龍城冰室

營業中

休息中

一個人去食lunch，差不多兩點，人潮散去不少，搵位都易一D。快快口口食完個常餐，就返去公司繼續工作。瑞士雞翼撈公仔麵 $48豬仔包脆口，牛油已搽好在包上，煉奶嘅分量都唔少，好彩唔係太甜，想食脆豬就親熱食，凍咗會變軟身，唔好晒咗個口感；3.6鮮奶炒滑蛋，炒蛋濕濕潤潤，都幾滑，小小鮮奶香味。雞翼撈麵上碟時唔係好靚仔，雞翼入味，公仔麵麵質一般，好彩汁夠多，瑞士汁甜味都可以，好似還有少少鹵水料味。熱咖啡都算滑，咖啡味還可以，雖然我只加奶冇加糖。

一個女仔，都會煩食咩晚餐架，好彩我好中意食常餐，當然去冰室就最好不過。經過龍城冰室，人未算多，就一支箭衝左入去我叫左火腿鮑魚絲通粉餐$46先試試湯底，ok ar！夠味火腿及鮑魚絲都正常3.6牛乳滑蛋真係滑同香又濕濕地，中意這種質地牛油豬仔包醬足夠，外脆內軟

早上8點半買早餐站在門外等，一直聽不到有人叫號碼，終是我問問，收銀員話我沒有認佢，我話我聽不到，她續說這個是你的號碼沒錯呀！問題係我根本聽不到，她沒有理會我，望了我幾眼，還說下次記得認人，因為佢坐係位度叫，沒有行出來，我又怎會聽到呢！其他在門外等候的人只有幾位，點解佢唔行出來叫呢，有幾位客人都要主動問佢，又要比呢位阿姐話幾句，點解幫襯你仲要受你氣呢！另外雖然味道唔錯，但打開看看之後實在太令人失望！不會有下次啦！

今日同朋友黎龍城呢間茶餐廳食晚飯，我地叫左兩個不同既餐，分別係川辣蝦球雞煲同服務員推介的龍蝦牛柳，先上兩個餐湯，其羅宋湯，甜酸辣適中，非常開胃。而另外一個餐湯是忌廉湯，湯渣份量多，唔錯。川辣蝦球雞煲上枱時沙沙聲，大量雞件，配以洋蔥，蝦好彈牙，非常惹味，加白飯正。另外龍蝦牛柳鐵板餐，龍蝦大隻新鮮，而牛柳嫩滑多汁，好抵食，只係八十幾元。最後炸鮮魷作為小食，外脆內軟，面粉份量適中，唔會一舊舊，酸甜汁，帶出鮮味。

外遊返港最想食港式風味。下午與友人去颱風點心，晚上做完 Facial，一個人最好是茶餐廳。龍城在Open Rice 的評分最高，試了茶餐，公仔麵十分彈牙，豬排味道不錯，豬仔飽亦很脆。比較一般的茶餐室環境算是乾淨企理。

第二次幫襯，因為試過好食先再次幫襯。第一次係週末霄夜時段，所以坐無虛席，店員唔夠，所以黑囗黑面可以理解，而且食物都幾好食，今次未夠7點就到，可能係閒日又早,所以大把位，我以為可以隨便坐，門口收銀呀姐連續三聲喝住我問幾位🤫(駛唔駛呀），都無乜客，其他店員仍然黑口黑面，落單可以粒聲唔出，唔會覆一次，又唔會話好丶得等，總之行埋黎寫，寫完轉身走⋯最勁有個呀叔送餐黎，一掙批落我個頭後，完全無感覺咁，放低碟嘢就轉身走，點呀？講句唔好意思都得卦，真係今時今日咁嘅服務態度⋯

返工前食個快飯～ 最緊要快～ 來一個雞翼撈麵常餐吧 $48～不消幾分鐘先來了 3.6牛乳炒蛋 & 奶油脆豬～ 甚麼3.6 奶，其實飢詩食唔出 😆～ 淨係覺得唔嚡，有點水～ 蛋味微香～奶油豬係細碼～ 先食一件～ 外脆內軟 😌 另外一件 諗住食完個麵之後先食～ 誰知 食完麵，脆豬變成淋豬了 😆瑞士雞翼撈公仔麵～ 雖然飢詩覺得食全翼好麻煩， 不過就係全翼保存肉汁～ 令呢隻翼既入味又 Juicy 😍 肉質嫩滑， 瑞士汁甜甜的～ 有微微鹵水香料味～ 亦有很輕的麻油香～ 😚 美中不足 就是 麵質～ 雖然煮得時間剛剛好， 但不是出前一丁啊～ 麵味差一點 😆熱奶茶 茶味很濃🤩 少許澀 ～👍🏻飢 point : 7 /10

銅鑼灣 茶餐廳非常多， 但係在崇光附近的來來去去 都就是那麼幾間來過龍城很多次了， 第一次畀佢乾淨嘅門面吸引， 裏面 他為不算太擠迫， 新裝修下午茶和午餐賣相相當吸引， 我最愛他的星洲炒米和乾炒牛河， 色香味俱全， 如果散叫， 加一杯熱奶茶， 是六十元左右， 下午茶更加底40多元。下午lunch時間多數走來這一間，今日又叫了星洲炒米， 唔算太 辣， 但非常香， 而且小蝦仁也絕不欺場， 不是另外的衹有兩三粒，呢排如果在落銅鑼灣工作， 電燈著鬼抆腳走去呢一間食午餐

呢個早餐非常豐富，唔洗40蚊有禁多嘢食，真心抵，好少去茶餐廳食左快閃早餐都要特登去搵，因為我見朋友食過，比佢嘅賣相吸引到。唯一要講嘅，就係佢竟然係冇得揀雞排，得豬/牛/魚 。

🎀熊大話要去武聯🥋搞裁判野，熊妹又咁岩放工無野做，就即興銅記食個快下午茶。📍食下午茶就當然去茶記喇。銅鑼灣茶記，熊妹一唸就唸到近排出名的《龍城冰室》。📍📋下午茶款式多，小食類🥡價錢$27-$40，粉麵飯類🥘價錢$44-$53，包一杯餐飲，幾🈴理。常餐，$46📍熊大睇完一輪餐牌，想食常餐有炒蛋，沙爹牛肉通個啲，但見下午茶餐牌無，舉手🙋‍♂️問侍應，店員以為佢想要兩款餸菜的湯麵🍜，推介佢茶餐no.14自選三拼粉麵餐，又傻更更點左，好彩熊妹醒目知熊大想食的係常餐，熊大就衝出去問店員係想要係常餐款唔係粉麵款，店員終於明白，即指係大餐牌薄📗的第2️⃣頁，哦，明哂！熊大終於點對的常餐，有炒蛋，一個奶油豬，一碗沙爹牛肉通粉。另有全隻滷水雞翼撈麵，午餐肉通粉揀。好少常餐會包奶油豬，多數都係一片牛油厚多士🍞，係抵的。煉奶份量唔少，連牛油咸味，豬仔包🥖脆脆，真係無得輸。炒蛋🥚滑滑，就咁食又得，加係奶油豬上面食又得。熊大又幾欣賞碗沙爹牛肉通粉🥣，指通粉煮得出奇的彈牙，唔似一般茶記一大早煮起一大煲浸淋哂。沙爹牛肉味濃，牛肉🐮嫩滑，成件事幾唔錯，熊大茶記必點凍咖啡🍸，咖啡味香，奶味🍼又重，唔算太甜，又唔會被冰溝稀變水

餐廳內好明亮，以米黃色磚場為主，櫃同枱都係用簡約CAFÉ FEEL。裝修有別於一般冰室，花左心思裝修，觀感舒服。黑松露什菌意粉 $66意粉份量好多，兩個人既量意粉軟硬適中，口感彈牙而且掛汁，食落好creamy聞落有幽幽嘅黑松露菌香, 黑松露醬汁味道濃郁, 配上爽口嘅什菌, 味道層次豐富, 點CAFÉ特飲-$20，超抵食。見佢有個流心芝士西多士好似幾吸引，就叫來試試。西多士厚度幾厚身，有塊大大嘅牛油係上面，加埋啲糖膠落去，熱到即刻溶個隻，搽下搽下好快可以食。內裏有好大pat芝士，湧住流出嚟咁濟，食落去咸咸地少少甜，堅正。黑松露忌廉湯好重料，好濃稠，有圖有真相，黑松露愛好者會勁like美式龍蝦海鮮大餐配燒汁有半隻龍蝦、魚排、帶子、青口、帆立貝~~熱新辣辣上，倒汁落去果下仲有滋滋聲~冒晒煙鐵板就是要這樣~~海鮮無雪味亦無電到肉身都霉，幾爽口最驚喜既係個薯蓉， 牛油味香， 薯蓉好滑溜，加上個醬， 口感好豐富冰室價錢，但有呢個味覺享受，抵食~~綜合水果茶百香果加上唔同嘅水果，令到個茶甜甜地又酸酸地，鐘意飲果茶既朋友碞晒 有淡淡的百香果及蘋果味一開始少少淡 放耐d飲會更濃味 杯水果茶真係好幾好飲，

平時態度差都忍佢，因為佢間嘢距離很近， 因為本人同朋友都係食素，但係附近素食館好遠，所以趕時間只能去這裏吃， 但係佢每次招待客人都係迫埋一堆，無論乜嘢時段一定要搭枱，食完趕住你走！落單態度差，問佢攞張餐紙都嫌麻煩同畀說話你聽。話說下午茶公仔麵雙併餐，因為素食者根本冇嘢好揀，只能夠揀炒蛋+雙蛋，其他肉食根本冇辦法叫，最初佢有落過單雙蛋+雙蛋，其實本人根本唔係好想食咁多蛋，但係冇嘢可以選擇，之後佢話唔得只能炒蛋+雙蛋唔可以一樣，咁我就無奈地叫炒蛋和雙蛋 ，之後同樣地落order，今日佢又話唔得，唔可以咁叫( 其實餐牌根本冇寫唔可以一樣或者唔可以炒蛋加雙蛋 )，佢話知你係唔係食素，總之佢大哂…… 唔係一般善男信女去頂得佢順，日間不論男女態度都極惡劣+串+黑面，見住佢對好多枱人都係咁嘅態度，佢要做你生意反而你要受佢氣，夜間偶爾一個半個阿姐態度會好啲，但係好多都做唔長。佢嘅食物質素根本除咗夠熱之外味道質素係唔得！試過下午茶餐加錢改出前一丁其實根本唔係出前一丁， 麵質一食就知！以後唔使再去

一早準備黎龍城食個豐富早餐，點餐時點左沙爹牛炒蛋轉奶油脆豬，點知黎到係牛角穌，同餐廳職員反應，職員態度表示不滿，但已聽到附近客人反應常下錯單另外早餐奶油脆豬原來同常餐奶油脆豬是不一樣，早餐竟然要另外加錢加煉奶？！同常餐原來是不一樣，但餐牌寫的一樣職員回覆是:一切跟餐牌一樣！但又不相符那是怎麼一回事呢？公道來說其實他的食物質素不是說不好而是不太穩定，有時候是挺好有時候不太好食，另外員工服務態度還是有待改善吧

每逢Sogo thankyouful week 吃貨小妹都會拉埋媽咪出動 去化妝品部同超市掃貨今次揀左星期五晚收工後出動 為左快狠準 我地揀左可以速食既龍城冰室 食飽馬上掃貨非常好 即刻有位 仲有梳化位坐小妹叫左個瑞士雞翼撈公仔麵餐 配3.6牛乳炒滑蛋同鮮油奶脆豬仔豬仔包同炒蛋加埋 永遠都係perfect match個瑞士汁調較得幾好 甜度適中 雞全翼夠入味仲幾大隻下 個餐好味得黎夠晒飽肚而無菜落肚唔安樂既媽咪 果日就食全素佢叫左個蒜蓉拍薑炒芥蘭 媽咪話d菜都幾新鮮 份量十足另外仲order左碟避風塘豆腐(其實係吃貨小妹私心推介佢食 因為自己睇見隔黎枱食都好想食)豆腐外脆內軟 避風塘風味惹味得黎但又唔算太熱氣 細細粒易入口唔覺唔覺食左媽咪差不多1/3碟題外話 想讚下其中一位侍應姐姐 我地坐低時佢仲食緊meal 但見無人得閒幫我地落單佢即刻放低碗飯主動幫我地落

服務態度差，見到有好多人等位，問個收銀洗唔洗等位，佢就話唔使好快下一張到你，之後又有另一個侍應出嚟派飛，我就話你個同事又話唔使派飛嘅，佢即刻話前面都冇人係得你一個攞咋嘛，但係我明明就見到前面幾個人就攞住飛，都算佢係咁話好快好快就到，我哋枱號37佢第二個同事出泥嗌Number可以係咁嗌其他人然後再跳左我哋個Number叫39號，真係離晒大譜！以後唔會再幫襯！