點心到 MIX·大排檔

營業中

休息中

喺旺角行街見到呢間港式大排檔, 店內裝修望落幾新淨, 而且都幾多人食, 所以入咗去試吓~餐牌上有多款食物供選擇, 海鮮、點心、小炒等等應有盡有。《秋葵野菌扒豆腐》製作有心思, 且精美, 賣相超靚😍！上面放咗秋葵同野菌, 豆腐有兩層顏色, 上層係綠色, 下層係黃色, 一啖咬落去, 有香濃嘅豆味, 豆腐外層微微焦脆, 裡面係玉子豆腐, 口感超級滑溜。《紅燒花膠雞煲》雞件有爆炒過, 好有鑊氣！花膠都幾滑, 另外有洋葱、薑、野菌, 芫茜同洋葱為菜式增添一點香味。《黑金流沙包》一咬開即刻有蛋黃醬流出嚟, 流心度高！包體軟熟, 包餡口感幼滑~

最近好多地方都開左未酒樓式既飲茶餐廳，其實個質素都唔錯架，今日就黎到旺角既「點心到」，首先牛肉腸粉既係比較大條，份旺足呀。仲有炸蝦角，炸得甘香脆口，仲有佢俾埋沙律醬你點，配搭一流呀。仲有叉燒包，飽肚的選擇，中規中矩啦冇特別。蝦餃真係不得不讚呀，蝦量多又爽口彈牙。紅油抄手既味道食到個人流哂口水，D辣汁又夠麻口又唔會太辣，食得好過引，用埋黎點蝦餃，都係極之配合呀。仲有牛柏葉，爽口彈牙好好味。最後飽肚既鳳爪排骨飯，仲用個荷葉黎蒸，所以D飯都有DD荷葉味，同埋真係好大籠，真係唔怕唔夠飽呀。

位於旺角洗衣街既點心到 MIX · 大排檔，早午市專門做港式點心，晚市做小菜，海鮮，一向好評如潮，無論午市或晚市都大排長龍，之前已經試過下午黎食點心，高質又有特色，最喜歡飲這裏的燉湯，非常用心做，而且價錢相宜，今晚就嚟試吓佢哋嘅小菜同海鮮👍🏻👍🏻🥘▪️煲仔羊腩 $ 198天氣凍凍，一見到佢哋原來有推出羊腩煲，即刻要試吓，非常香濃的南乳味道，羊腩連皮帶骨，少少羶香 ，炆得夠淋又入味，配料豐富，有馬蹄，白蘿蔔，紅蘿蔔，枝竹，香筍，冬菇，一樣好入味，配合腐乳醬，超正🦪▪️蒜蓉蒸元貝 $ 96元貝超級巨型，大隻又新鮮，蒸得剛剛好，配合蒜蓉粉絲，香蔥，淋上豉油熟油，好鮮味，而且$48一隻實在太抵食🐷▪️冰鎮咕嚕肉 $ 88每台必點，賣相一流，用冰襯托煮咕嚕肉，配合埋菠蘿，青椒，紅椒色彩繽紛，咕嚕肉外層冰涼超級香脆，內裡熱辣辣，肉質半肥瘦非常爽口，口感超正，配菜也新鮮好食，溫馨提示記得要快食，保持外脆內熱既味道🥬▪️蒜蓉炒豆苗 $ 78呢個時候食豆苗就係最當做，豆苗翠嫩，完全冇渣，配合蒜蓉嘅油香，簡單又好食，而且店家好慷慨，份量超級多

叮叮叮，點心到我很喜歡跟家人一起去吃點心，除了特別喜歡吃點心之外，亦很享受一家人團聚談天的時間。今天是了這一間在旺角的點心大排檔，味道不錯的～晶瑩鮮蝦餃 － 蝦很大隻，餃皮也不是太厚，整體很好吃。 原隻蝦燒賣 － 原隻蝦肉汁鮮嫩，燒賣彈牙，驚喜！四寶滑雞扎 － 第一次吃雞扎內有蟹柳，有點意外炭燒山楂鴨絲包 －侍應端過來的時候是三個黑色的小圓包，外型新奇，味道不錯，山楂和鴨絲配搭有驚喜。籠仔金銀蒜海蝦飯 － 將荷葉包着蒸，令此菜式有清新感覺。餐廳光線充足，感覺衛生寬躺，值得一試。點心到📍旺角洗衣街39-55號金雞廣場1A-C

抵食又好味的新派廣東菜餐廳！食物選擇好豐富，價格親民，質素很不錯，性價比好高☺️ 餐廳乾淨企理，晚市時段店舖滿座，好受街坊歡迎！😚 好值得回訪晚市二人消費：$260（不設加一服務費）冰鎮咕嚕肉 ($88)人氣特別菜式，酸甜度適中，大大粒無骨咕嚕肉，加上菠蘿及三色椒，好飽肚😋 以冰鎮方式令外皮保持脆身，好好味清官茄子 ($73)十分推薦！份量多，熱騰騰，茄子切粒，醬料鹹香惹味，十分足料😍 配白飯一流！黑金流沙包 ($10/件)熱門之選🤤 熱騰騰的流沙餡，果然好好味杏汁燉白肺湯 ($45/盅)清甜滋潤，好好味😋 白飯 ($10/碗) 茗茶 ($5/位)

📍 點心到 MIX·大排檔 Dim Sum Here Mix Seafood🌍 旺角洗衣街39-55號金雞廣場地下1A,1B,1C號舖Shop 1A,1B,1C, G/F, Golden Era Plaza, 39-55 Sai Yee Street, Mong Kok📝 整體評分： 9／10有茶位費 $5/位，但唔洗加一，有裝氛有環境又舒服又抵食，好岩聚會~必食 🥢蝦醬骨🥢 $82呢到炸野好出色！炸皮又薄又脆，金黃香口，蝦醬醃排骨入味又均勻！🥢XO醬爆豬頸肉🥢 $82豬頸肉爽脆，XO醬蝦米香濃，茜芹芹獨特既青草味唔會好勁，易入口！🥢大肚婆炒飯🥢 $82叉燒、蝦仁、瑤柱、翠肉瓜好多材料去炒，米飯粒粒分明煙韌，4-5碗飯，大大份~

甘快又到年尾，好多中餐廳、中菜館都會見到好多一家大小齊齊圍住張圓枱聚餐，之前都食過點心到幾次，感覺性價比幾高，食物質素都唔錯！沙拉骨（$88）必點嘅大排檔菜式，呢度係滿滿一座沙拉骨山！豬肋骨炸到外酥內軟，外面再裹上超多甜甜沙律醬，咬落唔算太油，非常可口美味！川式口水雞（$68）特別用咗雞脾切件，皮爽肉嫩，加上惹味口水汁，微微酒香同花椒香氣，入口辣度夠，送飯一流！啫啫菜心煲（$78）份量比想像中少，大概有八條大菜心，菜心保持青綠脆口，以鹹鮮醬料炒香，香氣撲鼻。今次大概七點到，食到八點幾都仲有人排緊隊就知有幾旺場！

點心到 MIX·大排檔 (旺角)旺角洗衣街39-55號金雞廣場地下1A,1B,1C號舖豉椒炒鵝腸$98 Stir fried goose intestines with fermented soybeans 今晚食咗個好久都冇食過嘅，超地道嘅，豉汁炒鵝腸，香氣撲鼻，鵝腸爽脆入味，夠晒鑊氣，好好食，食過返尋味，👍👍👍黃金桂花蝦球$108 Deep fried shrimps with egg yolk 大大碟，賣相好靚嘅黃金桂花蝦球，一啖咬落去，哇，好食到不得了，鹹蛋黃嘅鹹香味，大大隻嘅鮮蝦，鮮甜爽脆，味道一流，食過齒頰留香，😋😋😋值得推介秋葵野菌扒豆腐$82Okra & wild mushrooms tofu homemade叫了一款超新穎嘅菜式，秋葵野菌扒豆腐，賣相超靚，青，黃相配，一啖咬落去，有超濃嘅蛋香味，豆香味都好濃，香滑入味，加埋鮑汁，秋葵，野菌，好有層次，口感非常，最值得讚嘅就係佢貴店嘅大廚，製作精美，味道超凡🥳🥳🥳

全年最凍應該都係依幾日，快啲跑入去搵間餐廳食下中式小菜先。之前食過依間餐廳佐敦分店嘅點心覺得都唔錯，就試吓佢嘅小菜。首先上菜嘅係油鹽水浸蜆，蜆嘅份量有好多，而且啖啖肉，有海鮮的鮮甜味，亦唔會有沙。油鹽水亦唔會好多油，飲落去會有少少胡椒味，除咗錢之外都有唔同嘅菇菌類，食落去都十分之鮮甜，而且仲有粉絲，是減肥之選！之後上菜嘅蝦。通。魷，就係蝦醬炒通菜同魷魚。蝦醬味非常濃厚，味道香郁滋味，而且蝦醬好多，每一條通菜及鮮魷都比蝦醬包圍，咸香惹味，餸飯一流。通菜爽脆冇臭青味，而且有用蒜頭爆香，食落有淡淡蒜香味。魷魚則鮮甜，而且每條都好大舊，而且唔會好韌，唔會太難咬香煎蠔餅冇出面嘅炸蠔餅咁油，又係煎到金黃色，我就比較鍾意食依款，外脆內軟，蛋香十足。餅身挺身唔易鬆散，蠔仔份量都好多又大粒，鮮甜爆汁。點埋啲魚露食就更加突顯佢嘅鮮味，亦都可以解膩。最後就叫咗個楊枝甘露，$25份量來講都唔錯，而且餐廳仲要唔使加一，仲平過去食甜品舖。楊枝甘露非常夠凍，內有啖啖柚子果肉和芒果粒，加上西米露Q彈嘅口感，清涼又滿足，酸甜度也好平衡，口感清爽。

喺旺角行街成日都會食其他國家嘅菜，有啲掛住食中菜。呢間係新派廣東菜餐廳，裝修時尚又加入少許復古港式元素，雅座都幾多，食物有啲以酒家，但係比較多款式，日頭食點心，夜晚就以小菜為主。兩款招牌菜乳鴿$55幾抵食，有4 隻咁多，色澤未算光澤，但係咬落外皮脆身，肉質幾嫰滑。秋葵野菌扒豆腐 $78上層放咗秋葵同菇片，豆腐外層微微焦脆，一咬開非常滑溜，玉子豆腐同用菜釀成嘅豆腐口感，估唔到會咁夾。鋪滿濃稠嘅醬汁，感覺無咁熱氣。潮洲滷水鴨$138半隻份量都唔少，滷得幾入味，估唔到呢度食到潮洲菜。

同細妹去波鞋街,買完波鞋細妹拉咗我去附近「點心到」食tea。我哋主要都係避下雨同埋吹下水,所以只係叫咗幾個點心。叫咗蝦餃、香茜牛肉腸、沙律明蝦角、糯米雞同埋黑金流沙包。等咗十幾分鐘就陸續上,明顯全部即叫即蒸即炸😍蝦餃雖然只賣$8一粒,但係好大隻,裏面啲蝦彈牙鮮甜,水準以上之作。牛肉腸就不過不失,但勝在份量好足。沙律明蝦角一上嚟到好驚喜,3大隻好飽滿好大隻,咬開裏面全部蝦鮮甜彈牙,外皮炸得鬆脆香口,不愧自家推薦點心,高水準份量超充足只係$28,真心驚艷😋,必食推薦👍。糯米雞非常足料,裏面有叉燒鹹蛋黃冬菇肉碎,份量十足,糯米輭糯有荷葉香,一個字'正'！黑金流沙包非常流沙,鹹蛋香撲鼻而來不錯的一個小甜品。地方相當就腳,大部分點心都係20至30蚊,埋單都係130幾,真係幾抵食。🍽 餐廳: 點心到MIX大排檔🏠 地址: 旺角洗衣街39-55號金雞廣場地下1A, 1B, 1C舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover

><最近食得太多肉 想食多d蔬菜之餘而鑊氣小炒 煲仔菜 都係天氣冷之選招牌店內燈光好光猛 望落乾淨企理紅燒豆腐($70)豆腐煮完都好完整 唔會鬆散碎晒仲有冬菇雜菌配料 一d都唔單調啫啫豆苗煲($88)上枱時仲係咋咋聲 食到最後都好暖豆苗較嫩唔粗糙 醬汁帶點辣 惹味都幾啱食大肚婆炒飯($82)鑊氣夠 炒得乾身 有薑 叉燒 蝦仁鍾意餐廳加咗炸蒜 更加香口><><><><><><><><><><><點心到 MIX·大排檔旺角洗衣街39-55號金雞廣場地下1A,1B,1C號舖

🕖時段-星期三夜晚7:30到已滿座 有幾個人係出面等緊 大約10-15分鐘左右可入座_▫️️蜜椒牛柳粒 $108睇menu無大排檔必食既薯仔牛柳粒 照點左呢款蜜椒蜜糖香甜黑椒入味 夠鑊氣👍🏻 牛柳粒同三色椒份量一半一半 有少量薯仔🥔_▫️金銀蛋浸時蔬 $76我地改左豆苗 另+$10豆苗鮮嫩唔老👍🏻菜湯香濃 配肉粒 金銀蛋 仲有雜菌 豐富好食😀_▫️茶芥/位 $10_🍽環境餐廳係金雞廣場地面 地點好方便下午食點心 晚市就係新式大排檔 環境乾淨座位舒適

大女放假，等埋細女放學就去飲啖茶食個包來到旺角 ✨點心到 MIX 大排檔⚡️，點心全日供應新式裝修，坐得好舒服點心即叫即製，新鮮滾熱辣💥午巿 $48一隻乳鴿大女愛食乳鴿，咁就 ORDER啦!🌈乳鴿 皮色金黃，大大啖肉，肉質鬆脆甘香嫩滑，沾上准鹽食掂呀!🌈晶瑩鮮蝦餃皮夠煙韌，有咬口有彈性，蝦肉新鮮彈牙🌈原隻蝦燒賣 蝦肉好大粒，燒賣帶半肥瘦，好爽口🌈沙律明蝦角金黃香脆熱辣辣，配上沙律醬，好醒胃🌈蜆蚧鯪魚球 鯪魚球炸到好香口，配上蜆蚧汁真係好惹味🌈韭黃鮮蝦腸 皮薄配上彈牙鮮蝦，鮮甜美味

一家人飲茶就最開心，點心齊齊開心SHARE點心到全日免收加一服務費，性價比高蝦餃燒賣有2粒同4粒選擇，2個人飲叫2粒就無問題啦晶瑩鮮蝦餃 (4粒) $32 ~ 皮夠煙韌，有咬口有彈性，蝦肉新鮮彈牙原隻蝦燒賣 (4粒) $32 ~ 大大隻蝦，蝦肉一樣係好新鮮好彈牙沙律明蝦角 $28 ~ 脆卜卜蝦角一咬就食到蝦肉爽口彈，配上配料，口感好豐富蜆蚧鯪魚球 $27 ~ 炸到外皮好脆口，蘸上醬汁食好韭黃鮮蝦腸 $28 ~ 滑溜腸粉包住韭黃同鮮蝦，好足料，蝦肉大大隻夠爽夠甜糯米包 $28～ 難得一見，糯米好軟糯，有臘味有花生，好香口