101手工涮涮鍋 (金朝陽中心二期 - Midtown)

營業中

休息中

101手工涮涮鍋係我去銅鑼灣嘅其中一間午市飯堂，佢嘅lunch menu真係好抵，$59就可以揀到一款湯底、三款餸、一個麵底✌️今時今日呢個價錢，喺旺區嘅茶餐廳分分鐘只係食到個碟頭飯😆火鍋係以一人一鍋方式奉上，夠晒方便、衛生。話明係台式火鍋店，佢哋有提供埋富有台灣特色嘅配料，例如Q彈正方形魚腐、台灣腸、台中貢丸等等，之前都食過晒，全部都值得一試！👍今餐就揀咗Q彈正方形魚腐，其餘配料嘅份量都唔少，牛肉厚切夠晒大片🤩跟餐仲有一杯特飲，今餐飲盆栽珍珠奶茶，可以打卡📸之餘又好飲！

火鍋不二選，中午食，又係一個字，抵，平靚正，超值⋯⋯，可以講落去都啱晒放落入去讚佢，101手工涮涮鍋中午時間個火鍋簡直冇得彈，除咗超值，簡直好味到不得了，唔信睇相👇咁大鍋仲有大大杯好味飲品都係五十幾蚊，平到你唔信，又好味又大鍋，唔怪之得咁多學生都去食啦，超級正

原來101火鍋依家得返銅鑼灣分店….真係生意難做呀…星期五嘅訂座已經滿晒，唯有星期四晚吃，所以要吃真係要早訂位。叫左最平嘅$408牛肩任點任食火鍋，配台式麻辣冬瓜卜卜蜆湯鍋😋冬瓜勁大件，蜆新鮮甜美，差唔多有成30粒咁多，湯底香辣惹味，不過滾到中段實在太咸，忍唔住要盛起一半湯底加凍水溝淡佢先送左一碟手切牛、一碟黃金魚皮同新鮮炸起超大碌響鈴，又香又脆，不放湯都好味。牛肉有鮮濃牛肉味，豬肉片都好好味，其他料都好新鮮，配料多到我地只叫左一輪都吃唔完。飲料都有幾十款，重點係連酒精飲料都任叫任飲，好酒之人一定不可錯過，重可以去露台小酌一會再返埋位打邊爐，不錯😋飲品推介可樂烏梅沙冰，酸酸甜甜好解膩。

朋友成日讚呢間hot pot好掂- 係高質打邊爐放題。今晚終於去試下。佢既芝士響鈴同黃金魚皮好好味，仲有勁大杯既珍珠奶茶同酒都係放題，係成支酒都可以任飲。大約$5xx一個人，聽落去好似有d貴但食過飲埋幾支酒之後就會覺得物超所值。但黃金魚皮同芝士響鈴無得飲食，re-order要俾錢，黃金魚皮大約$50一份。我地個晚仲要有無限時任食，食得好開心好爽雖然我地食得唔野xD。餐廳環境舒服地方夠晒大，我地人多仲有房俾我地坐。

喺度食過好多次， 甚至乎可以話係我一個人既飯堂， 有時候我都會帶朋友一齊嚟食呢度嘅午餐， 因為59元一個午餐真係好抵食，而性價比勁高。但無奈門口個阿姐真係好無禮貌，我雖然一個，但你唔洗入啲學生哥架問他問題，他把高8度既聲好難聽，但食物呢度真係好食既之前都好平等，先來先等位，今次我排第一個，真係有少少心急想快食之後閃，而且因為仔又無响附近學野就少左來。 點知今次就一肚火， 明明我第一個，但係阿姐入咗啲學生哥，入曬四個人就叫我等。問他點解我要等，他話入哂多人先，總之把聲難聽。之後我聽到啲staff話其實佢都係靠啲學生哥增加業績但最後我都會持平，其實呢間嘢嘅性價比係好高，而且啲嘢都好好食。

🍲自選台灣涮涮鍋 $58台灣豬骨清湯湯底呈奶白色 望落清澈飲落濃郁帶香濃嘅豬骨味附送嘅番茄同埋栗米都好鮮甜米線偏軟爛但份量好多女仔有可能食唔哂添～日式芝士竹輪卷結構就係獅子狗包著流心芝士芝士味唔出但質地滑溜日式芝士丸平時街市急凍質素外皮煙韌咬開有軟綿綿嘅芝士餡台中福茂貢丸口感彈牙 香菇味突出亦帶啲冬菇粒粒

和朋友唸住開開心心食個開心午餐，當食物來的的時候，才發現其中一位朋友還差一樣食物漏佐，於是朋友也忘記了少了邊一款食物，於是詢問一位女同事(年約50歲左右)，態度極之惡劣，唔知以為我地係員工出錯食物，真系從未見過咁差既服務態度，真系吃了一肚子的委屈同憤怒😡俾大排檔還差的服務😡😡😡😡於是叫了該店的經理處理事件，而該經理不斷解釋話同事只是幫我們跟進食物，但未能處理得到還同事的服務態度惡劣情況😡😡😡😡😡😡

同朋友來過好多次好多時霖唔到食咩好就會上來打個邊爐呢度一人一鍋lunch每人揀一款麵再揀三個餸另外包埋野飲女仔來食一般都會食到好飽份糧唔細d野食同環境都唔錯湯底我揀左麻辣兩粒椒唔太食得辣gei我覺得好正辣辣地得來又唔會話辣到食唔到要叫媽咪但又好惹味朋友揀沙茶湯底好香料方面看個人鐘意食d咩我地覺得雞肉唔錯好大份又嫩滑其他野都好唔錯野飲算係好大杯有d特色野飲下幾好另外服務值得讚下好有禮貌卡位坐得舒服行出d有個露台位風景唔錯

59蚊一人一鍋，加一 ，定量lunch set 59蚊加一之後唔貴，但份量都幾多，食到好飽。三杯雞湯底，點左三餸，分別係三杯雞，沙茶牛肉，貢丸，呢三樣比較抵食，配搭個台灣面，食到好飽。Lunch set 包埋飲品，點左珍珠奶茶，因為隨餐附送，都係只係一般珍珠奶茶，中規中矩。呢間lunch set 抵食，呢個價錢係銅鑼灣好難食到，質素ok, 湯底都有幾款都ok 。呢間晚市就變放題，就變到好貴。呢間餐廳有限時，一小時內，應該平時都幾多人食，今日唔算多人。

超抵食一人鍋任選3款配料 我揀左沙茶滑牛片，台灣雞片同芝空竹輪卷同埋拉麵 味道肉質都ok,份量都多，湯底夠味🤩真係超值呀👍🏻👍🏻仲要配埋一杯大飲品盆栽特濃朱古力珍珠😍😍😍好大杯 味道真係好濃 💰HKD$58

非常不愉快的用餐體驗用餐限時1.5小時但餐廳由客人入座的一刻就開始計時睇得menu落得order等埋野食黎都冇左15分鐘😓😓仲要等個爐熱起，同埋等啲野食熟真正嘅用餐時間只有45分鐘😓我同朋友都以為係落餐時間開始計時，所以一路都睇住時間食食到仲有一半都未食完，個staff行埋黎同我地講得番3分鐘淨。。。真係o晒嘴，跟住佢先解釋係由入座嗰刻就計時😓😓跟住我同個朋友就狼吞虎嚥咁食埋啲餸，麵就一定唔夠時間食啦。最後就食淨好多，明明我地都仲食得落，係佢計時好harsh😓😓overall黎講，食物質素ok，麵底份量大，嘢飲都ok。埋單每人$65，價錢合理。但係食嘢食到咁急咁趕，都唔知為乜。其他鋪頭都有用餐時間限制，但係唔會最後3分鐘先講囉😓😓。我見其他檯夠鐘走，會有個staff行埋去睇住佢執嘢，吹佢走，其實食到好大壓力😓😓如無意外，都唔會再番黎食😓😓😓

第一次食台式火鍋放題，揀咗貴嘢個set😎美國SFR極黑和牛套餐$538（位）例牌自己調教調味料（$30位）前菜：麻辣雲耳和蒜泥口水手撕雞，味道唔錯！手工即炸香響鈴卷 拼 海苔鹹蛋黃魚皮（必食）👍🏻👍🏻👍🏻炸魚皮，即食會超硬，淥完都食到有脆口感和好香鹹蛋黃味🤤🤤響鈴只要淥幾秒就食得，口感一流好好味！！！完全唔會食到油益味👏🏼👏🏼👏🏼揀咗台灣沙茶雞涮涮鍋，湯入面啲材料由生煮到熟，最後食個雞好滑🤤味道剛好唔會好咸，覺得正過啲牛😆因為好特別好有驚喜👍🏻👍🏻👍🏻太極冬菇好鮮菇味；三重芝士鮮製蝦丸，超彈牙，爆芝士但唔膩，食到好有蝦味👍🏻手切美國安格斯牛頸脊，口感雖然滑，但唔重牛味。追加兩份 時令海鮮拼盤（$58份）馬刀貝都幾大隻幾鮮甜；最正係隻美國桶蠔，熟咗都好大隻，好肥唔腥，勁想追加😆鮑魚仔和海蝦都普通見到個任叫飲品不是最普通個啲款，真係好開心😄先嚟個愛文芒果水果凍茶，好香水果味，一啲都唔似假水果味，入面有好多果肉🤭桂棗雪耳湯仙草芋圓糖水（凍），個味真係好清甜，之前重未食過☺️好多料🤭個底有一塊仙草，芋圓細細粒口感煙韌，食到好飽上糖水，諗住試一口就算，最後差不多成碗食晒，真係好正！可以幫助戒油膩😜

朋友介紹這裡午餐，第一次試這種自選三餸的小火鍋，價錢親民，份量又足點了沙茶滑牛片，秘製雞件，紫蘿蔔，台灣俞川拉麵，盆栽炭燒咖啡珍珠食物方面正正常常好味啦，份量足夠，入面還有很多芽菜，雲耳等配菜，沒什麼特別，飲品方面很美觀，咖啡加咪cream十分香滑，還有珍珠，我朋友就叫左沙冰，佢話有2杯飲品，抵d喎這裡環境都唔錯，不會太逼，不過限時1小時，勉強足夠啦，當然啦 以$65/1人價錢就不能要求這麼多，我就覺得性價比很高了

以前成日有幫襯尖沙咀果間，一星期可以食幾次，自從離開左果頭，就無食過101，今日離難得有long lunch就來回味下價錢仲係咁親民，眼見佢好多學生食就知佢幾貼地。$58 包野飲仲想點叫左蕃茄湯，公仔麵，粟米，芝士竹輪同必叫既雞肉！個蕃茄湯仲係非常濃郁，佢係愈煲愈濃愈好味，當日個粟米仲要超級甜！成個湯都好好味，唔小心飲左好多個人推薦一定要叫雞件，d雞係件件都肉，仲有4大件，佢本身己經有調味，好味。蕃茄湯配公仔麵都一流，為免太淋，我會先拎起個麵，但煲野熱左再掉入去野飲就中左伏，成支吱吱冰味咁。不過overall, 都好味既

🥚🥚🐷學生最愛 銅鑼灣平價自選涮涮鍋✨性價比：9/10🍳食物：7/10 🌏環境：7/10🕺🏻服務：7/10💰是次消費：人均$57+ 10% (午市套餐)#蛋蛋豬 🏝地點分類: #蛋蛋豬在銅鑼灣🍰食物分類: #蛋蛋豬吃台灣菜————————銅鑼灣金朝陽中心2期高層，有一間午市排滿門外的台式火鍋店，大部分還是學生。能夠深受眾多學生喜愛，一定是價廉物美的好店，沒有預約的我們都一併排隊輪候。午市套餐包一湯底，三餸一麵，還有飲品。選擇很多，自由度高。說穿了其實是一碗麵，不過特色是底下有個氣爐一直燒著，有一人火鍋的感覺。我的選擇： 日式壽喜燒sukiyaki湯＋台灣沙茶滑牛片＋黑椒台灣腸＋蟹粉丸＋台灣渝川拉麵＋盆栽香芋珍珠-壽喜燒湯唔馬虎，與日式火鍋湯底接近-滑牛片只有3小塊，而且不滑，有些還咬不開-台灣腸被切成一塊塊，其實份量很少-蟹粉丸3粒，與外邊的無異-渝川拉麵口感像扁身鳥冬，麵底很大，是整餐吃得飽的原因-最值得讚賞是飲品，超大杯，而且味道正常，面頭還撒了不少oero碎媽媽選擇：香辣三杯雞湯＋秘製台灣雞件＋花枝丸＋白蘿蔔＋台灣渝川拉麵＋盆栽炭燒咖啡珍珠-忘了選擇湯底辣度，結果出來都幾辣-雞件