點心到 MIX·大排檔

營業中

休息中

旺角 - 點心到‎今次介紹呢間點心到係位於旺角地鐵站出口附近既餐廳，非常方便。餐廳環境乾淨闊落，岩曬一家人同埋一大班朋友嚟聚會。🍴鑊氣小炒王🍴好夠鑊氣，未食已經聞到香噴噴，同一般小炒王唔同，加左原隻大蝦同魷魚落去一齊炒，口感味道更加豐富。韭菜爽口，識落索索聲。🍴薑蔥魚雲煲🍴超香薑蔥味，魚雲滑溜溜，而且經走油後完全無腥味。份量適中，兩個人都食得曬，唔洗怕浪費食物。◆*．◆*．◆*．餐廳資訊◆*．◆*．◆*．點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

🍽️點心到mix大排檔之前食過佐敦間點心到 男朋友對佢哋嘅評價都不錯 後來佢同朋友試埋佢哋呢一間Crossover店覺得好特別 所以就專登帶我嚟食多次 餐廳除咗有小炒之外 同樣有幾款熱門嘅點心可以食 可以滿足晒貪心小編嘅慾望😂冰鎮咕嚕肉 ($88)呢碟同平時出面嘅有啲唔同 佢哋餐廳嘅咕嚕肉係直接放上去冰度 令每一粒嘅咕嚕肉都做到冰火交融嘅效果 感覺好過癮 咕嚕肉都幾大粒 啖啖肉 正金銀蛋浸時蔬 ($78)時蔬我哋就揀咗菠菜 份量都幾大碟 而且有好多H小編最鍾意嘅皮蛋 保仔左宗棠雞煲 ($88)估唔到呢度有小型雞煲可以食 其實感覺有少少似冇咗九層塔嘅三杯雞 味道幾惹味 唯一食嘅時候要小心 雞件比較多碎骨黑金流沙包 ($10/個) 呢個係之前食點心到嘅時候都必點嘅 餐廳好處係可以按人頭份量叫 一咬開裏面嘅奶黃流沙餡即刻爆曬出嚟 好治癒😂

光猛企理大排檔行過幾次晚市都見有人排緊隊所以就搵朋友搵人試試佢當日8點到 大約排左15分鐘就入得環境新淨 光線充足 座位都唔會太逼野食方面都唔少選擇小菜同點心都有見到好多人推薦冰鎮咕嚕肉 $88價錢唔貴 份量十足 賣相都幾好咕嚕肉炸得都幾脆 下面啲冰作用都不大都係令到個樣靚啲沙嗲肥牛粉絲煲夠晒熱，賣相唔錯肥牛同粉絲份量都好多味道都濃味撈飯一流黑沙流沙包 $10即叫即蒸佢有個好處，就係可以逐個逐個叫$10 一個 好好食真係好流心 同埋有蛋黃嘅香味包亦都好軟熟，唔會太厚榴槤雪媚娘 $16（推薦）外層類似糯米糍，但係薄少少既黃色皮，煙煙韌韌入面係忌廉同埋鮮榴槤肉估佢唔到都幾多榴槤肉，榴槤肉新鮮，濃濃嘅榴槤味，榴槤肉比我想像中多所以加分楊枝甘露$25同外面食到嘅楊枝甘露差唔多，都係西米芒果西柚，其實質素都唔錯總結款式好多，小菜都有鑊氣，又有點心食

點心到MIX·大排檔係旺角金雞廣場樓下，提供點心同大排檔小炒，一次過滿足曬兩個願望🤤冰鎮咕嚕肉🐽 💰88依個係我最有興趣嘅菜式😍熱辣辣嘅咕嚕肉一炒完就即刻放上冰上面🧊咕嚕肉嘅皮經過冰鎮變成脆皮，而且會鎖死D肉汁😲食落比普通咕嚕肉更加特別👍🏾黃花桂花蝦球🦐 💰108黃金蝦球係依間餐廳嘅招牌菜😻佢個蛋黃味真係好‼️香‼呀️‼️個皮香得黎又唔會太厚，隻蝦亦都係新鮮貨，食落去肉質爽彈🤪招牌菜呢個名真係當之無愧😎深海墨汁海鮮麵🍝 💰98無諗過一間中餐廳會提供墨汁麵😳即刻叫黎試試先🤭意粉嘅墨汁好香，而且佢嘅海鮮都好足料有蝦、墨魚、帶子等等，好足料呀🤓黑松露炒墨魚🐙 💰98一上枱，陣黑松露味已經撲鼻而來👅墨魚炒得好有鑊氣之餘，咬落仲好爽口彈牙，令人胃口大開味道 ：⭐️⭐️⭐⭐性價比：💸💸💸💸服務：🤵🏼🤵🏼🤵🏼🤵🏼推介 ：😚😚😚😚

🧒🏻👧🏻好鐘意食小菜同點心，嚟到旺角見到有間坐滿人既中菜餐廳，晚餐時段除咗小菜，仲有點心可以嗌。餐廳環境光猛，座位寬敞舒適，岩晒鐘意食小菜但又怕去比較污糟嘅大排檔。冰鎮咕嚕肉 $88咕嚕肉炸到外層脆皮，內層鎖住肉汁。醬汁甜酸到適中，用上切粒新鮮菠蘿🍍同青椒紅椒，好好食。建議等5分鐘後先食，俾啲時間冰鎮，令咕嚕肉外層冰凍，咕嚕肉表面甜酸汁冰鎮後變成拉絲嘅質感，更好食！🧊黃金桂花蝦球 $108好抵食嘅一道餸菜！足足有10隻大蝦🍤，炸到外殼香脆，肉質爽口彈牙，鹹蛋黃醬超濃郁惹味！送飯一流！推介同朋友share一齊食😋黑金流沙包 $10/1個食嗰時要小心，即叫即蒸真係熱辣辣到燙口！😆 咬開入面超級流心，奶黃味同鹹蛋黃味好香濃！楊枝甘露 $25飯後梗係要叫埋甜品啦😝！楊枝甘露好足料，細粒size既西米煙靭，芒果粒夠甜，西柚都係甜，成個甜度啱啱好🥭📍 點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

之前已經同朋友去過佐敦飲茶，質素都幾滿意。旺角店裝修簡約大方，光線足，座位寬敞舒適，所以今晚再黎試下佢地既小菜先。冰鎮咕嚕肉, $88平時啲咕嚕肉就食得多，冰鎮嘅就比較少見，雖然係冰鎮但咕嚕肉都非常熱，無骨，外面脆口，入面啲肉醃得好淋而且，果然係餐廳推薦菜式，而菠蘿就冰鎮到涼涼地，連埋咕嚕肉一齊食幾有層次鑊氣豉椒炒蜆, $89蜆肉大隻無沙，有鑊氣，加埋三色椒炒就一流下次可以約埋朋友一齊黎食同吹水！😋😋

Dinner @ 12 Jan 2023 (Thurs)就黎過年, 小編同家人想食中式小炒黎團年, 就揀左點心到。點心到既好處係可以係OpenRice度book位, 準時去到直入唔洗等。呢間點心到成日經過都見到好旺場, 就算夜晚8、9點已經過左晚飯時間都滿晒場, 所以真係好建議提早book位。小編並非第一次食點心到, 小炒就食得多, 但就第一次試點心到既燉湯。黑蒜螺片燉肉排湯(盅): 呢個湯非常好飲, 原盅上, 上檯熱辣辣, 非常足料, 湯非常濃味, 飲得出煲左好耐。有一大塊螺片同好多豬肉, 飲完都飽左3成。真心推薦呢個湯。冰鎮咕嚕肉: 上檯既時候嘩一聲, 我地期待係又甜又酸, 又冷又熱既咕嚕肉, 但講真有啲失望, 因為炸粉比較厚, 其實唔係好食到舊肉。通菜炒牛肉: 呢碟餸小編唔係第一次叫, 今次係encore, 可能當晚人多既關係, 較為失準, 炒完出黎唔夠乾身, 比較多水。XO醬爆豬頸肉: 呢個有大量既西芹, 唔食西芹既人可能就未必岩食了。但豬頸肉爆得好香口, 送飯一流, 齋食豬頸肉都已經值回票價。紅燒豆腐: 豆腐同雜菌好入味, 個汁撈飯又係一流。總括而言, 點心到好適合一家大小去

今次我哋嚟到旺角想食啲大排檔小炒但又想環境坐得舒舒服服所以今次呢到呢間點心到環境有少少似冰室咁樣位與位之間都幾闊落打開餐牌都是一些在大排檔常見到的小菜今次我哋兩個人就一共叫咗三個小菜嚟試下飛天通菜煲通菜煲一上碟嘅時候熱辣辣仲聽到好勁“芝芝”聲食落都相當有鑊氣椒鹽九肚魚呢一個亦係我哋好期待嘅菜式九肚魚食落相當香脆係推介嘅菜式豉椒炒蜆又係大排檔必點嘅菜式蜆肉都係大大隻食唔到有沙炒得有鑊氣嘅仲伴上一啲三色椒令到味菜變得更豐富總結如果想舒舒服服咁在旺角食大排檔小炒點心到都係一個好選擇

好鍾意食小炒，但好多時啲大排檔都坐得好迫同唔太舒服，衛生又一般般，琴日經過旺角呢間日頭做點心，夜晚做小炒嘅餐廳，入面環境唔錯，望落幾企理，又有人排隊，於是就去試下兩個人叫兩個小菜兩碗白飯，小菜份量唔細，食完都飽飽地，不過仲想試多少少野，所以最後試咗碗糖水同流沙包🌟冰鎮咕嚕肉平時啲咕嚕肉就食得多，冰鎮嘅就比較少見，雖然係冰鎮但啲咕嚕肉都非常之熱，外面炸得好脆，入面啲肉醃得好淋而且冇骨，果然係餐廳推薦菜式而菠蘿就冰鎮到涼涼地，連埋咕嚕肉一齊食幾有層次🌟魚香茄子煲叫完啲平時比較少食嘅菜式，梗係要試返啲傳統嘢同其他餐廳比較下呢個魚香茄子煲食到咸魚香味，但唔會話好濃，我諗唔太鍾意食咸魚嘅人都唔會抗拒，而茄子同豬肉碎嘅比例幾啱，茄子亦都夠淋同入味，仲唔係好油，所以用黎送飯啱哂🌟黑金流沙包新鮮蒸起，入面真係爆哂汁，好流沙，好香奶黃同鹹蛋黃味，呢個必食🌟楊枝甘露好足料，啖啖都有西柚、芒果同西米，味道唔輸蝕俾其他糖水鋪呢間下次可以約埋一大班朋友黎食過！

環境乾淨舒服，多卡位，枱同枱之間距離唔會太近，坐得舒服。見到佢晚上九點幾都接近滿座就知道佢食物水平相當唔錯!!☁️ 椒鹽九肚魚 $98一上枱超級香噴噴，而且熱辣辣，趁熱食!!炸得香脆，外脆內軟。九肚魚入口即溶，有化開嘅感覺。外皮炸粉好薄，好驚喜!!!椒鹽有啲避風塘煮法嘅脆脆炸蒜。☁️乾炒牛河 $78有八片牛肉，河粉不會油淋淋，條條分明，每一條都沾滿醬汁。喜歡河粉不會炒到軟爛晒。☁️黃金桂花蝦球 $108有十件炸蝦球，蝦肉大隻彈牙。外皮炸粉好薄，好驚喜!!!炸粉好均勻。重鹹蛋黃味，食得多鹹蛋黃有少少濟，飲啖茶消滯慢慢食~☁️榴槤雪媚娘$16必食!!好香榴槤味!!一拮落去榴槤味已經撲鼻(⁎⁍̴̛ᴗ⁍̴̛⁎)裏面有好大舊榴槤蓉，好香甜!!!而且同cream比例啱啱好，食落唔會好漏，都唔會俾cream搶咗味!!☁️ 黑金流沙包(1件) $20一打開嚇親，因為啲奶黃餡真係流出來!!!超級流心~!!!

之前都推薦過幾個朋友嚟呢度食😌環境舒適，座位寬敞😇整體食物質素亦都唔錯😋仲要冇加一服務費🤩茶芥都係五蚊一位🥰京都骨😚$82件件都好大嚿，真係好大碟😍多肉少骨，肉質軟腍，肥瘦適中🤗味道酸甜，醬汁惹味，醒神開胃😛食完一件又一件，完全停唔到口😄椒鹽鮮魷🦑$86即叫即炸，炸到金黃色😍鮮魷非常新鮮，嫩滑彈牙😌生粉夠薄，外層爽脆😇唔會漿口，口感豐富，鑊氣十足😊而且唔會覺好油膩😁肉絲炒麵😁$75上菜嗰陣已經聞到好香☺️已經忍唔住即刻趁熱就食😙確實相當有鑊氣😁炒麵配上香濃嘅芡汁😊配料夠多，口感脆卜卜😇另外加上紅醋，更可提升麵條嘅鮮味🥰茶位🍵$5/位點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

之前喺呢間食過點心今次晏晝5:00鐘嚟到就變咗食小菜首先嗌咗個花膠啫啫雞煲份量唔會好大 大約10件8件雞 適合兩個人食花膠有4-5舊 好重花膠味 茨汁杰身整體好入味 不錯的跟住魚香茄子煲 呢個份量相對大份茄子煮得好林身 加上肉碎，肥瘦剛好好入味好惹味 送飯一流 兩個煲仔菜上碟嘅時候都係滾住上好欣賞好開胃另外 晚市都仲有少少點心，可以做甜品叫咗兩粒流心包 一個黑金流沙 外表型格堅係流沙 超軟心流水式流沙 甜度剛好另外流沙芋頭蓉包都很不錯 少見的 不太甜

點心到 MIX·大排檔琴晚去咗旺角食點心到，呢間係mix埋大排檔，不過等入座都要等十幾分鐘先有位，超級多人喺呢度食，入面地方好大，平時大排檔又窄又迫，呢間絕對可以約幾部輪椅朋友一齊入去食都無問題，唯獨美中不足就係門口又有一級，又要出動我塊斜板嘅時候！1.咸魚雞粒炒飯$72（8/10）呢碟炒飯好多，炒到d飯粒粒分明，仲唔會濕，入面仲有切碎嘅翠肉瓜、雞肉、蛋同蔥，咸魚又唔咸，正過酒樓食！2.黃金桂花蝦球$108（9/10）呢碟份量超多，有10舊炸咸蛋蝦球，蝦好爽好大隻，咸蛋味超濃郁，好好食，係必叫之選！👍👍3.深海墨汁海鮮麵$98（7/10）雖然份量好多，但墨汁麵好硬，應該煮得唔夠耐！入面有3舊蝦、3舊帶子同4舊染過墨汁嘅魷魚，蝦同帶子好爽，魷魚有少少韌！2人總共價錢$288，每位茶芥$5！個人口味總評分：8/10地址：旺角洗衣街39-55號金雞廣場地下1A,1B,1C號舖#旺角美食 #點心到MIX大排檔 #點心到 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food

乾蔥豆豉雞煲 $88大量乾蔥豆豉爆得好香，雞件大細適中，雞皮位微微蕉脆，而且好入味，最欣賞係收汁拿捏得好好，雞零舍惹味！椒鹽鮮魷 $86好吸精😽份量好多添每一粒都脹卜卜，外面超脆口，直頭好似食薯片咁😋而內層魷魚新鮮，肉質彈牙，加埋椒鹽蒜粒超好味～真係食唔停口🥹乾炒牛肉腸粉 $78牛肉份量好多，性價比高👍🏻牛肉大大片，肉質鮮嫩，正正子😋腸粉索滿醬汁，而且炒得外層微焦，真係好出色楊枝甘露 $25楊枝甘露好足料，有好多碌柚同芒果粒，而且味道不俗，呢個價錢真係太抵食💓點心到 MIX·大排檔 (旺角)旺角洗衣街39-55號金雞廣場地下1A,1B,1C號舖

之前聽朋友提過旺角呢間點心到MIX•大排檔都幾好食兼價格相宜。今日出開旺角，順便試下係咪真係咁得。黎到餐廳門口已經7點幾，店內環境乾淨明亮，啲座位都幾舒服，唔會同隔離枱坐到好近咁。我同朋友坐低左，侍應即刻上茶。茶位5蚊位都幾平。打開menu，菜色種類繁多, 樣樣都好似唔錯咁，樣樣都想試下，搞到我好苦惱。我同朋友見到幾乎每枱都叫冰鎮咕嚕肉，乳鴿同飛天通菜煲，望落都好吸引! 最後決定試冰鎮咕嚕肉，鑊氣豉椒炒蜆同飛天通菜煲加白飯。冰鎮咕嚕肉一入門口已經聞到甜甜酸酸既味，再望下幾乎每枱都有叫冰鎮咕嚕肉😳無錯！係每一枱！我同朋友就決定叫埋一份😙嘩～半肥瘦肉炸到外脆內軟，仲要無骨。口入面冰火交融，好刺激！飛天通菜煲天氣凍冰冰最啱食煲仔菜，聽到飛天通菜煲黎果陣既shasha聲，再加上潮州麵豉醬既香味，即刻食指大動！豉椒炒蜆大大碟豉椒炒蜆好抵食丫！每粒蜆都有蜆肉，醬汁濃稠度岩岩好，送飯一流😋 鑊氣豉椒炒蜆一上枱見到炒蜆熱氣騰騰，色澤鮮豔，香味十足，份量十足！✅總結，平靚正既鑊氣小炒，仲要好方便係旺角金雞廣場👍🏻今餐食得好滿足🤣