點心到 MIX·大排檔

營業中

休息中

放工緊係要食餐好嘅！去咗附近一間大排檔食，質素都幾好。我地叫咗馬拉齹炒特蔬，改咗做通菜。通菜爽口多汁，份量都唔少！重點係唔會太油！另外再叫咗個沙嗲粉絲金菇牛肉煲，牛肉份量唔少，而且好滑！沙嗲味好香濃得黎唔會太咸，撈埋粉絲食真係一流！我地仲叫咗個深海墨汁海鮮麵，好有fusion嘅感覺haha，即刻好似去咗西餐廳咁。不過質素都唔差喎！上面有帶子，花枝同蝦，都幾新鮮同彈牙！幾推薦喎！我哋兩個都覺得味道唔錯，份量都好多，兩個人都食唔晒🤣

傳統大排檔小朋友一定唔想去。但呢間新式大排檔就好唔同，地方清潔整齊，光線充足。小朋友一來就叫左個楊枝甘露，黑金流沙包同卡通芋蓉包。柚子味濃，芒果清香。流沙包真係有奶皇流出來，芋蓉甜度適中。之後叫左冰鎮咕嚕肉、乳鴿同豉椒炒蜆。咕嚕肉分量夠多，肉質一流，外脆內軟，加上冰鎮口感一流。炒蜆好有大排檔風味，夠鑊氣又冇沙，蜆肉仲好肥大。乳鴿皮脆肉香，配淮鹽就最正。整體來講，環境同食物質素都很好，好適合一家大細來食晚飯。

收工約朋友食飯，今晚想食中式小菜，呢間餐廳住於旺角麥花臣球場對面既金雞廣場，舖位幾大，入面既座位亦相當寬敞，除左食小菜飲番杯之外，亦可以食點心，選擇都非常豐富。秋葵野菌扒豆腐(自家製)餐廳招牌菜之一，自家製既豆腐分成兩層，食落係玉子豆腐果種嫩滑，外面再淋上醬汁加秋葵同野菌。清淡滋味既小菜又食得出一份心思，絕對值得一試。椒鹽九肚魚表面果層炸皮薄得嚟非常鬆脆，魚肉肉質好嫩滑。清官茄子茄子粒加上好惹味既醬汁，配飯真係一流。

冰鎮咕嚕肉🧊🧊🧆（$88）呢個係餐廳嘅招牌名菜，用左紅黃青椒🫑爆炒完，咕嚕肉放起冰上面，冰火交融，冰粒將啱啱炒好嘅咕嚕肉表面收縮一下，食落去有咬口之餘又唔會太實，而且用嚟打卡震撼度十足，好好食😋。黃金九肚魚🐟🐟（$78）顧名思義，用鹹蛋黃加薄漿，脆炸九肚魚🐟，九肚魚咬落去非常脆口😋😋，炸漿嘅厚度啱啱好包到九肚魚之餘又唔會太厚身。而且食落完全冇骨😋，估唔到呢間點心舖嘅小菜比起不少大排檔做得更有火候，值得一讚👏👍👍。雖然呢個係炸物，但食落油膩感唔重，間唔中食一次都不為過！啫啫時蔬煲🥬🥙（$76）差唔多每張枱都叫左個蔬菜煲，我就決定試吓啦，雖然價錢屬於中等水平，但味道絕不失色，啫啫辣味滲晒喺新鮮嘅油麥菜上面，值得一試！榴槤雪媚娘🍧🍧（$16）作為一餐飯嘅結尾就要食甜品。呢個用咗新鮮榴槤整成嘅雪媚娘一定要早早落order留定先，榴槤嘅香味以及份量配上忌廉，融和度十足，咬落去煙煙韌韌，perfect！🥰🥰

想飲茶，同時又想食啲中菜，旺角呢間點心店有埋大排檔嘅餸可以嗌，一餐兩得Menu上有唔少素食選擇，其中呢款雙色豆腐，有工夫有賣相，非常滑溜，掛汁又多菇同秋葵夏天最啱食冷熱相沖嘅菜式，有幾檯人都嗌冰鎮咕嚕肉，一啖肉，同時有兩極溫度，以致外脆內嫩，酸酸甜甜好開胃再下一盤食冷盤，食碟手拍青瓜當食菜，消暑醒胃真不錯，份量有返咁上下，夠晒纖維量啦雖然晚市冇鹹點心，但甜點都仲有，趁放工唔使返office，食件榴槤糯米糍唔怕俾人鬧，忌廉勁香榴槤味，仲有啲果肉好軟熟，外皮搓得好綿仲有飲茶必食流沙包，仲要係黑金版，咁型格梗要嗌返兩件，每日限量供應㗎雖然有茶水供應，飲茶都好夠消滯但食緊咁港式嘅晚餐，始終好想飲吓港式飲品樽仔奶茶味道夠地道，係茶餐廳嘅感覺

講起中菜點心，第一時間就諗起鑊氣小炒、蝦餃燒賣。但有時都會想試吓新搞作，今次同朋友仔就腳去試呢間係旺角嘅點心到MIX•大排檔。野食方面都好多選擇：打冷、小炒、即叫即蒸點心同甜品，有唔少仲自創嘅𠻹，夠曬新意驚喜。最緊要環境亦都好舒服🤙🏻。不過，要留意番晚市主要食小菜為住，不過亦都有幾款點心小食過吓口癮🤤小食：黑金流沙包熱辣辣，整返籠流沙包。一咬開，奶黃流沙好足，湧出嚟。而且唔會好甜但重蛋黃香味又鬆軟，食多幾個個都仲得。黃金鮮魷🦑香噴噴嘅炸鮮魷，炸衣上淋上蛋黃汁。蛋黃控一定非常滿足。而且size 都ok 大片下，食落好滿足🤩主菜：秋葵野菌扒豆腐 「自創🌟+素食」-招牌初時以為普通白豆腐淋上秋葵同野菌煮嘅汁。咬落去有驚喜，入面包左兩層（下層係雞蛋+豆漿；上層淡綠色蔬菜汁+豆漿）食落口感好滑，似蒸水蛋🤭。健康素食😎冰鎮咕嚕肉 - 招牌招牌菜之一，每舊肉都肥瘦適中🐷同冇骨，香口軟嫩，個底會有啲冰❄️墊住，令到個皮keep住脆。酸甜度亦都恰到好處，食落好舒服。鑊氣豉椒炒蜆豉椒炒蜆真係去到大排檔必叫嘅餸。嘢味嘅豆豉汁比蜆充分吸收，而且加埋甜椒🫑🌶同洋蔥嘅香甜，好快清碟，送飯🍚一流😋

同朋友諗住食個飯，吹下水。見到呢個d餸菜好吸引，出面又勁熱，咪走去試吓啦。晚市叫餸食飯，仲有燉湯，真係出乎意料之外。❤️冰鎮咕嚕肉簡直係我最愛阿🥰，咕嚕肉外脆內滑，酸酸甜甜，好好味😋❤️欖菜肉鬆炒四季豆味道配合剛剛好，超野味，送飯一流👍🏻❤️麻辣雞煲一黎到已經聞到浸香味，雞肉好滑，好入味，辣辣地，送飯都係絕配😋👍🏻❤️雞燉湯湯係必試吓，材料充足，我最鍾意飲湯水，呢個真係好補身，值得推薦阿👍🏻❤️😍😍

唔知係咪人大左, 同老公出去食飯都想坐得舒適少少但係又想食大排檔風味既野, 所以就揀左 " 點心到"我地平日係屋企食野都比較清淡, 出到黎就想食D有鑊氣既餸因為我地夜晚食,佢地都係小菜為主 點心既話晏就會比較多選擇土匪牛肉炒得好香, 個辣味食得好滋味我最鍾意食個D蔥, 吸哂D汁勁入味薑蔥桶蠔煲 好足料! 食極都仲有咁花膠海鮮小米粥 難得男仕想食粥叫細煲 2個人食都係好多如果3-4個人食就大概每人一碗黑金流沙包作為甜品都唔錯, 食完超級滿足~

點心到，位於旺角金雞廣場地下，位置非常方便，餐廳座位舒適，整潔，晚飯時段以傳統廣東小炒為主，旺角現時都比較少中式少炒餐廳，故此閒日晚餐時段，餐廳人流亦多高朋滿座。餐廳餐牌選擇非常多，每碟餸式份量足，亦顯得價錢相當大眾化。二人晚餐，飛天通菜煲，以傳統沙鍋熱辣辣上菜，通菜上菜時仍能保持翠綠，廚師功夫值得一讚，味道咸淡適中，好食。芥末牛柳粒，牛柳約7成熟，入口濃濃郁芥末味道，牛肉嫩。豉椒炒蜆，抵食夾大碟，醬汁濃稠度一流。

冰鎮咕嚕肉 $88賣相十分吸引，見枱枱都嗌，今次嚟到一定要試外脆內軟，味道酸酸甜甜，好啱夏天食👍🏻👍🏻👍🏻👍🏻👍🏻椒鹽白飯魚 $75薄薄既脆皮，口感酥脆，加上椒鹽嘅鹹香，非常適合配啤酒😋😋😋😋😋秋葵野菌扒豆腐 $78養生菜式😂😂😂很健康嘅餸，裏面仲有秋葵素菜首選👍🏻👍🏻👍🏻薑蔥魚雲煲 $88煲仔菜香噴噴，魚味香濃，配白飯食👍🏻👍🏻👍🏻😍😍😍😍😍

旺角洗衣街這間點心到，平時見到都有人排隊等入座，所以今晚來到旺角，就揀了食點心到，例牌的今晚也是很多人排隊等入座。餐廳座位寬敞，坐得舒適。Menu都好多選擇。豉汁蒸大鱔$138 ，調味用了傳統的豆豉及蒜蓉，面上灑上一些蔥粒，蒸的剛好熟，口感爽脆，差不多隻有一條正骨，啖啖肉，非常新鮮，入口豉味香濃，好惹味！啫啫豬潤雞煲$98，裏面有少少洋蔥及紅椒，上枱揭開煲蓋雞煲滋滋的響，飄出雞煲特有的香味，豬潤切得比較薄，口感有少少帶硬性，而雞肉則好入味，好香口！

Siu Mai, Har Gow, Cha Siu Bao, Deep Fried Glutinous Fried Dumpling, BBQ Pork in Rice Flour Rolls, Black Truffle Prawn and Vegetables Dumpling 🥟✨📍: Dim Sum Here Mix Seafood (Mong Kok), Shop 1A,1B,1C, G/F, Golden Era Plaza, 39-55 Sai Yee Street, Mong Kok💰: $26-$32⭐️: 8/10 Review : Loving their dim sun here! 😍⭐️ It is quite a busy restaurant with lots of people queuing outside, but I think it’s worth the wait ☺️ They have lots of signature dishes, with lots of variations that you might not find in oth

餐廳早午市主打各類精緻點心，5點後以中菜小炒為賣點。看過餐牌，菜色豐富又特別，出現選擇困難，最後兩個人點三菜一湯，其他菜式留下次再點。招牌菜之一【秋葵野菌扒豆腐】，強調是自家制，自然不能錯過。以秋葵和菇片煮成的汁，配上外型方正的特製豆腐。豆腐切開，上層是切碎的西蘭花，下層是玉子豆腐，包裹後再炸成一塊，口感味道獨特，尤如素食版琵琶豆腐，必要一試。【英式芥末牛柳粒】是另一道招牌菜，芥末味香濃而不嗆鼻，配合肉味濃郁的牛柳粒，味覺上更加突出，而牛柳粒的軟嫩程度達到入口融化，表現出師傅的真功夫。【漁村炒花膠】縱使不屬於招牌菜，配搭亦已相當特別。花膠大概六七片，分量足夠鋪滿整個餐碟。大大片花膠配以大蔥拌炒，令花膠更能沾上香味，惹味吸引，補充滿滿的膠原蛋白，滋補美顏。【杏汁燉白肺湯】，一盅白白滑滑，奶白色的湯飄滿肉香，湯甜加上湯料實在，看得出除了小菜之外，燉湯一樣充滿誠意，推薦。

好耐無飲過茶同食點心，今日行經點心到 MIX·大排檔，見幾光猛新淨，就入左去食左個下午茶😆1. 榴連雪媚娘 $32榴連愛好者必試！好滿足！如果有多d 榴連蓉就更好！2. 黑金流沙包 $25入面好流心，唔錯！3.沙參玉竹燉土雞湯 $36好足料，雞肉有3大舊，亦燉到肉質好冧滑！飲落似無乜味精，因為之後唔會口渴。4.原隻蝦燒賣2粒 $16大大粒，肉質彈牙。5.蜜汁叉燒腸 $25好多叉燒，一次過滿足2個願望:又想食叉燒，又想食腸粉！😆茶位$5/位，仲全日免加一添！

點心到MIX 大排檔————————————1. 椒鹽鮮魷外層炸得好脆，炸粉唔厚，食落有魷魚味～ 下面放咗米通吸油，食完都唔會覺得油膩2. 蒜蓉蒸扇貝扇貝好大隻，蒸得啱啱好，粉絲吸哂帶子同蒜嘅味，呢個配搭真係勁正～3. 深海墨汁海鮮麵呢個似係cafe會叫嘅嘢食🤣🤣 有啲fusion嘅感覺，麵質幾彈牙爽口，上面有帶子、花枝同蝦，份量算好多，呢個推介4. 啫啫通菜煲叫返個菜食下，煲上好夠熱，唔會太油———————————— 點心到 MIX·大排檔 (旺角)📍旺角洗衣街39-55號金雞廣場地下1A,1B,1C號舖