龍城冰室

營業中

休息中

琴晚去咗哩間冰室食晚飯同阿媽，噉我媽鍾意食魚啊，所以叫左個豉椒斑片炒河。嗰班片，唔錯啊好我阿媽話好食，噉同埋佢嗰個豉椒炒河都炒得幾香嘅，另外叫咗杯熱檸檬茶。之於我就叫左個晚餐A餐，就系蒜蓉T骨牛扒配配飯。個牛扒薄薄地，比較軟身，唔使用好大力咬嘅，噉另外我就配咗杯凍檸檬茶。兩個餐總供價錢140元。另外呢到仲有其它選擇，好似係西多士，24元，如果大家食完個飯同埋豉椒炒河唔夠嘅話，都可以叫西多士去食，應該會唔錯嘅，我見到佢上邊有好大塊鮮牛油。

放工前朋友約食晚飯和去Shopping，同同事試過這裡的下午茶都不錯，就約好去食過速食晚餐，然後再去 Shopping. 是日晚餐有兩款選擇我們見到有袖子龍鳳球，夏日食這個菜式應該幾開胃，餐湯有羅宋湯味道不過不失主菜來到賣相都幾吸引蝦球彈牙配上袖子汁十分醒胃，白飯都食多啲，雞肉都炸得鬆脆，仍然有肉汁另外我們點選了有廚房推介的焗鮮茄豬扒飯上枱時仍然熱辣辣，真係要小心燙手，件豬扒覆蓋齊個飯面加上鮮茄醬汁，看來十分美味，切開豬扒沒有死實同乾淨淨，還保持肉質鬆軟，味道都可以過關上餐都很快，正好配合到我們速食的目標。

不過不失啦。。。。由於經濟低迷，於銅鑼灣，有很多食店都倒閉了，之前暑假前經常去的都變成了吉鋪，窮人飯堂都少了很多選擇。。。🤧🤧🤧🤧。本來想找50元以下，無奈都沒有了(唔計萬年餐牌的快餐店，食到厭啊🙄)龍城價錢都唔平架，平均都要70蚊，不過先上的檸檬茶真的大大杯(旁邊有全片幅相機做對比)檸檬片也很足。不過吃的方面就感覺一般啦。。。饅魚真係要玩尋寶遊戲，且。。。咬口真的是食之無味棄之可惜😢。2份扒餐都是基本茶記味道。。。豬扒完全不推介，干身，最重要是沒豬肉味🤦🤦🤦。

去港式茶餐廳或者冰室，最鐘意就係食佢地既港式鐵板牛扒，勝在抵食夾大件，仲有我既最愛熱奶茶。今晚就來到銅鑼灣「龍城冰室」試下佢地既鐵板牛扒。羅宋湯: 好足料，啖啖都飲到有雜菜，但亦不會過濃珍寶蒜蓉T骨扒配薯菜 $69T骨扒份量好大件，足夠蓋住大半隻碟，煎得又香又脆，牛扒肉質完全吾韌，配埋香濃蒜蓉汁，非常好食，最值得推介係個薯菜，因為佢真係成個焗薯配埋比你，仲有沙律汁，非常抵食好食!!~招牌鐵板美國西冷牛扒(五成熟)配蒜蓉汁意粉 $99西冷牛扒足足有成個鐵板甘大件，牛扒仲要可以自選幾多成熟，我就簡左五成熟，牛扒食落去吾會太老，而且吾韌，肉質不錯，仲有茄汁意粉，以呢個價錢來講，絕對低食，值得一試!!~凍檸茶: 夠曬冰凍，不會過甜熱奶茶: 用正宗黑白奶沖，好香滑，而且茶味夠濃

今日放工屋企無飯食，去到銅鑼灣又唔想用幾百蚊食一餐貴價西餐，所以揾下有咩親民貼地既餐廳，見到呢間冰室價錢唔貴，環境新淨就入左去食，因為時間好早，未算太多人，一入就有位坐門口裝修好好有復古風格，餐牌放係門口，睇岩先入去食食食下已經坐滿左8成，見到餐廳裝修簡約乾淨唔花巧，但又用左紅磚保留左舊時既風格餐廳食物有好多，值得讚係中西餐都有得揀，据扒又有小菜又有，同咩人黎食都唔使擔心唔岩食我地點左焗鮮茄豬排飯同瑞士汁雞翼，呢兩個都係餐廳推介，再加多一個蒜容拍薑炒西蘭花🥦餐廳推介果然無介紹錯西蘭花好快就到左，蒜蓉炒得好香惹味，而且唔落左好多油，健康得黎又好食，送飯一流，份量仲好足之後就到好入味既瑞士汁雞翼，瑞士汁好濃好香，雞翼又大大隻，肉質好嫩，呢個價錢有咁高質好親民難怪係餐廳既推介，如果有碗白飯，應該仲正最後就係我最欣賞既鮮茄焗豬扒飯，熱辣辣焗完即刻上菜，香味已經好吸引人，焗既時間剛剛好唔會太燶抵讚一食先知原來佢用一整塊厚切豬扒放係面，豬扒好厚好多肉汁，配合酸酸甜甜既蕃茄汁，食到停唔到口全部都好岩送飯見到佢晚餐日日唔同款而且唔係太貴，以後食飯又多個選擇

跟朋友運動完都差不多十點，兩個人都疲累不堪了，很多餐廳又已關門，幸好發現了這間餐廳，心想快快吃完就回家休息。店舖面積不算太大，但座位間都有適當距離，不會感到太壓迫。朋友點了晚餐的黑椒牛仔骨煲 $69，心想一定會很快吧，等了十多分鐘一煲熱辣辣香噴噴的牛骨煲終於上檯，原來這裡的晚餐是即叫即煮，不像一般的地方早就煮好了。牛仔骨非常惹味，份量也不少。鐵板海鮮炒公仔麵 $61魷魚、帶子、蝦、青口...用料不計成本，誠意十足，當然味道也很好，炒得非常乾身，鐵板又能保持溫度，吃久了也不會有油膩感。

只係嘜野都擺晒落餐牌度，好似有好多選擇咁，但其實一啲特色都冇，而且食物味道差劣，收費又唔係平，環境又唔舒適，比多三四十蚊可以去到間似樣啲有質素嘅餐廳食到更有水準啲食物。我朋友食左兩啖就唔想再食落去。我地食到黑晒面未食晒就起身埋單，個下心諗你間野今時今日喺銅鑼灣仲可以煮啲咁嘅劣質食物比人食，毫無誠意，仲衰過大排檔，簡直浪費食材同客人金錢。你估兒家仲可以求其煮樣出黎就過到骨呀？真心唔會再去，比錢買難受。

Went there for breakfast and I thought it's a proper restaurant so I invited my mate but they served us cold breakfast. Eggs so messed up that we didn't finish the breakfast. Noodles are so soggy like my fingers in a hot bath for 30minutes. Won't recommend x

見肚餓入呢個野食。我人都好中意食飽元貝海鮮。 見到有飽魚蝦炒飯幾好食。黎到見到原來係咁細粒蝦仲大粒個飽魚。細粒我都可以 但食左粒飽魚勁大魚腥味。咁我叫餐廳樓面過黎話飽魚好腸味。講完唔係接受睇係唔係腥味。反而係我啲鮑魚冇可能有問題係乾飽魚。係唔係你未食過飽魚走左去 我冇食過會有魚腥味既飽魚囉。。。。。。。。。。。。。。。。。。。。。。。。。。。。。。

喺銅鑼灣做完Facial，見到對面有間冰室好多人，所以就入咗間餐廳食！嗰日午餐時間大概12點唔使排隊但係都要同人搭枱，但勝在座位與座位之間唔會好迫，坐得都幾舒服。Menu非常厚，好多選擇，同普通嘅冰室好唔一樣！最後帶咗個菠菜汁海鮮焗飯，非常值得推介！啲海鮮好足料，包括有兩個手掌咁大嘅青口、魷魚、蝦仁等等！飯嘅份量都好大份，食完之後一定夠飽！自己因為夜晚冇時間食飯，所以在帶咗個韓式炸雞滿足自己，份量都算適中，大概有成十舊，唔會話炸得好熱氣！呢個龍門特飲，就係檸檬加咸青檸，再加可樂！咁嘅價錢，真係會再成日黎食！

踏入夏天的流汗節奏，參與公司的工作坊就變得更密集，來到銅鑼灣上完半日的Workshop，餓到飛起嘅時候，要享受一個男人的浪漫，少不就要選擇一間吃得飽又親民的茶記冰室!經過門口眼見龍城冰室空間感充足，環境光猛企理，正好是我享受一個人的晚餐嘅絕佳好地方店內間隔齊整，牆身的裝飾，帶點歐陸西餐廳的舒適風情。打開餐牌非常多選擇，最吸引我當然是非常吸睛的皇牌鐵板扒套餐!10款鐵板餐的配搭除了以往茶記的牛、豬、雞之外，驚喜的還有鰻魚、羊架、帶子、青口、帆立貝、還有全隻龍蝦!!!!由於被照燒汁的鰻魚所吸引，就選了在選擇困難中脫穎而出的，照燒鰻魚豬扒配照燒汁(配薯菜-即焗薯蓉)。套餐包括餐湯及餐飲，大胃王的我再另外加了牛油豬仔包(+$8)餐湯豬仔包大概五分鐘就送到!豬仔包一咬落去非常脆口!! 食到「拆拆」聲之餘能夠做到外脆內軟，+$8是必選送湯食的佳品。紅餐湯是足料的雜菜湯，是基本茶記不馬虎的西湯品質，餓鬼上身的時候，普通餐飲已滿足不了我，所以另外也upgrade 了餐飲，叫了一杯健康的冰鮮果茶慢慢嘆，杯內有好足料嘅切粒火龍果、蘋果、橙及檸檬等，夏日炎炎能在冰室內飲到一杯清新的生果茶，是銅鑼灣吵鬧市中休

邪惡的同事走來我枱頭寫上下午茶，放工一夠鐘即閃，趕得切來個下午茶餐，今日食邊間好呢？看了幾間最終揀左這裡，冰室裝上了掛燈及假窗花充著滿懷舊氣氛。跟得邪惡同事走去下午茶，緊係要叫番個邪惡的下午茶啦。。。。。。炸雞肶拼沙律賣相吸引之外連雞肶外皮炸得香脆裡保持肉汁，食得出是生炸的，值得我等了一回，沙律內有薯仔，雜果同栗米。叫了一杯凍檸檬茶走甜少冰希望減低自己的罪疚感。看到隔離枱叫了豬扒飽拼沙律看落十分吸引，下次再來要試試先得。

二人到銅鑼灣龍城冰室午餐，午市有五個餐可供選擇，選了豬扒飯（亦可選意粉）配紅湯$58，凍飲加$3。對面有一對日本人，可惜lunch set menu沒有英語。我們向對方解釋餐牌及展示圖片，餐廳亦找到認識英語的同事。食物約10分鐘後送到，份量較平常少，但豬扒非常大塊厚肉，味道不錯，有飽足感。飯粒尚算分明，蕃茄及蕃茄汁略嫌不足。凍奶茶冰塊較多，味道普通。餐廳環境乾淨衛生闊落，服務員態度不錯，上菜迅速，可以一試！

同朋友喺銅鑼灣行完街，入左間冰室醫肚，估唔到會帶到驚喜比我地。我哋一人叫咗一個飯，有一個焗咖喱薯仔豬扒飯，另外一個係招牌石鍋鮑魚帶子炒飯。石鍋炒飯一上枱已經好香，我哋都要即時搞一搞佢避免啲飯痴底。另外，鮑魚同帶子嘅數量都唔少。鮑魚嘅口感令到個炒飯更加有層次。帶子亦都唔會整得過熟，食落唔會有老嘅感覺。另外蔥同蛋更為個炒飯增添左香味。我最欣賞嘅係，餐廳冇因為炒飯用咗名貴嘅食材，而忽略咗飯本身。炒飯炒得好乾身，每粒飯都有上色，而且飯粒鮮明。食到最後，有少少飯比石鍋焊到有焦香，十分好吃。咖喱焗飯方面，咖喱汁能夠覆蓋所有飯，因此飯唔會焗得太乾。飯嘅軟硬適中，炒飯底更加增添左香味。醬汁方面，咖喱味濃烈，唔會太辣，配飯食十分惹味。豬扒肉質鬆軟，而且每舊都係厚切，口感倍增。飲品方面，叫咗港式凍奶茶同凍檸茶。奶茶茶底都幾滑，凍檸茶則夠哂冰凍。Menu:

同朋友行完Sogo，去咗位於謝斐道500號嘅龍城冰室開餐。冰室環境時尚優雅，空間感大，感覺悠閒舒服，遠離鬧市嘅緊張生活。餐廳營業時間早上7：00到凌晨2：00 早餐、常餐、下午茶餐、晚餐及夜宵選擇一應俱全。雙拼三文治(芝士、蛋)烘底三文治外香脆內鬆軟，夾著蛋味香濃加半融芝士，厚厚的口感非常嫩滑。海鮮雜菜煲爽脆通菜，鮮甜菜心、芥蘭同西蘭花上鋪滿鮮魷魚、蝦仁、青口同魚柳。簡簡單單，味道清淡而鮮甜，適合愛健康人士。西蘭花、芥蘭嫩綠腍甜。招牌石鍋鮑魚帶子炒飯用石鍋盛載著嘅炒飯，上檯時已飄來陣陣香味。米飯粒粒分明色澤均勻金黃，椰菜粒、雞蛋加蔥花感覺清新不膩，已帶出炒飯嘅美味。最特別係炒飯中再加入數量不少嘅小鮑魚同帶子，口感大增，名貴又惹味，平凡中提升貴氣！石鍋熱度令底層飯粒變微焦，又多一種煙韌嚼勁和焦香。今餐好滿足，難得係銅鑼灣高消費地方找到一家價錢貼地，服務質素高嘅食市。值得再來光顧！