鼎泰豐 (已結業)

不是第一次在港吃鼎泰豐，每年都總有些時候想來吃吃小籠包，尋回台灣寶島的味道。小籠包一貫的出品，60元6小隻。6隻外型統一，不大不小，剛好一口一隻。外皮不會太厚，而且上頂的收尾平均，不會令人有一口麵粉的感覺。內裏的肉汁豐富鮮味，不會有過份的豬肉腥味，豬肉饀亦有肉質感，水準以上。另外餐桌亦細心提點客人醋汁和醬油3:1比例，配上薑絲，令小籠湯包更錦上添花。豬扒湯麵60多元，豬扒是已剪好和另上的。豬扒炸得不會太油膩，而且充滿胡椒味，吃下去有點台灣夜市的感覺。而湯麵方面，湯是普通的清湯，淡淡的，而麵條是幼身麵，即使在湯中放久一點，仍然不會過腍。牛肉麵索價80多元，比同場以台灣牛肉麵作招徠的小王牛肉麵貴約20%。可是牛肉麵的湯只有淡淡的中藥味，惟不會太重口味。牛肉方面，肉有兩塊，筋有一整塊，算是分給少，肉質有點難咀嚼，但尚算入味。麵條跟豬扒湯麵是一樣的。這裡每人9元茶水費，但茶水質素卻有待加強。

見新港嗰邊分店長期排長龍，就走過嚟呢間試吓，諗住唔使排隊，果然由夜晚七點到十點入座率最多都係得七八成，入座之前講過既個半鐘頭趕你走嗰啲嘢，蒜狗掃把啦。四喜烤麩，勁細碟，烤麩味道亦都太甜同埋太淋。小籠包 keep 到，都係 keep 到無乜特別，皮無錯算係夠薄，但係內裏湯汁唔夠，餡料亦都唔夠味道，好懷念小揚生煎。蘿蔔絲海蜇，都係勁細碟，味道清新，喺味道上黎講都唔錯。醉雞，酒味唔濃，雞肉梅鞋，果真最雞。牛肉麵，君子清湯淡如水。另外有個無影相既紅油抄手，啲餡硬實如鋼，可幸醬汁味道還可。我地三個完美身形嘅美少女同埋兩個奀挑鬼命既小鮮肉，都總共食左三個麵，一個飯，三籠蒸野，一個湯同埋三個 “ 小 ” 碟先至覺得有少少飽，雖然咁嗌法都唔洗兩舊水一個頭，但係分左三圍用膳呢個體驗確實新奇。不得不提侍應姐姐態度殷勤，反應迅速，笑容可掬，挽回分數不少。

好內冇食鼎泰豐 又經過尖沙咀 咪食囉。小籠包～ 都保持到一貫水準既。皮唔會太厚 湯汁幾香肉味 夠熱。紅燒牛油麵 ～ 普通。麵質太腍 湯底冇咩味。勝在牛筋牛肉麵好軟熟既。菜肉紅油抄手～ 簡直no good. 菜肉餃好乾好硬 辣汁冇咩味 只有點微辣 唔香。限時1.5小時 不過麵坐唔滿 所以冇被人趕走。

喺香港的鼎泰豐好耐無去了，最近一次都係去咗台北嘅鼎泰豐，不過都覺得麻麻地！這次係尖沙咀就找食，路經美麗華見到，而又有位！試一試吧！當晚有點早，所以好多位，但轉個頭全部full晒！但死心眼選左上海燻魚$58，幾多魚骨，肉質鬆散！好彩其他都不錯！乾拌菜肉餛飩$58，配合而家返多菜少肉！唔少得小籠包＄60真正的皮薄饀靚，內裏還有湯汁！酸辣湯$52，不會杰撻撻又不會過辣！味道香辣！油炸排骨$52很怕食的豬扒係乾爭爭及油淋淋，但這個帶點juice!再行去佐敦食埋甜品先回家！

突然想食上海嘢，第一間諗到嘅就係鼎泰豐！6:30就嚟到，所以唔洗等，直接有位［小籠包，$60］嚟鼎泰豐要食小籠包是常識吧！鼎泰豐嘅小籠包出名有「黃金十八摺」，摺口厚度啱啱好，口感佳。我鐘意將小籠包浸喺醋入面等佢攤涼少少，然後整個放入口咬開後鮮甜肉汁會爆出嚟，正不過今次發現小籠包皮嘅厚度參差，有啲都厚到見唔到入面嘅餡［油炸排骨湯麵，$62］排骨有胡椒味，十分之香，但就比較油，亦唔脆。而麵就有少少過腍。［菜肉紅油抄手，$50］菜肉餛飩皮薄餡靚，但個紅油令我有少少失望，因為只有微辣，辜負咗「紅油」呢個名但最後要讚一讚，侍應嘅服務態度都幾好，好有禮貌，又有笑容

This is the first time I have been to din tai fung outside of taiwan however the taste is fairly similar and for the quality your getting I don't mind spending a little extra for the experience.We arrived at the end of lunch period so we were seated almost immediately as the lunch rush seems to end 1 hour before lunch finished.I basically took some people who were mainly use to Japanese style Gyoza and never really experienced steam Chinese style dumplings before and they were basically hooked,

自鼎泰豐於香港開業以來，一直沒有特意造訪。結果這天與數位好友聚餐，剛好大家都特別想吃中式菜，就選了這間榮獲米芝蓮一星的小籠包食堂。為了避開人潮，我們沒有到鼎泰豐於新港中心的首家分店，而是來到了美麗華商場的新分店，所以只須等候五分鐘便可入座。餐廳的格局與中式酒樓相似，大堂中擺有多張圓桌和數張卡位。桌椅皆是木製而成的，感覺傳統，但座椅卻沒有任何座墊，所以未算舒適。每張桌椅之間的距離有點近，而整個大堂於晚市時間都坐滿了客人，十分熱熱鬧鬧。餐具和餐牌預先擺放在桌上，而清一色白色的餐具感覺很潔淨！茶壺裡面的香片茶，味道清香而入口甘醇，很好喝！作為國際性的連鎖餐廳，鼎泰豐於世界各地眾多城市均有分店，確實是十分彪炳的成績！吃小籠包和餃子所須的醬油和醋也同樣預先放在桌上供客人使用，而更重要的，當然是這一張正宗小籠包食用指引！【原味水晶肉】在品嚐小籠包和其他熱食之前，我們先點了一客原味水晶肉來試試。水晶肉的口感十分滑溜，而味道咸香，又不會太過份，很不錯！雖然水晶肉裡面肉的份量不少，但皆為肉碎，令口感和味道失色了一點。【小籠包】令人期待的小籠包於落單後不久便送上，但也是熱辣辣的，十分吸引！小籠包的外皮很薄

次次有遠方嘅朋友嚟，大家都不約而同要食呢間，真喺唔明點解 經過上次嘅經歷，都喺食lunch好過dinner！Lunch嚟真喺無噤多人，好快就入得喇 因為上次覺得小籠包麻麻，所以今次就避開咗！菜肉紅油炒手嚟喇！都幾大隻，數量都夠 食因為係辣油嘅關係，食嗰時係會有啲嗆！陣辣味食完之後都keep到，咀唇仲有啲火辣添！不過菜肉就麻麻地喇！太實又太淡喇，應該都要調一調味 另外叫咗個蝦肉煎餃，底部煎得香脆，頂部保持住水份！不過都係蝦肉無咩味，要靠點醋先有番啲味！想食香口啲，叫咗個蔥油拌麵，蔥油加埋底部嘅汁撈埋一齊食，但味道好淡，一啲惹味都無 麵質都係一般！台式酸辣湯喺親友摯愛，我就覺得半桶水！不過料喺夠嘅，有豆腐絲、木耳絲等等，都係差咗喺個調味到，又唔夠辣又唔夠酸，飲咗一碗仔都收手喇 最後叫埋個清炒菜心就收手喇！呢度嘅菜都幾靚，真喺一分錢一分貨青青綠綠又唔老！唔駛點豉油同蠔油都ok！發現同行嘅親友覺得調味雖然偏淡但都還可以接受！但一致認為名氣過大喇！

經過美麗華的鼎泰豐就入去吃個小籠包，因為較早不用等位，但晚飯限時個半鐘。那天不太肚餓，只點了少許，整體都不錯。                                                       紹興醉雞，74元。坐下見到周圍很多人都點醉雞，就跟著點。醉雞夠入味，有很香的紹興酒味又不油膩，不錯。紅牛湯麵，43元。因為不想吃太多肉，就點了個剩湯麵，牛肉湯幾香。絲瓜蝦仁小籠包，58元。餡料有絲瓜蝦仁，見到特別就試試看。入口上湯有絲瓜香味，感覺很清淡，但普普通通，因為個人還是較喜歡原味的小籠包，這個試過一次就算了。

上次去台灣無機會試，今次趁同朋友响美麗華商場逛街，便順道一試。因為還要回家吃晚飯，所以只叫了醉雞、小籠包。1. 紹興醉雞($78)…酒味濃，肉質嫩滑!2. 小籠包($58/6個)…湯汁比想像中少!另茶、水每位$9。

今晚跟一家之煮跟大胃王逛街街，大胃王說，他很久沒有食過鼎泰豐，所以今晚就陪他食鼎泰豐啦～六時到達的關係，不用等位，可以立刻入座～ 今日很幸運呀，被安排到窗邊位，可以看到綠油油的九龍公園，很舒服呀！大胃王太耐沒有食過鼎泰豐，所以我們想也不想，把餐牌掉給他就是了~~不消一會，餐點就上場啦~酒糟鴨舌，鹹香爽口，酒味淡淡的，不好杯中物的也可以食~ 不過，小妹認為，酒味濃一點會更美味呢~蒜香粉皮肉，切得薄薄的豬肉，味道濃郁，加上惹味的蒜泥辣油及清爽的青瓜絲，辛辣中又帶點清新，底下的粉皮更是不容錯過，爽滑香辛，美味呀!!蟹粉小籠包，籠中有一隻可愛的小蟹子以茲識別，鼎泰豐的小籠包一向做得不錯，皮薄而不黏，湯汁豐富，肉餡鮮嫩可口，添上了蟹粉，令小籠包更為鹹香鮮味，更吸引呀!!香菇素餃是一家之煮的至愛~ 餡兒是香菇菜蔬粉絲，切得細細碎碎，雖然是素，但味道剛好，香菇的鮮味，比肉類更吸引!! 最重要的，是要蘸一點點香醋，這樣令餃子的味道更為豐富美味~~菜肉紅油抄手，菜肉雲吞隻隻飽滿，菜肉比例剛好，辣油蒜蓉微辣帶甜，跟雲吞伴著吃滋味非常!油豆腐粉絲湯，粉絲爽滑而掛湯力十足~ 粉絲湯中除了有油豆腐外，還有腐皮豬

美麗華新開了一間鼎泰豐，空間更寬敞，座位數目更多所以等位時間縮短了很多醉，於是跟家人到來一試。醉雞這兒醉雞比較傳統，酒味好重，雞肉好嫩滑，好彈牙，啖啖肉好滿足，是媽媽和妹妹的至愛。鮮蝦紅油抄手蝦肉和豬肉比例尚算平均，但偏好重豬肉味，個汁好惹味，豉油幾鮮味。炸醬伴麵這是我至愛，惹味的肉碎粒、豆乾粒和毛豆配上鮮味的醬汁，拿黎撈麵確是一流！麵質彈牙，唔會有糊口的感覺。炸豬排飯炸豬排仍保持肉質，外層又不失香脆，蛋炒飯炒得很乾身，粒粒分明，配上香蔥，層次豐富。 

原味水晶肉：冇肉味淨係啫哩口感蒜香粉皮肉：好少蒜味、粉皮冇乜口感、肉反而幾好小籠包：湯嘅味唔夠出、加上唔夠熱油炸排骨湯麵：排骨幾好味、湯麵份量太少台式擔擔撈麵：太重花生醬味整體嚟講食物麻麻、環境好嘈、但服務態度幾好

據說新港中心的鼎泰豐進行裝修。不過在食四方的四樓開了分店，其實某程度也算是好消息。位置不難找，不過因現在商場進行裝修，前來的過程有點狼狽。而難得的，竟然是在不用取票等候的情況下即時入座。店面長方式設計，落地玻璃窗可看到對面九龍公園的景色，雖不如R & B般有綠樹在旁，但還算賞心悅目。不過落玻璃旁的多是大檯。不過這裡跟新港分店不同的是，這裡的卡位及二人位比較多。同樣的，店內也有大玻璃窗展示製作包點的過程。由於只有我和寶貝同行，只叫了一客小籠飽、一客酸辣湯、一客排骨蛋炒飯，含加一$214.5。一如過往，食物以光速上桌。小籠飽：以前常覺得這裡的小籠飽是不夠熱，但這次算是比較滿意的一次，上桌時熱度足夠，湯汁鮮美。酸辣湯：這跟上海酸辣湯有點不同，主要材料包括肉絲、切得極幼細的豆腐、木耳、蛋花。也許我一向對豬紅豬皮沒興趣，這種配料比較對味。湯頭的酸辣度是足夠的。排骨蛋炒飯：排骨醃味足夠，肉質尚算鬆軟。總括而言，食物質素維持應有水平。有機會再來。

我最中意食小龍包，鼎泰豐出名小龍包，但我竟然一次都未食過，太失敗…由於朋友去完韓國，要比手信我，所以就搵地方食飯…朋友話尖沙咀有，當然即刻話好啦！！美麗華既鼎泰豐吾太多人流，所以吾洗等位就入得。一開餐牌，勁多野想食！但人太少，都要就返價錢，有選擇困難症既我，太難揀。最後叫左以下幾樣：。辣味小黃瓜 - 本身都中意食黃瓜，呢個辣辣地，幾開胃。原味水晶肉 - 真係幾好食，平時出面個d好大舊硬肉，呢個真係碎哂，但仲有肉質，仲有d啫喱，食落好正。花雕醉雞 - 酒味吾太濃，雞正常，翡翠好食d。小龍包 - 不能不吃！！真係皮薄餡靚，食一打都得呀！d肉吾會太實，好軟身，太juice啦。雪菜肉絲麵 - 雪菜肉絲又係我最愛，去茶記都係食雪菜肉絲，呢個好多雪菜，正到爆呀！不過麵就好似淋左d…。茘芋小龍包 - 飯後甜品，朋友介紹，食落好似食緊蒸既薄薄的湯圓皮，入面係芋泥，感覺好得意，第一次咁食～今餐都幾滿足，真係不負所望，一定會再食