影片
更多
2022-11-09
60 瀏覽
平日嘅山頂都幾正，冇乜人行可以好舒服咁樣睇下風景影下相，趁住呢啲時候要好好享受最美的香港。山頂廣場食肆推介，喺1樓電梯附近，離遠以為見到鼎爺，原來係鼎爺一比一嘅紙牌公仔，見佢餐牌有燒味點心燉湯，價錢喺山頂嚟講算係相宜，加上鼎爺有質素嘅保證，一定要試下。門口右手邊有個好靚嘅打卡位，類似百子櫃嘅裝修擺設，餐廳仲有卡位坐得好舒服。嗌咗個二人套餐$388，包括醬皇燒鵝例牌 單拼燒味例牌（佛山燻蹄）郊外油菜 自選燉湯x2 (粉葛鯪魚赤小豆湯)白飯/鮮豬骨湯瀨粉 二人套餐抵食過單點，兩樣燒味，有個菜，每人一碗湯，仲有白飯或者粉麵，一定夠食。燒鵝皮脆，有木香味，油香鵝味濃，例牌份量都好多，兩個人食唔曬。另外個單拼揀咗燻蹄，燻蹄厚薄剛剛好刀工一流，燻蹄汁似佢哋自己調制，蒜蓉酸汁份量perfect。燉湯都極力推介，料多足火候，平時唔會食赤小豆嘅我，都忍唔住清曬成盅湯。如果唔想食飯可以加錢試下佢個鮮豬骨瀨粉或者米線，豬骨湯底鮮甜美味。總括而言呢個價錢兩人份量冇得彈。食完又可以去附近行下，拍拖消閑好地方。👍
山頂廣場食肆推介，喺1樓電梯附近，離遠以為見到鼎爺，原來係鼎爺一比一嘅紙牌公仔，見佢餐牌有燒味點心燉湯，價錢喺山頂嚟講算係相宜，加上鼎爺有質素嘅保證，一定要試下。
門口右手邊有個好靚嘅打卡位，類似百子櫃嘅裝修擺設，餐廳仲有卡位坐得好舒服。
嗌咗個二人套餐$388，包括
醬皇燒鵝例牌
單拼燒味例牌（佛山燻蹄）
郊外油菜
自選燉湯x2 (粉葛鯪魚赤小豆湯)
白飯/鮮豬骨湯瀨粉
二人套餐抵食過單點，兩樣燒味，有個菜，每人一碗湯，仲有白飯或者粉麵，一定夠食。
燒鵝皮脆，有木香味，油香鵝味濃，例牌份量都好多，兩個人食唔曬。另外個單拼揀咗燻蹄，燻蹄厚薄剛剛好刀工一流，燻蹄汁似佢哋自己調制，蒜蓉酸汁份量
perfect。
燉湯都極力推介，料多足火候，平時唔會食赤小豆嘅我，都忍唔住清曬成盅湯。
如果唔想食飯可以加錢試下佢個鮮豬骨瀨粉或者米線，豬骨湯底鮮甜美味。
總括而言呢個價錢兩人份量冇得彈。
食完又可以去附近行下，拍拖消閑好地方。👍
張貼
