鼎尚燒鵝湯館

營業中

休息中

去山頂玩咁啱嗰日好大風吹到頭都痛😖所以決定食返中菜嗌碗靚湯暖暖身二人套餐⭐️醬皇燒鵝例牌 加$90就可以轉鵝脾肥瘦均勻，外脆內嫩，特別入味！單拼燒味例牌就叫燒腩仔皮脆香口不油膩粉葛鯪魚赤小豆湯足料燉湯入口清甜飲完即時全身暖曬湯料都要食埋佢仲有一碟油菜跟兩碗白飯 🤤上菜速度快，價錢中上，在山頂消費不算貴環境別致，舊香港情懷有outdoor地方可以望到凌霄閣不過當日太大風岀面就無開下次都想早啲日落時間嚟食應該有個靚view影相

來到山頂搵鼎爺食飯？你就想啦，佢日日喺無線拍“黃金盛宴”吖，但係來佢間餐廳“鼎尚燒鵝湯館”食飯就冇問題囉。又想食燒鵝，又想飲燉湯最簡單直接嘅方法就係叫個二人套餐。二人套餐包啲咩食，有油菜，今日係菜心；燒鵝（例牌），今日有鵝肶食；單拼燒味（例牌），今日有燒腩仔食；至於湯就係有“粉葛鯪魚赤小豆湯”。朋友話菜心好甜，證明菜心品質有保證；鵝肶大大隻，左肶，右肶我唔知，但皮脆肉嫩係真的；燒腩仔表皮亦係脆卜卜；至於湯品，menu度有幾款可揀，但呢日得粉葛鯪魚湯有D遺憾，而可以彌補呢個遺憾就係個湯好鮮甜，好潤，而且沒有朋友擔心有魚骨呢個問題。“凍檸利賓納”比較少地方有得飲，今次飲到好開💜

疫情關係不能外遊，本地遊變得是港人僅有的消閒娛樂，而隨著山頂纜車更新重開，遠近馳名的太平山頂也算是其中的好去處。 早前來到山頂廣埸，疫情期間內裡都有著頗大的變化，當中發現原來鼎爺夥拍褀哥也進駐了當中，遂決定入內一試龍鳳。 門面設計以懷舊復古風為主調，加上鼎爺等身大人形紙板加持，打卡最正！餐廳面積頗大，走懷舊路線之餘連背景音樂都是七八十年代的作品，百子櫃、零食大玻璃瓶和花花暖水壺全都是大部份港人的兒時回憶。而且座擁居高臨下的維港美景，加上露天戶外平台雅座，環境典雅，悠閒舒適。 菜式以鼎爺燉湯、叉燒加上祺哥柴火燒鵝為主打，名物Crossover，定價屬中上但論環境質素尚算合理。 黑松露燒賣 $58，傳統的廣式點心，融合了西餐食材黑松露，大大粒的飽滿燒賣下面放上了紅蘿蔔片墊住以防黐底，入口熱辣辣爽彈多汁，加入了適量黑松露帶上了獨有的幽香，濃郁得來更是添上了幾分矜貴。 脆皮燒腩仔 $138，份量十足放滿了整隻碟，金黃的脆皮加上肥瘦相間的五花肉，單是賣相已經引死人！入口酥脆帶油香，豐盈無渣沒有一臊味，蘸上芥末醬更完全不覺肥膩，香口味美。 醬皇燒鵝拼秘製叉燒例牌 $178，燒鵝叉燒算是小店的名物之

為食妹👧🏻為咗入貨同豬仔🐽上咗山頂⛰️。一於來個我和鼎爺有個約會😎。望下餐牌見套餐幾岩口味。點咗個二人套餐😬。✨二人套餐✨醬皇燒鵝例牌單拼燒味例牌郊外油菜自選燉湯(2碗）絲苗白飯(2碗）人哋話雞髀打人牙骹軟。今次燒鵝髀氹得豬仔🐽好開心。皮脆肉滑。蘸上醬汁好好味🥹。叉燒半肥瘦。肉質鮮嫩。燉湯太受歡迎。得番粉葛赤小豆湯。湯頭火喉十足。想下火都係個好選擇😮‍💨。白飯+$10轉配瀨粉或者米粉。

今日放假，去咗中環坐摩天輪，之後上山頂行大運。雖然平日有做開運動，但行完一個圈都已經無乜力氣，好想搵間餐廳坐低攤唞下，順便食埋晏。記得廣場入面有間燒鵝湯館，據說係由鼎爺主理，應該係信心嘅保證。店舖主打靚湯同燒味，一場嚟到，當然唔可以錯過。點咗個二人套餐 (388)，睇下個陣容幾豐富，除咗包燒鵝同燒味各一碟外，仲有油菜、2 盅燉湯同白飯 2 碗，+$10 仲可以將白飯轉瀨粉或米粉。燉湯可以自選，不過店員話今日啲湯非常好賣，所以只係淨返呢款粉葛鯪魚赤小豆，湯水味道非常鮮甜，入口帶粉葛同鯪魚嘅香味，飲落好順喉。醬皇燒鵝例牌：碟燒鵝嘅色水好靚，赤紅帶光澤。鵝皮酥香脆口，食落仲有鵝油嘅脂香。鵝肉水準亦唔錯，肥瘦均稱，嫩滑又多汁，配滑溜嘅瀨粉食，真係無得輸！脆皮燒腩仔例牌：腩仔用上新鮮豬炮製，肉質肥瘦相間，食落香嫩有嚼勁，味道亦啱啱好，唔會過鹹，加上食嗰時個皮仲係脆卜卜，用嚟送飯一流。食完咁多肉，食番碟油菜平衡下就最適合不過。碟菜心好正，條條都色澤翠綠又唔覺老，而且亦無灼得過火，入口清甜無渣👍

見到佢有燒味飯燉湯餐打算一試，誰知坐低咗之後發覺燉湯只係有最基本的一款，粉葛赤小豆，侍應說煲湯的那個爐壞了，但既然坐低了都一試吧～點了一個二人套餐，燒味選了燒鵝和燒腩仔，兩樣東西上菜時也是不熱的，暖也談不上，只是室溫。。。油菜竟然沒有選擇，只有菜心。。。所謂的燉湯極為普通，跟一般的粉葛赤小豆例湯沒有分別。。。餐廳環境也不算好，因為防疫問題要搭枱也是明白的，但整間餐廳也非常嘈吵～另外很奇怪的是，一塊膠板的客人，我看見他吃了一碗燒鵝飯和一杯凍飲，但他的單竟然只是$80，難道是有員工價還是隱藏菜單？$388就是有遊客限定嗎？

一次好差嘅食飯體驗，當時佢公司就參加咗商場嗰啲優惠，幫我埋單嘅時候就搶咗我電話，問都冇問過我，重好差嘅態度話佢唔拎我個電話，佢就冇辦法睇到，仲叫我去商場投訴佢，我當然唔會啦，糸人都知系平台度分享呢個反應效果大啲呀嘛，我哋叫左一個叉燒飯轉瀬粉，义燒好鞋，鮮蝦菜苗餃，可以，黑松露燒賣皇，可以，咁就$224，一定唔會再幫襯

📌 鼎尚燒鵝湯館📍 山頂山頂道118號山頂廣場1樓107號舖☎️ 23862369★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*山頂䌫車🚃終於番嚟啦！呢日同好友試搭新纜車，果種坐新車嘅興奮感覺好似番去童年咁。由即日至十月尾車費有優惠，來回只需$66。之後就收原價㗎啦！去山頂梗係要食埋飯睇夜景🌃啦！山頂廣場一上扶手電梯已經見大大個鼎爺企咗喺度，我同朋友見到燉湯亦都兩眼發光🤩，加埋鼎爺呢個信心嘅保證，就扑鎚食呢間啦！餐廳裝潢走七八十年代香港風情，背景音樂襯番成個懷舊情懷。呢餐飯由一個古董港式暖水壺揭開序幕，打咭啱晒。我地叫咗二人套餐（$388）💫醬皇燒鵝例牌好一陣炭爐燒嘅香氣，鵝皮色澤光亮而酥脆，入口鵝味濃郁，好有肉汁，質感滑嫩扎實，無乜肥膏，鵝油香在口腔四溢。送🍚飯一絕！💫單拼燒味例牌燒味可揀叉燒、燒腩仔、油雞、切雞、燻蹄，可以加$50轉乳豬或者加$90轉鵝脾。我地揀咗叉燒。火喉十足，叉燒半肥瘦加少許燶邊，焦香味突出，外面有蜜汁包住，味道甜而不膩，口感鬆軟，嫩滑多汁。💫粉葛鯪魚赤小豆湯秋意起，燉湯啱晒中女補身，我地嗌咗兩款唔同嘅燉湯

貴得黎好食既燒味店。黎到山頂⋯食店真係廖廖可數⋯呢間鼎尚燒鵝⋯門面真係好岩打卡裝修更加落左心機，懷舊復古風山頂出名食野預左貴，呢間都算幾好食我叫左外賣-叉燒雞瀨粉，出左去露天地方食送熱野飲，可以叫佢瘦叉燒果d, 算新鮮但雞髀果D當然要加錢個湯係魚湯，好濃味，夠熱，好飲呢個價錢真係合符番品質但當然，如果落到去市區，呢個價錢都偏貴⋯都係啦⋯山頂都值呢個價

難得假期有時間，就同家人上山頂行吓同吸吓新鮮空氣。到咗lunch時間，就揀咗入【鼎尚燒鵝湯館】食lunch。😍依度環境夠大又寬闊，坐望景卡位，一覽無遺山頂景色，令人心曠神怡。🥰我哋order左2人套餐，有蠔油菜心、招牌燒腩仔、鼎尚燒鵝例牌，燉湯有粉葛鯪魚赤小豆湯及寧神川芎白芷天麻燉雞湯。😋蠔油菜心份量都多，菜心夠新鮮，而且蠔油味超鮮甜。😋招牌燒腩仔肉質分布平均，半肥瘦啱啱好，最緊要外層卜卜脆，點埋芥末食一流。😋鼎尚燒鵝果然係招牌菜，肉質鮮嫰夠晒juicy，外層燒得好均勻火紅色，完全鎖住鵝肉汁，而且一d都唔肥，點埋特製醬汁食停唔到口。😋粉葛鯪魚赤小豆湯超消潤，寧神川芎白芷天麻燉雞湯夠補身暖胃，2壼湯都足料。😋

懷舊風既裝修 大大隻鼎爺既人形紙牌 吸引左我地walk in入去食晚飯😇卡位寬敞舒適 80年代既裝潢 加上懷舊音樂 別具風味👍我地1人叫左1個燉湯套餐(有1個燉湯 1杯飲品 & 1碗燒味飯/麵/粉)😊原來而家已經換左秋季menu 可以飲番岩季節既滋補靚湯 好貼心😉燉湯足料 黨參玄玉雞腳燉湯 補益氣血🩸姬松茸杞子烏雞燉湯 護肝保腎增強免疫力 入面仲有好多螺肉🐚 充滿鮮味👏叉燒 半肥瘦 撈飯一流🍚燒腩仔瀨粉 豬骨湯底 好好味 瀨粉都順滑🫶☁️人均消費200蚊 係山頂廣場飲到靚湯 食到飽飽 價錢尚算可以接受🧐

全新山頂纜車開番, 天氣又涼左d就同屋企人上山頂行下family day, 晚飯係山頂廣場解決埋, 屋企人指定要食鼎爺間鼎尚燒鵝湯館。裝潢有心思又靚, 有舊式香港情懷FEEL, 加埋門口個鼎爺生招牌, 一眼就睇到。大力推介燉湯套餐, 湯真材實料, 清澈味濃, 好似依個日月魚西施骨准山合桃湯, 日月魚香味突出, 鮮甜唔油膩, 非常好飲, 連湯料都通通食哂! 叉燒切雞飯切雞正常冇太大驚喜。叉燒微微燶邊, 口感鬆軟, 醬汁香同肉香同在~燒鵝下庄燒鵝皮肉間連住少量脂肪, 鵝肉厚而實淨, 一定要連皮入口食到滿滿鵝油香。鵝背骨較滑而且更加入味, 骨都損埋~~ 我自己中意點酸梅醬, 好味又冇咁膩!無花果雪梨糖水依度既燉野真係有料到, 好少食到咁純淨清澈既糖水, 質感厚身, 一入口就FEEL到滋潤程度100%, 天然既清甜味, 記得要食埋原粒無花果同埋雪梨, 全部都係精華!依度原來仲有點心食, 下次同屋企人早少少上黎飲茶先~

山頂纜車新開襯平日冇乜人，即管上黎睇下山頂纜車比之前個窗更加大可以睇到更多美麗既景色嘆完個山頂靚景去山頂廣場搵野食遠處已經見到有鼎爺招牌山頂有燒鵝食，仲有燉湯叫左兩個燉湯套餐粉葛鯪魚赤小豆湯熱辣辣上檯，飄來香甜燉湯味而且燉湯大大碗食燒鵝前開一開胃黎到燒鵝雙拼飯雙拼飯燒味份量都算多燒味飯吸哂燒味既精華，好味！怕唔夠食，再嗌左單拼叉燒叉燒切得厚身而且係半肥瘦入口軟熟，而且蜜汁香甜叉燒燒到半焦，好香口燒鵝皮脆肉嫩而且厚肉juicy

👫🏻二人套餐 $388油菜｜燒鵝｜單拼燒味｜燉湯｜白飯🥣粉葛赤小豆、西洋菜陳腎湯兩碗湯都幾足料，完全燉曬d味道出黎，非常濃郁😋無落味精既湯好有住家味道！🐷叉燒柯打半肥瘦，真係做到我要求☺️每塊肉都係肥瘦相間🤩邊位仲燒到少少焦脆，食落好香口🥢味道唔會過甜，食到最後一塊都未膩💁🏼‍♀️🍗燒鵝好好彩地師傅比左鵝脾我🥹鵝皮係薄薄一片，無多餘脂肪😽但係上檯無夠熱，皮都無想像中咁脆🤔最近趁放假就上左山頂行下，見到餐廳既裝修幾有特色就入左去🙈店員服務好好，仲會主動介紹餐牌上既菜式😊希望間嘢可以keep到水準😋

山廣廣場 鼎尚燒鴨湯館🤭燒味一流 必定一試😊地點： 香港山頂道118號山頂廣場1樓107 號鋪環境一流🤝二人套餐🔥$3881. 油菜- 非常鮮甜😳2. 燒鵝（例牌）- 有燒鴨脾🥰非常好食入味3. 單拼燒味 - 叉燒- 好嫩，超正⭕️4. 西洋陳腎無花果湯- 有陳腎系入邊😚加上無花果💪🏻好鮮甜😀5. 白飯- 非常硬身😘好正🫢6. 甜品- 芒果糯米糍好正 好大粒 飯後甜品一流🥰好去評分🎖(5個👍🏻為最好）- 環境：👍🏻👍🏻👍🏻👍🏻👍🏻- 服務：👍🏻👍🏻👍🏻👍🏻- 價錢：👍🏻👍🏻👍🏻- 推介：👍🏻👍🏻👍🏻👍🏻———————————————————————————