鼎尚燒鵝湯館

營業中

休息中

首先，佢哋嘅**招牌燒鵝**真係唔錯，皮脆肉嫩，油脂分布均勻，阿仔同老公都搶住食！不過我覺得份量偏細，一家四口叫半隻差唔多，但價錢就貴咗少少，$298半隻，性價比見仁見智啦。  **燉湯**係另一個亮點！我試咗個「海底椰雪梨燉豬展」，好清甜又潤喉，啱晒最近轉天氣飲。但阿女叫咗個「花膠螺頭湯」就覺得味精重咗啲，飲完有啲口渴…… 可能睇款式揀啦。  環境方面，座位算闊落，帶小朋友都坐得舒服，不過週末真係好多人，等位等咗半個鐘，建議大家早啲去。服務就普通啦，後生侍應有禮貌，但落單漏咗個油菜，催咗兩次先嚟。  總體來講，如果為咗燒鵝同燉湯可以一試，但預咗人均$200-250左右。大家有冇其他推介？或者有冇人試過佢哋嘅小菜？聽聞『鵝油撈麵』都唔錯？」  

收工同同事睇openrice見到山頂有間鼎爺開嘅燒鵝就試試佢。二人餐 $398 有燒鵝、叉燒、油菜、燉湯同飯，價錢算合理，但出品有驚喜亦有中伏位！✅ 燒鵝例牌真係冇得輸，皮脆到「咔嚓」聲，肉質嫩滑仲有淡淡玫瑰露香，尤其係分到隻鵝髀，油脂比例啱啱好，酸梅醬唔會死甜，呢 part 滿分！✅ 燉湯揀咗海底椰豬腱，湯清甜到連飲兩啖停唔到口，豬腱肉煮到淋身唔黐牙，撈到五六粒海底椰，足料抵讚。燒鵝同燉湯確實高質，但其他細節有進步空間。如果避開周末，當行山後簡單醫肚，$200 人均可以接受～

「作為一個媽咪，鼎尚絕對係我嘅comfort food救星！佢哋嘅**燒鵝髀飯**性價比超高，鵝皮crispy到不得了，脂肪層同肉嘅比例perfect，仲要唔會太鹹，小朋友都肯食。我個女平時好picky，但係次次都清晒，仲要encore鵝髀，搞到我要同佢fight食😂 湯品方面**老火燉湯**真係足料到嚇親人！我成日煲湯，一飲就知佢哋冇落MSG，個海底椰雪梨豬展湯清甜到連我老公（平時只飲啤酒）都話要飲多碗。不過weekend人龍太誇張，建議weekday 3pm後去，可以坐得舒服啲。 Overall，呢間係我心中keep到水準嘅傳統味道，仲要唔使挨貴租商場嘅味精菜 **Pro tips**： - 燒鵝下午4點出爐，新鮮熱辣 - 例湯每日唔同，可以打電話問定今日menu - 學生餐送汽水，

哎呀，今次真係要同大家share下我同老公去鼎尚燒鵝湯館嘅「震撼體驗」！話說上個weekend，我哋諗住reward自己湊仔辛苦，去拍下拖，點知……真係又愛又恨啊！ 燒鵝 - 靈魂所在，首先，個招牌燒鵝真係無得彈，皮脆肉嫩，咬落去啲juicy到漏油（同我個仔啲功課一樣漏嘢lol）個「招牌燉湯」確實足料，飲得出冇落味精（因為我個嘴冇變鹹魚）服務 - 快過我催仔做功課！🤣D侍應嘅speed簡直係Olympic level

同班行山隊友征服扯旗山，落山衝去醫肚叫咗燒鵝飯、叉燒拼燒腩飯等等、燉湯、油菜燒鵝例幾靚仔，鵝髀位皮脆唔膩，肉質夠嫩唔鞋，酸梅醬自家製唔會死甜。燒腩仔肥膏層次分明，叉燒半肥瘦啱啱好，蜜汁掛得均勻，做到燶邊燉湯揀咗西洋菜陳腎同椰子雞，兩款都足料到呢～西洋菜湯飲到無花果自然甜味；椰子湯竟然撈到兩大舊雞髀肉，算係咁啦

平時山頂食少少野都好貴，我哋今次食咗二人套餐只係$398二人套餐：有一份例牌燒鵝、一份叉燒 、一碟油菜、兩碗燉湯同埋兩碗白飯。燒鵝咁岩切咗個鵝髀俾我哋，Yummy。半肥瘦叉燒，肉質嫩滑唔乾身，juicy好食。西洋菜陳腎無花果燉湯好足料，勁多菜，飲完冇口乾。白飯：正常油菜：正常份量好充足，兩個人基本上係食唔晒嘅😅今日好好天，藍天白雲，坐喺外面露天位置，好舒服！值得再嚟既餐廳😋😋😋😋😋😋😋

早幾日跟外國朋友來晚餐，試過燒鵝，燒肉及燉湯，燒鵝皮脆肉嫩😋燉湯材料充足👍，呢兩樣都好出色。果日我地坐出outdoor，環境幾chill幾舒服😚😚😚黎開山頂可以試試

燒鵝很好吃，皮是脆的！燒肉也很好吃，吃到停不到口！叉燒是超捧的，一定要試！餐廳員工服務很貼心，超推！沒想過來一間小店有貼身的服務，送餐效率超高，員工專業的推介是超棒的！過來山頂觀光的朋友一定要試喔！

喺山頂食飯，預咗唔會用抵唔抵食去評價，所以貴唔貴唔係問題。服務：普通，遊客區，冇笑容環境：冇乜特別，賣懷舊，好明顯冇乜清潔，感覺衛生麻麻地。又唔係特別爆，仲要用塊膠板喺中間隔住。食物：一句講晒，難食、難食、好難食！燒鵝鹹肥煙靭，滷水鵝肥膏多過肉，都係韌同鹹。燉湯唔係燉湯係開水湯。人均250唔知食咗乜，鼎唔鼎爺都冇關係，淨係知道冇下次。上到嚟山頂都係去食返西餐算。太平山餐廳貴過呢度、風景好過呢度、服務態度唔錯、嘢食不過不失。

仲諗住有鼎爺做生招牌就算開係山頂水準都唔會太差，點知做爛咗自己個名咁。餐廳菜式選擇唔多，得點心，燒味同湯。叫了腩仔飯同叉燒飯，肉同飯分量都多，但腩仔不是腩仔，係燒肉；叉燒肉質唔好食，一絲絲。一般燒臘檔飯盒仲好食。😕點心點咗蝦餃同蒸排骨，蝦餃厚皮，但入面嘅蝦同筍幾好食，👍味道不錯。而排骨就好差，😑😑非常不新鮮，味道也差，排骨差過任何一間嘅酒樓。但點心一食就知係交貨嚟，佢一係唔好提供點心。😟香港餐廳10間有9間埋單都唔會講多謝，遊客區都係咁…

我們一行二人點了二人餐2湯1燒餓1油雞1菜1炸小黃花魚2飯其實鼎爺聽過，私房菜好似要book位tim不過唔知有冇分別一個餐要$450本來有點期待值，不過最後都係覺得一般般-燒鵝唔夠香，因為係整好放左一段時間所以無脆了-油雞味道一般無想像咁深色-菜正常-其花魚得兩舊我無影相-2碗都係杏汁豬肺湯，我未飲過所以唔知好唔好飲用餐完畢行去西高山睇風景

星期日夜晚行完山之後，就順便上山頂觀光，最後揀咗「鼎尚燒鵝湯館」解決晚餐。咁啱唔使等位可以直入，不過食完後整體感覺有啲失望，味道同價錢唔成正比。呢間餐廳主打燒味同點心，環境係傳統簡約風格，氣氛就普通，坐得有啲迫。可能係為旅客設計，睇落唔算特別出色，但食物選擇都算多元化。醬皇燒鵝（下莊）肉質偏肥，油膩感比較重。食落無預期咁香，整體有啲失望。脆皮燒腩仔飯呢個燒腩仔飯有啲驚喜！燒腩仔皮脆肉香，配飯食特別惹味。原本無乜期望，點知反而呢個燒腩仔比燒鵝更滿意，值得一試。鮮嫩多汁燒BB鴿燒BB鴿外觀係吸引嘅，但實際味道好普通，肉質同調味冇乜特別，算係中規中矩啦，唔會話好難食，但亦唔算驚喜。蝦籽燒賣味道上感覺唔太新鮮，缺乏點心應有嘅鮮味。蝦籽都唔夠香，加上好乾身，有啲失望。山竹牛肉山竹牛肉食落亦係一般，牛肉偏硬，冇咩記憶點，食完都唔覺得有印象。叉燒包啲叉燒多咗陣味，唔識形容，不推薦。整體嚟講呢次體驗唔算好滿意，點心幾款都唔太理想，燒味方面又唔見得特別出色，仲要平均人均百幾至二百蚊，真係性價比唔高。喺山頂遊客區食飯，本來都預咗會貴啲，但起碼質素要達到一定水平。如果真係想食地道美食，就未必會再返嚟呢間。

我點了燒鵝瀨粉，$108，可是一見到那碟燒鵝已經覺得賣相不好，吃下去好鹹，好油… 完全不值得這個價格！ 然後我還聽到後面那一台跟那個侍應反映： 街市入邊任何一間燒味店都好食過你哋！講真，真係唔好入去食！！！坦白說，唔期望喺山頂食嘢會平，但係以呢一個價錢，我寧願食麥當勞囉！甚至乎敏華都好食過佢！根本就係攞住頂爺呢個招牌嚟到吸引遊客去試，但係可一不可再，任何一個人試過，我諗都唔會返轉頭啦！仲有就係裏面嘅侍應，粗魯啦，不停講是非啦，根本上個服務係都係劣評，簡單嚟講，千祈唔好去！

說這家好吃的都是騙人的第一差：燒鵝，不像燒鵝，很少肉！像鴨肉！第二差：飲料，沒味道，凍檸茶完全沒味道！第三差：態度差下次不要再來，也不介紹給人也不會建議遊客來！

國慶同朋友喺山頂睇煙花，決定早啲食飯，好多餐廳都有人龍，呢間就唔駛掛隊，可能係因為比其他餐廳貴啲？我地六點前入座，即刻有二人位。不過當我地問店員比兩杯水時，個店員好大聲話「水係自助架」！我心想，又不見告示，第一次光顧又點會知呢？我同朋友要左一樣的燒鵝瀨，每碗$108，都真係幾貴。燒鵝係分開上，都幾好，咁就唔會搞到碗麵好油，另外又跟酸甜醬。我就唔係好知點先係好味嘅燒鵝，朋友就話呢度一定好味過太X、X哥，有鴨油又有肉，我都唔係好識聽。不過隨離檯遲黎就慘，聽到佢地話冇肉食，好多骨，我同朋友即刻暗歎早入黎好彩！我地大約食左半小時，離開時就見到出面好多人排。總結而言，想食到肉，最好早少少入座，咁就大啲機會有啖啖鵝肉食喇！