龍悅 (沙田商業中心商場)

營業中

休息中

今日去完梁安琪Band House 做野，又去了了Angel 飯堂龍悅開餐，見到龍悅推出大閘蟹餐就點了試試。個餐好多野食，乂閘蟹有兩只(4兩重)，叉燒皇併脆腩仔，翠玉雜菌大蝦球，瑤柱金菇扒豆苗，頭水紫菜海皇羮，生炒臘味糯米飯，最後仲有個甜品，非常豐富，通常大閘蟹餐只有一只，這個餐有兩只，每位都只係$188 好抵。大閘蟹雖然不是好大只，不過都好多膏。叉燒皇好多汁，脆腩仔肥瘦適中。紫菜海皇羮，好多蝦，勁足料。瑤柱金菇扒豆苗，豆苗夠晒嫩。另一個菜有翠玉雜菌大蝦球，蝦球好彈牙，翠玉瓜好脆。生炒臘味糯米飯，超好食，濕濕地不會太乾。分量夠晒足，最後上糖水，很滿足的一餐。

今晚我們一行8個人收左工後就去左火炭搵食，今次搖擺天使梁安琪 Rock Angel就帶左我地就去她推介的龍悅開餐。今次我們點了3個孖寶餐，分別有: 清蒸沙巴龍躉仔，脆皮燒雞， 果皮蒸大連鮑魚，燒鵝皇，蒜茸粉絲蒸元貝，燒味拼盤。另外點了兩個小菜: 椒絲腐乳通菜，及紅燒豆腐。果皮蒸大連鮑魚，識我既人都知我超喜歡吃鮑魚，特別是鮮鮑是我最愛，鮑魚有6只每只都大大只，用果皮蒸很香。燒鵝皇有整只燒鵝髀，味道一流，今餐其中一道最喜歡的菜色。清蒸沙巴龍躉仔，條魚蒸得剛剛好，大大條好抵食。蒜茸粉絲蒸元貝，也很不錯，不過就得4只，好像鮑魚有6只抵一點。椒絲腐乳通菜跟紅燒豆腐，很有鑊氣，通菜入晒味，豆腐有口感夠香口，超好吃。整體這間餐廳很不錯，每樣都很有水準，今晚燒鵝皇和鮑魚我最滿意。

又到年尾，我地一大班同事去食團年飯，叫做應下節甘啦，響應一下傳統ma.因為人太多，我地都有預先book 位的。入座都叫順利的。等了大約5 至6分鐘就有位了。大既都係d 執枱的時間吧。入座就正正常常甘下單，去茶樓都係食個d ga la, 蝦餃呀，燒賣呀，雞咋呀甘，無咩特別，都係order 反d 正常點心。其實都無咩太大期望，始終都係叫做街坊食店，都不會太差的。甘最後d 食物都係不過不失的。係個service 就真係差左d.叫左加水四五次都無人理，同埋樓面入漏單囉。

我的好姊妹提議到龍悅酒樓做冬， 其實我好少到這區吃飯的， 大約八點鐘到達很容易有位， 酒樓光線充足， 環境舒適， 三個人點了五道菜，有白灼生海蝦$108， 蟶子皇四隻$152， 美國桶蠔$188， 鮑汁乾燒伊麵$88， 金銀蛋時蔬$85。蟶子皇四隻～ 蒜蓉味充足，可惜烹調的時間太長， 口感偏硬。白灼生海蝦～ 白灼蝦其實沒有難道， 最緊要夠新鮮， 就一定好食。美國桶蠔～ 價錢$188但只得四隻， 份量太少。金銀蛋時蔬～菠菜這樣煮超好吃的，因為我很喜歡吃鹹蛋。鮑汁乾燒伊麵～ 伊麵做得剛剛好， 調味適中， 五道菜入面最好食係伊麵。整體來說龍悅同一般酒家差不多， 平凡的中式小菜， 間中食下都幾滋味。

星期六，例牌同媽子去飲茶，我們一行五人打算飲下午茶，所以兩點才去到酒樓，可能工廠區，星期六唔使點等位就可以入座，真開心。媽咪發板點點心，我地就坐定定等食野。嘻嘻！！豉汁涼瓜排骨炒河，這碟河粉我們每次來到這裡都會叫，因為大碟夾抵食，又好食，涼瓜唔苦，排骨好多，河粉份量都好足，炒得又好味！京式紅油抄手，我地很少食呢個點心，因為成家都不吃得辣，唔知亞媽今日搞乜鬼會叫，叫左就要食啦，味道很辣，皮厚，饀又少，真係好失敗！蟹籽燒賣皇，呢個佢又做得唔錯喎，雖然唔係好似出面有些酒樓有隻蝦响上面，但味道好好食，好像食到以前細過食開的味道！山竹牛肉球，味道都唔錯，但我不喜歡佢將喼汁分開上，搞到我唔記得點喼汁食，失左色！時菜鯪魚球，我對這個點心不嬲都冇乜好感，但味道總算合格，不過不失！千層薑汁糕，好有薑汁味，又煙靱，每次來到都不會錯過！叉燒包，包皮好軟熟，叉燒饀都夠多，熱辣辣，味道都好好，正！咸水角，新鮮炸起，好熱，皮好脆，入面啲饀都好多好夠味！芝士蝦春卷，芝士味唔係太食到，但入面隻蝦都幾大隻，又係新鮮炸起，好脆，好好食！我們還叫了一客叉燒腸粉 ，腸粉都好滑，不過唔記得影相，下次影返！

今日亞媽生日，突然下午掛個八號風球，但生日宴都係如期舉行，只好早點開席，早點給客人回家。喜慶乳豬全體，皮好薄，塊皮燒得好脆，乳豬一點都唔肥，肉質都好軟熟，唔鞋，幾好！上湯焗波士頓龍蝦，入面有三隻龍蝦，蝦蝦底仲有伊麵，龍蝦鮮味彈牙，伊麵有上湯的味道，好正，可惜啲龍蝦只係一分為二，如果十二個人食就分唔夠均，應該切件會比較方便！雀巢帶子海中寶，入面有中蝦，蝦米，北寄貝，翠肉瓜，帶子，北寄貝好爽，帶子好鮮甜，個雀巢佢同平時其他酒樓做的雀巢有點唔同，唔係一啲脆口的雀巢，似用米粉炸成，相比下用米粉炸出黎的雀巢都幾別緻。百花釀蟹拑，入面的蟹肉豐富，炸得好香，蟹肉彈牙，點埋個醬汁就梗好食！清蒸沙巴龍躉，條魚蒸得好滑溜，好鮮味！正！龍悅一品燒雞，燒雞好大隻，皮都燒得好脆，雞好滑，好有雞味，雞又多肉，但唔會太肥。紅燒雞絲花膠翅，入面都算幾足料，花膠同魚翅份量都唔算少，食落仲感覺好多骨膠原响入面，真係想食多幾碗！原隻鮑魚扣花菇，原隻鮑魚每隻都算幾大隻多肉，花菇都好入味，生菜吸晒花菇的味道都好可口！瑤柱蛋白炒飯，個炒飯炒得好乾身，面頭的瑤柱都算多，炒飯炒得好夠味！萬壽蟠桃，一籠有十二件，皮厚薄啱啱好，入面係白

今日鄉下有親戚來香港探我們，我們身為主人家，當然要帶佢地去食飯餐先啦，因為佢地好晏先黎到香港，黎到都差不多七點多，所以我們接了他們後就直接黎到呢度食個晚飯。呢度環境寛敞，可能因為呢度係工廠區，所以入晚後食客都唔係好多。我地叫完茶，就立即點菜。黑椒牛仔骨煲上枱，熱騰騰的牛仔骨淨係聞都已經香氣四溢，入面放左好多洋蔥，黑胡椒味濃郁，牛仔肉份量都好多，好惹味，唔靱，真係食到唔停。爐燒鵝量，係其中一個的小菜，係例牌份量，但都唔算少，燒鵝味道唔錯，但唔算脆皮，但都可以啦。京式片皮鴨，鴨片份量一般，唔係太多，但鴨唔肥，呢度既片皮鴨唔會切到好多肉出黎，真係只係切到皮，用薄薄的皮包住，加埋蔥同青瓜，都幾好味，食落都唔係好肥膩。龍悅小炒皇，入面有翠肉瓜，腰果，好大既蝦米，中蝦，紅椒，菜莆，帶子，口感豐富，腰果炸得好脆，蝦好爽，蝦米好大條，好惹味，翠肉瓜好爽口，呢個小炒皇都算炒得幾有火喉，唔錯！海鮮什菜煲，入面有粉絲，中蝦，北寄貝，帶子，津白，白菜，西蘭花，菜芯等等，入面有上湯令到菜入晒味，菜都好新鮮，好鮮甜，北寄貝同中蝦都好爽，帶子都好大粒，唔錯！豉汁豆腐蒸白鱔，豉汁好濃味，豆腐都好滑，白鱔有啲爽口，入味

午市服務態度極之惡劣，叫咗凍奶茶少冰，但係成筒冰倒左落嚟，我都呆左，除此之外，我個friend叫咗少甜凍檸茶，但係個水吧姨姨是但拎杯凍檸茶俾佢，仲要極甜，而我個friend日日食燒肉飯，但係佢話有媽咪麵味十分可疑。

今日父親節想去飲茶，知道四周圍都逼爆，走去呢間龍悅碰吓運氣。一向食開無乜特別。今次叫咗隻乳鴿，味道唔錯，好多汁，Yummy. 蒸魚頭同南乳豬手都比預期好味。特別要彈的是蒸排骨，d肥膏勁多，味精好勁，飲極水都唔掂。

食完唔記得影相。想不到星期六這裡也水靜河飛，八點去到還有很多吉位哦！我們十二人，叫了十二樣菜，有菜，有肉，有游泳的。沒客人上菜時間也等了二十分鐘，又上錯菜下次應不來了。

這天與家人到了火炭遊玩，晩上就找上了這間酒樓，因下周是母親節，所以菜牌也提早一周加價了，所有特價菜式也叫停，我們一行五人，見有個包括鮑魚，龍蝦的6人套餐$988(巳包茶芥加一),普通的4人餐也要,$400-500，於是就點了這個決定豪一豪。所有菜式也上齊，味道也不錯，唯獨主角開邊蒸波士頓龍蝦，於是再三催促之下终於送到，一看也心知不妙， 龍蝦蒸得過熟， 肉質非常韌， 不知是不是翻蒸，定蒸得過晒龍，很失望，而且看清楚套餐餐牌(下面很細的字)原來星期六，日要加$150,所以並不是$988,而是$1138, 這樣質素的龍蝦 ，絕對不值這個價錢。

新年前朋友出海釣魚，收穫一齊在這新年飯局分享,來到火炭龍悦酒家加工,但要收幾拾元/ 斤,收費尚算便宜。師傅煎出來的魚十分脆口，另外一種係切片放在鍋裏煮，非常鮮甜 ,另外「龍悦」本身也有出名的小菜.魚切片放在鍋裏滾熟,啖啖鮮魚微滲透在口中.將新鮮黃立倉煎封又是另外一種香口的食法.炸子雞雖然用冰鮮雞嚟煮,口感也不錯.琵琶豆腐夠新鮮及嫩滑.香煎蓮藕餅加埋鯪魚肉混在一起有兩種口感.翠玉瓜炒牛柳加入京蔥爆香十分惹味。酒樓有自己招牌的小炒，亦有一圍的菜式可供選擇.酒家在火炭站出咗港鐵口都要行15分鐘,但是要吃好嘢,就要付出,行下啦.

晚上九時，火炭工業區靜悄悄的，工作了一整天，要吃頓舒適的中式晚飯，而不想是大牌檔，就只有這酒樓！上得酒樓，竟仍熱鬧，又是另一情境！甫坐一下，即被通知截單時間是九時，下單後不能再加。於是，我們也速戰速決，先要了大斑兩味加乳豬（才$238）；然後當天優惠：飽魚半打（僅$48）；然後例湯、小菜如下示：）結果，我們叫的快，菜也來的快，就這樣辛苦揾埋自在吃，過了飽飫的一個晚上。埋單每人不到$130。抵食唷！龍躉肥美新鮮，取其鰭、尾來蒸，口感也不錯，以價錢來説，份量已算超值了！以價錢來看，瓜多魚少自是必然！但也有約8-9件，實未為過份，而且魚肉彈牙，新鮮才最重要。以$238而有二魚一飽（6隻），實在抵吃！飽魚半打，大大隻，果皮蒸之，味道鮮美！粉葛鯪魚湯，最適合捱夜的我們去骨火。現季正是吃粉葛的時候，完全沒有渣，湯很甜，沒有味精。雖然逾百元，但值得的。其實現時在香港真的很難吃到有雞味的好雞！這鳮當然也是冰鮮的，但屬每天特價，只數十元，朋友説「抵」！於是也叫了，其實炸的不錯，只是蒜不足，雞是典型時下雞：）吃完炸物，當然要加個菜：）真不明白外國人為何把皮旦選為十大噁心食物之一？他們真該來一嚐這金銀蛋莧菜

星期日晚上的火炭，除了牌檔外，要找吃的可不太易！龍悅是區內唯一的酒家，大夥兒開會後，自然地走上這酒家「吹水」去！也許是唯一之選，酒家內也食客不少。坐下來點菜，先叫了個班兩味及蒸鮑魚餐，然後再叫了個豆腐和燉湯，4個人也差不多了😃豈料10分鐘後獲告知，燉湯沽清！正在躊躇好一會，待應又來告知班鮑孖寶也沒有了！哈哈！難道4個人吃一碟豆腐？商量下，便加了個煎藕餅、白鱔煲和芥蘭炒鮮魷。千呼萬喚才找了個忙不迭的侍應落單！好一陣子，最早上桌的竟然是鮑魚，我們都呆了好一會！不是説沽清嗎？若是孖寶來了，倒要減些菜式啊！當下吃抑或不吃呢？侍應們這次干呼萬喚也不來：）總不能眼巴巴的看著鮑魚冷卻，於是我們決定舉箸斉吃，然後再努力喚侍應減單！剛吃過鮑魚，豆腐來了！我們仍忐忑地告知侍應剛才情況，並要求減單，侍應也有點不知所措地告訴我們，她新來的，不知就裡，要到廚房看看及請示經理。轉身後，經理來了，原來孖寶中的班實在沒有，鲍魚卻蒸了錯拿出來。吃了的不計數，未吃的收回！就這樣擾擾嚷嚷的一頓晚餐，烏龍百出的酒家請了我們每人吃了隻鮑魚！白鱔切的太薄，蔥多也香口，熱騰騰的佐飯也不錯藕餅夾雜臘味同煎，香脆惹味，只是稍嫌油膩豆腐

陪外國返港嘅朋友玩咗一日，本想到沙田新城市廣場食晚飯，但諗起人多又要排隊又要限時就怕怕，諗住就喺沙田週邊搵食喇。上網搵到火炭呢間酒樓，相信會少人，就駕車前往，可能到嘅時候時間略早，只得幾枱客，雖然有啲心驚驚，怕會中伏，但因為怕咗新城市廣場嘅等位情況，就決定冒險試一試 。由於我們到得早，可以選擇角落的座位，比較舒適寧靜，傾偈都方便啲。餐牌送到嚟，見到有個晚飯推介 --- 絕配孖寶，只收$228，已包括海斑二食和燒雞一隻，三個餸再加一個芥蘭炒牛肉 ，四個人夠哂食。翠玉炒斑球翠玉瓜幾爽脆，斑球算新鲜，份量都好多，顏色和味道都合格。雲耳蒸頭腩斑頭腩都有好多肉，唔會淨係得啲骨，不過如果雲耳嘅份量多啲就更好。秘製燒春雞春雞係炸嘅，但隻雞肉滑皮脆，牛肉炒芥蘭牛肉炒得嫩滑，芥蘭爽脆，味道都唔錯。埋單$410，算好抵。