龍城冰室

營業中

休息中

今日係銅鑼灣行街,見到龍城餐廳就入去試下啦,一入去員工即刻幫我地量體溫,係疫情嚴重既時候佢地既衛生真係做得好好, 令我食飯時放心D食,員工態度都好好.甘第一道餸就叫一碟避風塘豆腐同埋腐乳通菜.先講豆腐,豆腐炸得好香口,外脆內軟,作為頭菜就真係一流,之後就係腐乳通菜,腐乳味唔會太濃,菜都唔會鹹,比起預計中會清淡,但絕對好食,依兩個頭菜都好開胃,十分推薦大家試下. 再之後就係叫左焗豬扒飯,豬扒好軟,唔會好難咬.分量都唔會過多或過少,亦都無焗燶既情況,配上茄汁真係一流,之後就叫左一個西冷牛扒,牛扒熟度啱啱好,唔會過熟變得無哂肉汁,佢既薯菜係薯蓉,薯蓉配上芝麻醬,真係好好食.而且分量亦都好夠,唔會怕食唔夠或者食剩好多變浪費

最近放冇薪假╮(￣▽￣"")╭ 真係多得佢唔少。因為我成日出去食嘢，攪到又肥咗╮(╯▽╰)╭今日我就去咗一間茶餐廳，嗰吓我個心好想食西多士喎，於是喺冇睇餐牌嘅情況下，是是但但咁叫咗個西多士餐。坐定定就順手攞個餐牌一睇啦，先發覺原來有兩三個西多士餐囉。有普通嘅花生醬，又有咩芝士流心西多士ಠ_ಠ咁個侍應比番張打印單我，我拎嚟一睇，先見到原來佢落咗我係芝士流心西多士，多兩蚊($34)。不過算啦，我見自己未食過咪試吓囉，當食新野，不嬲我都勇於嘗試٩(˃̶͈̀௰˂̶͈́)و佢個賣相同普通嘅西多士一樣，不過我不得不讚佢哋啲料比到足，有勁多芝士漿流出。可惜我想食嘅係普通花生醬西多士，所以點都好，我都俾唔落高分佢哋囉。

自從呢個疫情日趨嚴峻之後，都少咗好多出去食飯，今日係銅鑼灣做完野，順便食埋個快飯先翻去！見好多人叫呢個全日餐，下次試下先😋是日中湯係冬瓜薏米煲豬骨凍檸茶叫咗少冰，出面有部分餐廳係叫少冰嘅時候係唔會將糖水嘅份量都減少，以致少咗冰但係杯嘢勁甜，好彩呢道飲落甜度適中👍🏻呢個枝竹斑腩煲配一個飯，果然係茶記份量，一啲都唔細份，枝竹同斑腩起碼各有各7-8塊！即使兩個人分嚟食，都唔洗爭😝斑腩炸粉唔厚，魚好淋，啖啖肉，正😋而呢個豉椒炒河嘅份量比剛才嘅煲更多！配菜啲洋蔥、青紅椒、紅蘿蔔嘅份量同排骨一樣咁多，河粉又偏大條、厚身，汁夠多，整體食落唔會乾身，真係大件夾抵食呀！最後我地兩個細食嘅人都食到撐住個肚走呀！滿足☺️

依家好多冰室茶餐廳都係藍店😟想食常餐小炒或者下午茶可以去邊呢?!呢間龍城冰室雖然外表睇唔出佢係黃店 但係食物質素非常ok 有幾間分店 值得幫襯😙👍🏻 我最鍾意食呢度嘅常餐🤤佢地瑞士汁雞翼撈公仔麵$49 非常足料 有兩隻雞全翼 次次都食到我好飽🤣今次叫咗沙嗲牛公仔麵 $48佢哋做得最好嘅係會配豬仔包唔係普通多士😍 烘完配埋牛油同煉奶係最正嘅港式風味💕 平時好多豬仔包都要單嗌 所以佢跟餐就覺得好抵😛沙嗲牛肉唔會韌又有好多片 沙嗲味都濃 送埋個公仔麵食就啱啱好😋 炒蛋正常發揮 熱奶茶都不過不失 未到茶香奶滑但係都有一般茶記水準👌🏻P.s. 朋友個櫻花豬柳公仔麵我哋都覺得有啲怪 可以唔使試🤣

大瞻講句銅鑼灣區內九成茶餐廳我都去過「龍城冰室」我幾經常幫襯，原因就是坐得舒服、價錢合理，份量十足等。不過通常來吃下午茶，今日同老友吃個快閃晚飯 。先探熱、後入座 老友話疫情影響下，要少肉多菜習慣。於是揀了幾抵食 $148 二人中式套餐。小菜有成廿款咁多，梗有兩款岩自己，健康小菜選擇都有吾少，共識下兩款小炒都配大量蔬菜。「蝦球西蘭花」、「時菜斑腩」先奉上熱辣辣的中式湯水「青紅蘿蔔煲豬展」火喉足，清甜順喉，好岩轉天氣飲。「蝦球西蘭花」例牌份量，兩個人絕對夠食，蝦球十分彈牙，而調味上下了功夫帶出蝦仁的鮮味，西蘭花脆綠爽甜，不油膩，感覺非常健康。「時菜斑腩」也同樣用上西蘭花，加上薑片和黑木耳炒，可以辟去魚腥味，大大片的斑腩彈牙可口，我個人而言喜歡「時菜斑腩」多一點，配絲苗白飯，一啖餸一啖飯，很快清碟。

現在我一聽到，坊間又有港式茶餐廳，在晚餐餐牌裡面提供「肉眼扒」，又或者是其他牛扒菜式的時候，第一時間就立刻進入餐廳裡面看看，但是光顧完餐廳和離開餐廳之後，我立刻又為了自己決定而後悔了。因為位於銅鑼灣「謝斐道」的「龍城冰室」，「龍城冰室」當晚晚餐裡面剛剛提供了「厚切紅酒汁肉眼扒」，「龍城冰室」的「肉眼扒」製成品邊緣位置口感還未算被煎到最熟最硬最韌。但是我拿着餐刀，一切到「肉眼扒」的核心部位位置，就立刻發現「肉眼扒」核心裡面的牛肉，還是被廚房師傅煮到完全熟透，口感韌得不容易輕鬆咬開和咀嚼，更加不用講怎樣去吞嚥它下去了。或許要煎好厚切的牛扒，比煎好薄切牛扒困難得多。至於「厚切紅酒汁肉眼扒」表面上的所謂「紅酒汁」，也不見得比「肉眼扒」好得了幾多，因為「紅酒汁」的味道偏鹹，不像傳統的「紅酒汁」裡面的甜味。綜觀銅鑼灣「龍城冰室」晚餐的食品「厚切紅酒汁肉眼扒配意大利麵」，唯一值得稱讚的口感，算是可以造到比較好，伴着肉眼扒一起上碟的「意大利麵」。雖然「厚切紅酒汁肉眼扒配意大利麵」裡面的紅酒汁味道偏鹹，但是偏鹹的紅酒汁，沒有令意大利麵的味道都完全變鹹，而且意大利麵的口感算不是很硬，勉強能夠咀嚼了。至於「

今晚約咗朋友睇戲，因為距離開場仲有時間，所以諗住附近揀間茶餐廳。呢間位於謝斐道既龍城冰室近戲院，位置就腳，同埋望落寬敞，所以即管試吓。門口餐牌有個是日晚餐，有炒飯、雞扒或者牛仔骨等，配埋湯同嘢飲，價錢$50至70左右，不過我地比較喜歉小菜。西蘭花炒帶子 (⭐⭐⭐⭐⭐)最近因為減肥，所以點蔬菜。西蘭花係我地既必選，又有營養，所以點左。呢碟菜感覺唔算太油膩。炸豆腐 (⭐⭐⭐⭐💢)我朋友鍾意食熱氣野，揀咗脆炸豆腐，份量輕盈，價錢唔係太貴，於是一試。黑松露蝦仁炒蛋 (⭐⭐⭐⭐⭐)炒蛋都幾滑，有少少蔥，增加味道嘅口感層次，賣相色澤都唔錯。餐廳嘅裝修都幾有格調，吊燈同埋牆壁掛畫，令呢度唔似普通嘅茶餐廳，反而似咖啡室，適合傾計。不過時間所限，我哋食完就走。總體而言，感覺唔錯，價錢又不算太貴，同朋友相約可考慮一試。~~~~~~~~~~~~~~~~~~~~~~~~~  龍城冰室 銅鑼灣謝斐道500號維安商業大廈地舖推介菜式: 西蘭花炒帶子👍🏻環境特別👍🏻地點方便

放工同朋友去銅鑼灣，行左一陣諗住搵啲野食下。謝斐道呢間龍城冰室，我地第一次黎，見係一間相對有裝潢既茶餐廳。黑松露蝦仁炒蛋，蝦仁都幾新鮮，細細粒但都幾多，炒蛋幾滑，配埋濃郁既黑松露味就幾唔錯。西蘭花帶子，因為貪健康所以嗌咗蔬菜類。帶子係我同朋友嘅最愛，配埋西蘭花好正。西蘭花嘅軟硬程度適中。脆炸豆腐，熱辣辣好香口，雖然有少少熱，不過食落小心啲就可以，唔會食到好飽，作為前菜係唔錯嘅選擇。飲品方面，點左紅豆椰汁冰，另外仲有青檸梳打，茶餐廳必選。見到餐牌，每週晚市有個推介菜，好平，分別係$28至$48，視乎邊一日可以有一款。選擇例如有鮑魚、龍蝦、開邊蝦或者泰式青口，不過由於太飽，所以我哋都冇再點啦。

又到左收工嘅時候～ 因為之後有野做，所以是但係附近搵左間茶餐廳食就算，見呢間環境幾光猛同埋都有客就入左去😂嗌左個是日晚餐：韓式醬烤BB豬肋骨，揀左配意粉，同埋有得跟中湯/西湯，加餐茶（$69）羅宋湯幾好飲，多蔬菜嘅，如果多少少辣味就仲岩我口味！個燒豬肋骨份量都幾多，雖然呢道送都係骨多，但唔好講笑食完佢加意粉對一個女仔黎講都幾有難度😂其實我覺得就唔太似韓式個啲咁啲骨會掛到汁，呢個嘅汁係偏浠少少，不過嗰種甜辣味道就好接近！咖哩海鮮飯，呢個唔係是日晚餐，加錢先有湯！（$65+6）咖哩好重椰奶味，辣味反而唔重，怕辣嘅都食得！咖哩同薯仔真係好夾。海鮮都有好幾款（魷魚，蟹柳同蝦之類），再撈汁送飯👍🏻

約咗人附近交收 佢遲到我地唯有食住晚飯等佢啦 揀左呢間冰室 快靚正叫咗咖哩牛肉飯呢個價錢算非常相當合理牛肉都幾多塊 而且味道幾正宗 又有我鐘意薯仔係內面 個咖哩汁簡直係一流 配飯食曬朋友話好耐無食過鐵板餐 佢話鐵板牛扒一定比唔上西餐 所以就叫牛仔骨過口癮 牛仔骨配黑椒汁真係天作之合我見朋友嗰啲牛仔骨都好多有成五六大塊 而個蕃茄意粉都幾有誠意 唔用茄汁 反而加新鮮蕃茄 意粉仲係有咬口 唔會糊晒坐得幾舒服 侍應們都幾快手又幾好禮貌 有時怕去茶記就係怕左串串貢伙記

今日約咗兩個朋友睇戲前食飯 呢間餐廳都幾近地鐵站夠方便 行過見坐左唔少人而且食物選擇種類都好多以下幾樣食物咖哩牛肉飯鐵板黑椒牛仔骨鳳梨咕嚕肉發現佢近排做緊一個推廣食滿$180就可以加$38要一款指定菜式我哋當晚呢個係秘製13香鮮蝦煲鐵板餐有跟餐湯同飲品紅湯就係羅宋湯送上 之後鳳梨咕嚕肉都好快煮好咗啦 都幾大碟 好夠脆 味道調得好 仲有唔少菠蘿酸酸甜甜好好味 轉頭就到咖喱 非常惹味 撈汁配飯無得輸 牛肉起碼8 9大片 冰室食咖喱都真係唔錯選擇之後熱辣辣嘅鐵板就送上嚟啦牛仔骨有成五六舊都幾多肉 配埋黑椒汁就味道非常之濃郁 我哋揀咗配意粉估唔到佢個意粉煮得咁好唔會煮到林曬 上面竟然用咗新鮮蕃茄真係要大讚呢個13香鮮蝦煲就真係超級超值以為呢個價錢應該得幾隻蝦估唔到有咁多重點係味道非常之好味 雖然你問我13香係咩我真係數唔曬但係 確實幾特別希望佢之後再會有出呢啲價錢優惠啦手

今天第一天上班💼下班之後，過來銅鑼灣好好慶祝一下🎉之前找工作時候一直沒有胃口，所以，今晚需要大吃一頓，安撫一下身體和心靈我之前一直吃他們家的下午茶和常餐，今天試試鐵板燒牛仔骨🦴果然沒有讓我失望份量夠大，牛肉很嫩，烤得到位，彈牙且夠勁到。把黑椒汁焦在滾燙的鐵板上，切下一塊肉，蘸著醬汁，一口咬下去，肉汁和牛油充滿了口腔。特別滿足，且有小小罪惡感😎叫了兩杯飲品，這一頓，吃了一整天的熱量冬天已經慢慢來臨，身體是不是要囤積脂肪，抵抗寒冷呢😂😂😂😂北海道牛乳和熱朱古力都很讚，入口很滑，配上奶油豬仔包，又是一種味覺享受，把麵包沁入牛奶裡面🥛，再咬下去⋯⋯這種感覺，會超級幸福沒有什麼事情是一頓飯不能解決的，實在不行，就吃兩頓！

嚟到銅鑼灣又食冰室呢間龍城冰室之前食過一次今次就試吓其他嘅菜式菜式相對比較多同埋價錢都比較實惠咁岩係晚市時間一於試吓佢嘅炒粉麵同埋小食呢個避風塘豆腐整得幾野味個炸皮唔會太厚之餘個口感仲維持得幾好分量來講都算唔少而呢個蔥燒牛仔骨嘅味道亦都唔錯一碟入邊亦都有成7塊牛仔骨肉質方面都有牛味但會有少少韌不過以咁嘅價錢黎睇CP值都叫做高然之後就叫咗個鐵板公仔麵炒豬扒豬扒整得相對好食肉質比較多汁而個炒麵炒得幾有鑊氣加埋鐵板上keep住個溫度已配菜方面加咗少少嘅抄蛋同埋芽菜亦都令到成個炒公仔麵嘅口感上升加上上菜嘅速度亦都好快亦都可以同一時間上晒叫嘅餸如果想快快脆脆搞掂一餐嘅嚟冰室食嘢真係一個唔錯嘅選擇至於價錢來講喺銅鑼灣食晚飯兩個人來講都算幾平

市面上茶餐廳和冰室很多，今天有機會到銅鑼灣的內街試試這家。店面招牌很醒目，看得出有花費裝修得吸引途人，而且也很大方地把晚餐價格和優惠選擇放在門前讓人參閱。店內也裝修得很有格調，燈光很柔和，空間感也很好，坐下不會有侷促的感覺。自助餐具的抽屜非常整齊充足和乾淨，值得一讃啊。忘了門口的晚餐餐牌也不怕，桌上是有印刷版的。同時也有大大本的Menu，可以點鐵板餐和常餐等冰室特色美食。冰室的冰，是飲品來的，很欣賞這裡有各種新式特飲。看得出有跟貼潮流的果茶和熱情果飲品，不過筆者不好這味，點了薄荷朱古力咖啡。叫了一個鐵板餐加特飲（可以減10蚊）。飲品很快送到，咖啡香濃，即使是凍飲也有香味，朱古力讓它更滑一點，甜味也中和一下咖啡的苦味。薄荷味則把味道變得清新解渴。鐵板餐送中湯或羅宋湯，湯料食得到牛肉和蘿蔔洋蔥等，湯味道較鮮甜，我以前是在其他地方喝過很辣的羅宋湯的> <這就是筆者點的餐了。是一個在別處少見的燒汁鰻魚配豬扒鐵板餐。鐵板餐當然少不了淋汁後吱吱聲那個過程，可說是一種享用鐵板餐的儀式呢。這個價錢有這麼大塊鰻魚也很實惠了，打直看也挺厚身。燒汁吊一吊味後入口鮮甜，鰻魚味正常發揮，在口腔滲

今日收到老婆大人CALL 我地訂既港記綠豆糕已經到, 放工即落去銅鑼灣拎, 拎糕前趕快去醫醫肚....見餐廳不太多人, 唔駛等位又光猛, 就係去食鐵板豬扒炒烏冬 $61鐵板上熱辣辣, 食耐左都唔怕會凍, 豬扒鬆軟入味, 豬扒跟烏冬炒在一起味道非常匹配，惹味非常。餐飲叫左杯凍奶茶, 其實加$9 都不平。