點心到 MIX·大排檔

營業中

休息中

最近好多地方都開左未酒樓式既飲茶餐廳，其實個質素都唔錯架，今日就黎到旺角既「點心到」，首先牛肉腸粉既係比較大條，份旺足呀。仲有炸蝦角，炸得甘香脆口，仲有佢俾埋沙律醬你點，配搭一流呀。仲有叉燒包，飽肚的選擇，中規中矩啦冇特別。蝦餃真係不得不讚呀，蝦量多又爽口彈牙。紅油抄手既味道食到個人流哂口水，D辣汁又夠麻口又唔會太辣，食得好過引，用埋黎點蝦餃，都係極之配合呀。仲有牛柏葉，爽口彈牙好好味。最後飽肚既鳳爪排骨飯，仲用個荷葉黎蒸，所以D飯都有DD荷葉味，同埋真係好大籠，真係唔怕唔夠飽呀。