濃嘅藥膳湯味 食落啲羊都有騷味好好味嘢飲嗌咗杯百香果綠茶 本來以為會好似台灣買嗰啲有粒粒百香果 不過呢一杯無 如果有埋 就更加一流另外仲嗌咗個小食炸花枝丸 彈牙得嚟又唔會太油膩 不錯不錯埋單嗰時佢仲推薦我哋下次試下多多沙冰 即係益力多味兩個人食到飽飽都係每人200蚊左右唔算太貴

琴日去完台北，唯一遺憾係食吾到臭臭鍋，所以返到香港，即刻去食個一人一鍋。本身鐘意食清清地，我就叫左芝士牛奶鍋！個鍋一到！見到大大塊芝士，果然真材實料！攪拌一下，發現超多材料。我自己好鐘意食丸類，呢個鍋，有好多種類，各樣一粒，台灣貢丸正！不重黑椒味，仲有少少冬菇。麻吉燒，中間有年糕，拉絲的感覺！蛋餃都好有特色，吾係個個鍋都有！最後加粉絲，完全入曬味！飲翻幾啖湯，暖下個胃醬汁方面記住跟佢menu咁整，3匙沙茶+2匙豉油+ 1蒜容我加左$7試左杯盆栽奶茶賣相好得意，啲泥土係朱古力碎。杯飲品有啲似朱古力奶，好香濃好滑！可以一試😋環境方面非常寬敞，打邊邊一定食到成身汗，加上食麻辣更加食到熱血沸騰，呢度好夠冷氣，好涼爽，而且張枱好夠大！建議一大班朋友每人叫不同的鍋就可以試曬不同味道。每人大概$100到 真心抵食