點心到 MIX·大排檔

營業中

休息中

見到冰鎮咕嚕肉慕名而來，位置於旺角金雞廣場地下，夠哂方便。上枱見到色彩鮮艷嘅咕嚕肉，即刻食慾大增，冰鎮後外皮更鬆脆，豬肉味香，半肥瘦剛剛好，醬汁酸甜度適中，用上新鮮菠蘿，而且好香甜，餸飯一流。豉椒炒蟶子，竟然用上大大隻蟶子皇，味道爽彈鮮甜，炒得好有鑊氣，豉椒味香，限量供應，要食一定要襯早！椒鹽鮮魷，用上大大舊厚肉鮮魷，炸得鬆脆，配上炸蒜椒鹽，餸啤酒最啱！整體黎講價錢合理，座位闊落，上菜速度快，小炒有鑊氣，同友人吹水食飯大排檔就啱哂。