101手工涮涮鍋 (金朝陽中心二期 - Midtown)

營業中

休息中

午市套餐 一人火鍋 $66銅鑼灣食lunch要呢個價錢已經好難，而且仲要係打邊爐，所以呢度長期都爆滿，佢開11:30 ，最好早少少嚟，如果唔係有排等，lunch嘅時間限時一個鐘。湯底方面有六款湯揀有辣有唔辣，配料有42款可以揀三款，另外面都有六款可以揀，而飲品方面，叫珍珠奶茶水果冰茶等等都係唔需要加錢，超級抵食。我叫咗麻辣湯小辣，湯底好夠麻味又唔會太辣，台灣渝川拉麵有咬口唔錯，叫咗雞髀肉係一隻雞下髀，另外叫咗滑牛片上嘅時候係生嘅自己決定生熟度，花枝丸入面都有唔少一粒粒嘅魷魚係足料嘅。盤栽特濃朱古力珍珠，大大杯朱古力珍珠，食夠飲好滿足。