龍悅 (沙田商業中心商場)

一家座落沙田火炭的中式酒家。對於我們經常出沒火炭的朋友們來說，算是不可多得。比對沙田翠園北京樓等傳統酒樓有一點競爭性。價格比起稻香，海港相若。由於位處工商業區，週六週日時間比較好搵位。近期推出下午茶，點心價格低至7.8, 8.8, 9.8。下午茶雙拼燒味飯26。留意到近期一些投訴，結合我們的觀察，主要是$88放題下，點心處理不切，造成鼓噪。但除了個別部長對答有時有些晦氣外，其他服務員算得上敬業樂業，沒有太多服務態度問題。點心基本熱辣辣。對得起7.8， 8.8，9.8的價格。這個市場環境，不是生意慘澹，不會把價格殺到這麼低。喜歡喝茶點心的老友記就多些支持。一些友善的建議批評也是合理。但這家酒樓絕對不是一無是處。…查看更多

第二次嚟食呢個總價$113/位嘅3小時點心放題，一嚟有巴士直達，二嚟三個人單點都差唔多呢個價點心種類唔算多，大路嘢都有齊晒，但比幾個月前少咗某啲選擇自助區嘅食物都算齊備充足涼拌有豬耳、木耳、豆角同海帶炸物有鹹水角、蜆芥鯪魚球同煎釀落子，後期轉咗做蝦春卷大部分食物都有唔錯質素熱盤有炒雜菜、豉油皇炒麵、沙薑雞腳、鮑汁雞腳、涼瓜排骨、豬紅甚至有例湯同白飯蝦餃大隻飽滿，皮略厚灌湯餃有客人覺得冇咩特色，純粹唔知點解係貴價點心。。。質素下降咗少少，豬肉成份高，冇咗蝦，但瑤柱量多，整體仲係唔錯紅油抄手唔錯，餡料正常，個汁偏向麻，微辣豉汁蒸鳳爪出色，夠淋夠入味鮮蝦菜苗餃蝦量縮咗，菜鮮爽小籠包不過不失，汁水充足燒賣一般鮮蝦春卷唔錯，卷得實淨，中間全部係蝦。蜆芥鯪魚球即使凍咗都保持外層脆度，調味較輕手…查看更多

7月食過覺得性價比高所以再光顧11 點3 去到 已經要門口等入到去其實明明大把位 攔住唔俾人入7月有食過 嗰時點心紙上嘅點心款式較多而家基本上點心紙上就冇咩好揀平時大點或以上嘅點心基本上而家係冇得叫煎炸野欠奉都唔緊要 11:25 落第一張單 12 點30 先上到第一籠灌湯餃 仲要係凍既陸陸續續上齊嘢已經係1:30 （有幾個點心漏單都唔計了）本身都未飽但好驚再落單要等多個幾鐘最後放棄出面既野食冇咩選擇 只係見大量鳯爪類同咖哩魚蛋豬皮（無曬魚蛋）咁既價錢 （88 加15 茶錢 加一） 連食飽都做唔到 質素更加唔好提 越做越差 唔值再黎…查看更多

星期四，平日的一個午餐，同老友記來吃點心放題。平日客人不多，2個人都可坐一枱，不用搭枱。每人$88，茶錢及加一服務費另計（共$113.5一人），可以吃3小時。我們吃了2個小時，已飽飽了。食物一般，這個價錢，不要期望太高。（但總算吃飽。）。可用放題點心紙任點食物，即叫即蒸，不一定點一籠，可以點一件的，但不是每樣點心都有，（連最簡單的蘿蔔糕都不在內）。也可到自助吧自取其他食物， 自助吧食物溫度保持夠熱， 春捲和鹹水角都是 脆脆和熱熱的。本人覺得自助吧食物味道還好，反而點心太鹹，連味覺不靈敏的老友記都覺有點鹹。細細件的榚點，最好吃是椰汁綠豆糕。點了兩件鵪鶉蛋燒賣，遲遲未來，臨走前，終於等到，可惜沒有燒賣皮包著的，只是放在肉上，而且燒賣肉有點實，我們只吃了上面粒鵪鶉。…查看更多

上次好期待咁去食好評如潮，但實質又貴又難食🤮嘅叉雞飯，結果大失所望！今次抱住可能會中伏嘅心情去試呢間$88（連茶位$15再加一後$113.5）三小時點心放題，點知出乎意料喎🥳 充分體現咗「冇期望就冇失望」呢句說話！用餐環境同一般街坊酒樓差唔多，枱與枱嘅距離係有啲近嘅，但都唔算迫。枱布、茶具乾淨。職員態度唔算得上親切，但都有禮貌，大部分侍應都有笑容，叫佢哋斟水、落單唔會當睇你唔到，仲會主動埋嚟收拾。最重要係，佢啲點心一半以上都可以逐件叫，連腸粉都可以叫一條，真係啱晒好似我呢啲平時飲茶乜都想叫嘅人，唔使驚因為食唔晒而浪費食物！點心質素好正常，試咗差不多20款點心，真係冇乜邊樣特別難食。個人喜歡炸雲吞、鹹水角、鮮蝦菜苗餃、馬拉糕、釀尖椒，木瓜雪耳糖水唔太甜👍🏻。每次落單，大約15分鐘啲點心就到，上到枱都仲係熱辣辣！有啲食物仲可以自取，點心未到前可以食住等！今次太飽，冇試到啲炒粉麵飯。目測隔籬枱碟炒飯賣相都唔錯，應該夠三至四個人食！自己覺得抵食嘅，平時兩個人叫五龍點心都要呢個價錢啦！建議真係要book位（兩位起），正午時間差不多全場爆滿。利申：本人並未接受店家或平台之任何額外優惠/折扣/饋贈。…查看更多