2派克雞排

荃灣咁多嘢食，炸物梗係出名啦！今次嚟到，一於是返夠本。叫咗幾樣炸物，食到返尋味。有機會你都過嚟試吓啦😍［食後感］📝1. 脆皮無骨雞腿排 ✔️外皮酥脆，裡面的雞肉鮮嫩多汁，調味恰到好處，每一口都充滿滿足感。搭配的醬汁增添了風味，忍不住想再來一塊。2. 脆皮百頁豆腐✔️素食選擇同樣出色，外層金黃酥脆，內裡的豆腐滑嫩，吸收了調味料的精華，口感層次豐富。非常適合搭配米飯或作為小菜。3. 脆皮台灣腸✔️獨特風味印象深刻，外脆內軟，香氣四溢。每一口都充滿了台灣特色，好感受到地道的美味。這三道脆皮菜品各具特色，無論是肉食者還是素食者都能找到心儀的選擇，完美地為餐後時光增色！…查看更多

想係荃灣附近食炸物，就搵到呢間餐廳。餐廳裝修都幾得意。我哋點咗無骨雞腿肉、脆皮杏鮑菇同埋花枝丸。 無骨雞腿肉真係好嫩滑，加上辣粉，味道唔錯。下次可以試埋普通雞排，應該都幾好食。脆皮杏鮑菇超級驚艷，外皮脆，咬落去又好Juicy，仲有紫菜粉嘅香氣，真係好好味！花枝丸口感彈牙，配上調味粉更添風味。 呢間餐廳喺附近都幾受歡迎，等食物嘅時候，見到有唔少人進進出出。餐廳應該主要做外賣生意，店面就無咩坐位。食物質素都幾高，絕對值得再來！如果你都鍾意炸物，呢間餐廳真係唔可以錯過！…查看更多

係荃灣行完街又去左2派克買炸物返屋企食今次就買左三款脆皮小食 真係好正‼️‼️‼️雞腿排好食 每次都必嗌皮係炸到勁脆 冇骨啖啖肉好方便食肉質唔鞋仲有啲雞油加埋海苔粉鹹鹹哋 幾香口😋杏鮑菇外脆內軟 咬落有菇汁灑咗海苔粉幾夾 唔會好油😍台灣腸皮脆帶甜味 咬落去仲有少少爆汁👍🏻整體黎講幾抵食 脆得來唔膩口 當小食唔錯推介經過可以買來試下 不過都因為係即叫即炸所以預返要等15分鐘左右但係值得等待❤️❤️❤️❤️❤️❤️…查看更多

一直都好鍾意食呢間炸雞扒，除咗價錢平之外，佢嘅調味做得啱啱好，鍾唔鍾意食辣嘅朋友都好鍾意呢一間炸雞。我自己最鍾意嘅，就係呢個脆皮無骨雞扒，今次叫左大辣同香辣，佢嘅辣味唔係好重，但係食落好香口，非常開胃。而且佢嘅雞腿扒非常出色，雞扒切得好厚，但係仍然保留到肉汁同埋滑嫩，真係好值得試吓。另外，今日仲叫咗呢個脆脆雞皮加海苔芥末。平平成日覺得雞皮好肥好邪惡，但係呢度嘅雞皮就一定要食，就算肥都要試吓。不過佢又唔會太肥，因為佢炸嘅時候將啲雞油迫晒出嚟，食落好脆但又唔覺得肥膩，非常推薦。食咗咁多肉類，就梗係要食啲蔬菜啦，我就叫咗呢個脆皮杏鮑菇，另加咖喱粉。平時喺台灣夜市最鍾意食杏鮑菇，但係香港好少有，呢度整得好好食，而且仲可以襯唔同嘅粉，健康又香口。呢間台式雞扒外賣店已經越開越多分店，希望可以再開多啲，十八區都可以食到咁好食嘅雞扒。…查看更多

台灣過江龍「2派克雞排」殺到荃灣！主打即炸脆皮雞排同特色炸物，即叫即炸等，店仔細細主要做外賣，但未行到埋去已經聞到陣陣邪惡炸香～最正係有8款調味粉任你混搭，海苔、麻辣、芥末、芝士粉樣樣有，仲可以雙拼口味，揀到選擇困難症發作啊！脆皮無骨雞腿排（$40）脆皮無骨雞腿排，真係好滿足！雞肉嫩滑，外皮炸到金黃酥脆，一啖咬落去肉汁爆出嚟。原味雞腿排，鹹香味道層次豐富，而且分量大過手，超厚肉黃金香芋丸（$22）黃金香芋丸真係超驚喜，芋頭控必點！外層炸到微脆，一咬開係綿密香芋蓉包住流心鹹蛋黃，甜中帶鹹，口感層次分明，邪惡度爆燈！甜薯地瓜條（$25）甜薯地瓜條一定要點台味梅子粉，酸酸甜甜中和油膩，外脆內軟，甘甜得嚟仲有濃郁嘅番薯味😋整體食物質素：4 / 5💰性價比：4 / 5👍推薦指數：4 / 5…查看更多