黑門水產すいさん (棉登徑)

營業中

休息中

📍黑門水產(尖沙咀)尖沙咀棉登徑2-4號地下嚟到棉登徑尋獲呢間居酒屋，成間都係日本水產裝潢，感覺置身於日本一樣，仲有個魚缸養住啲海產，真係好新鮮👉赤鬼蟹味噌甲羅燒💰$88😋😋😋😋.7/5好耐無食過喇，呢度嘅甲羅燒唔止得蟹膂，仲有蟹籽、三文魚籽、明太子、辣味噌同鵪鶉蛋，撈勻一齊燒，個香味散發出嚟已經好吸引，味道有點咸，如果配個撈麵食，咁就一流👉黑門角切海鮮沙律💰$98😋😋😋😋.8/5咁鬼死熱，叫個沙律食嚟開胃下，呢個刺身沙律就最好不過，海量新鮮刺身同新鮮沙律菜，配上特調油醋醬汁，酸酸甜甜，非常開胃👉焦糖蘋果鵝肝多士👉$78😋😋😋😋.7/5塊焦糖鵝肝煎到好香口，夾埋塊焦糖蘋果一齊食，中和鵝肝個油份，塊多士又香脆，成個感覺啱啱好👉香草腩肉車厘茄卷💰$48😋😋😋😋.7/5腩肉片包住粒車厘茄，一啖咬落去咇到成口都係茄汁，中和腩肉個油膩👉赤魚一夜干💰$178😋😋😋😋./8平時食開花魚，今次見到赤魚就試下，肉質都好彈牙，仲好有肉汁，偏咸一啲，擠上檸檬汁，再點上柚子汁，中和返哂，好惹味回頭：yesyesyes!款式多樣化，晏晝仲好抵食，下次再約朋友嚟食lunch先得

黑門水產食評，猶如置身日本⭐️ 黑門令帆立貝伴魚子醬 - $108這道菜色絕對令人垂涎欲滴。帆立貝新鮮嫩滑，配上魚子醬的鹹香，更能突顯其鮮味。魚子醬的顆粒感與帆立貝的柔嫩形成完美對比，每一口都充滿層次感。味道鮮美而不過鹹，恰到好處，是一道不可錯過的珍饌⭐️ 黑門令蟹味噌格羅燒 - $102蟹味噌格羅燒無疑是這裏的招牌菜之一。蟹味噌的濃郁香氣與格羅燒的香脆外皮相得益彰，咬下去的每一口都是美味的享受。味噌的鹹香與蟹肉的鮮甜完美融合，口感豐富且層次分明⭐️ 海蝦天婦羅 - $178這道海蝦天婦羅絕對是海鮮愛好者的福音。天婦羅的外皮酥脆，不會過油，保留了蝦肉的鮮甜和彈牙口感。每一口都能感受到海蝦的鮮味與天婦羅的香脆

今日食好啲，去左黑門水產。點左：極上赤子壽司極上黑門活貝盛合酒釀生螢烏賊豚骨湯牛肉稻庭烏冬極上赤子壽司當中蝦壽司比較impressed..開頭以為係醬油漬，原來係好重既清酒味，食落即刻醒神哂。吞拿魚壽司 中拖羅都係新鮮。黑門活貝盛合，包括：帆立貝麵豉湯底煮，但帆立貝談唔上有鮮味花甲用牛油清酒煮，唔係太識欣賞海蝦新鮮食材，最簡單用鹽燒就已經好味鮑魚個人認為燒耐左少少，比較乾身燒蠔燒物中最好味，蠔肥美，又食得出鮮咪，即使用麵豉湯底燒煮都食得到好新鮮

之前bookmark左好耐，因為見餐廳限時90分鐘，所以一直都無試，今晚終於有機會食到雖然我去嗰日係平日，但係餐廳生意唔錯，過咗九點，都有唔少客人光顧，證明呢間餐廳都幾受歡迎😝呢間餐廳裝修走日本風，感覺好似去左日本，好彩呢度係香港，餐廳唔會有煙味👍浜燒海鮮，值得推介，我揀咗普通款既甲羅燒，燒蠔，扇貝，最好食係燒蠔，佢燒出嚟啱啱熟，仲有就係，燒完之後隻蠔尺寸冇咩點變，仲係勁大隻，而且火候控制得好好，味道好難忘😍甲羅燒非常新鮮，食落無腥味😋扇貝都好出色，不過相對地就比較普通另外都叫咗刺身拼盤，粒貝，螺，不過相對地就無磯燒海鮮咁出色其他小食都好出色，芝士炸雞，有少少辣辣地，幾惹味👍鐵板牛舌，上枱熱辣辣，最啱送啤酒🥳食過幾間燒海鮮，呢間俾我印象最難忘，燒蠔真係好好食😋好驚下一次食唔返🤣絕對又係下一次💪

人氣日本水產市場🦐餐廳極具和風特色🇯🇵跟日本的浜燒店裝潢一模一樣🎏更播著日文流行歌曲🎼滿滿日本旅遊的氣氛😃提供黑門市場的地道特色小食🍢和牛、海鮮及壽司刺身🍣全部食材採自日本，新鮮空運到港✈️用餐環境舒適寬敞，更設有VIP房🤵🏻令每一位顧客🍴都能品嚐到黑門地道優質活海產😋招牌甲羅燒賣相吸引🤩海膽、蟹籽、蟹肉同蟹膏嘅組合🦀在烤爐上燒香🔥每一啖都能夠享受到海鮮的鮮美😙配上餅乾沾醬，更加增添咗食物嘅層次感 🥹海鮮卷好豐富，好足料材料包括鮑魚、三文魚、呑拿魚🐟蝦八爪魚、玉子🥚一次過能夠品嚐多款海鮮，食落好滿足😍露荀卷以薄薄的燒豚肉片🥓包着新鮮蘆筍，配搭清爽🥒亦能保留蘆筍脆嫩的口感😊牛肉卷肉汁豐富🐮配以特調又惹味的照燒汁💦加上七味粉調味，倍添滋味🤤

係K11 Art附近搵好野食，揀左呢間充滿日本分割嘅餐廳，有一種身處在日本的感覺。餐牌上有好多唔同特色嘅食物，最後選擇咗以下呢幾種～黑門令蟹味噌甲羅燒入口非常濃厚好鮮嘅蟹膏，配上梳打餅好夾亦，並且店員還會幫客人燒，服務好貼心焦糖蘋果鵝肝多士 鵝肝油脂豐富，配上脆口蘋果，口感好有層次炭燒安格斯牛扒定食份量好足，熟度啱啱好巨峰蘇打好清甜解熱，唔想飲酒精，可以揀呢款人均大約$200左右，係尖沙咀又無限時，都算幾好

今日同朋友出尖沙咀行街，見到呢間好有日本風既黑門水產，咁就一於入去食下野啦入到去見到好多日本 poster，真係十足十日本居酒屋店員有介紹佢地最出名既海膽蟹味噌甲羅燒，我地一於就叫左個黎食，仲有叫左個黑松露燒白汁帆立貝職員好細心咁幫我地燒，仲問我地會唔會坐係爐邊太熱，服務態度好好!其實佢一路燒我地都一路聞到香味，食落口更加唔駛講，簡直係鮮味大爆發!另外我地嗌左少少串燒，有豚肉蘆筍卷、牛肉金菇卷、燒冬菇同埋燒雞頸肉!豬頸肉食得到，原來燒雞頸肉都好好食架，唔駛太多調味，就已經食到雞肉本身既味除左串燒，我地仲叫左明太子炒飯同黑鮑海鮮卷。明太子炒飯份量好多，兩個人都唔係好食得哂，而且好好食! 黑鮑海鮮卷就好足料，都好難一啖食得哂，所以好滿足呀

💜黑門水產💜以前去黑面水產食嘢都係一啲比較節日性嘅活動先會嚟，因為價錢就比較貴，但係而家佢嘅餐廳Menu轉左，價錢比較親密，人均$200-$300！嘢食質素都係保持🧡雲丹魚籽和牛壽司🍣呢件壽司和牛入口即溶，牛肉嘅牛香味佈滿成個口腔！(*≧ω≦)燒翠肉瓜翠玉瓜燒得好香～咬落去冇草青味，反而又瓜嘅甜味👍香草腩肉車厘茄卷車厘茄比豬肉包住，食落有雙重嘅口感！！牛肉金菇卷金菇札得好實，牛肉都好入味😽豚肉蘆筍卷蘆筍冇筋，亦都好爽口！蟹油蒜燒帆立貝🦪🦀呢個帆立貝好出色，店員會幫你將帆立貝燒熟，成個過程好治癒！佢將滿滿嘅蟹油再加蒜一齊燒，令到蒜味完全融入咗喺海鮮入面，提升咗鮮味！佢嘅蒜蓉食落都好出色🫶🫶🫶海膽蟹味噌甲羅燒🦀甲羅燒都係有店員會幫你燒好！今次我哋揀有海膽、蟹肉、鵪鶉蛋…燒熟咗之後，配埋餅乾食好正😽😽😻赤鬼海老天反卷🦐🍤呢個飯卷出奇地好食，佢入邊嘅炸蝦炸得好脆，亦都有調配特別嘅醬汁🩷❤️❤️佢將沙律醬加咗啲辣～你食完一嚿之後就會好想再食吓一舊💞

今日同朋友去食飯，佢揀咗一間開咗都幾耐嘅餐廳，以前你呢間餐廳會有少少卻步，因為佢嘅價錢可能比較高，但係而家見佢嘅Menu價錢調整咗(⁎⁍̴̛ᴗ⁍̴̛⁎)就忍唔住嚟食啦！我哋兩個人叫咗八樣嘢😹😹😹😹如果飲酒唔叫串燒，兩個人嘅話應該每人大概$300左右就可以走到(｡･ω･｡)ﾉ同以前嘅價格真係有分別我地叫咗雲丹魚籽和牛壽司、蟹油蒜燒帆立貝、海膽蟹味噌甲羅燒、赤鬼海老天反卷、三串串燒！其實份量每一份都啱啱好，食物嘅質素都好好，壽司同反卷嘅配搭都比較新穎～反卷除咗隻蝦好脆之外，佢嘅醬汁都好得意，第一次食辣嘅！但同時間又好好味😻

做完facial八點幾，不如就返屋企前喺附近食埋嘢啦。行過去棉登徑就見到有一間壽司店，見到佢嘅menu有甲羅燒。諗起上個禮拜食完甲羅燒之後又好想再食多次，所以就入去食下啦。入到去環境充滿日式風情，見到天花板有唔同嘅日式裝飾，甚至隔離有海報黐住點樣食刺身。除咗大廳之外亦都有包廂，我仲見到包廂入面有吉卜力嘅poster。見到酒櫃除咗日本酒之外，亦都有茅台同埋威士忌。我諗住嗌少少嘢食就夠喇，所以就嗌咗一份壽司，兩條串燒同埋最緊要嘅甲羅燒。佢哋係用電話點單，同時都會畀一本餐牌嚟我覺得好貼心，scan咗QR code佢有得畀你選擇中定英文，咁就可以解決言語不通嘅問題。首先第一個上場嘅係甲羅燒，不過呢個同我上一個星期食嘅有啲唔同，今次嘅配菜就係有梳打餅。配料方面我就叫咗個海膽蟹味噌甲羅燒，亦都有配上鵪鶉蛋，蔥同蟹籽。同人哋會有店員幫我燒，店員好細心咁樣燒，除咗確保一定係熟之外，亦都會調教蟹蓋唔同角度咁燒，務求口感同熟度都係一致。過咗一陣就已經燒好，蟹膏嘅香味已經撲鼻而來。放上去梳打餅度，軟綿嘅蟹膏同爽脆嘅梳打餅完美融合，同樣蟹膏係冇腥味，但相對上因為比較濃味所以海膽味減弱，再配上一梳梳嘅蟹肉同蟹籽

🍽️黑門水產すいさん(尖沙咀）🩷赤鬼蟹味噌甲羅燒 $88  性價比好高，認真😐仲好食過去大阪嗰間磯丸水產  得1塊餅仔唔夠用，如果俾多1塊會好啲  剩返啲汁，撈埋烏冬🩷刺身6盛 $438  唔錯，都幾新鮮  如果海膽會配埋紫菜會好少少🩷磯燒白蛤6本 $78  牛油白酒煮超香濃，亦都好新鮮好甜🩷磯燒鮑魚1本 $78  鮑魚燒得好惹味，質感都好彈牙🩷磯燒富山灣螢光魷魚 $98  好正，好多膏！限定季節先有，鍾意食嘅千祈唔好錯過😋🩷鐵板宮崎柚子胡椒香蔥牛舌芯 $168  鐵板送到埋嚟超香  柚子胡椒配搭都好夾  牛舌心唔奀，好爽口

放工朋友話想食日本野 ， 我地就去左尖沙咀棉登徑既日式居酒屋，上網睇裝潢充門日本風情，令人好似置身於日本，而且居酒屋食物來自日本黑門市場，價錢大約都係大約二百蚊元一位，所以就去左試一試！黑門三文魚加州反卷三文魚同蟹子都好新鮮，咬落口感豐富！佢啲料仲多過舊飯，無可能一啖放得哂入口海膽蟹味噌甲羅燒甲羅燒係餐廳嘅必點招牌菜之一，佢入面結合了海膽、蟹肉、鵪鶉蛋、蟹籽和味噌的風味！海膽帶有鮮甜的海鮮味！滿滿的蟹膏，口感濃郁滑膩，為整道菜增添了層次感燒翠肉瓜+雞髀肉大蔥卷雞肉是嫩的部位，經過調味和烹煮後，燒香的雞髀肉嫩滑多汁，配合大蔥的辛香味，帶有迷人香味和肉汁，清新酸甜味與雞肉形成了對比，整道菜口感豐富！而燒烤後帶出了清爽的口感，外層微焦，內部保持軟嫩😋整體食物質素：4 / 5💰性價比：4 / 5👍推薦指數：4 / 5

可能香港經濟真係好差，午餐佢嘅時候都坐唔到好多枱，不過呢間都係屹立咗喺尖沙咀好耐嘅餐廳我自己都唔係第一次過去食，所以今次同埋朋友過去食佢嘅午市套餐，份量真係非常之足料你想要嘅丼飯啊、刺身啦、打邊爐啦、午市嘅套餐都一律有好多唔同嘅選擇同供應，所以如果放工想搵個地方去同成班一齊，都不妨可以去試吓

黑門水產裝修精緻，全日本風格，令人有身在日本居酒屋的感覺。店員服務很好，友善親切。食物多元化而且品質一流，人均消費也只是大約港元200 ，絕對是物超所值。黑門三文魚加州反卷大大的6件反卷，分量十足，中間有蟹柳，玉子，牛油果，口感豐富，十分美味。黑門令蟹味噌甲羅燒招牌菜蟹膏香濃鮮甜店員會幫你燒烤，一邊燒一邊散發著濃郁的海味和蟹肉的香氣，配上梳打餅，令人回味無窮，絶對是必食之選。串燒豚肉蘆筍卷，鮮嫩可口，牛肉金菇卷，肉質鮮嫩，配上燒烤醬汁，實在美味，燒翠肉瓜，爽口新鮮，燒得剛剛好，伴酒一流，配上啤酒跟朋友相聚，絕對是一個很好的聚餐選擇。總的來說，黑門水產以其精緻的料理、舒適的用餐環境和專業的服務，值得一試。

黒門水 （棉登徑）（尖沙咀）👏🏼👏🏼今日放工同朋友去尖沙咀食日本野C今次選擇一間居酒屋食•店鋪滿滿日本風情感食物質素不俗！！😆😆😆• 極上貝燒$128極上大漁貝雄Premiumn Sea Shell內有帆立貝、三文魚籽、蝦，全部都好新鮮* 北海道蜜柑鯛薄切刺身$238 今次叫特別刺生試試，每一片都好薄好鮮* 海膽蟹味噌甲羅燒$88 內有蟹籽、蟹肉、蟹膏，還有一隻鵪鶉蛋，服務員幫手處理，然後放在火爐上燒，係視覺享受，香濃蟹膏夾在梳打餅上，味道十分出色。* 蒲燒鰻魚飯$168鰻魚份量很足，肉質鮮美好吃，配埋鰻魚汁，美味程度更是瞬間升級。* 黑門鰻魚玉子燒$98 雞蛋好滑😋鰻魚亦好大件🥰🥰🥰夾在雞蛋裡味道十分出色• 秋刀魚刺身＄228成條起肉上碟，肉質非常彈牙，第一次食秋刀魚刺身，幾有驚喜香🌸🌸😻