點心到 MIX·大排檔

營業中

休息中

之前在早上和晚上都曾經經過此店，基本上都是座無虛席的，更見過晚市需要等位，問過原來餐廳日間吃點心，晚上食小菜；今晚就預先訂檯準時到達來試個究竟吧！餐廳環境明亮乾淨，由於冷氣較大同行亦有老人家，其中一位女店員對老人家十分細心照顧，例如會盡量安排非出風位的位置、提供熱水，值得嘉許。看看餐牌都有不同的鑊氣小炒、大排檔風味海鮮，還添加了一些新穎的元素在菜式裏面，讓我們需要商量一段時間才決定好落單。最先吸引我們的是黃金桂花蝦球($108)，也就是鹹蛋炸蝦球。剛炸好的蝦球沾上了鹹蛋，吃上去會有明顯的咸香味但如若份量多一點更佳，炸皮香脆但也頗厚，蝦的肉質亦爽脆，而桂花只是用來裝飾並沒有實質作用；其實整道菜地味道是很下飯的，又有老人家喜歡的鹹蛋，可以一試沙拉骨($88)的份量幾多，有大大件骨又沾上慷概的醬汁，肉的味道醃得足夠，加上沙律醬就變得更邪惡，如你是一個食肉獸可以點這個。很多人都説冰鎮咕嚕肉($88)是必點的菜式，但我們卻覺得麻麻。菜式比起一般食到的少了醬汁，做法就是把做到的肉鋪在一些冰粒上，而融了的冰就會流到下面的一個底座膠兜内。最初吃上去咕嚕肉向上的那面是熱的，向下的那面是凍的，感覺有點奇怪

點心mix將點心分門別類哂，一目了然！下午茶時間全場滿座！原隻蝦燒賣呢度有一樣嘢比較特別，就係可以兩粒咁樣叫蝦餃燒賣。適合兩個人嚟食，可以食多啲品種！原隻彈牙蝦，再加上幾粒原粒豬肉，近乎原汁原味。黑松露菜苗餃有啲似鳳眼餃！菜苗少左啲，反而蝦肉比例多，客人讚左？哈哈！想食燒汁釀虎皮椒，但賣哂啦！晶瑩鮮蝦餃比較少油，比較健康感覺！少油一大原因可能係無肥肉，專注蝦肉粒！豉椒蒸排骨好正！多肉、唔腥！軟林肉！平時好常見底係芋頭既，佢依度係全肉！四寶滑雞扎豆皮淺黃色，好新鮮既感覺，嫩滑！雞肉少皮大肉都唔錯，最緊要個肚無腥味道！炭燒山楂鴨絲包推薦！有驚喜！炭燒味道濃烈！鴨絲一啲都唔搶味，包夠哂軟，要試一試，特別包點！

點心到餐廳位置方便，係金雞廣場隔離，全日都有點心同小菜，餐牌好多選擇，另外裝修新淨，唔似傳統舊式茶樓比較唔衛生啫啫豬潤雞煲天氣凍左，食雞煲一流，食物上菜速度超快，但都係即叫即整，熱辣辣，份量多，豬潤同雞都超惹味，食完成身暖哂蒜蓉炒豆苗豆苗好嫩，蒜蓉炒好香口，但唔會太油，我一個人食左大半碟😋😋榴槤雪娘媚呢個甜品不得了！！只係$16，但榴槤蓉一啲都唔少，超級香，加上個外皮超軟滑，加埋啲新鮮忌廉，超級推介！！！😍😍😍😍茶錢只係$5/位，下次午巿過黎試下點心🥧先

定期的家庭聚會，很多時候都會先從早餐開始， 一盅兩件就是最佳選擇。一家人都喜歡吃點心， 今日就再到這家點心館吃， 簡單方便， 比上酒樓少了些繁文縟節，地方也算寬敞，坐得頗舒適。因為有一段時間沒來了， 趁人多幾個就盡情地點一輪：牛肉腸粉、沙律明蝦角、煎蘿蔔糕、咸水角、潮州粉果、金錢肚、蝦餃、馬拉糕、糯米包和雞扎，來個十全十美。吃得出點心都是自家做及即叫即蒸， 雖然有些質感味道不是很完美，但也令人吃得很開心。其中腸粉，糯米包，金錢肚都好好味。另外我去飲茶必點的蘿蔔糕也都很真材實料，不會吃得一口粉漿。糯米包現在不是很多地方做，所以見到也必點。

咁啱出開旺角，一於過嚟試吓呢間出名既點心鋪。👍🏻一入到去環境好企理，乾乾淨淨，而且空間唔會太壓迫，夠大。姐姐嘅服務態度都唔錯，值得讚賞。😌👍🏻食物方面，我哋總共叫咗5樣野食。韮黃鮮蝦腸粉一般。腸粉太多，而餡料太少，食落唔太滿足😢，不過勝在蝦尚算新鮮，冇怪味。蝦餃唔錯，皮夠煙韌，有彈性有咬口，而且蝦都好新鮮，食落唔會太鹹，值得一試👍🏻鮮蝦燒賣也值得一值👍🏻腐皮卷味道冇咩特別，正常發揮。最特別嘅應該係佢哋嘅卡通芋泥包，芋泥好幼滑，而且唔會太甜！不過有少少細粒，一啖食曬lu🙈整體評分：6.5-7/10價錢：8/10（5樣點心，2個人埋單總共$138）

👉🏻京都骨超推介～有8大塊骨，而且每塊都有咁上下大嚿，兩個人食真係超飽。排骨冇雪味，多肉又軟滑，友小小肥膏，酸甜適中好好餸飯。下次會試埋沙拉骨。👉🏻魚香茄子煲熱辣辣香噴噴，肉碎好多，驚喜地唔會好咸😋呢樣整得好有鑊氣，好似酒樓咁香口。👉🏻鹹魚雞粒炒飯炒得好乾身香口，配料有雞肉、翠肉瓜、蛋。簡單材料都炒得好食喎。炒飯味道唔會咸，同小菜幾match。呢度唔收加一，茶錢都只係每位$5，我自己覺得抵食過茶樓好多😌

今日同friend放工之後去旺角行街，見到有間港式大排檔人流好旺，于是我們都决定試下。雖然是港式大排檔，但是店面裝修都幾新淨，非常舒服。餐牌的選擇非常多，價錢非常親民，各類海鮮、點心應有盡有。左宗棠鶏煲我們一見到是exclusive即刻就心動，雞煲香味非常突出，雞件嫩滑入味，酸酸甜甜，配埋洋蔥 三色椒好惹味，只要HKD88， 都系性價比之選。令人驚喜的是螺片滑鶏粥，一碗濃香的嘅小米粥仲加咗花膠同海鮮，足够三個人食。朋友話想食菜，于是我們選擇腐乳炒時蔬，分量都好足！Staff亦都好nice，會好細心同我地介紹，整體而言，放工夜晚可以近近地有一間舒服、好味的餐廳同老友一起食餐飯，非常開心。

有點心食嘅新派大排擋 晚市就主要食小菜 都幾有wot氣都有特色小菜可以簡 位置都幾多 坐得都舒服點心： 黑金流沙包 蒸得好夠熱 而且流沙做得很好 👍🏻 又唔會太少 細細個岩岩好 🫖湯都簡左：燉沙參雞湯夠料份量多 大量沙參 清甜唔會有苦味 好暖身🍲小菜： 白飯魚煎蛋🍳 都幾大量 煎得好香又唔會干 白飯魚都大大條 主菜：干炒牛肉腸粉第一次食 平日都只會見到干炒牛河 腸粉都係第一次味道係係牛河咁 腸粉都炒得幾香 配牛肉幾特別 👍🏻 特別推介 價錢適合，份量就好多 都算抵食嘅

之前已經同朋友黎過飲茶同食晚餐，質素都幾滿意，今晚同爸爸再黎試下上次未試過的小菜先😌餐廳裝修簡約大方，光線足，座位寬敞舒適，提供約1️⃣0️⃣0️⃣個座位早及午市提供點心，晚市提供小菜定價屬合理水平，免加一，茶位$5晚市小菜平至$60左右都有交易😉小菜款式多得眼花繚亂，有煲仔菜類，蛋類🥚，魚類🐠，海鮮類🦐，豬肉類🐷，牛肉類🐂，雞肉類🐥，蔬菜類🥦，小食類，炒粉麵飯類🍚，仲有粥品類，湯類同甜品，另有生啤提供🍻===========🔹冰鎮咕嚕肉 $88超過🔟件而粒粒飽滿的咕嚕肉加上新鮮菠蘿🍍及三色椒🫑，賣相得體咕嚕肉以冰鎮方式處理令外皮保持脆身選用無骨而不肥的肉排，食落油膩感不重，酸甜度適中，外皮香脆肉質爽彈菠蘿新鮮夠甜推介指數：9/10===========🔹英式芥末牛柳粒 $118沾上芥末黃色的牛柳配上鮮綠色的西蘭花，份量夠多而賣相得體西蘭花🥦新鮮煮的時間剛好，有適量調味牛柳粒調味恰到好處，掛上微辣的芥末醬，味道佳肉質緊實嫩滑有嚼勁推介指數：9/10===========🔹榴槤雪媚娘 $16外層是軟糯的黃色皮，內裡是忌廉及鮮榴槤肉榴槤肉新鮮而充滿榴槤香，食落感覺係冇添加額外糖如果忌廉份量減半個人更喜

已經係第N次黎食🤣原本都冇諗住寫OPENRICE 👋🏻但今日同老公食嘅晚餐真心推介！重點是性價比高(即係唔貴又好食🤣)因為知道呢到個份量都好大，所以今日淨係嗌咗小小餸，都好夠飽食物龍鬚豉油王炒麵呢個真心推介！首先，佢有鮮魷👍🏻有6大舊好爽口，一咬就斷！個麵底好彈牙，佢比岀面啲炒麵幼，但唔會硬仲有好香嘅葱、芝麻味！大蝦粉絲煲呢個真係鐘意食蝦必叫！我哋原本expect係粉絲多🤣(因為岀面啲酒樓係咁🫠)，一撩，有大概9隻大蝦😱啲粉絲收晒煲蝦嘅汁，超好食！榴連雪媚娘每次黎到都必食🙈其他天氣凍，已經開始有羊腩煲👍🏻同生炒糯米飯

上星期放工去咗mk食飯，呢間大排檔仲有得食點心好特別(⁎⁍̴̛ᴗ⁍̴̛⁎) 入到去已經全場坐滿，即刻叫返幾個小菜試下。😋 🐷冰鎮咕嚕肉 $88 每枱都會叫呢個冰鎮咕嚕肉，一定要試下🥰用咗冰鎮方式令到咕嚕肉外脆內軟，配埋酸酸甜甜嘅菠蘿同青椒，食落好開胃。 💚秋葵野菌扒豆腐 $82呢個菜有驚喜，係自家製嘅秋葵野菌扒豆腐，上層係菠菜豆腐，下層係玉子豆腐，有創意，值得一試。🥰🫑豉椒炒鵝腸 $98鵝腸份量夠多，好爽口，加埋洋蔥同辣椒炒好惹味。 ☕️茶位 $5 

平時就係度飲慣早茶，出品都唔錯，新鮮又好食。晚飯過黎真係第一次☺️真係要試試佢夠唔夠鑊氣先得👉👉原來佢晚上就主打小炒！茶點就只有佢皇牌幾個😆咁我就唔洗十五十六，直接點幾味小菜啦～黃金鮮魷💰89鹹蛋黃好均勻咁包住鮮魷魚🦑，一咬落去煎炸味即刻出晒黎！真係鮮味十足🥰🥰份量都夠晒！好似山咁高既份量😆正乾炒牛肉腸粉💰78我認為係今晚最佳😗牛肉鮮嫩軟滑，食得出有鑊氣，而且我都鐘意食芽菜！好好味！腸粉都唔錯，都幾有咬勁金銀蛋浸時蔬(豆苗)💰86金銀蛋上湯時蔬可以話冇得出錯既，好耐都冇食過豆苗😆可以一次過食晒，豆苗係好嫩，唔怕老，可以解下肥膩，推薦！榴槤雪媚娘2件💰32次次黎都冇晒！今次鐘意比我等到😍榴槤愛好者值得一試，係真材實料放左榴槤肉係裡面，配埋佢既cream同埋皮一啖咬落去好似滿嘴榴槤香味咁😊😊如果佢既皮再薄啲啲更加好😏😏

OT放工喺公司附近已經冇嘢好食😴，所以搭車出咗旺角醫肚仔。我哋見金雞廣場有間「點心到MIX·大排檔」收得夜，就一於幫襯吓。餐廳人氣好高，集合唔同年齡層嘅客人，夜晚十點幾都坐滿一半人👏。呢度環境幾四正，座位闊落，光光猛猛，冷氣充足。原本我以為餐廳全日都有賣點心，但原來只限日頭，佢夜晚就會化身成為大排檔，主打小菜🥢。餐廳定價屬正常水平啦，介乎茶餐廳同酒樓之間，不過勝在大大碟！蜜椒牛柳粒($108)，🐮牛柳粒好掂，色香味俱全，賣相吸引。菜式調味相當惹味，帶黑椒嘅辛辣，但同時又有蜜糖嘅甜。🥩牛柳大大粒，有接近廿粒，而且質素唔差，肉味濃郁，肉質軟腍。🥖薯仔似乎有先煎香再炒，所以外脆內軟；最後仲有三色燈籠椒同洋蔥等一齊爆香，索咗唔少汁，如果配白飯食一流。龍門鴛鴦炒米($77)，🥘我無概念鴛鴦炒米係點樣，以為係鴛鴦炒飯啲Friend，有兩隻汁，但原來係指炒米粉拼炒粉絲🍜！估唔到兩樣撈埋一齊食都幾夾，炒米炒得夠鑊氣，麵質爽彈唔油膩。佢味道偏清淡，同牛柳粒啱啱相反，互補優勢。除此之外，餐廳仲用足料炒，有成十幾隻蝦🦐、叉燒、蛋同芽菜等，誠意度十足。杏汁燉白肺湯($45/盅)，湯品最重要係夠熱🔥，佢堅係滾熱

放工到旺角逛街，見到金雞廣場開了一家【點心到 MIX 大排檔】，店面光猛新淨，座位偌大舒適。走得累了便來吃晚餐。原來餐廳晚市主打小菜及粥粉麵飯，並無點心供應，只保留少量包類及甜點。不過見食客點的小炒賣相吸引，一於試試。鑊氣小炒王 ($98)灑滿日式木魚絲賣相甚佳。材料包括蝦仁、鮮魷、肉絲、蝦乾、韭菜、腰果和炸芋絲，炒得香口不油膩。蝦仁鮮魷鮮美帶鹹香，韭菜嫰口爽脆無渣，炸芋絲香脆，加上XO醬非常惹味。雜菌豆腐火腩煲 ($88)甫打開蓋煙霧瀰漫，五花腩肥瘦相間口感尚佳，豆腐炸至金黃，炆得軟腍入味，雜菌份量不算多但很惹味。整體調味濃而不鹹，香噴噴熱騰騰送飯一流。卡通芋蓉包 2pcs ($20)表情可愛，內裡芋蓉幼滑富奶香。黑金流沙包 2pcs ($20)金色間條閃閃發光，竹炭包身鬆軟，內裡奶皇流心度高，小小一個作為飯後甜點剛好。

想食下大排擋d鑊氣小炒定想坐得舒服d食野，都真係幾難取捨。前排發現旺角點心到原來可以2樣都做到！（之前都係去過食點心，無諗過夜晚有大排擋小炒！）唔怪得8:30都仲係咁多人！不過夜d去就有d野可能賣曬了，所以下次早d 去好d！去到呢到必點💕榴槤雪眉娘！💕榴槤雪眉娘- 其實係榴槤mochi，但可以話係食過最好食的，外皮好薄，一咬開陣陣榴槤香散出來，入面係cream同幾大舊嘅啖啖榴槤肉 😋😋🤤好出色！🐷xo醬爆豬頸肉- 好夠大排擋先食到嘅「鑊氣」🔥，除了香口嘅片片豬頸肉外，仲有好多款菜同炒菇，材料有誠意🌟星洲炒米- 炒得比較乾身，而且米粉texture軟中散發咖喱香，還有綠椒、黃椒、蛋，好香口。🥢香煎蠔餅-厚厚嘅蛋餅配蠔+芫茜，都幾香口。真係難得地舒舒服服食到大排擋小炒嘅地方，有機會再來！