又黎到好多好野食嘅銅鑼灣百樂中心 試下呢間好多人都推嘅泰菜 講左呢隻［火焰燒雞］先！ 真係好有‘台型’ 店員先將燒雞擺上枱🐔 再點火🔥嘩‼️ 視覺效果真係一流 燒完晒,影完相📸店員會幫你將隻雞切件 雞皮燒得幾脆,肉好嫩滑多肉汁 兩個人食嘅話,份量都幾多架 食完招牌燒雞,當然要試下其他 食親泰菜我就必叫Pad Thai,因為太喜歡食喇 ［泰式蛋包炒金邊粉］ 呢度嘅金邊粉同平時食開有少少唔同 食開多數係偏甜嘅調味 呢個係辣嘅,旁邊有辣椒🌶️碎比你撈 如果唔太食得辣就撈少d 我地撈晒....係幾辣嘅,但惹味 不過呢個係有蛋包住d粉,可以中和一下 配3大隻蝦🦐份量都幾多 ［小食拼盤］ 好大碟‼️ 有蝦餅🦐魚餅🐟春卷同香葉雞🐔 每款有4件,食完已經好夠飽 我地最鍾意都係蝦餅,新鮮炸起,好脆身,肉幾彈牙 魚餅就相對淋身少少,好似食到輕輕嘅冬陰公味🌶 香葉雞好入味好滑喎 仲有仲有泰式嘅蝦片,好脆好多塊‼️ 零食控表示超鍾意食囉 再飲返杯珍多冰🥤椰汁香濃,幾解辣

台式飲品一向好多選擇🥤 但就比呢個得意妹妹logo吸引住好可愛 李圓圓👉🏻係唯一用明火♨️煮黑糖珍珠嘅專賣店 聽落煮法好認真食落都真係幾得 試左店內No.1推介［黑糖珍珠鮮奶2.0］ 拎上手,底部係仲熱架因為黑糖珍珠啱啱煮好 2.0版即係牛奶加多左30%‼️ 飲落好滑好順,仲幾重奶味🥛 凍凍地配杯底嘅熱珍珠,又幾夾喎 珍珠幾煙韌,有咬口,唔會癡住一pat咁👍🏻 黑糖味濃,但又唔會太甜 ［冬瓜鮮檸檬］ 有檸檬味,係感覺refresh嘅飲品💦 味道偏甜,整體都唔錯 📍而家除左佐敦,荔枝角,旺角都有分店喇

好耐冇食過韓燒喇❗️ 而家天氣涼涼地,又可以食喇 朋友介紹黎銅鑼灣呢間韓燒 呢晚平日黎到, 都幾乎full😯 前菜都幾多,有最鍾意食嘅泡菜,芽菜,海帶 仲有兜沙律🥗食下肉又可以食下菜清下 叫左個2人餐,一開始當然食下肉先啦 🥩霜降牛肉同牛肋骨望落油脂平均,好吸引 厚薄適中,燒陣就食得,食落肉質都幾嫩滑又夠juicy 另外配埋生菜🥬包住牛肉食, 幾爽口 個人特別鍾意牛肋排, 調味功夫唔錯,好惹味呀 仲有兩隻大蝦🦐燒起可以點埋醬汁食 食完肉就可以燒下蘑菇🍄年糕,脆肉瓜等等 蔬菜都幾多花款 試埋個部隊鍋🍲d麵浸埋個湯,加上邪惡午餐肉 食落都幾辣🌶但又好鍾意 提一提個爐邊蛋🍳係加左泡菜入去 口感同味道都提升左 店員一早就落蛋架喇,燒燒下就有得食 仲有呢度吸油煙方面做得幾好 食完都唔覺身上有味

終於到冬天最期待嘅節目👉🏻打邊爐♨️ 黎左呢間尖沙咀店,鋪都幾大 最鍾意佢嘅卡位倚背夠高身,好有私穩度 店員會先准備調味架比你混下醬先 最鍾意沙茶醬,麻醬仲有XO醬 我地點左🍲[香茜皮蛋鍋] 用料都幾足 有大量莞茜,皮蛋,馬蹄同粟米🌽等等 一大煲真係可以當湯飲,飲落幾甜架 [爽脆牛胸爽] 🐮 朋友大讚牛香味十足 我就第一次食,覺得好有咬口 爽爽地,幾得意 [頂級澳洲黑豚肉]🐷 豚肉顏色鮮嫩,薄薄一片但肉味濃 食落口感都好滑 [鮮蝦雲吞]🦐 想講係包左好大隻蝦,皮夠薄 [手製韭菜餃]🥟 每隻都大大隻 我係勁鍾意食韭菜餃嘅人🥬 呢隻韭菜味好香濃 [手打四寶丸］ 有鯪魚丸,牛丸,墨魚丸,蝦丸 全部手打,好鬼彈牙 ［新鮮本地鮮黑柏葉］ 打邊爐必備牛柏葉,好爽口😏 呢度食物可以叫全份或半份 個人覺得呢個安排幾好 如果人數少,可以食多幾款又唔會浪費食物

💼上環打工仔lunch之選😏 做開野黎左上環,誤打誤撞黎左呢度食個車仔麵🍜 諗住快食個飯,估唔到水準唔錯 主打3餸麵連熱飲（凍飲加$5）選擇都幾多 有近年最愛車仔麵餸👉🏻咖哩陳皮魚蛋 加必叫紅腸,仲留意到幾特別嘅🥟黑松露雞肉水餃 就呢3樣試下,上枱速度幾快 唔知係唔係慣左招呼附近office客😝 。 🐟魚蛋好香陳皮味,又夠彈牙,個人好鍾意 🍄水餃咬落陣陣黑松露香味,用料都頗足 同事就揀左豬大腸同金錢肚,滷水汁 兩樣都夠淋同好入味 跟餐嘅飲品就正常 另外見到下午茶都好抵食,都係30蚊倒～ 值得一提,店員幾有禮貌 同會問下你對食物嘅意見,感受到誠意呀

耐唔耐就要食下茶記呢類comfort food☺️ 食完邪惡野,心情會靚返晒 呢次遇到間好野,龍門冰室都有唔少分店 呢間喺北角,唔難搵 。 整左個🍅🐷焗茄汁豬扒飯 D茄汁滲晒落d飯度,甜度啱啱好 不知不覺會食晒成兜飯🤭 蕃茄係甜嘅唔酸👍🏻 豬扒都幾腍,易咬開兼啖啖肉☺️ 另外見好多人都點嘅鐵板 試左個🐮牛仔骨 得喎,兩大塊,叫左黑椒汁 牛仔骨好入味,唔韌 配炸帶子,細個成日食,好耐冇食過喇 鐵板餐仲跟埋餐湯,係羅宋湯 兩個大食嘅吃貨,叫埋黑松露薯條🍟 真係好鍾意呢款波浪文薯條,勁脆 點埋黑松露醬食,真心正 冇諗過茶記可以食到,一大盤,好邪惡😈 仲有椒鹽雞翼都唔錯🐔 有6隻,好入味 飲品都唔係hea 奶茶幾有茶味 ☕️ 朋友嘅🍍菠蘿冰仲有唔少菠蘿粒添

呢間甜品店bookmark左好耐 呢日喺上環飲完茶就過黎買幾件試下 店舖就喺西港城對面,好容易搵 一入店已經見到櫃入面有唔同嘅撻可以揀 ❤️❤️眼下揀左4件 法式咖啡忌廉布丁撻☕️ 𝓒𝓸𝓯𝓯𝓮𝓮 𝓒𝓻𝓮𝓶𝓮 𝓫𝓻û𝓵é𝓮 撻皮好脆❗️食落都幾重咖啡味,正 推介比鍾意飲咖啡嘅人 面頭有微甜嘅焦糖配杏仁味嘅蛋糕底 口感好幼滑 香橙伯爵茶撻🍊☕️ 𝓔𝓪𝓻𝓵 𝓖𝓻𝓮𝔂 𝓞𝓻𝓪𝓷𝓰𝓮 本身幾鍾意飲伯爵茶,所以揀左呢款 撻係用左杏仁餅底,配伯爵茶mousse同橙嘅jam 輕輕嘅茶味加橙嘅清新🍃都幾match 黑芝麻抹茶撻🍵 𝓢𝓮𝓼𝓪𝓶𝓮 𝓜𝓪𝓽𝓬𝓱𝓪 呢個特別在於用左京都嘅宇治抹茶粉去做 咁特別梗係要試下 頂頂抹茶味嘅mousse非常香濃,仲有回甘 配微甜嘅黑芝麻味,雙倍滋味🤤 覆盆子巧克力撻🍫 𝓡𝓪𝓼𝓹𝓫𝓮𝓻𝓻𝔂 𝓒𝓱𝓸𝓬𝓸𝓵𝓪𝓽𝓮 呢個就好啱朱古力lover 底係可可crumble 撻中間就有Dark chocolate 面再有紅莓醬點綴 甜甜地可中和一下黑朱古力 🎁另外好想講下個包裝真係好靚 每個撻都獨立用盒裝住,再有大盒裝晒4件撻 拎出拎入好方便,送比人又大方得體 值得一讚👍🏻

之前已經試過Favilla觀塘分店,質素唔錯 呢日去開荃灣,決定再去食返個tea☺️ 新店以木系設計爲主 令人有一種好放鬆嘅感覺⛱ 個人好鍾意呢種木系,因爲好有日本feel 新店menu多左好多選擇呀 都花左少少時間揀 下午茶時間一於整個甜品食下 呢個係自家制窩夫雪糕🍦賣相好靚 (好鍾意藍白色嘅碟） 窩夫香脆,揀左𝐸𝒶𝓇𝓁𝑔𝓇𝑒𝓎味嘅雪糕 唔太甜,幾好 仲有少少新鮮生果伴碟添 另外試左慢煮封門牛柳🐮 慢煮可以令肉質更腍 果然冇令我地失望 每件入口都腍身又有肉味🤤 旁邊有沙律菜🥗佢地嘅醬汁幾好味 呢次就試左抹茶🍵同埋𝓜𝓸𝓬𝓱𝓪 𝓜𝓸𝓬𝓱𝓪係有70%單品黑朱古力🍫 同咖啡溝埋又唔算好苦,幾香濃 抹茶就清清地,啱晒食完甜品清一清

幾年前黎九龍城都係食泰菜多 呢晚朋友就介紹黎食日本丼飯🍱 晚市黎到,座無虛席 呢度主要係食丼,另外有小食可以叫 有10多款丼可以揀,好容易會令你有選擇困難 本來好想食出名🦀蟹王丼 點知應該太受歡迎,已經賣晒 咁就一於試咩都有嘅漁吉特選丼 好搶眼嘅星鰻一整條❗️ 各類刺身鋪滿丼飯,賣相吸引 🐟三文魚同油甘魚都幾肥美 帆立貝,赤蝦🦐幾大隻,爽口鮮甜 櫻花魷魚好似係第一次食,細細條幾得意 蟹籽,三文魚籽同海膽一大pat,撈飯食一流 🍚飯嘅份量係可以揀多或少飯 是晚非常肚餓🤤大size都難我唔到😌 不過真係好多飯架細食者要留意呀 試埋海膽三文魚籽丼 有3大pat海膽👉🏻望落色水唔錯食落鮮甜 加上好多三文魚籽 撈飯食好有口感😋 仲有隻生蛋,我就撈左飯食 令每粒飯都滑身d 另外仲叫左蒜香厚切牛舌👅 炸蒜好香口好鍾意😍 牛舌咬落夠淋身,調味幾好 試左少少碟上配製嘅辣醬 辣到飛起🤪唔食辣嘅要留意返😅 。 順帶一提店內有一壺麵豉湯 可以自己倒黎飲...即係任飲 湯味香濃♨️配丼飯好夾 店員會細心提你要搖暈先好飲 呢下幾加分 。

之前食過日本嘅炸牛扒🥩已經一試愛上 知道香港都有就急不及待去試 中環分店唔算好大,分左兩層 呢次坐上層,坐位旁有大玻璃 感覺開揚☀️食都食得開心d😎 。 招牌炸吉列牛扒🥩厚切的,份量唔少 外皮炸成薄薄一片,賣相吸引 幾多成熟..可以隨自己喜好控制 呢點亦都係食炸牛扒嘅樂趣😌 個人鍾意6-7成熟,肉味濃又juicy💦 可以點埋提供嘅燒汁一齊食,更加美味 套餐包括凍豆腐同沙律🥗 中和一下牛扒帶黎嘅油膩感 最驚喜係餐廳非常慷慨嘅飯素🤤 鹹鹹地..攪到係咁‘爬’飯🍚 飛唔到日本住。都可以黎呢度止下癮 除左吉列牛扒🥩 呢個薄切嘅牛肉🐂都好值得試 牛肉類似打邊爐嘅厚度 薄薄一塊,入口嫩滑 脂肪比例唔算多,牛肉味都算濃 唔想要吉列牛嘅熱氣 就可以試下呢款😃