黑木亭居酒屋 (金馬倫道)

家人為我慶祝生日，自己選了去黑木亭晚飯。到店才知道一星期前展開Cinnamoroll期間限定主題，所以店內有不少親子食客，候位的人也好多，幸好我們提前了訂座，訂了7:30pm的時段。餐廳提供期間限定菜單，本人對玉桂狗並沒特別鍾愛，從一般餐牌點餐就是了。火焰鵝肝和牛青蘋果卷，以和牛包裹飯卷，面層鋪上鵝肝及魚子醬，口感及味道好豐富！軟嫩的和牛、細滑的鵝肝、微微鹹鮮的魚子醬，各有其味道，又不會太過突出，配合得很好。刺物盛 寶藏。八點の覓食，有八款刺身及三隻生蠔。法國St. Martin生蠔，蠔肉飽滿，帶淡淡海水味。刺身都是常見款式，每款都算鮮甜。海膽份量不少，味道甜而不腥。沒嚐過的是飛機魚薄切，口感柔軟的白身魚刺身，味道清甜。流心芝士玉子燒，玉子燒面層灑上大量木魚碎，加上紫菜及醬汁，猶如御好燒的風味。玉子燒富蛋香，加上流心芝士，夠滋味。真燒蟹甲羅，用蟹蓋形的器皿盛載的甲羅燒，底下的蠟燭令甲羅燒保持微暖溫度，蟹膏上鋪滿蟹肉、蟹籽及蔥花，拌勻後可塗抹於多士上吃。略嫌調味偏淡，不夠濃郁。三味鐵板A5和牛鵝肝，熱石上有厚切和牛、大蔥蒜蓉和牛及鵝肝，和牛比起鵝肝出色。 半熟的厚切和牛充滿油脂香卻又不會

兩個人三樣菜式埋單$885，Openrice折扣優惠都唔抵。食物質素還可但偏咸，味精好重，所以完全不吸引，不值咁貴價錢。餐廳另外做緊放題，環境勁逼勁嘈，啲人係咁催單，行出行入行步路都會撞到隔離枱。總括而言性價比極低 唔會再去第二次。

我去嗰陣時已經滿座，訂左位喺門口等咗15分鐘先至有得入，雖然好多差評都想自己親身體驗下，唔知係咪我好彩，我叫嗰啲串燒全部都有嚟，每一轉只係等15分鐘左右，最尾嗰次等耐少少就是20分鐘左右，串燒$198嚟講合格！氣氛好有live band聽，雖然唔係好到好似歌星咁，有得聽就當bonus啦。 我食嗰陣時仲有個熱爐放喺度，如果啲串燒凍咗，仲可以擺上個爐度燒添。兩個人全程起碼食咗40串，乜都抵返啦不過雞皮、豆腐同冬菇串我就唔鍾意食，其他都幾好

五月真係多人生日，我個好朋友都係五月壽星。每個星期一我哋都會去佐敦上堂，通常會一齊食晚飯。今次趁佢生日，我特登約早少少，帶佢去食日本嘢慶祝。 我個朋友好鍾意日本，平時每年都會去旅行，但今年太忙去唔到。見佢咁掛住日本，就諗住搵間有日本風味嘅餐廳同佢食飯。上網睇咗好耐，最後揀咗黑木亭。 間餐廳嘅裝修幾有心思，一入門口就見到日式風格嘅樓梯，上到去仲有啲日本海報同擺設，感覺幾舒服。我哋叫咗個宮崎和牛加豚肉壽喜燒，原價要五百幾，但咁啱有優惠，三百幾就有得食。上枱嗰陣見到個湯底做咗隻小熊仔嘅造型，幾得意，朋友都話好驚喜。 另外叫咗個前菜，係用Oreo脆片包住嘅薯仔沙律，外形似雪茄，食落幾特別。仲叫咗廚師發辦壽司，魚生幾新鮮，師傅嘅手勢都唔錯。 食到一半嘅時候，餐廳有Live Band表演，唔係講笑，唱得好好聽氣氛昇華左好多，我哋一邊食一邊聽歌，好有氣氛。見到朋友食得開心，我都覺得今次揀呢間餐廳係正確決定。 👍🏻

叫咗一盤$400嘅魚生，每樣野都係得兩片，性價比極低。叫左少少串燒食，冇一串係好食，雞肝好乾，雞腎係生嘅🙃牛舌芯一串$68，三片餅乾咁🥲和牛Tower等左好耐都未黎，嚟到之後成碟濕lup lup，下面全部舖左cheap cheap椰菜🥲就算有冇六折優惠都絕對唔抵食。。。(仲要埋單先知係五點入座先有優惠)初初本身book左位，都係要等10幾分鐘先入得，最後食到五成飽都冇，決定買單走人🙏🏼唔好嚟食🙏🏼唔好被廣告呃🙏🏼望周之

🔸 三味鐵板A5和牛鵝肝 原價428元，現價298元/份半熟嘅和牛鮮肉喺滾熱辣石板上霹靂啪嘞咁響，牛脂香氣四散，香味撲鼻，令人不禁胃口大增， 四件厚切A5和牛，油脂豐富，咬落爆汁；另外仲有三條大蔥蒜蓉和牛卷，好香口，兩大件燒鵝肝，夾住啲蒜蓉包同蘋果片一齊食，鵝肝入口即溶，鵝肝大件一啲都唔蘇，美味😚味道：8/10性價比：7/10🔸 草莓南蠻醬吉列炸蝦   $168 / 4隻呢個就係香噴噴嘅天婦羅炸大蝦，有四條炸蝦每條都用一個杯仔裝住，杯底下面就係微酸微辣嘅 南蠻醬，配個草莓做裝飾，賣相精緻。味道：7/10性價比：6/10🔸 柚庵燒美腿乳鴿  $48半隻燒乳鴿，造型好趣緻，伸高一條燒鴿腿，碟底墊有薯蓉，燒鴿肉好嫩口，味道偏甜。味道：7/10性價比：6/10🔸北海道士多啤梨牛乳乳酸   $68呢杯冰奶比較淡口，清清地都幾好飲，有少少士多啤梨碎但味道唔重。味道：6/10性價比：6/10🔸藍蝶花佛手柑熊茶   $78 厘款茶外型就已經十分靚，有塊冰係紅色熊仔，中間嗰層係藍色嘅，杯底下面係橙紅色，裡面放咗幾片檸檬，好香柑橘味，甜甜地好好飲。味道：7/10性價比：6/10▪️🔹環境： 由尖沙咀地鐵站出

我去嗰陣時已經滿座，訂左位喺門口等咗15分鐘先至有得入，雖然好多差評都想自己親身體驗下，唔知係咪我好彩，我叫嗰啲串燒全部都有嚟，每一轉只係等15分鐘左右，最尾嗰次等耐少少就是20分鐘左右，串燒$198嚟講合格！氣氛好有live band聽，雖然唔係好到好似歌星咁，有得聽就當bonus啦。我食嗰陣時仲有個熱爐放喺度，如果啲串燒凍咗，仲可以擺上個爐度燒添。兩個人全程起碼食咗40串，乜都抵返啦不過雞皮、豆腐同冬菇串我就唔鍾意食，其他都幾好

從未試過去一間咁嘅飯店，訂咗八點去到入座（侍應同我講等10分鐘）然後等到8:30，一去到就點餐，我哋點嘅係串燒放題90分鐘，坐低大概用咗5分鐘嚟點餐，我重點多個生蠔六隻，間唔中嚟一兩串串燒，生蠔用1小時先能夠送到，（有咁多客人就唔該請多兩個夥計啦）食物質素從未，食過燒烤燒雞皮可以係腍嘅（根本都未燒好）最好食嘅，應該係烚過嘅粟米😖😖真係唔知講咩好🤬🤬（一定唔會再去）從來未有這樣不愉快的經歷，多謝晒

Book 夜晚8點鐘 等到夜晚9點都冇得入去。聽得最多就係等多陣，客人陸陸續續埋緊單，waitress又冇禮貌。10個❌!! 千祈唔好信IG啲廣告！！超級差嘅體驗😡🤬

因為見到咁多Good食評，我哋專登去試吓，結果真係伏到無法形容！燒雞翼完全唔熱，皮唔脆。沙律唔凍，本來應該清新爽口，竟然食到一種悶熱感，的確有啲反胃😅然後燒雞皮又係唔脆，咬下去完全冇咩口感，嚇死～～（其他食物無咩補充，伏！）我哋坐咗唔夠40分鐘，難食到真係起身走咗！除返開人頭費每位$350，真心覺得唔值，食咗啲乜嘢地獄料理？🥲真係唔明點解咁多好評，有感奇怪。本來開心話慶祝生日，呢一餐真係幾難忘，真係幾失望，無乜嘢都唔會再食。太貴了！

黑木堂 @ 尖沙咀係呀…又食串燒啦🤭😶😶…今次食串燒唔使睇價錢叫啦…因為係串燒放題…所以已經做好節食幾日既覺悟…上到黎感覺幾有日式居酒屋feel。 一坐低就點左個串燒放題加多個任飲…食串燒+幾個朋友又點可以無🍺🍺。 開頭我同班朋友都叫得好斯文…少少咁點…成班朋友傾下偈飲下🍺聽下歌…係呀！呢度仲有現場busking表演…唱得唔錯…係有人點唱時唔熟甩左dd咁啦店員過黎溫馨提示我地要加把勁了。 先發現時間飛逝…我地就即刻好粗暴咁瘋狂點野。 我地真係點左好多野…串燒由一串串黎到成盤成盤咁上…見到都嚇一驚金菇牛肉卷, 雞皮, 雞腎,翠肉瓜, 黑松露白汁燒蠔, 煙肉粒牛油燒蠔, 雞翼, 雞腿肉, 燒菠蘿, 冬菇, 粟米, 豚肉蒜芯卷, 豚肉秋葵卷, 脆燒豆腐, 雞軟骨, 薄切牛舌, 黑豚荔枝卷,飯團, 等等推介所有同豚肉有關既卷…雞翼都燒得唔錯…皮脆肉嫩…牛舌雖然薄切不過係我喜歡既爽單口感…以放題黎講…串燒真係唔錯…全部即叫即燒…無漏單…服務都好殷勤有禮

夜晚放工約左好耐無見既朋友上黑木亭一入門就見到2位表演者歌手連唱好幾首歌，無冷場好少見居酒屋有現場live 聽， 氣氛唔錯。 朋友話事，點了原條魚刺身當中配備3種醬料：橄欖果醋甜酸橙汁芥辣醬油魚刺身固然新鮮，配芥辣醬油食得出清甜，襯酸甜橙汁味道清新，點橄欖果醋味道又好獨特，似藍莓醬，比較新奇仲有點綴左金箔，好靚。 煙肉粒牛油燒蠔，即叫即燒，好香好juicy 。 石板至尊客格斯封門柳扒 上來時仲用火㷫住，牛香味滿滿入口多汁，小小濃邊又覺得好香口 配搭雜菇飯，個飯係雜穀，好有口感蜆肉湯又清甜，成個set好豐富。 食完主食，再慢慢飲2杯靚靚既飲品我飲藍蝶花佛手柑，有得意既熊仔冰朋友飲百香果荔枝梳打，酸酸甜甜嘅感覺一餐飯滿足口感，又有歌聽，又可以傾計，好唔錯。

聽聞這裏有歌手現唱，於是立即進場，實行邊食邊享受音樂大計，首先點了季節限定菜，草莓南蠻醬吉列炸蝦，造型漂亮，南蠻醬微辛又富口感洋蔥卜卜脆，與大大隻炸蝦混合出複合的滋味。然後是天降橫財炸福袋，美觀度100分的炸蝦球，用脆炸網皮綁成的炸蝦球掛在銀枝架上，碟面再鋪滿金黃的天婦羅碎，趣味性十足。再來是柚庵燒美腿乳鴿，有半隻乳鴿，，底下有洋蔥紅蘿蔔碎薯仔沙律。接着三味鐵板A5和牛鵝肝分別是燒大蔥蒜蓉和牛3塊，肉質超級無敵腍又多汁，厚切a5和牛4塊，以及鵝肝兩件配蘋果片，還有烤麵包可以夾著食，實行混着食和牛鵝肝麵包自由的快樂，伴碟醬為辛酸蔥汁。最後是藍蝶花佛手柑熊茶，每次都必點的飲品，甘香好飲又有熊仔造型茶冰，可愛十足。以及北海道士多啤梨牛乳乳酸，乳酪有質感而不會過甜，但又包含啖啖果肉。這次系列可以說是少女喜歡的菜單，打卡一流。

今日在尖沙咀附近放工，約朋友去黑木亭居酒屋吃晚飯。餐廳位於一樓，由樓梯行上去已經感受到日式氣氛。餐廳裝潢有日式風格，一進餐廳有舞台位置，每晚都會有live band和busking。一路聽著歌手彈結他和唱歌，一路吃晚餐，非常有氣氛。三味鐵板A5和牛鵝肝鐵板上有厚切A5和牛，大蔥蒜蓉和牛和鵝肝配蘋果。厚切和牛牛味濃，入口即溶。和牛卷住大蔥蒜蓉，入口有多重口感，和牛油脂香味跟大蔥蒜蓉味很夾。蘋果的清香配上鵝肝的濃郁香味，加上脆脆的法包，口感層次豐富。天降橫財炸福袋造型非常特別，打卡一流。樹上掛住四個福袋，炸米網皮香脆，餡料有蝦膠，雞肉等材料，蘸上他他醬吃酸甜開胃。煙肉粒牛油燒蠔燒蠔飽滿，配上牛油和煙肉非常滋味。現在有買一送一優惠，$68兩隻，值得一試。柚庵燒美腿乳鴿這道菜擺盤有心思，乳鴿肉質鮮嫩，下面有薯蓉，份量不小。北海道士多啤梨牛乳乳酸士多啤梨味道濃，北海道牛乳口感濃厚順滑。藍蝶花佛手柑熊茶熊仔造型的冰塊，打卡一流。佛手柑和藍蝶花加上檸檬，酸酸甜甜又開胃。

餐廳佔地很大，裝潢雅致美觀，燈光柔和，到處是日本風情的佈置，有濃厚和風居酒屋感覺，最驚喜是晚上還有live band busking，氣氛滿滿。也喜歡餐廳有不少軟座卡位，寬敞又富私人空間感，相當舒適，比一般日式餐廳環境更佳。餐廳食物款式多，除了特色創意日本料理外，還有日式串燒放題加汽水啤酒任飲，好適合大班朋友聚會。請勿打擾*熊之壽熹鍋份量驚人，更有隻可愛熊仔躺在鍋上，賣相精美趣緻。壽喜鍋材料豐富，除了大量A5宮崎和牛、爽脆豚肉片外，還有玉子、日本腐皮福袋、豆腐、菇、菜、蘿蔔等。和牛肉質嫩滑又夠肉味，豚肉片更有一番爽脆口感，配上濃郁湯底，滋味十足。廚師發辨壽司8貫，意想不到刺身質素一流又大件！金箔拖羅油脂豐富，軟綿口感超嫩滑溜。三文魚腩非常肥美，鮮味十足。油甘魚肉質爽滑，味道甘甜。帆立貝十分鮮甜，完全不會有雪藏味。煙肉粒牛油燒蠔買一送一好抵食，蠔肉飽滿，鮮甜爆汁，配上芝士和煙肉好惹味！紫幻檸檬青瓜梳打大有驚喜，青瓜味非常突出，滿滿的清新感，甜度適中，超級解渴。紅火龍佛手柑熊茶賣相夢幻可愛，充滿清甜果味，卻不是死甜味，好好飲！