101手工涮涮鍋 (金朝陽中心二期 - Midtown)

營業中

休息中

101手工涮涮鍋是一家高級台式火鍋店，以提供精選食材和獨特湯底聞名。該店的湯底特色在於以中藥材熬煮，並配合不同的食材，讓味道更加豐富。此外，101手工涮涮鍋的食材選用也非常講究，包括有名的台灣黑豚肉、海陸鮮魚等等。店內裝潢簡潔、雅致，氣氛舒適，適合與家人、朋友或商務宴客一同品嚐美食。此外，該店也提供包廂服務，讓用餐更加私密舒適。如果您想要品嚐高品質的台式火鍋，101手工涮涮鍋是不錯的選擇之一。我們食火鍋放題是星期一至星期四，每位只需$418就可以任食。我們選擇了冬陰功卜卜蜆海鮮鍋做湯底，蜆肉的數量也非常多，由於有香濃的冬陰功味做湯底，所以我們基本上都沒有點醬料。這間餐廳的食物選擇也非常多，有花膠，帶子等海鮮，食物選擇有非常多，無限量供應。絕對是台式高級火鍋至選。#台式火鍋 #高級火鍋店 #香港美食 #銅鑼灣 #登龍街 #無限時火鍋

老友生日，揀左呢間有境又高檔又抵食嘅台式任食火鍋，最抵係佢無限添加飲品有台式飲品，又有紅白酒、cocktails . 其實剩係嚟任飲，吹水都已經回本🤭🤭🤭湯底台灣沙茶雞涮涮鍋 -湯底落足真材實料，好有有雞味。沙茶湯入味，食材不用另加調味料，味道已經好入味。牛肉有鮮味手工即炸響鈴大件，有多層，非常鬆脆流心芝士牛丸爆汁、彈牙，流心芝士有濃郁芝士味手工黑松露墨魚滑黑松露味重，墨魚肉新鮮手工安格斯牛肉丸、帆立貝、蕃茄樣樣新鮮食唔停😋盆栽香芋珍珠、盆栽特澴朱古力珍珠😋😋賣相已經贏咗，味道調到啱啱好冰凍的桂棗雪耳湯仙草芋圓糖水 ：味道清甜，加咗雪耳感覺潤喉。在糖水底部，發現有一片爽口嘅鮮草。甜度適中

而家打邊爐都幾難搵到一間可以任飲任食又冇限時呀! 服務正, 有靚景, 望維港夜景, 咁好咁舒服嘅店舖, 啤酒, 白酒, 紅酒都可以任飲喎! 仲要地點係銅鑼灣鬧市喎! 哼… 終於比我搵到啦. 係金朝陽中心2期29樓呀! 放工仲約埋三五知己一齊聚下咩!任食美國安格斯Prime Grade牛頸脊套餐 - $418 (星期日至四)呢個套餐真係抵食呀, 鐘意食牛嘅朋友一定要揀呢個。唔只牛肉靚, 仲可任食, 套餐包好多食物, 有前菜, 主菜, 加錢食埋時令海鮮併盤, 肉類, 特選手工火鍋併盤, 手工即炸響鈴卷併手工即炸海苔鹹蛋黃魚皮, 無限追加精選火鍋配料, 無限追加所有飲品, 仲有甜品 (醬料每位$30, 另收加一)前菜台灣直送配料, 手工蒜泥口水手撕雞(微辣), 秘製麻辣木耳。兩款都好開胃小食, 等開爐時一邊傾, 一邊食, 啱哂!主菜有辣有不辣, 有海鮮, 有肉類, 接近有20款唔同組合嘅湯底。我地揀咗最多人叫嘅冬瓜卜卜蜆海鮮鍋, 一鍋有埋瓜菜又有海鮮, 超正。鍋裡放滿好多紅棗同松蟲花, 好似養生中湯咁, 中間有個環形冬瓜盅放滿卜卜蜆。 冬瓜盅配海鮮, 令到個湯底好鮮甜, 未打邊爐都已經飲了

▫️101手工涮涮鍋午市超抵食一人火鍋set $59包一款湯底、三款自選餸、一碗麵加一杯凍熱嘢飲😋💁🏽‍♂️揀咗三杯雞湯底，微辣香口👍🏻🍴特別推薦甜不辣、脆鯇片、Q彈正方形魚腐。所有材料會放晒喺一個大鍋入邊，連埋自選麵，開爐等大約五至10分鐘滾就可以食得☺️一路煮一路食，熱辣辣，隨着麵條吸晒湯汁嘅精華，呢個價錢真係性價比好高，好抵食。下次會試吓佢嘅晚市任食火鍋♥️

真心覺得呢個價錢超唔值（食物質素差又無環境可言），牛肉個名好強大但食落本地仲好食過佢，餐前小食雪到冰晒，丸類好似粒陳皮蛋旦甘既size，菜得3款選擇，套餐包既都係飽肚食物。要投訴係脆鯇魚腩，點解切到擦紙膠既size唔緊要，但係啖啖骨，一粒有5份4都係骨，完全呃人。套餐最尾有碗好冰凍既芋圓雪耳紅棗龍眼糖水。要讚既係杯果茶幾好味，響鈴香脆。。。完套餐就包呢的（圖示）之後可以電子落單，大部份都係免費既不過種類同質素就。。。

午市套餐 一人火鍋 $66銅鑼灣食lunch要呢個價錢已經好難，而且仲要係打邊爐，所以呢度長期都爆滿，佢開11:30 ，最好早少少嚟，如果唔係有排等，lunch嘅時間限時一個鐘。湯底方面有六款湯揀有辣有唔辣，配料有42款可以揀三款，另外面都有六款可以揀，而飲品方面，叫珍珠奶茶水果冰茶等等都係唔需要加錢，超級抵食。我叫咗麻辣湯小辣，湯底好夠麻味又唔會太辣，台灣渝川拉麵有咬口唔錯，叫咗雞髀肉係一隻雞下髀，另外叫咗滑牛片上嘅時候係生嘅自己決定生熟度，花枝丸入面都有唔少一粒粒嘅魷魚係足料嘅。盤栽特濃朱古力珍珠，大大杯朱古力珍珠，食夠飲好滿足。

午餐去到3:30last order 用餐時間一個鐘 lunch time比較多人 但今日唔洗排隊就入到坐 60蚊可以食到3個餸加一個麵加一杯飲品落完單好快就有得食喇 不過我個朋友半個鐘先黎到幫佢叫定先等佢黎到即刻有得食好彩個日無乜人 店員無趕我地走4點半佢地就落場飲品都有好多選擇份量都好大 叫左杯珍珠奶茶 走甜不過都係覺得有點甜D麵多到食唔曬 叫左三杯雞湯底 叫左鯢魚 油麥菜 甜不辣吾食得辣記得要叫小辣🔥唔係會太辣 辣到食得好慢

Lunch time一人火鍋首選12:00到即刻可以入坐 1小時用餐 今次都係點左麻辣湯底 佢有得揀大中小辣配料都算多選擇 主食都有5-6款我揀左必點雞髀肉 芝士腸 貢丸 韭菜豬肉餃 台灣麵落左order 唔使5分鐘就到 好快成個鍋望落好豐富 佢另外仲有跟小小芽菜 一舊蕃茄同粟米雞髀肉有3大舊 肉好嫩滑芝士腸有4條 貢丸有3粒佢個韭菜豬肉餃個皮係好Q糯個種 次次黎都會點不得不講佢個台灣麵份量好充足！而且會吸哂啲湯汁 一路滾住仍唔會煮到好爛飲品點左佢個盆栽珍珠咖啡 好好好大杯 如果咖啡味可以濃啲就更加好雖然店內好忙好多客人 員工Amy都好有禮貌好helpful

金朝陽中心消費有100蚊coupon, 友人又喜歡打邊邊，一般火鍋放題都坐得好鬼迫，又會計住時間，高質少少嘅通常都係散叫，真係幾百蚊一個人都食吾飽。呢間雖然貴價嘅吾係任食，但任食嘅肉都吾差，任食嘅配料都好多選擇，任飲又係算多選擇，食得好飽之餘，質素都吾錯喎。環境真係好得，3個人坐大卡位好舒服，樓高有露台，就算坐吾到窗邊，都可以拎杯飲品出去睇下風景，有海景可以影下相，出去戶外高枱chill 下。最後送嘅甜品我最欣賞，好多配料又吾太甜。

同朋友黎到佢一直想試既lunch time一人邊爐坐位舒適 台式風格 湯底有5-6個選擇 而我揀左麻辣湯底少辣配料雞脾肉 大大舊 好味道貢丸 韭菜豬肉餃另外加左8蚊要個墨魚餅就唔係好抵 得兩小塊至於主食我揀左台灣麵 呢個麵既質地好正 一路煲左佢15分鍾都唔會太冧 又吸哂湯既精華朋友都話冇介紹錯 台灣麵好正！佢自己就叫左三杯雞湯底 但試左我個麻辣湯都話好味啲飲品我地叫左盆栽珍珠系列大大杯 我叫珍珠咖啡中規中矩唔錯但朋友個珍珠奶茶就唔係好夠味喇不過總括而言 係銅鑼灣lunchtime 我地每人食左$75 一人邊爐+大大杯飲品味道不錯 性價比係高既但要注重返佢係一小時用餐架

天氣咁凍 梗係想打邊爐啦😗好兄弟介紹呢間有得任飲酒🍻(紅、白、啤酒，仲有cocktail添)半自助形式打邊爐😋仲有靚景同露台可以去食煙/把酒談心▫️同無老鍋就冇得比架啦😅湯底我地揀花膠雞 多料既 都好飲既不過唔係好濃果d白色湯但就❤️無限時間❤️！呢個好吸引岩哂我地咁多水吹既人▫️同埋outdoor個view真係好靚😍可以食食下 拎杯酒出去把酒談心🍷我見有成個family男女老少出去影夜景添▫️食到最後 飽到不行點知waiter仲問 糖水而家上埋？本身諗住食兩啖就算點知 又出奇地好味喎忍唔住食哂成碗😂😂😂

因為酒鬼朋友生日，上網搵過任飲啤酒任食嘅打邊爐都多但如果冇限時間真係唔太多好嘅選擇，最後揀咗101 手工涮涮鍋，最後冇失過👍🏽任食火鍋配料質素算中上，所有我哋試過嘅手工配料都幾好食👍🏽朋友話墨魚滑特別出色！扣分地方係任食牛質素稍為普通咗少少🤏不過佢第一輪會手切牛頸脊先，如果都係任食就滿分🤭任飲方面滿分💯👍🏽 有自家手工生啤，沖繩Orion 生啤之餘 ，仲有紅白酒、cocktail都係任飲 👍🏽更加好嘅係，非酒精飲品選擇都非常多，珍珠奶茶都有 👍🏽服務亦都唔錯，我哋10位坐VIP房，上嘢飲速度好快，少少扣分醬料每位再收$30

Lunch約左朋友一齊食( ´ ▽ ` )ﾉ離唔開都係想食火鍋之類，就選擇左呢一間呢間由尖沙咀第一間新舖我食到佢結業當時尖沙咀連埋飲品$50都唔使（五年前😂）食完之後仲返公司瘋狂推銷實在太平( ´ ▽ ` )ﾉ-香辣三杯雞湯+三款餸+麵+🍹$59同朋友都係揀咗呢個湯底以我食咗多年經驗覺得呢個係最好食( ´ ▽ ` )ﾉ🥘油麥菜/秘製台式雞件/蜂巢豆腐🥘娃娃菜/蜂巢豆腐/鮮枝竹/台灣沙茶滑牛肉+$8（多一個餸）湯底香辣惹味，煮完啲餸同麵都勁入味好食飲品就叫左凍無糖茉莉花茶，解辣解膩

任飲任食高質打邊爐，6點開始就可以入去，慢慢飲下野，等下朋友到，唔使急急腳去食，食到10點幾先走，絶對休閑既一個晚餐，而餐廳外有個露台，唔怕高可以出去感受下，當日天氣剛好不錯，影下相，帶杯酒出去企下，傾下計，再入返去坐，繼續食又得！個餐一開始就會有啲靚啲既肥牛，響鈴，咸蛋魚皮，仲有既款特別既打邊爐料理，2個人食，非常足夠，另外好多款式老係用手機📱落單，好方便，唔需要叫人黎收紙，環境乾淨，係啲餐具有少少唔理想。

今天一早起床.裝洗便從將軍澳出發趕過嚟銅鑼灣.係為咗食101嘅超值一人一鍋sabu sabu .嚟到剛剛11時15分鐘.餐廳係開11時30分.我哋又是第一名次.唔夠五分鐘.其他顧客已經陸續到達.並開始掃安心及排隊.店家準時營運.當然我哋是第一個進場.由職員帶領到達可以望住個海景二人卡位.呢度係用QR典落單.我哋在餐牌上揀選了每人一個湯底.一個要台灣麻辣湯底.一隻辣椒🌶️.另一個要三杯雞湯底.都係一隻辣椒🌶️.每人再揀三樣餸.我哋揀咗蟹🦀️粉丸1份/Q彈正方型魚🐟腐2份./日式芝士🧀丸2份/日式章魚🐙餅1份合共六份.餐飲：盆栽珍珠奶茶1杯/盆栽特濃朱古力珍珠1杯。落單無耐.兩大火鍋已經送到.隨後兩大杯飲品亦都送上.兩大鍋加兩大杯.張枱險些都擺唔到。