點心到 MIX·大排檔

營業中

休息中

行開旺角夜晚，🤓想同朋友食啲港式風味，見到呢一間餐廳環境都幾舒服，而且價格親民抵食👍英式芥末牛柳粒( 辣) $ 98 加上黃色嘅芥末醬真係非常吸引，🐮而且牛柳粒份量都幾多性價比高👍食落去，口感嫩滑，濃郁嘅牛肉味。🔥黃金鮮魷 $88邪惡嘅金鹹蛋黃，🥚令人難以抗拒！應該係新鮮即炸，所以都香脆，🦑而且魷魚夠彈牙，好滿足。🥬金銀蛋浸時蔬 $72 簡單得嚟，佢嘅蛋都落得好足，🥰所以食起身，可以食到菜嘅香甜。

大肚婆炒飯原來即係薑米炒飯🤣炒得好香，材料又豐富，起碼有7、8隻蝦仁。我覺得少啲肉更好味。清官茄子 好有驚喜嘅一樣餸，本身以為係普通茄子炒肉碎，但係由於茄子係炸過嘅，特別香口。一粒一粒食個不停，而且份量非常多，食極都仲有。菠蘿咕嚕肉無得輸嘅白飯小偷，呢度嘅咕嚕肉調味比較酸，但都好易入口。仲無咁易食滯。今日啲肉炸得夠脆，不過粉漿可以再薄小小👌🏼榴槤雪媚娘軟綿綿糯米糍，包住輕盈嘅cream同真榴槤肉，勁正，如果唔係太飽會再食多一個。

點心到 MIX·大排檔 (旺角)旺角出名多野食，同朋友想食中菜小炒😚😚就嚟左呢間環境幾大嘅餐廳食野❤️飛天通菜煲 🥬 $76見呢個係招牌菜，就叫嚟試試☺️份量好多，好惹咪，辣度適中，夠哂火侯！出嚟食都要食下菜，唔好全部叫肉，可以健康啲😚冰鎮咕嚕肉 🍍🍖 $88又係招牌菜之一，話明冰鎮真係有冰係底🥰又熱又凍嘅咕嚕肉層次豐富🤩酸酸甜甜送飯一流！榴槤雪媚娘 🧁 $16榴連味超重超正，對於我呢啲榴連控嘅人真係好滿足🥰夏天就係要食呢啲解熱😋楊枝甘露 🥭 $25好足料，芒果同西柚都好多，又係甜甜酸酸❤️絕對係夏日之選！黑金流沙包 🥯 $10/1見到呢個流沙包好似好靚，就叫左2個試下味道如何🤣呢個流沙包爆晒汁，啲奶黃味好香，推薦大家試下❤️白飯 $12 🍚地址：旺角洗衣街39-55號金雞廣場地下1A,1B,1C號舖整體評分：5/5味道：5/5環境：4/5抵食：5/5

食物有驚喜，有多款選擇，多款煲仔菜，美味，份量足夠！味道適中，不油膩！食完還很想再吃! 有水吧！特色港式飲品! 地点旺中帶靜！環境光猛，洗手間乾淨，不用加一，茶價每位五元，抵！

近日係旺角搵到間大排檔既食物真係好不錯!!! 環境乾淨，都多位，見到門口出面有人排隊，另外都有唔少人等外賣，食落先知點解咁受歡迎!! 我地晚餐叫左:..🥩美極牛柳粒呢個有驚喜! 估唔到咁大碟，而且仲有西蘭花，牛柳粒大大粒，肉味好濃郁，調味好惹味! 西蘭花都炒得好好食!..🍛大肚婆炒飯個名好得意🤣 睇返原來有海鮮、叉燒同薑粒，以為普通炒飯? 我會話係勁足料! 海鮮有帶子同蝦，想講佢地既蝦同帶子係大大粒，唔係碎咁，好有口感! 仲有叉燒，蔥粒、薑粒、蛋絲同炸蒜，好好味!!!..🦑 椒鹽鮮魷炸得金黃既鮮魷，配埋椒鹽一齊炸香，調味唔會過鹹，唔錯喎!..最後叫返一人一杯野飲，凍奶茶同凍檸茶，正! 滿足哂!!

中午時段食點心，晚飯時間食炒小菜，味道果然係美心質素，有保證。我地叫左兩餸一飯，一個甜品。薑蔥魚雲煲好多京蔥，魚雲外脆內香！大肚婆炒飯有水準！飯炒得好乾身，有薑粒，蝦仁，帶子，翠玉瓜，叉燒！好足料。個飯唔會炒得太濃味，陣陣薑蔥蒜香味！榴連雪楣良必食推介！個皮係糯米皮，整得超簿超Q軟，一咬落去啲榴連蓉同cream爆哂出嚟，勁好味，食完一個真係要叫多個！餐廳枱與枱之間好闊落，卡位坐得特別舒服，可以話係舒適的大排檔之選。

連日落雨，心情都似同天氣一樣期待彩虹的出現🌈然而在旺角街頭卻比我發現咗一間名字很特別又好有特色的食店。原本約咗朋友食點心，但遲咗到，餐廳已經轉做晚市，雖然晚市都有部分點心可以享用，不過我哋都比呢間餐廳的晚市menu所吸引住，系物廉價美的菜式，比連鎖大牌子茶餐廳好很多。「是日餐點」👉🏾沙拉骨💰85HKD相當邪惡，一直都擔心濃厚的沙律醬會肥，但當筷子夾起排骨卻沒有放棄太多沙律醬，可能呢個反應就係身體最誠實，冇錯，真係好香！酥炸排骨已經不得了，仲伴著酸咪咪既開胃又滋味的沙律醬，外脆內嫩的口感令人回味無窮…👉🏾 秋葵野菌扒豆腐（自家制）💰78HKD系一道招牌菜，雖然係豆腐，都足以令人眼前一亮，秋葵野菌同豆腐好夾，豐富的芡汁鋪在豆腐表面，賣相吸引，而且份量十足。豆腐分兩層，上層系菠菜汁味的綠色豆腐，下層有啲似玉子咁既口感，有創意得黎又營養豐富，值得一試！👉🏾 宮保蝦球💰88HKD超級好送飯，很有鑊氣的一道菜，微辣開胃，蝦球肥嘟嘟很飽滿，彈牙嫩滑，宮保汁恰到好處，三色燈籠椒，西芹，洋蔥，香菇，腰果炒至乾身入味。👉🏾白飯💰12HKD靚仔一名👉🏾茶位 💰5HKD 中規中矩📍 點心到MIX·大排檔旺角洗

經過店面幾次都有被吸引到。終於來食佐一次。點了個紅燒豆腐，味道還好，豆腐皮索滿汁。水煮肉片辣味很正宗，份量竟然很足。菠蘿咕嚕肉擺盤很漂亮，有冰格墊底，雖然唔知會唔會有冰比冇冰好味啲。還有個蠔🦪，有點點腥味，蠔肉都算肥美。總體推薦。

炎炎夏日想食有鑊氣小炒，但又唔敢去室外大排檔，見到金雞有呢間裝修好光猛又靚既「大排檔」一於試下清炒通菜好大碟，真係好大碟，而家好多餐廳啲菜都勁細碟，岩哂鍾意食草既我，通菜快炒唔老，夠嫩紅燒乳鴿見週邊食客都有點，應該都幾好，果真必點，皮脆又juicy, 一點都唔乾，好香口紅燒涼瓜魚雲煲成個煲勁香口, 涼瓜切片, 厚薄適中, 好襯爆得好香既魚云, 鍾意食魚既人一定明食魚云既樂趣, 一邊食魚肉, 一邊又食啲脆骨, 個煲啲配料都好好食, 菇同蒜都炒到入哂味餐牌仲有好多好吸引既大排檔菜式，例如炸大腸，可惜只得一個胃，下次一定要再試

見到冰鎮咕嚕肉慕名而來，位置於旺角金雞廣場地下，夠哂方便。上枱見到色彩鮮艷嘅咕嚕肉，即刻食慾大增，冰鎮後外皮更鬆脆，豬肉味香，半肥瘦剛剛好，醬汁酸甜度適中，用上新鮮菠蘿，而且好香甜，餸飯一流。豉椒炒蟶子，竟然用上大大隻蟶子皇，味道爽彈鮮甜，炒得好有鑊氣，豉椒味香，限量供應，要食一定要襯早！椒鹽鮮魷，用上大大舊厚肉鮮魷，炸得鬆脆，配上炸蒜椒鹽，餸啤酒最啱！整體黎講價錢合理，座位闊落，上菜速度快，小炒有鑊氣，同友人吹水食飯大排檔就啱哂。

今日同男朋友去咗旺角行街，差唔多晚飯時間就見到呢間鋪頭好光猛既餐廳，就入左去呢間食。入到去坐底，即刻望下周圍其他人叫左啲 咩野食，見到差唔多枱枱都有冰鎭咕嚕肉同秋葵野菌豆腐，咁我地當然都要試下冰鎭咕嚕肉呢碟係將d新鮮熱辣辣炒起既咕嚕肉放係冰上邊咁上碟，食落會有一邊凍凍地同另一邊熱辣辣咁，都幾有趣，同埋佢香口得黎又唔係太多炸粉，值得一讚。秋葵野菌豆腐呢碟都算係素菜，不過食落都幾好味，因為我平日唔係咁鍾意食秋葵個種質感，但係夾埋豆腐又幾夾。墨汁海鮮意粉呢碟意粉個味同平日西餐d墨魚汁有啲唔同，佢似係中底既墨魚汁，另外配料好豐富，有帶子、蝦、墨魚等等，每款都有2-3舊，可以話係十分之足料。水煮鵝腸鴨血啲鴨血同鵝腸都算係多份量，辣度適中，岩曬d唔係幾食得辣既朋友試下。總括黎講，我都會推薦呢間餐廳，可以一試頭2樣嘅招牌菜

香港比較少坐得舒服嘅大排檔，呢一間都幾岩我地。食大牌檔都係鐘意揀一啲惹味小菜食下，所以我就不加思索咁揀左黃金九肚魚。一擺入口嗰種黃金流沙感出哂黎，證明落咗好多鹹蛋黃落去炒。炸漿唔會太厚，內面魚肉極之嫩滑，仲要熱辣辣，新鮮炸起。炸乳鴿調味合適，外面皮脆，肉質ok唔算韌，加上仲有一個酸酸地既汁點下，唔會食到膩。食咗咁多重口味嘅嘢，當然要叫番啲菜中和下，揀左金銀蛋浸白菜，裏面都有好多鹹蛋同皮蛋粒，但個上湯唔會過鹹，白菜🥬爽甜。因為我係榴槤愛好者，見親榴槤既野都會叫，呢個榴槤雪媚娘都好值得叫，其實見到呢個原來係之前個間食點心都叫過，入面都係有唔少既榴槤肉，mix 埋cream ，皮係幾chewy個隻，最鐘意就係食啲煙煙韌韌既野了。

呢間餐廳下午做點心，夜晚做小炒餸菜，食物選擇非常多，睇餐牌都睇咗好耐，收茶錢但唔收加一，叫咗幾個餸都幾有水準，抵食!! 🤤🤤🔘紅燒乳鴿個皮好脆，乳鴿幾肥美多肉食，唔會燒到乾晒仲好有光澤油脂，難怪聽到好幾枱都有order一至兩隻!! 🔘黑松露炒蝦球蝦球大大隻好彈牙，拍得住酒樓水準，仲有唔少西芹同埋菇，黑松露味唔係太誇張，唔會搶咗蝦嘅鮮味!! 🔘炒牛肉腸粉好夠鑊氣，配搭芽菜洋蔥一齊炒，調味剛剛好，腸粉囗感都對板唔會炒到爛晒，牛肉幾嫰份量多!! 🔘榴槤雪媚娘當初係被呢個甜品吸引先揀呢間黎食，眼見忌廉明明比榴槤肉多，但食落有好濃郁嘅榴槤味，忌廉口感軟綿順滑，鍾意食榴槤嘅一定要試!! 最後先食甜品，個榴槤味喺口腔裏面真係久久不散，要即刻食香口膠先搞得掂!! 😂😂

點心店晚上竟變成了大排檔！？而且還非常好的是沒有加一，只有茶位錢，這個真的好評！而且選擇比想像中的要多，不過如果也有點心吃就更好了！避風塘瀨尿蝦（１１８元／隻）（２隻起）這個性價比不錯，兩隻瀨尿蝦都非常大隻，比手掌都要長，而且肉很厚！味道方面下了大粒的蒜，辣椒和蔥，吃起來味道非常香，瀨尿蝦經過油炸後，表面帶點酥，吃起來蒜香味十足，帶點辣，肉質有點綿中帶爽，調味十分惹味！菠蘿生炒骨（７８元）還想著是生炒骨會比較多骨，但實際上純肉的比較多，部份帶點軟骨，少部分帶有骨頭，表面炸得挺酥，吃起來脆脆的，帶點肉香，酸酸甜甜的味道，非常下飯！白飯（１２元）

高質大排檔，有冷氣嘆坐得舒服，食物夠鑊氣👍冰鎮咕嚕肉88蚊呢個冰鎮咕嚕肉好好食，有冰喺底，冰冰涼涼好適合依家天氣熱食🥰同埋好脆口，就連佢啲青椒紅椒菠蘿都好入味， 而啲咕嚕肉排好大嚿，推介好食！😋飛天通菜煲76蚊熱辣辣原煲上，超級野味🤤而且份量都唔細，食極都有，抵食！川味水煮牛肉98蚊比我想像中大煲，一上嚟就已經聞到好香，同埋裏面有好多花椒， 芽菜， 粉絲 ，同埋啲牛肉份量都唔少喎，而且又大件，淨係食呢個都好飽👍可惜佢的份量都好大份，兩個人食三樣菜已經好飽，其實仲有好多嘢想食，例如佢個流沙包，榴槤雪媚娘，仲有佢啲燉湯🤤🤤🤤🤤睇餐牌已經流口水，搵人要再食！