18樓雞煲火鍋專門店

營業中

休息中

創興廣場嘅“18樓🐓煲火鍋”，之前有朋友約過幾次都夾唔到時間，呢一日終於食到啦👍👍揀咗A餐，限時兩個鐘，有D擔心唔夠時間食，但其實都好足够，食到捧住個肚離開。 食之前都諗過啲雞煲嘅雞會唔會好多，多到你食完已經飽到食唔落其他嘢，但來到呢D擔心就煙消雲散了。事關啲雞件不多也不少，而且味道好好，小辣嘅選擇fit晒我哋，食得好開心食完之後就即刻加湯打邊爐了。點咗鮮蝦，蜆，花膠片，爽脆墨魚鬚，鯇魚片，鱔片，頂級墨魚丸，炸魚片，山根，鮮淮山，秋葵，鲜冬菇，肥鵝腸，紐西蘭羊肉片，蟹子墨魚滑，還有雪花肥牛，特級肥牛，牛柏葉，頂級梅頭豬肉.....其中蝦，花膠片，鱔片，墨魚鬚encore咗幾次，蝦鮮甜，花膠够腍墨魚鬚有嚼頭，總之多不勝數，任食唔嬲，又點咗可樂，啤酒，柑桔蜜還有至愛的燒仙草爽，真係爽😜😜

雞煲癮起，咁多選擇都係揀返呢間穩陣，旺角果然要食咩都有！呢間分店比主店更光猛，裝修好有心機好多香港特色。至於呢度嘅雞煲，就梗係無得輸！雞件多！雞煲醬超惹味！食完雞煲再任食火鍋有海鮮，任飲仲有雪糕係極度抵。平平地食最平嘅餐7點前離座$200都唔洗，仲要係好食嘅，無他選啦。個A餐任食雪花肥牛同特級肥牛，仲有超多野食揀。我自己覺得好食嘅心水：萵荀、菜心、西洋菜，首先係比其他任食乾淨，阿姐專登埋黎話佢地一定洗過先攞出嚟。其次係新鮮啦。海蝦、脆肉鯇腩，係真正脆肉腩黎，超級爽脆，蝦焯一焯肉係爽同彈牙，證明新鮮嘅。頂級梅頭豬肉、滑牛，滑牛係脂肪少啲但又過足肉癮，真正係滑嘅。梅頭豬肉薄薄一片焯一焯，好有肉味。自家製響鈴、台灣鴨血，呢兩個真係必點，個鴨血又滑又入味，響鈴好大卷又脆兼唔油，要叫幾轉。

今日黎到位於旺角嘅十八樓雞煲火鍋專門店，其實幾年前應該都有食過，不過印象唔算好深刻，但今次食完覺得進步左好多，食物種類同環境都好左好多，而且仲超級抵食！首先一去可以揀雞嘅辣度，今次揀咗中辣，但都唔算非常辣，食得辣嘅朋友仔可以再叫辣d。一上到黎就聞到好香，我哋兩個人食，應該係半隻雞，但係都冇好細心睇，因為一上到嚟已經好肚餓係咁食🤣雞肉香口嫩滑，夠晒入味，所以好易一啖接一啖。跟住就可以開始打邊爐，呢度直接用手機落單，食物嘅種類都好多，就算我哋揀最平嘅餐都有齊牛肉豬肉羊肉海鮮，佢嘅蝦同埋蜆都好新鮮！另外仲有唔少嘅台灣小食，例如小香腸同麻辣鴨血，喺打邊爐嘅同時都可以「掃下街」🤣嘢飲方面都有唔少選擇，有自家製嘅冷泡茶可以消下熱氣，最後仲可以自己唧雪糕食，正呀！👍🏻👍🏻

今日天氣又轉涼，於是就同朋友嚟左呢間18樓雞煲😛因為walk in就要排隊等飛～餐廳通風做得好好，食完個身都唔會好大味！今次叫左A餐，少辣嘅雞煲～職員會好盡責去幫我地開爐同攪拌👍🏻見到個雞煲好多都係用雞髀肉，入口相當嫩滑🤤個醬汁好惹味，小辣連唔食辣嘅朋友都接受到👍🏻份量都幾多，每人可以食到八至十舊雞，性價比好高❤️之後就可以加高湯轉打邊爐，餐廳係用手機落單，我哋叫咗雪花牛肉、滑牛肉、魚皮餃、芝士腸、腐竹等等火鍋配料，正常質素👍🏻而且選擇都好多👍🏻同埋餐廳提供左唔同嘅飲品，有汽水、冷泡茶、果汁同酒精飲品都有🤘🏻甜品就有乳酪同抹茶雪糕，2款都好好食！作為飯後甜品一流🥹整體餐廳環境幾好坐，同一班朋友嚟就啱晒👍🏻正～

香港打邊爐選擇有好多，又食雞煲，又打邊爐任飲任食，我通常都會嚟呢間18樓雞煲火鍋專門店，旺角分店就喺創興廣場18樓，好易記😬一入咗點完就會問你雞煲辣度，我哋要咗小辣，雞煲好快就到。雞肉都好大舊 份量唔少，好多都係雞髀同埋雞翼 唔會話比哂雞胸肉👍🏻👍🏻火鍋配料方面有好多蔬菜可以喺出面自己拎，另外仲有少少青菜瓜類用QR CODE點菜。邊間任食火鍋有一個優點 就係有好幾款海鮮都係任食嘅 而且質素唔差。是日海鮮有大蜆，仲有新鮮海蝦 墨魚鬚 👍🏻👍🏻肉類有雞豬牛選擇，牛肉都有兩款 一款比較瘦，另外一款就肥瘦相間 任君選擇。另外仲有一啲熟食，佢嘅自家製炸蝦片同埋小酥肉都唔錯架😋 飲品類除咗有汽水果汁啤酒，仲有佢自家製嘅冷泡茶、冬瓜茶，冬瓜茶唔會太甜 好岩香港人口味。任飲任食兩個鐘時間好足 臨尾食埋個雪糕🍦大滿足💯

今日放工後約左家姐打邊爐，上網搵下邊間又平多款又好食。見到網上評價唔錯，地方又就腳，喺旺角創興廣場，即刻決定食呢間18樓雞煲火鍋我嚟到首先揀食邊一個餐，我同家姐慳慳地食個最平嘅餐。首先我哋食咗個雞煲先，啲雞好滑，嗰醬好惹味。食完雞煲，加啲湯落個鍋度可以打邊爐，食物種類都有好多，有肥牛，黑豚肉，仲有羊肉，牛柏葉，雞件當然唔少得，而且仲有鮮蝦同埋魚，更加有好大舊花膠，唔係度度地方都有而且佢有好多唔同嘅丸類，都好特別，最特別係有一個醬爆豆卜，入面應該係包咗一啲豬肉丸，好好味另外小食方面，有一個小蘇肉，好香口，好少火鍋雞煲有得食除咗蔬菜，飲品係自己拎之外，其他食物都係用QR code落，夠晒方便衛生飲品種類都有好多，除咗汽水之外，仲有一啲茶類例如冬瓜茶，另外仲有啤酒飲，呢個價錢真係好抵！食飽之後當然唔少得食返杯雪糕啦！今日乳酪雪糕嘅口味係原味同埋抹茶味。個人比較鍾意食原味，加埋啲topping,太好味啦，食咗兩杯！總括來講，性價比好高，而且好好味！

一嚟到18樓打邊爐，未入去已經俾佢裝修吸引，明顯花過心思。嚟到要齊人先可以入座，計2小時離座。全自動化，scan QR code落單，任食 or 要加錢都一目了然👍🏻入座後1.5小時就截單，不能再落order，但可以拎出面大雪櫃飲品、菜類、甜品，一於食到飽飽先走😂雞煲(細) 小辣入座時會問埋雞煲要咩辣，跟住一坐低煲就到，呢種效率去邊度搵呀！超讚！講返個煲雞，雞件本身已餣味，再加上麻辣醬，惹味到不得了～而且我哋都覺得鹹、辣醬味調得剛好，雞件又滑，愈食愈正。邊食雞邊order，d餸好快就送到上枱，忍唔住就落湯開始打邊邊😬另邊廂即刻出去揀支嘢飲先，飲品種類繁多，推介桂花烏龍茶，好香桂花味雪花肥牛口感軟腍，牛味濃郁，值得一試再試，我一人吃光四碟白鱔片大大推！油香味重，啖啖肉，新鮮！豬潤大推！薄薄一片的豬潤，滾兩滾，爽甜！海中蝦煮得啱啱好，蝦肉爽彈，食完又點過，食咗好多串西班牙黑豚腩肉肉及脂肪分佈均勻，雖薄薄一片，咬下去肉味亦在口腔四溢是日海鮮 沙白新鮮海鮮最好白恰，沙白不用灼多久便可上臺，口感煙韌，味道清甜。脆鯇片呢樣係邊爐必食，放落麻辣湯，有點水煮魚，好味炸魚片角高質魚片角，彈牙、爽口自家製

去完日本返黎專登約朋友派手信，揀左呢間好耐無食嘅雞煲五點食到七點，每位178雞煲嘅醬汁簡直係鍋底嘅靈魂雞肉又夠嫩滑所以好快比我哋掃清，就即刻加清湯打邊爐佢呢度比較特別嘅係有每日海鮮，今日嘅海鮮係沙白，沙白嘅肉質鮮甜，但係唔係好大隻，不過用任食嘅質素嚟講可以接受強烈推薦佢哋嘅鴨血同埋響鈴真係超正海蝦同大部份嘅配料質素都唔錯，而且飲品嘅選擇好多，連冷泡茶都有，簡直係花多眼亂如果揀飲品，記得要睇晒每一個雪櫃，因為每一個雪櫃嘅飲品都唔一樣去到最後食埋佢哋嘅抹茶雪糕，簡直係一個完美嘅句號，朋友都讚我好介紹

今日同朋友去咗旺角呢一頭睇戲，散場都已經九點幾，我哋兩個咁啱都想打邊爐就搵咗呢一間喺創興廣場18樓嘅雞煲 收費就係$198 加一，同區嚟講，價錢都幾實惠 等位時間就唔使太多，因為始終都係第二場 店員好有禮貌咁帶咗我哋入去，舖頭都係用QR code落單，醬油同埋嘢飲就喺出邊自助區 將郵區隔離亦都有軟雪糕，有雲呢拿同埋綠茶味 雞煲嚟講，我哋就揀咗小辣，二人份量大概半隻雞，味道恰到好處，雞煲味道濃郁，但係唔會去到好鹹嘅地步 啲雞件亦都非常鮮嫩，唔會有太鞋既感覺 雞煲第一部份我哋都好滿意火鍋配料嘅選擇都好多，出奇地竟然有台式嘅小食，我哋叫咗台式小香腸，每啖一件非常好食 除咗牛肉豬肉羊肉雞肉之外，亦都有海鮮提供！我哋就叫咗鮮蝦，魷魚同蜆 每一粒蜆亦非常大粒，亦都食得出非常新鮮 鮮蝦就非常彈牙，都幾有驚喜 店員亦都成日嚟幫我哋收走用完嘅碟，服務質素一流，呢個位值得加分！嘢飲方面，佢哋都有冷泡茶，我就揀咗桂花烏龍茶，茶味道非常濃郁 消暑一流 鍾意飲啤酒嘅朋友，亦都可以選擇嘉士伯啤酒或者獅威啤酒 最後食埋綠茶味嘅雪糕，非常滿足！！ 大家嚟旺角都不妨試吓呢一間18/F雞煲 性價比幾高，CP值一流！

創興廣場餐廳眾多，今次同朋友嚟到18樓食18樓雞煲火鍋專門店，同朋友選好套餐之後就開始我地2小時任飲任食之旅！雞煲叫左小辣，雞肉好鮮嫩，唔會煮到過老，醬汁用咗花椒、洋蔥、乾辣椒等多種香料烹調而成，食落非常之惹味而帶點麻香，令人食到一啖接一啖！但個人覺得雞煲越辣越好食，所以都幾後悔無叫辣點 。差唔多食完啲雞，就可以開始加湯底打邊爐。火鍋配料都有好多選擇，牛肉、豬肉、雞肉、蔬菜、海鮮、丸類、面類等等，仲有小食同啤酒任飲，種類非常之多！上菜速度好快，用手機落單後唔使幾分鐘就到，好有效率！火鍋配料之中，推薦百頁豆腐同鵝腸！百頁豆腐顧名思義豆腐內有好多頁，平面面積非常之大，可以吸收晒湯底精華，味道好濃郁！另外本人食火鍋嘅時候都鍾意食鵝腸，不過唔係間間任食火鍋店都有，因為成本都幾高，估唔到呢間有提供之餘，份量仲好多，鵝腸爽口又無內臟腥味，推薦！飲品有好多選擇，汽水、茶飲、自家製茶應有盡有，如果想飲啤酒嘅話就要用手機落單。最鍾意係佢呢一個雪糕吧，雪糕有兩個味道，原味乳酪同朱古力雪糕，旁邊仲有朱古力碎、餅乾碎、椰果、乳酪味爆珠，食完個雪糕非常解滯，作為飯後甜品一流！整體嚟講呢一餐食得非常之滿足，火鍋配

因與友人一聚，趁天氣仲凍凍地，試吓聞名已久的雞煲火鍋放題，地點正宗，近地鐵站，剛好在$12店上面，可以shopping完再食火鍋。一入去，地方闊落，座位舒服，特別喜歡佢哋懷舊嘅裝修，可以成為打卡點。佢哋用QR code點塞，非常方便，落單後快已準備送抵食物。喜歡他們控制食物的份量，兩個人，每樣食物就有兩份，不用浪費，也可以讓為食嘅我們，有更多容量試多幾款食物。一開始嘅雞煲非常惹味，非常嫩滑，不過略嫌不夠熱，之後便可以隨意加湯 （湯也是自助式，不用呼喚店員幫手),非常方便。我哋點咗最平嘅牛肉餐，肉質一點也不馬虎，各樣菜 （擺放得特別精緻，猶如溫室的植物）非常新鮮爽口， Ha特別肥美，仲有竟然有花膠，而佢哋嘅響鈴有特別大，鮮腐竹都好好味⋯⋯此外，有多種飲品選擇，特別推介自家製冬瓜茶，超好味，又可以降溫，最後連軟雪糕都有兩款選擇，Perfect Ending !

今日同朋友黎旺角行街，突然想食雞煲😆，於是黎左位於創興18樓嘅「18樓雞煲火鍋專門店」，去到有三款套餐選擇，都係全食兩小時，我同朋友揀左普通套餐。店舖用QR code落單👍🏻，另外可以去自助取醬料，飲品及蔬菜。⭐️雞煲：我哋揀左少辣，非常易入口，雞件數量都唔少，每舊雞都係煮得啱啱好，好嫩滑，而個秘製醬汁好惹味😙，加上洋蔥花椒等配料，令雞肉入晒味。食完個雞煲就可以加湯打邊爐。我哋都叫左好多野食，以下介紹幾款大家必食嘅。⭐️特選肥牛：睇到鮮紅色就知好新鮮，牛味濃而且幾大塊，叫完一碟再叫碟😂⭐️精選海鮮及蝦：今日精選海鮮係沙白，一碟大約6-7隻，每隻都新鮮沒沙，而蝦都好鮮甜😋，唔錯唔錯。⭐️花膠及脆肉鯇：花膠爽滑有口感，每舊吸晒湯嘅味道，正呀🤩。脆肉鯇一碟3塊，都好新鮮唔會有腥味，口感一流😍。⭐️飲品：非常多選擇，包括有各款茶類，仲有啤酒汽水，都係可以全飲，正😊。

#ftf_旺角一雞兩味 抵食之選最近天氣又涼返，所以就同朋友嚟到旺角18樓食18樓雞煲！其實之前已經喺荃灣食過好多次，見到旺角有分店，就決定試吓佢。入邊環境裝舒適又新潮。平平哋套餐A $219真心抵，雖然淨係包兩款肥牛，但係勝在佢嘅配料夠多元化，所以其實都好豐富！而且仲有熟食，特別推薦台灣腸、炸芋泥球，味道完美還原台灣風味！套餐A $219/人⭐️⭐️⭐️⭐️雞煲醬汁同荃灣嘅味道都係一樣，惹味香濃，但又唔會越食越口渴。不過，對比起荃灣分店，雞嘅份量好似比較少。食完雞煲，火鍋配菜特別推薦鵝腸、魚肚、脆肉鯇、牛柏葉，呢啲全部都處理得好乾淨，而且新鮮又爽口！豆類推薦竹枝、蜂巢豆腐、響鈴，好吸湯～ 菜類包括有萵筍、金菇、白菇等，全部都好新鮮！最後，雪糕就特別推薦抹茶味！加埋脆片、椰果同爆珠，簡直大滿足！🍴 18樓雞煲火鍋專門店📍地址：旺角彌敦道593-601號創興廣場18樓回頭率🤡🤡🤡🤡性價比🤰🏻🤰🏻🤰🏻🤰🏻#feedtiffood #吃吧孩子 #吃到懷孕

又黎食雞煲lu😋，雞煲癮周不時出黎！店舖環境寬大舒適、座位闊落、冷氣充足，係一個非常唔錯嘅食雞煲打邊爐環境😛由於我主要係想食雞煲，就叫咗最平精選美國雪花肥牛套餐（$218）～ 一入咗5分鐘雞煲就上枱，我地叫咗小辣，但要過15分鐘之後先至開始感覺到辣味，之後食食吓都幾辣😂啲雞好滑身好惹味，略嫌份量唔夠多（不過就可以留肚嚟打邊爐😂）～ 食完雞煲就可以自己用QR code落單同埋加湯打邊爐～其實佢打邊爐可以叫嘅食物種類都幾多，啲牛肉就算係最平嗰餐都幾好食！食飽仲有可以自己唧雪糕，佢嘅朱古力味味道幾濃！

呢間18樓雞煲火鍋專門店既招牌雞煲，係用上四川香料，雞隻選用爽嫩彈牙嘅三黃雞，辣而麻香，重可以揀大、中、小、微或不辣。我今日就揀左A餐$208/位任食2小時，食完雞煲重可以打邊爐，配料都幾多選擇，任點雪花肥牛、脆鯇片、白鱔片、花膠等🥰重有幾款小食添💕非常之抵食🥰而且店員相當細心，會留意住幫你玩碟👍🏻👍🏻👍🏻❣️旺角彌敦道593-601號創興廣場18樓 電話：+852 31138468