龍悅 (沙田商業中心商場)

營業中

休息中

開瓶費：Free火炭區嘅酒樓做緊$88 / 3小時點心放題任食，仲包埋炒粉麵飯、小食、粥、糖水、煎炸第等等當然$15/位茶錢再加一，但係埋單$113.3一位認真超值27款點心小食，4款腸粉，8款炒粉麵飯先攞冷盤：泡椒雞腳 - 入味，爽彈青瓜木耳 - 調味剛好，而且入味春卷、咸水角、釀尖椒、炸魚餅、炸鯪魚球都有，不過要求唔好太高，炸物凍咗始終影響質素。咸水角直頭變軟淋，味道係唔錯嘅尖椒凍咗都仲依然好食，釀入嘅魚滑唔錯彈牙灌湯餃叫咗一人一籠😂真係好味，餡料有瑤柱同蝦仁，而且湯底夠味，不過再飲覺得越嚟越鹹。。。蝦餃唔係大粒，但睇到皮薄餡靚又爆，全粒都係蝦肉豉汁蒸鳳爪入味，夠淋，底下墊咗花生，真係冇hea你黑椒金錢肚蒸到夠淋又有少少咬口，黑椒汁入味，底下墊有白蘿蔔👍北菇棉花雞呢個炒有，但係材料豐富，雞肉、北菇同魚肚，油份正常唔偏多，味道夠潮州粉菓 + 糯米包兩樣味道正常發揮，粉菓皮厚少少，餡料嘅沙葛可以再多啲。糯米包冇太多特別位，只係油份唔多鮮蝦菜苗餃正菜苗量多，爽脆，整體清新過蝦餃馬拉糕冇諗過完個一籠上，非常香噴噴，好濃黑糖味咁啱又睇完Y_ _tube有條片錄到爆場，點心出唔切，食客鼓噪，而

約左朋友一點半黎食點心放題，點知一黎到，外面自取既野已經所剩無己。炸物已經冇曬，得返D炒粉麵飯，無咩人食既野，問職員會唔會再refill野食，點九咋，佢同我講未必有。好啦，為有等佢D即蒸點心，等左9左字，一樣野都未黎。問職員單個陣，仲環話你等左9個字咋，人哋等左個幾鐘都未黎，仲要講唔好再落單，D單系廚房，慢慢會出黎。等等等，好睇中途叫多2round先，等到last order 3點鐘，第一round都未黎曬，第2同第3更加唔使講，到3點3，好多人都系度講話好多野食未黎，問職員先知話廚房好多野都無曬，大佬，我未試過食放題係餓住走。仲要平時係俾人話我食得唔多嘢嘅人。

跟朋友買了88蚊午市任食，等左1個鐘都無野黎。等左2個鐘落左3round野食，第1round都未黎齊（2個女仔，落左10樣野都無），問個職員，大大聲話有枱等個幾鐘都仲等緊，係咁架啦！人就走左。連d唔使蒸一做整好的綠豆糕／紅棗糕都黎唔到。本身選擇就唔多，見住隔離枱遲落order過我地，同一樣野食都上左，我地就乜都無得食。2個幾鐘，追左幾次，個職員就答有d點心無哂啦，無辦法啦，係咁架啦！問佢有乜有有乜無又答唔到，一早落既綠豆糕同紅棗糕見都無見過。講真，你要搞任食想推生意，唔係收左錢就話無哂野食係咁架啦，有得食已經好好。強烈唔推薦，地點係火炭站要行10～15分鐘，服務員唔夠，選擇唔多，食物一般，諗唔到有乜可讚。

今日星期四上午喺openrice訂了兩位點心放題，大約十一點四十五分到埗後便揀選點心然後落單，等候第一輪點心的時間大約要二十多分鐘左右，但期間可以到出面自助區揀選其他食物，種類方面有剛炸起嘅春捲、鹹水角、苦瓜排骨、皮蛋瘦肉粥、鮑汁鳳爪同埋白雲鳳爪等，食物熱辣辣，尤其是鮑汁鳳爪與及脆炸嘅春捲，味道真的很好。跟住即叫即蒸的點心便拿來，每一件都係熱騰騰十分之好味，份量亦十足例如炆豬手三隻豬手都大大件，蝦餃同埋燒賣都十分新鮮好吃，而蒸排骨一整碟只用少量芋頭墊底其如全部啖啖肉嘅排骨，然後就係鳳爪、腸粉都係很好味道，反而粉麵飯製作可以再遲啲先叫，時間其實有三小時，真的很充足，第二輪點心亦很快就已經放上枱面，最後食埋乾炒牛河、新鮮出籠的灌湯餃同埋紅棗糕，這是很滿足的一餐，飽飽地坐到兩點半便離開。

與朋友今日來中午來吃點心放題，只是每人$88，茶錢及加一服務費另計，可以坐3小時，出品也是ok 的，這個價錢很便宜。部份食物是用點心紙剔的，部分是可以自取的。我們點了很多點心：蝦餃、燒賣、腸粉、蘿蔔糕、灌湯餃、馬拉糕、紅棗糕、南孔豬手、牛肉燒賣、綿花雞、鳳爪、金錢肚、蒸排骨、奶黃包；另外自取了：老火湯、瑞士汁雞翼、虎皮尖椒、韭菜豬紅等。大滿足~注意：放題要最少二位客人才可以光顧，時間由上午11：00至下午3：30。

7月1日香港回歸公眾假期，我哋一家三大一小，由葵涌揸車專登去到火炭嘅悅龍酒樓，目的係想試佢哋聲稱平靚正嘅點心放題。價錢係真係好吸引，但事實證明，呢個價錢背後根本係一個大伏局，浪費時間⏳、心機💔，仲令人嬲到爆😡。經過：一場伏局由等待開始 😤我哋10點半到場，門口大約有十幾個人喺度排緊隊。我哋攞咗飛，估計應該再等兩三枱就到，感覺等耐啲都唔緊要，因為想試下究竟有幾抵。但一等就等咗成個鐘頭！⏰到咗11點半，酒樓嘅知客突然行出嚟，用一個好冷淡嘅語氣同我哋講，話啲貴價點心，例如蝦餃、棉花雞已經賣曬，啲炒粉麵飯就一定有,重叫我哋唔好再等，直接去食中午散叫茶市🍵，仲話如果散叫就有得食。我聽完簡直嬲到火滾🔥，咩意思？即係話啲點心有貨，但唔俾自助餐嘅客食，只係俾散叫客？好明顯係刻意削減成本，逼客人轉單點，呢種做法真係非常唔道德🤥。現場有啲茶客忍唔住，轉咗去散叫；亦有啲嬲到即刻掉頭走人🚶‍♂️。至於我哋，覺得點都要堅持等，唔可以就咁俾佢哋「趕走」。結果喺十五分鐘之後，佢哋終於安排我哋入座。咁即係話，佢哋根本有位有安排，只係想用啲爛藉口減少自助餐嘅客人🤔。食物質素：至於食物味道，咁嘅價錢都冇乜要求,所以求其點咗

今晚跟家人試了這間［中式自助晚餐］，除左用《不知所謂》都唔知用咩形容詞來表達！服務差，食物種類少，上菜超慢！仲話任食片皮鴨，每次要等20分鐘才施捨10小塊！查問經理為何款式只上一次就沒有！經理回答：沒有貨😓😓收費每位$238，竟然仲衰過街邊2餸飯！配給式放題就差不多…..食客就像喪屍式地搶！唔怪之得打電話來預約時，收銀姐姐話不用預約的！隨時來隨時有位！這些地方來一次都嫌多！🤬🤬絕不需要考慮來

二月二十八日中午吃放題，88元，茶錢15元，連加一，一人113.3元，論點心質素不過不失，外面設有炸物、冷盤、湯飲及甜品任吃，點心夠熱，再來一碟乾炒牛河，已經非常滿足，點心送到的速度可接受，沒有漏單，服務員態度也很好。聞說最初因推出點心放題時，未能成熟應對，才弄得不太好的輿論，酒樓亦已經有所改善，值得欣賞，希望各位食客亦能與我一樣，可以吃得滿意。

今日同4個同事嚟火炭做嘢，做完嘢諗住喺附近搵食，發現呢間酒樓有88蚊點心放題任食4個鐘，就即管入去試下。喺門口等咗一陣位就可以入座，入到去第一時間睇下有咩可以點嚟食，發覺真係有成超過60樣食，咁就點嚟試下，上菜時間都快同熱辣辣，味道以放題嚟講合格有餘啦，我哋食咗兩個鐘已經飽到捧住個肚走，抵食。

今日一行四人叫佐個午市套餐，服務質素勁差，雞腳鹹到阿媽都唔得，咕嚕肉又硬又凍。燒肉又硬，點心等咗一個鐘都未上，上湯菜心是凍的，體驗勁差，以後唔會幫襯。大家小心。

今天去点心放題11点至3点，11点15分去到，点了食物，等到12点，足足等了45分鐘，也沒有一個点心上枱，其間已通知侍應跟進2次，收到後也沒有真正跟進，附近6至7枱客也是這樣，我不是個別事件，無心做放題就不要做吧，真中伏！

晚市七點入座，叫二千幾套餐，食一個鐘多D待應開始執嘢，態度非常差，上菜粗魯，客人夾菜時多次被強行轉走轉盤，全程趕收工嘅態度。食物味精極多，片皮鴨厚度一個點！最離譜嘅係套餐裏面有三隻龍蝦，上菜嘅時候，已經搵唔到任何龍蝦尾，全碟蝦殼同手腳，有個衝動想砌返三隻龍蝦，問吓侍應啲肉去晒邊！？去到九點仲離譜，竟然打放學鐘，火警鐘響足10分鐘，部長侍應處變不驚唔處理，最好管理人員睇到呢個post，用火警鐘趕客走，想客人報消防，浪費警力同埋消防力？三千幾蚊買單，貼錢買難受！香港嘅飲食業就係比呢啲害群之馬害死！

喺沙田商業中心做嘢，如果打風落雨，唔想出去外面食飯，呢一間兩餸飯真係不二之選，今日四個同事叫咗以下兩餸飯，包括：1. 黃花魚 （黃花魚冇腥味，肉質新鮮嫩滑）2. 豬手 （豬手口感適中，唔過淋亦都唔過硬，有滿滿嘅骨膠原）3. 蕃茄蛋牛肉 （牛肉有好多片，蕃茄蛋酸味超級好，立即增加食慾）4. 椒鹽蝦 （椒鹽蝦超好味，同事話連殼食都可以）5. 魚香茄子肉碎 （重口味正常魚香茄子肉碎，因為本身超鍾意呢味餸，好味）6. 翠玉瓜炒肉片木耳 （因為好多肉點都要叫返啲菜中和下，多多翠玉瓜正）7. 豬扒 （呢個豬扒係唯一唔好食的🫣，好乾同埋好韌，不過只有佢一味餸唔好食其他都超好，所以都冇乜所謂）翻食指數：💛💛💛💛💛💛💛💛🤍🤍

尋晚啱啱打完風，今日去試下飲茶，呢間餐廳之前都嚟過好多次，質素不錯。不過今次大失所望。首先，可能師傅換咗，餐牌少咗好多，小籠包都冇。我們點了賽螃蟹伊面，蒸鳳爪，牛肉腸粉，牛肉燒賣，馬拉糕，娃娃菜，灌湯餃，翠玉瓜釀鮑魚仔，水晶蝦餃，炸鮮奶。炸鮮奶明顯不是新鮮炸的，不脆不熱，而且裡面的奶都凝固了。水晶蝦餃還可以，蝦是新鮮的，但太小，而且一籠才兩個。最差是賽螃蟹伊面，伊面明顯受潮發霉，有一股很濃的霉味，根本無法下口，退了了事。其他味道尚可，但沒有令人驚豔之處，尚算正常。這家龍悅我一直很欣賞，但是疫情之後，質素突然變差，令人嘆息!

平時星期六日黎飲下午茶覺得佢D野食都ok 第一次黎食晚飯 真係有D失望... 叫左隻片皮鴨... 好唉好硬... 雖則價錢一流 但完全唔好食 直頭唔想食起身走人食過第2間....