點心到 MIX·大排檔

營業中

休息中

收工想簡簡單單食家常便飯但又冇時間返屋企煮，喺旺角發掘到依間餐廳就滿足到我嘅願望！平日夜晚嚟到都勁多人，餐廳裝修好新式，都坐得好舒服！選擇好多，基本上你講得出係大排檔有嘅菜式依度都有！首先叫咗個黑松露炒蝦球（$98)，都比較少見係用黑松露炒蝦但原來都幾夾，香得黎又唔會遮蓋左蝦嘅鮮甜，蝦肉好爽口。仲有埋西蘭花同菇黎炒，幾豐富另外仲叫咗蜜椒牛柳粒($108)，賣相好好，啲色好靚，牛柳粒入口鬆軟，用左蜜糖去炒，又甜又香，送飯好正！配菜三色椒同薯仔都好食，尤其個薯仔係炒到外脆內軟。呢度真係一家人黎就算口味唔同都總有一款啱！難怪咁滿座嘅

天氣涼涼地就心郁郁想食大排檔熱辣辣嘅小炒或者煲仔菜🥘 位於旺角嘅點心到 唔單止有我哋想食嘅大排檔食物 又近地鐵站 環境仲坐得舒服 於是專程黎試下😚我地星期四晚食 餐廳門口都有幾枱排隊 可見質素吾錯👍🏻 好彩都係等左5-10分鐘就入到🐾🐷冰鎮咕嚕肉 $88第一次食冰鎮咕嚕肉😂賣相相當打卡 色彩繽紛外皮炸醬非常薄 一啲都吾厚粉 食落脆口 配埋甜酸醬 好開胃👍🏻外表微凍入面熱焫焫 冰火交融 好特別🐥麻辣雞煲 $88 一埋枱已經聞到個陣雞煲麻香味 雞件嫩滑 入味 辣度小辣🌶 配埋洋蔥 三色椒 秀珍菇好惹味份量吾錯 夠2個人食👯‍♂️🥬飛天通菜煲 $82 店員埋枱先打開蓋 熱焫焫 出曬煙 好有鍋氣😋醬汁喊喊香香 最岩送飯🍚💭餐廳食物水準高 價錢合理 食到大排檔風味 又嘆到冷氣 店內環境好坐得舒服 CP值相當高 難怪平日都咁多人排隊🥇

今日想介紹嘅係一間裝修得幾靚, 又有冷氣嘅大排檔～ 價錢亦唔貴!✌🏻重要坐得好舒服! .沙嗲粉絲金菇牛肉煲 $88一嚟到就係’jaja’聲🤣 超正haha 調味亦唔錯, 送飯一流!😚 超多粉絲同牛肉! 最開心係有幾條芫茜仔, 作為芫茜控表示開心!🤪 佢哋嘅牛肉重要係唔肥, 好似沙嗲牛麵嘅牛肉, 但相對上大塊好多!🤟🏻 .椒鹽魷魚 $86想講份量真係好多!!🤩 重要魷魚嘅size 真係超大, 而炸粉嘅比例亦唔會話太多, 以咁嘅價錢嚟講真係好抵食!😚 通常去其他大排檔, 比嘅份量都比較少～ 仲有啲醋比你點, 所以亦唔會有食到好膩嘅感覺🥳.楊枝甘露 $25真係超耐無食過!! 估唔到呢度有!🫣 就係typical 平日食開嘅楊枝甘露, 好足料!!🤤 .白飯🍚 $12 － 呢度啲白飯係高質嘅, 軟硬度啱啱好!!👍🏻 茶位 $5/位.📍點心到 Mix 大排檔旺角洗衣街39-55號金雞廣場地下1A,1B,1C號舖

再次來到「點心到」的旺角店又是一個下雨天，今次仲要打緊風，仲要係寒風，吹到出面的樹葉刷刷聲，風雨中的途人也很匆忙，而我可以避開風雨同屋企人共進熱騰騰的晚餐，真是很感恩🙏🏾餐廳環境不錯，有很多卡位，燈光明亮裝修都算新淨，晚市時段勁有人氣，店員也都很親切。晤洗講，黎呢度唔係食點心就一定系鑊氣小炒，見佢價錢都幾公道，唔洗加一，只係收每人茶錢💰5HKD,菜式多款，CP也很高。⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️⭐️「是日餐點」👉🏽薑蔥魚雲煲 💰92HKD熱騰騰的魚雲煲，店員端上黎一邊翻炒令佢均勻受熱，爆香過的乾蔥及薑蒜令魚不會腥仲勁惹味，魚雲含豐富的不飽和脂肪酸如DHA，多食有益健康。👉🏽冰鎮咕嚕肉 💰88HKD賣相幾特別，用咗彩色椒點綴，咕嚕肉的下面鋪滿冰塊，令咕嚕肉外層冰爽脆口，達到外冷內熱好口感。有一種煥然一新的感覺，肉質夠嫩滑，唔多肥膏，肥瘦比例岩岩好，酸酸甜甜恰到好處，送飯一流！👉🏽涼瓜肉碎煎蛋💰72HKD蛋香濃郁，煎到金黃色有少少燶邊，涼瓜的回甘口感配合炒肉碎，令到煎蛋口感層次很豐富，有一種令人很想添飯的衝動…👉🏽靚仔一名 💰12HKD

放工同同事食飯傾下累死人的工作，係其中一種舒緩情緒的好方法，今次來到‘’點心到‘’食小菜都幾好喎， 地點放便，店舖座位好闊落，燈光夠鮮明。由於同事細食我地就點選左以下幾款食物⬇️⬇️⬇️🔯 黃金鮮魷 ～ 炸得酥脆的鮮魷被咸蛋黃輕輕咁包圍住， 每一口咬落去都有小小咸蛋黃沙的感覺很妙呢！🔯 XO炒蘿蔔糕 ～ 除左過年，其實平時我都好喜歡食蘿蔔糕， 一咬兩邊外脆內有軟綿綿的蘿蔔絲，有XO醬的加持帶點微辣加分。🔯 冰鎮咕嚕肉 ～ 呢到最出名的小菜之一，見到每枱都有點，跟風點實唔會中伏啦！味道甜甜酸酸的咕嚕肉熱辣辣炸起調味， 用上鮮菠蘿伴菜，下層大量冰底玩冰火好有特色喎！🔯 黑金流沙包 ～ 分一半時d 流沙已經湧出來，味道咸中有甜。🔯 卡通芋蓉包 ～ 外層 QQ 樣， 裡面就係唔太甜而軟滑的芋蓉，芋蓉控必點。

🚩 點心到 MIX·大排檔自從有次放工同媽咪過嚟依間食完之後，媽咪一直都心心念念叫我再帶佢食多次🤤見今日唔使返學，放工就約咗媽咪過嚟食啦〰️〰️〰️〰️〰️〰️〰️〰️〰️〰️〰️〰️〰️〰️〰️🌈福建炒飯 $82飯底加咗蛋一齊炒，炒得乾身，粒粒分明配料亦都好豐富，有蝦仁，帶子，冬菇，翠玉瓜，紅蘿蔔醬汁稀杰程度啱啱好，足夠拌飯又唔會多到好似湯飯咁🌈紅燒乳鴿 $55估唔到依度嘅乳鴿都幾大隻，同埋厚肉🤤表皮燒得夠香口，咬落有豐富嘅油脂香味，鴿肉仲有汁本身乳鴿鹹味唔重，可以點少少淮鹽或者喼汁食🌈麻辣雞煲 $88估唔到$88就可以食到雞煲，雞煲裏面應該都有半隻雞～雞肉預先用油炮過表面，夠乾夠香口麻辣汁濃味得來又唔會太辣，仲有大量配菜，抵食🌈黑金流沙包 $20呢個真係每次必要，夜晚都有包點食😍雖然細細地一個，不過佢哋嘅流心程度真係不容忽視，仲有少少起沙tim〰️〰️〰️〰️〰️〰️〰️〰️〰️〰️〰️〰️

👍🏻👍🏻👍🏻呢間餐廳 環境幾好 岩哂一啲怕熱 怕污糟 怕坐街邊 但係又想食大排檔 小炒既人🤭🤭 重有得book台Tim!我地一行5人叫左7個餸 可能因為壯男多 食完都唔係話好飽，但味道就唔錯既！ 冰鎮咕嚕肉可能抱有太大期望，但食落又唔覺得有咩咁特別，後而啲冰融左 啲水重整濕左肉既表面 而唔夠脆口🤣🤣另外炒飯唔錯 鵝腸份量幾夠，味道都幾好；蝦球好食而且好大隻🦐👍🏻埋單每人$180 價錢唔算平但可接受。

點心到是一間自己間中都會去的點心店。今次來到，門口仍舊是在用餐時段就會大排長龍干炒牛肉腸粉（$58）是我我至愛‧  說實在，干炒牛肉腸粉是由干炒牛河演變出來的菜式！這菜式自已在家中都可煮到，但就未必人人炒得如此出色。中菜講求鑊氣，用高火炒的時候不能過火，否則就會有有燶味！當然，家庭煤氣燈亦未必有如此高溫，炒出鑊氣。另外，醬料的質素唔錯， 使食物炒出鹹香惹味！真的好好味！每次來食干炒牛肉腸粉, 我一定會叫杯凍奶茶，這裡奶茶的茶味香，水準唔差，是配干炒牛肉腸粉的好選擇荷葉鳳爪排骨蒸飯 有一點點的蒜香和荷葉味，加上甜豉油的香味，可惜的是份量偏少。小籠包的皮唔夠薄比較可惜春卷（$25） 這兒的春卷是即叫即炸，上枱時是熱熱香脆的，真的很好吃至於其他點心例如；山竹牛肉，燒賣和腸粉都保持水準

星期六同媽咪行旺角順便食埋晚飯，上網search定食咩中菜好，金雞廣場地下嘅點心到 MIX·大排檔，主打新派點心、粵菜同小炒，仲有海鮮咁吸引梗係要試下！🍤黃金桂花蝦球 $ 108 一眼望倒比較少有見倒餐牌有黃金桂花蝦球！梗係要食啦！粒粒蝦球炸到金黃色，每粒都大過一口嘅size！一啖咬落去，先嚐倒咸蛋黃嘅香氣，蝦肉鮮甜爽口！香而不膩！after taste有小小桂花香氣！估唔到咁高質！份量仲幾足下！ 🦑龍鬚豉油皇炒麵 $78 越容易嘅菜式最考功夫！小炒點少得豉油皇炒麵 ！成座山咁多嘅炒麵，豉油味香濃，炒麵乾身唔油膩，主角龍鬚，即係魷魚軟身彈牙，配菜有洋蔥🧅同韭黃令口感更豐富！🍮楊枝甘露 $25甜品我地share左楊枝甘露，香甜嘅芒果加甘味嘅柚子粒，軟脆參半、甜中帶酸，口感獨特，配埋花奶更香更滑！點心到 MIX·大排檔地址📍： 旺角洗衣街39-55號金雞廣場地下1A,1B,1C號舖

位於旺角金雞廣場嘅「點心到·Mix大排檔」好受歡迎，佢嘅環境唔錯而且野食好高質。特色點心有心思，好有驚喜。尤其喜歡炭燒山楂鴨絲包，絕對系必食推薦，黑色酥皮表面，咬落去似菠蘿包口感，外脆內軟，有足料鴨肉，炭火燒過特別香口。荷葉籠仔金銀蒜海蝦飯超級抵食！大大隻開邊海蝦，最喜愛佢啲蒜蓉豉油汁，撈飯真係一流！鮮竹卷，外皮香脆，入面有鮮蝦仁，料好足，大大一碟，很好味！其他點心好似蟹籽燒賣，牛百葉，新鮮熱辣，又經濟實惠，好抵食！

金雞廣場地下呢間點心到係我食堂之一，中午係點心專門店，夜晚搖身一變，嘆住冷氣食大排檔式鑊氣小炒，都咪話唔爽。😌有幾款食物係每次黎都必食嘅，當中一定有榴槤雪媚娘🍮，真係好中意忌廉加榴槤呢個配搭，糯米皮軟滑煙韌，朋友都大贊好味🥰🥰🥰另一樣係佢啲炒粉麵飯，好似大排檔咁，炒得好有鑊氣，又唔多油，好推介。鹹魚雞粒炒飯同大肚婆炒飯都好推薦。兩款都好多料好香口。餐牌仲有個墨魚海鮮麵，好有fusion感覺。

旺角的點心到愈黎愈受歡迎，幾次都係同屋企人黎食點心，流沙包一流，晚餐時間原來係供應鑊氣大排檔菜式，經常有新菜式，今次解鎖了川式小菜，一樣咁好食，人均100多就可以舒舒服服，吃到大排檔小炒川味水煮牛肉$108有驚喜‼️經典川菜之一，一開始仲擔心食唔飽，牛肉份量很大方，肉質唔會韌， 配料亦相當豐富，粉絲芽菜吸飽湯汁微辣很惹味，芫茜控必叫多茜仲正🔥宮保蝦球$98🦐宮保雞丁食到有點膩，來一份宮保蝦球吧！勁有鑊氣，滿滿的大排檔風味蝦球勁大粒飽滿，加上西芹、炒香的腰果，口味酸酸甜甜，不經不覺已經吃完一整碗飯楊枝甘露$25本人超愛楊枝甘露，淡淡的椰奶配上酸甜的芒果粒，仲有粒粒西柚肉，這個價錢來說非常好—————————————————點心到 MIX·大排檔 (旺角)旺角洗衣街39-55號金雞廣場地下1A,1B,1C號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodblogger #hkfoodpic #hkfoodstagram #foodie #foodporn #foodphotography# #foodgasm #香港點心#大排檔 #旺角

旺角行完街，黎到依間店食晚餐，依間店，朝早主做點心，夜晚先有小菜，見餐牌有好多款簡，分左唔同類別，選擇困難的我諗左一輪，終於揀好食d咩🤭先到既係：沙參玉竹燉土雞湯湯料好足，飲落去，味道夠濃郁，淋完雨既我，飲完成個人暖返哂，一陣間，點落既椒鹽九肚魚跟薑葱魚雲煲，都好快就跟住黎。椒鹽九肚魚分量好足，香脆既外衣包住九肚魚，炸完出黎，魚肉仍然好嫩滑👍🏻而薑葱魚雲煲則香氣十足，埋到黎，聽到煲入面既‘滋滋’聲，一打開煲蓋，就已經聞到佢滿滿既薑葱香氣。魚雲既份量一樣有不小，搭配薑葱既味道 - 正😋

出開旺角波鞋街附近，又到食夜晚時間，係旺角附近大多數都係連鎖食肆，但突然比我搵到間可以嘆住冷氣食野既大排檔餐廳✨✨ 一入到去幾乎全場爆滿，仲好光掹，比人感覺好舒服☺️☺️☺️冰鎮咕嚕肉 / $88 🐷基本上每一檔都會叫既一味餸，果然冇令我失望✨✨餐廳用左半肥瘦既豬肉，外脆內軟🤤🤤加上用左冰鎮🧊方式黎鎖住咕嚕汁，仲配埋酸酸甜甜既菠蘿🍍，食落零舍開胃。👍🏻👍🏻深海墨汁海鮮麵 / $98 🍝一睇就知係Fusion菜，佢用既麵並唔係中式會食既伊麵，而係西式既扁意粉🍝，配上墨魚汁🦑同埋唔同既海鮮(大蝦🍤帶子，魷魚🦑同蝦子)，加埋木魚碎係面食落好香口🤤🤤，而且岩哂我食開淡口味既人，唔會食落好咸。點心🥢方面 叫左即蒸黑金流沙包 同 卡通芋蓉包 每個$10（蒸包點要叫 2個起，但可以雙拼)🍞🍞雖然佢比出面酒樓既包點 細粒好多，但佢勝在餡料夠多流沙包只係咬咗少少 就流哂出黎，芋蓉包一夾上手就覺好重手，裏面既芋蓉真係塞到滿晒，而且好香芋頭味。鍾意食芋頭蓉嘅你一定要試，超級推介👍🏻👍🏻👍🏻酥炸羅漢齋卷 / $58一上枱要記得攤凍啲先食！！因為佢係即炸，而且好熱🔥同好脆💥。配上醋點黎食更加香口惹味。👍🏻☺️

🐳已經第二次來這間餐廳了！因為今日經開哩頭，所以順便吃個便飯！🐳餐廳非常光猛，整個感覺好乾淨，座位和座位之間也有一定的距離，唔會覺得好迫。🐳今次叫了兩個主菜，一個前菜，全部都係老公鐘意食嘅嘢😂🐳手拍青瓜💰42正常發揮！青瓜切細粒，蒜蓉味幾香，有少少酸酸地，但略嫌份量少了一點！🐳鑊氣豉椒炒蜆💰89被佢「鑊氣」兩個字吸引😍😍，因為屋企係用電磁爐，始終做唔倒明火嗰個效果，所以哩啲要有鑊氣嘅小炒，一定要喺餐廳或大排檔先食倒。上碟時氛香噗鼻，流哂口水，每一隻蜆都打開哂，甚至好多肉都離哂殻，啖啖肉😋😋，甚至連啲殼嘅汁都舔埋，非常之惹味。🤪🐳老乾媽青椒🫑爆牛肉💰88聽個名都覺得好好味，所以我們才叫呢個菜，但餐牌上已經指明是辣的，原來真係幾辣🌶，佢嘅青椒係用咗勁辣嗰啲尖椒，所以炒出嚟係又香又辣，牛肉片都非常淋口，完全冇筋。