點心到 MIX·大排檔

營業中

休息中

又係旺角呀！同大佬拎番早排訂既鞋，順便食個便飯。大佬話好想食大排檔，我邊度搵間大排檔俾佢🤔，結果佢帶我去左間叫點心同大排檔合併既中餐廳😅。入到去基本上全場爆滿，餐廳非常光猛，枱與枱之間都相對闊落。 ⦁冰鎮咕嚕肉 $88尼個招牌菜基本上每枱都嗌！份量都多，用左半肥瘦豬肉，肉質好淋，配菜既菠蘿都好甜。而糖醋汁本身包住每樣食材，加上冰鎮過，令糖漿有少少凝固，感覺好似食緊冰糖葫蘆！ ⦁白飯魚煎蛋 $72煎蛋煎得好似炸蛋咁脆，白飯魚都好大條同肥美。整體味道係好味既，但略嫌有點油！ ⦁金銀蛋浸時蔬 $76如果時蔬揀唔岩，可以加$10蚊轉豆苗/西蘭花。西蘭花既爽口，配埋咸蛋皮蛋，夾之餘仲要好好味😋！ ⦁金沙海鮮蛋白炒飯 $86果飯一定要讚，炒到粒粒分明之餘，仲要每粒都被咸蛋黃包裹住，口感好正！海鮮以為好多款式，結果得大大粒蝦仁，不過勝在夠多，數數下都有成10幾粒。 - 點心 -點心就嗌左黑金流沙包同卡通芋蓉包，都係$10/粒。尼個流沙包比起平時酒樓果種細粒少少，但流沙既口感好足。而芋蓉包好香，芋蓉好細滑。兩款揀既話，我會覺得流沙包略勝一籌。

茶介 $10/位保仔左宗堂雞煲 $88呢個我之前食過，記憶中好惹味同有少少辣既。今次食落味道唔同左，雞肉依然幾嫩，但變左酸酸甜甜好似咕嚕肉既味道。第一次食咕嚕肉味既雞煲，有趣。蝦醬通菜鮮魷 $89通菜份量幾多，魷魚都有好多嚿，食落新鮮完全唔韌土匪牛肉 $82呢個又係一個surprise。我對土匪既認知都係有好多孜然粉既，但呢個係完全無孜然粉既。反而係用泡椒同蔥炒，聽侍應講係重慶果邊既菜式。食落有啲似上海菜既蔥爆牛肉，牛肉肉質幾腍。

收工趕住去旺角麥花臣球場，把遮又係例牌留低咗喺公司，終極黑仔嘅大頭蝦就變咗落湯雞🙀搞掂之後，為咗避雨，求其過對面搵最大間嘅餐廳食dinner～最大間最光猛嘅就係：點心到MIX大排檔，見入面好多位就衝咗入去。明明呢排話應該要食得清淡啲，但係結果淨係控制到自己唔叫啲煎炸嘢(其實係因為lunch已經食咗好多😝)，但係就叫晒啲濃味嘅野😅 冰鎮咕嚕肉依家好多地方都有得食，但呢到係第一次食到有冰涼感🥰土匪雞翼就食得多，土匪牛肉係第一次聽，都幾好味，爆多京蔥😍 我地最鍾意❤️ 最後加埋個乾炒牛肉腸粉，飽到呢....一見冇乜人，就即刻賣單走人，呢間可以encore

今日同老公去行波鞋街，見到附近有一間主打點心大排檔嘅餐廳就入去試吓啦！呢度嘅裝修好光猛同埋座無虛席，一開始姐姐安排咗我哋坐一個風口位，但之後啱啱有一枱走咗就即刻幫我哋搬去冇咁凍嘅地方，好細心值得一讚！冰鎮咕嚕肉（ $88 ）呢度冰鎮咕嚕肉喺呢度嘅招牌菜式，一上枱已經聞到好香，熱辣辣嘅咕嚕肉，加上個底放咗啲冰令到啲咕嚕肉外脆內軟，有冰火嘅效果果然係唔錯！紅燒乳鴿（ $48 ）呢度嘅乳鴿都好出色，大小適中皮脆肉香，加埋啲淮鹽或者醋值得推薦👍椒鹽鮮魷（ $86 ）呢個餸要等得耐啲，真係新鮮炸起，所以外皮非常之脆卜卜，魷魚熱辣辣加埋好香嘅蒜，個底仲鋪左炸米粉，呢三樣餸都好啱送飯，所以加埋兩碗白飯就啱啱好！

趁大減價，約咗朋友係旺角行街，想買對行山鞋，經過呢間餐廳，好大間光猛，座位舒服，試吓先。🐥西芹炒雞柳$88以西芹、雞柳、東菇及腰果，炒得香口，口感豐富，送飯🍚一流。🍄秋葵野菌扒豆腐（自家制）$82這是店中的招牌菜，自家制的鴛鴦豆腐，外邊脆脆地，裏面好嫩滑，再以秋葵、野菌、𧐢油做醬汁，提升味道口感。🥬蒜蓉炒芥蘭$68 好大碟，我哋要求咗多蒜蓉🧄，每條芥蘭都掛滿咗蒜蓉，勁開心😆，芥蘭亦十分新鮮爽脆。🥣川芎白芷燉魚頭湯$45熱辣辣， 十分足料，藥材方面見到除咗有川芎、白芷，仲有不少黨參，湯頭濃郁滋潤，好啱而家秋天🍂飲。

鬧市中搵間餐廳同爸爸二人世界經過見到裏面高朋滿座 一家大細喺度食飯價錢唔貴 選擇又多 服務都好好全程食得好舒服😍✨冰鎮咕嚕肉 $88擺盤已經好架勢 上面啲冰出晒煙咬落口外脆內軟 冰爽鮮甜 豬肉半肥瘦仲有三色椒、洋蔥、超級甜嘅菠蘿伴碟🍍份量啱啱好 值得一試💕✨椒鹽九肚魚🐟 $98即叫即製 外皮超級鬆脆 好有空氣感裏面係好新鮮嘅九肚魚 食落暖笠笠😍一路食唔停口 係大排檔嘅風味✨馬拉盞炒通菜🥬$72醬汁非常惹味 熱辣辣好有鑊氣撈埋白飯食一流 中間有少少辣椒🤩✨卡通芙蓉包 $10麵包非常鬆軟 見到咁可愛嘅卡通 唔捨得打開嚟食 麵包上面有唔同嘅表情芋蓉餡好幼滑 甜度適中🙂✨黑金流沙包 $10一打開奶黃已經瀉出黎 咬落口有陣陣嘅甜味有得單點幾特別 唔洗驚成籠太多食唔晒🤤整體黎講真係唔錯 餐廳好闊落 大排檔嘅味道 坐得舒舒服服 捧住個肚走 ☺️

中秋佳節正日中午約咗好朋友去飲茶 吹下水 食下野 上次食過點心到 好好味 所以今 次再食過 一倾就係幾小時以上 e度點心🥧 款式精緻 特別 好味 價錢合理 冇留單情況 環境舒服 唔會太嘈 裝修光猛

❁點心到 MIX·大排檔❁新派冷氣大排檔🥰夏天想食大排檔 ，又覺得好熱🥵依間真係一個唔錯嘅選擇🫡🫡有齊大排檔嘅菜式👍🏼食物精緻有質素💋-❥冰鎮咕嚕肉 $88 (8/10)平時食開熱辣辣嘅咕嚕肉，估唔到凍嘅咕嚕肉，有令一番風味🧡食落有一種冰火交融嘅感覺🔥❄️外冷內熱😛肉汁juicy，份量都唔少❥鑊氣豉椒炒蜆 $89 (7/10)份量一樣多，用上芫荽蒜頭辣椒炒，非常惹味😆炒得好夠鑊氣，辣辣地兼且好夠入味❥馬拉盞炒通菜 $66 (6.5/10)又係一度炒得好惹味嘅小菜，辣辣地加上蝦醬嘅鹹香😋😋不錯不錯❥黑金流沙包 $10@1 (8/10)飲茶必叫嘅流沙包，流沙餡好香鹹蛋黃味同帶少少奶黃嘅味道，味道剛剛好，唔會太甜😙流沙包用上黑色再加點金箔粉🖤好有貴氣😍

🎑 旺角親民點心·小菜館🎑 近來想吃一點中式系列的小菜，找了一間位於旺角的餐廳吃晚餐。餐廳日間有點心供應，晚市則主力做小菜。價錢親民得來又好吃。🐷 杏汁燉白肺湯 ($42/盅) 白色食品入肺，所以杏汁燉白肺湯就最適宜秋季飲用。燉湯非常足料，有豬肺、排骨、淮山和南北杏。燉湯散發陣陣杏仁香，滋味好喝。🐤 紅燒乳鴿 $48紅燒乳鴿炸得外皮脆卜卜，肉質嫩滑，當然相當抵食的乳鴿並不會太大隻，過一過口癮，還是相當不錯的。🍄 秋葵野菌扒豆腐 $78平凡的豆腐變得不再平凡，秋葵野菌芡汁裹在外層微微焦脆的豆腐上。咬開豆腐會有驚喜，雙色豆腐有兩層顏色，綠色是菜汁豆腐，白色是普通嫩豆腐，質感滑溜。配上秋葵野菌醬汁同吃，清新美味。🐷 冰鎮咕嚕肉 $88冰火交融的咕嚕肉是店中大熱菜式，熱辣辣的咕嚕肉以冰粒冰鎮，肉排炸得酥脆香口，排骨肥瘦均勻，酸甜味道適中。咕嚕肉配以三色椒和菠蘿，是穩陣又美味的菜式。🔸小總結：晚市只收茶錢芥$5/位，不設加一服務費。餐廳環境舒服，食物味道不錯，性價比高，值得一試。👅 味道：4.7/5💰CP值：4.8/5🕴🏻服務：4.8/5🔰餐廳環境：4.7/5👀回頭率：4.7/5🍽 餐廳：點心到

自家製嘅 秋葵野菌扒豆腐 ($78)，外層微微焦脆，一咬開超級滑溜，係玉子豆腐嘅質感！兩層顏色分明，卻又黏在一起，豆腐本身味道淡，同濃稠嘅醬汁都幾夾，係頗為特別嘅一道自家小菜。餐牌上有唔少大排檔菜式，例如 椒鹽九肚魚 ($75)，即叫即製，脆漿唔厚好鬆脆，炸到連骨都可以食埋，咬開見到冒煙嘅白色魚肉，確係有大排檔風味👍🏻冰鎮咕嚕肉 ($88) 用左半肥瘦排骨，份量唔多，不過質量取勝，幾開胃，難怪每檯都有叫一碟🤭除左小菜都有幾款燉湯，試左呢個比較花工夫嘅 杏汁燉白肺湯 ($42/盅) ，足料又滋潤

晚市主要做小炒，適合多啲人嚟開心share。佢價格吾貴，味道都不錯，但我覺得有d餸都偏細碟，例如豉椒炒蜆同埋冰鎮咕嚕肉。大肚婆炒飯- 佢嘅招牌炒飯黎，都炒得好香，同埋好多料，有蝦，蛋，肉等等。豉椒炒蜆- 好多洋蔥但係蜆嘅份量未算好多，而且蜆肉都唔係好夠熱同入味。清官茄子-好似切粒版嘅魚香茄子，惹味，撈飯一流。冰鎮咕嚕肉- 原本以為係凍食嘅，原來只係將熱炒完嘅咕嚕肉放喺冰上面，所以一開始食都係熱嘅，除非擺到最後先食，但係都好好食，佢份量吾多但咕嚕肉好大粒，酸甜味剛好。黃金九肚魚- 鹹蛋黃好香但好濟，炸到又熱又脆好正，魚肉好滑，下面啲炸粉絲都好食😋

今晚和爸媽吃晚飯，帶他們去旺角洗衣街點心到Mix 大牌檔，因之前吃過，覺得選擇多，經濟實惠，而且不用加一，是抵食好食之選。今晚去到，食客很多，但服務保持效率。三個人叫了幾個小菜，大家都吃得滿意。鑊氣豉椒炒蜆真係好有鑊氣，蜆鮮甜微辣，愈食愈開胃。半隻貴妃雞分量足，夠三個人食，味道好，黃油雞有雞味，肉嫩滑，爸媽都讚好食。紅燒乳鴿好食抵食，外皮脆肉多汁，有肉味，$48一隻超值。蒜蓉蒸元貝都好味道，元貝鮮甜，粉絲沾滿汁又滑又可口，正!蒜香骨值得一試，香口有質感，送飯或啤酒不錯。鮑汁鳳爪一份六隻，又淋又滑，充滿骨膠原。吃到超飽，味道不遜酒樓，環境服務不錯，人均消費只需$187，抵食!

環境舒服，冷氣充足，上菜快，鑊氣夠（1）冰鎮咕嚕肉，分量不多，味道尚算ok,正常野，唔算特別出色。2）黃金鮮魷，濃濃的鹹蛋黃包着鮮魷，不會太乾身，有驚喜3）蒜蓉粉絲蒸蟶子，蒜蓉夠香，聖子新鮮爽口，但粉絲過份咸，建議不用加豉油已夠味。4）四季豆好入味，軟硬適中5）鮑汁鳳爪好入味，當食到第三隻有點鹹6）羅漢齋炒麵，好夠鑊氣，停不了口，不會太油，會再食7）黃金桂芳蝦球，份量少，香濃的鹹蛋黃包着彈牙的蝦回味無窮8）卡通芋茸包，味道ok,唔會太膩，外面比較少有，值得一試。黃金流沙包，咁啱我呢舊沒有流沙總結：值得一試，多選擇

食了兩次，每次叫嘅餸都好夠鑊氣，份量又多，而且味道又好味！個酸菜魚三個人食都飽到食唔到其他嘢，原來裡面仲有粉絲㗎！避風塘炒蟹就夠大碟又香口。最特別佢哋嘅小炒王同我係外面食有少少唔同，佢會加入芋頭絲炸脆炒好脆口。唔想食晚餐小菜仲有點心可以點嚟食都幾好，又可以多一個選擇。另外叫了佢地嘅冰鎮咕嚕肉，差不多每枱都有叫，啲肉汁係冰鎖緊咗特別有口感！佢哋環境座位都寬敞，有寬鬆梳化坐幾個一齊食叫餸都夠擺，幾好。全晚啲服務員都好勤力保持清潔同執枱，呢方面都好。所以唔想嗰日煮飯可以唸下去呢到食

💕點心到mix大排檔餐廳早市、午市主要食點心，晚市搖身一變成為舒適版嘅大排檔，食物多元化，小菜亦夠晒鑊氣.🌈 冰鎮咕嚕肉 $88餐廳嘅招牌菜，熱辣辣嘅咕嚕肉以冰鎮方式🧊上碟，賣相特別而且keep住香脆口感.咕嚕肉內裡肉質juicy爽口，配上青紅椒同菠蘿🍍酸酸甜甜好開胃😋.🌈鑊氣小炒王 $88小炒王香味撲鼻，夠晒鑊氣👍🏽海鮮類食材有元貝、鮮魷、蝦乾、蝦仁🦐超豐富.仲有脆口嘅腰果、炸芋頭等等，越食越有驚喜，味道少少辣夠哂惹味🌶以咁大碟嘅份量性價比真心高.🌈黑金流沙包飲茶最愛嘅黑金流沙包，啱晒做飯後甜點🧡竹炭麵包以金箔裝飾，記住趁熱食感受最正嘅流心效果.🌈榴槤雪媚娘糯米皮入面係滿滿嘅cream 同榴槤肉，小小一件滿足吓食榴槤嘅願望🥰