2派克雞排

營業中

休息中

📍2派克雞排 （荃灣）係路德圍食完野就係附近行下，見到一間炸雞店門口超多人排隊就諗住試下，點知一試真係驚為天人，佢唔單止有雞排，仲有多款素食同小食，而且味道多多，分別有原味（椒鹽）、辣味、咖哩、芥末、麻辣、梅子、海苔、芝士，多選擇到令有選擇困難症嘅我頭都痛埋，最後就咁簡咗常見味道試下#脆皮無骨雞腿扒 $40雞腿排就簡咗芝士味，因為雞排係即叫即炸，所以食落係超級香脆，加上佢嘅炸粉唔係好厚，成舊雞排完全係外脆內嫩，每一啖都食到炸得金黃酥脆嘅外皮，再加超juicy 嘅雞排，唔怪之得咁多人排隊#脆皮杏鮑菇 $25脆皮杏鮑菇就簡咗原味，成大包份量都算多，首先杏鮑菇本身肉質厚實，加埋炸粉去炸之後口感更豐富，真係好過癮，對於素食者嘅朋友，脆皮杏鮑菇絕對值得一試#脆皮花枝丸 $18脆皮花枝丸係一道深受歡迎嘅小食，呢度嘅花枝丸可以用巨無霸嚟形容，係出面食開個啲都冇呢度咁大粒，而花枝丸外層炸到啱啱好，加埋辣味粉真係好惹味，咬開後充滿彈性，真係必試

2派克雞排是一間在荃灣頗受歡迎的小食店，有鮮嫩多汁的雞排和獨特的調味背景都好岩打卡!1️⃣ 脆皮無骨雞腿排外皮特別酥脆，咬下去時發出清脆的聲音，內裡的肉質鮮嫩多汁
搭配調味粉後，風味更上一層樓，特別推薦配上香辣和梅子的組合，讓味道既有層次又不失清新感2️⃣ 脆皮花枝丸花枝丸外皮同樣酥脆，內裡的花枝肉質彈牙，鮮味十足3️⃣ 金菇酥金菇酥的外皮薄脆，內裡的金菇香氣撲鼻，口感輕盈
特別適合素食者，搭配海苔讓人驚喜4️⃣ 脆皮台灣香腸香腸帶甜味，不建議加太重的調味粉❇️調味粉選擇1梅子2海苔3香辣4原味5麻辣6芥末7咖喱8芝士味粉包選擇可以嘗試不同的搭配，增加了用餐的樂趣

荃灣路德圍掃街出名多選擇但係每次無論食到幾飽都好都會喺2派克買啲炸物返屋企食❤️最欣賞佢哋所有嘢都係即叫即炸而唔係好似其他翻炸再翻炸🫣脆皮無骨雞腿扒(海苔味)呢個係每次必嗌item外皮炸得好鬆脆炸嘅火候同時間啱啱好雞肉好厚肉，入面仲係好嫩滑而且保留到肉汁🤤脆皮杏鮑菇 (椒鹽味)完全唔會炸到好乾 好Juicy 外脆內軟配上椒鹽粉非常之惹味😋甜不辣 (椒鹽味)台灣獨有小食 口感爽口彈牙忍唔住一件接一件😍2派克嘅炸物係我食過咁多間入面最出色重點拎到返屋企個外皮都唔會變到腍晒💯

出完街返屋企肚餓見到呢間2派克雞排店未閂門就嗌咗3樣嘢醫肚。調味方面除咗最傳統嘅椒鹽、海苔味同辣味之外仲有芝士、梅子、麻辣、芥末同咖哩，味度多元化啲冇咁悶，而且每樣嘢食都可以揀兩隻調味有多啲選擇脆皮無骨雞腿排 原味（椒鹽）雞排好大塊，成個手掌咁大用咗雞髀位，外皮香脆肉嫩厚身多汁唔會乾，而且冇骨，啖啖肉好滿足揀咗原味（椒鹽），調味唔會好重手，咸度啱啱好脆皮花枝丸 原味（椒鹽+海苔）花枝丸大大粒，應該有坊間嘅1.5倍，炸到金黃脆身咬落去好彈牙都幾多原粒花枝肉，食得出用料新鮮脆皮杏鮑菇 麻辣（小辣）滿滿嘅一袋，切到大大舊，嗌咗麻辣令到嘴唇有啲麻麻哋嘅感覺，好香口惹味食杏鮑菇嘅時候一定要小心，熱辣辣做到外脆內爆汁，唔小心就會辣親。

喺荃灣食完飯， 唔係好飽， 行過路德圍， 見到有一間新新地嘅台式雞扒店， 店外面都好多人排隊等食物，就 吸引咗我眼球， 就試下！ 呢間雞扒店主打外賣， 雞扒、小食等， 都係即叫即做，製作需時。 店內有少量位置， 客人唔使企喺度等。 餐牌都有好多選擇， 好特別嘅係每道食物可以配兩隻味嘅粉，岩哂鍾意調味既人！ 我就叫咗幾樣嘢食： 1） 脆皮無骨雞腿扒（配海苔粉同芝士粉）-炸皮好薄， 雞扒好嫩滑， 啖啖肉， 仲有爆汁效果😋 2）小扇茄子（配梅子粉）- 大大舊， 酸酸maymay, 炸得好香口 3） 脆皮花枝丸（配咖哩粉）- 食到粒粒既花枝， 真材實料， 炸得好野味 下次經過路德圍， 行入少少， 都可以試下呢間咁真材實料嘅小食店！ ***食物是即叫即整_製作需時請耐心等候

今晚叫左份脆皮雞腿丁，在等候期間，見到負責製作的店員小姐姐，沒有帶口罩和手套，全程一邊整雞，一邊同收銀員吹水吹過不停，還沒有掩口地打了噴次，可想而之，d雞已經充滿哂果位店員小姐姐的口水，衛生情況欠佳。我點的雞腿丁是要了海苔口味和咖哩口味，但可能果位小姐姐掛住吹水，一時忘記加入咖哩粉，因為我只吃到有海苔味道，完全沒有咖哩味，好失望。無可否認，雞是好味既，皮亦十分脆，但因衛生欠佳問題，應該不會再幫襯。

已經第三次來試台灣的脆皮雞排專門店「2派克雞排」，即叫即造既炸物真係好正👍🏻- 脆皮無骨雞扒🐔 $40足足有整個手掌既雞扒，我次次都叫，雞扒真係好厚實✋，雞皮又炸得好金黃😋，咬落去好脆身，又唔會炸得好油膩，最鐘意雞肉嫩滑多汁😎，啖啖肉最正，今次揀咗香辣芝士粉🧀及梅子粉，好滋味😍- 脆皮杏鮑菇🍄 $25外脆內軟😍，仲要好厚肉多汁🥳，揀左海苔同香辣粉，唔食得辣要小心啲，少辣我都覺好辣😂- 黃金香芋丸🍡 $22好鐘意食呢個香芋丸，同台灣果個味道差唔多，炸得外脆內軟😍，好有芋頭香味，加入個鹹蛋黃，真係正

呢間位於荃灣既炸雞扒店!! 係黎自台灣既2派克!! 等既時候見到好多外賣單都等緊, 就知係呢區幾受歡迎店既食品好多不同既選擇, 價錢唔算貴, 而且選擇多, 做下午茶同宵夜都岩岩好炸無骨雞脾完全無骨!! 佢仲有個無骨雞排, 因為唔知有咩分別所以點了呢個雞脾, 真係完全無骨的, 炸到皮非常的香脆, 而且肉仲Keep到好香嫩的口感!! 呢個真係必食推介!! 無骨岩哂d懶人如我, 食落得一個字, 爽!!炸金菇金菇炸後非常的香脆, 但必須要襯熱食, 如果唔係一凍左就會食到好多油既感覺, 冇左香脆既口感!!炸花枝丸超大的一顆, 不得不說就係佢既花枝係超香既味道, 唔淨係得辣粉既味道, 我估佢既食材都非常的新鮮!! 完全食到一粒一粒既花枝

台灣過江龍脆皮無骨雞扒專門店 2派克雞排 (荃灣)我點咗一份脆皮無骨雞扒，價錢合理，份量都唔少。雞扒外層嘅脆皮真係一絕，咬落去時發出咗「咔嚓」聲，口感非常酥脆！而裡面的雞肉又嫩滑多汁，完全冇咩油膩感，食落去非常舒爽。佢哋仲有提供幾種醬汁選擇，我試咗佢哋自家製嘅蒜香醬，味道非常夠味，唔會搶走雞肉本身嘅鮮味，反而更襯托出雞扒嘅美味。

今次同朋友係荃灣玩完之後，咁啱經過二派克，即刻買返幾件翻屋企食。都知道即叫即炸要等一段時間，係香脆既美食面前都仲可以等待！脆皮無骨雞腿扒（椒鹽+芝士）一大件雞扒好似手掌咁大，真係嚇親。食落去表皮炸得香脆，唔會多炸粉，內裏肉質鮮嫩、多汁，我始終覺得椒鹽同芝士係最佳配搭！脆皮杏鮑菇（海苔）杏鮑菇炸完之後完全唔覺得食緊杏鮑菇，滿滿既海苔味啱曬唔鍾意食蔬菜既朋友脆皮花枝丸 （小辣+芝士）酥脆外皮，內裏花枝丸彈牙，配上芝士簡直錦上添花。鍾意食辣既朋友可以加辣。我買完之後係拎返屋企同屋企人share，拎住去搭車果段路一路散發着誘人既香味，令人垂涎三尺，我忍唔住偷食左幾舊炸物😛 返到屋企之後，炸物仲可以保持住香脆，實屬難得！

去餐廳點單，個男員工哦。跟住就走入廚房，我哋都奇怪佢又唔話收錢又無特別表示。因為見佢話即叫即炸，佢又有炸緊，就等。30分鐘後，後面點單既都拎左。我地問個先頭不在既員工，佢話無落過單。我扯火問第一個男員工，佢開頭仲唔認接過我地，之後好快又自打咀巴。「我岩岩都聽唔到你食咩！」「叻啊你地！咁惡，幫你拍拍手掌！」我唔知呢間係咪咩慈善企業，要請d會講呢d野既人，但大家想長見識，可以去試下，包保大開眼界！上面既內容都係佢既真實對白，我以為自己同緊小學生鬧交。

男朋友超愛吃台式炸雞排，每次去台灣都一定要吃的。在香港，我們試過不少台式炸雞。但這次終於發現一家新進駐的店鋪 - 2派克雞排。這裡的特色之一是提供多種不同口味的調味粉，如海苔、香辣、芝士、麻辣、梅子、芥辣和咖喱等，讓喜歡不同口味的人可以盡情選擇。這次我們點了三款烤物帶回家。脆皮無骨雞腿排🍗海苔加香辣這份雞腿排份量十足，雞腿排的外皮即使外賣回家依然香脆，內裡肉質保持了嫩滑多汁的口感。海苔和香辣粉的搭配十分惹味。脆脆雞皮🐣麻辣味雞皮簡直是一種邪惡的存在，每次看到菜單上有雞皮都會心動。這份雞皮炸得又脆又香，就像在吃薯片一樣。而且僅售$24，份量十足，物超所值。脆皮杏鮑菇🍄‍🟫梅子味選擇了杏鮑菇配梅子味，外表酥脆，內裡保留著杏鮑菇的嫩滑口感。 小總結❤️❤️❤️❤️❤️📌味道選擇多📌雞腿排香脆多汁📌脆脆雞皮份量多

我哋成日都鍾意喺荃灣搵嘢食，呢間喺荃灣路德圍周邊嘅台式小食店🔥，經過已經聞到好香！一於就食脆卜卜嘅台式炸物😆。.🧀芝士脆皮無骨雞腿扒芝士令到成塊炸雞更加邪惡😝！大大啖，一咬落去全部都係嫩滑嘅雞腿肉，而且好Juicy，外皮仲炸到脆卜卜、熱辣辣🔥。.🍄‍🟫海苔脆皮杏鮑菇杏鮑菇亦都炸得火候啱啱好，口感彈牙得嚟，保留住Juicy嘅感覺💦。配埋海苔粉，感覺好有台灣夜市feel。.🐥原味椒鹽脆皮無骨雞塊鍾意切好咗嘅炸雞嘅話，就可以試吓呢款。而且椒鹽調味超級香口😋，惹味到令人食到停唔到。.🍪QQ Oreo將Oreo炸完之後，口感好特別。外層多咗一層脆嘅炸皮🤩，裏面仍然係Oreo餅乾甜香嘅味道。.🌭脆皮台灣香腸台灣香腸本身味道夠濃，攞嚟整炸物好適合👍🏻。再炸到有脆皮，感覺零舍香。.

荃灣掃街即叫即整雞扒有八種唔同嘅口味可以滲上去：原味（椒鹽）、海苔、梅子、麻辣、芝士、芥末、辣味、咖喱！真係超多選擇～脆皮無骨雞排 （麻辣） $40超級大件嘅無骨雞扒，啖啖肉超級Juicy，金黃香脆嘅外皮鋪滿咗麻辣口味嘅調味粉，嗰種麻辣味都去到中辣嘅級數，好香濃入味配埋雞扒嘅肉汁真係好搭配，加上辣香連同雞扒嘅香氣真係好吸引！脆皮雞中翼（3隻） $25脆皮雞本身已經有少少椒鹽炸香咗，再滲透落去雞肉嘅香味入面真係好惹味！脆脆雞皮 （咖喱）$24呢個雞皮真係好值得推介，首先份量真係超級多性價比極高，連同香脆表面加埋鎖住咗鮮香雞肉汁嘅味道，真係越食越上癮，加埋用咗咖喱粉滲透住淡淡的嘅鮮香，如果你配埋啤酒真係一流！金菇酥 （海苔）$12呢個香炸金菇真係有啲驚喜，一排嘅金菇用酥炸嘅形式一排過，拎出嚟真係有啲誇張，再一啖咬落去首先海苔嘅味道滲入去金菇酥皮面，然後新鮮嘅金菇汁一次過爆發出嚟真係好爽！QQ Oreo $10呢個Oreo餅真係一個好新鮮嘅組合，估唔到佢炸呢個餅有呢一番風味，食落去第一啖好似麻糬咁嘅口感，然後慢慢就會食到Oreo嘅朱古力同雲呢拿餡，甜甜鹹鹹嘅感覺都不錯！黃金香芋丸 $22呢個

🚩 2派克雞排去完台灣心心念念住個件夜市炸雞扒返到黎真係要醫醫心癮啦(*´∀`)~♥️派克雞排係台灣過江龍|台北都有成56間分店荃灣依間主要都係食台式炸物為主|可以配搭8種唔同味嘅粉〰️〰️〰️〰️〰️〰️〰️〰️〰️〰️〰️〰️🌈撐枱腳套餐 $102✨脆皮無骨雞腿扒 |咖喱+海苔✨脆皮無骨雞塊|芝士全部炸物都即叫即炸|拎住係辣手個隻懷疑拎耐啲會生水泡ॱଳॱ雞腿扒唔算好厚肉|但外皮好脆肉好嫩無骨雞塊即使切開左但都唔會乾依個係咪就係即叫即炸嘅威力˃̶͈ ˂̶͈✨金菇酥|香辣一開始以為菇種一定好吸油|但點知‼️乾乾脆脆完全唔油膩ฅ՞•ﻌ•՞ฅ好似食緊薯片咁|尾部金菇嘅感覺會出啲✨脆皮花枝丸|梅子+芥末係有花枝嘅花枝丸|不是粉頭仔一開始男朋友叫依兩隻味|我(╯°▽°)╯ ┻━┻但衰鬼又ok喎|梅子味比較重🌈QQ Oreo $10今鋪真係萬物皆可炸😎Oreo炸完|外皮真係煙煙韌韌唔會太甜|依個價錢可以一試